ಉಂಡು ಮಲ್ತಿನ ನಾರಾಯಣ ದೇವೆರ್ ...ನಾಯಿನೊಂಜಿ ಕೈ ಬುಡುವೆರಾ ?
ತುಳುನಾಡುಡ್ ಜಾಲ್ಗ್ ಬತ್ತಿನ ಬಿನ್ನಗ್ ಸುರುಕ್ಕು ಕೇನುನ ಸ್ವರ... "ಬೊವ್ ..... ಬೌ..."
ಅಲ್ಪನೆ ಇತ್ತಿನ ಇಲ್ಲದಕುಲು....
ಅಲ್ಪನೆ ಇತ್ತಿನ ಇಲ್ಲದಕುಲು....
'ಅಯ್ಯ............ ಈ ನಾಯಿಗ್ ದಾನೆ ಕಣ್ ಪುಡದುಂಡ ...ಇಲ್ಲದ ಬಿನ್ನೆರ್ನ ಗುರ್ತ ಆಪುಜ ... ಅಂಚಿ ಪೋಲಂಬೆ ನಾಯಿದ ಮಗ ' ಪಂಡ ನಾಯಿ ಬೀಲ ಆಡವೊಂದು 'ಎಂಕ್ ದಾನೆ ಏರ್ಲ ಬರಡ್ - ಪೋವಡ್' ಪಂಡುದ್ ದೊಂಪದ ಮೂಲೆಡ್ ಪೋದು ಮೆದುಕಂದೆ ಜೆಪ್ಪು !.
ತುಳುನಾಡುದ ಕೂಡು ಕುಟುಂಬದ ನಡುಟ್ ಜನಮಾನಿನೋಟ್ಟುಗು ನಾಲ್ ಪ್ರಾಣಿಲು ನಮ್ಮ ಜೀವನದ ಬೇರಿಯೆ ಬರುವ .
ಅವ್ವು...... ಪೆತ್ತ ,ನಾಯಿ, ಪುಚ್ಚೆ ಬೊಕ್ಕ ಕೋರಿ .
ಭಟ್ರೆನ ಇಲ್ಲಡ್ ಆಂಡ ನಾಯಿಲ ಕೋರಿಲ ಉಪ್ಪಂದ್, ಅರೆಗ್ ಕೋರಿದ ಅಗತ್ಯ ಇಜ್ಜಿ , ನಾಯಿ ಮಡಿಕ್ ಒಂತೆ ಕಮ್ಮಿ.
ಬದಲ್ಗ್ ಪೆತ್ತಲ -ಪುಚ್ಹೆನ್ಲ ಅಕುಲು ಸಾಂಕೆರ್ .
ಪೆತ್ತ ದೇವೆರ್ನ ಸಮ ಪಂಡುದ್ ದಿನಾಲ ಐಕ್ ಕೈಮುಗಿಯುನಕುಲು ಏತ್ ಜನ?, ಅವ್ವು ಗೋಮಾತೆ .
ಪುಚ್ಹೆದ ನಾಲಾಯಿಡ್ ಅಮೃತ ಉಂಡುಗೆ. ಅಂಚ ಐಕ್ ಬಾರಿ ಮರ್ಯಾದಿ !.
ಸರ್ಪೆ ಪುಚ್ಚೆದ ಮಂಡೆಗೊಂಜಿ ಬುಡ್ದು ಬೇತೆ ಒಡೆಗ್ ಕೊಡತುಂಡಲ ಪುಚ್ಚೆ ತನ್ನ ನಾಲಾಯಿಡ್ ನಕ್ಕುದೆ ವಿಷ ದೆಪ್ಪುಂಡುಗೆ. ಅಂಚ ಸೈಪುಜಿ .
ಪುಚ್ಚೆ ಅಟ್ಟಿಲ್ದ ಕೋಣೆದ ದಿಕ್ಕೆದ ಮಿತ್ತ್ , ಬಾಲೆ ಜೆಪ್ದಾದಿನ ತೊಟ್ಟಿಲ್ದ ಮಿತ್ತೆ ಜೆಪ್ಪು, ಏರ್ಲಾ ಪುಚ್ಹೆನ್ ಗಿಡ್ಪುಜೆರ್. ಐಕ್ಲಾ ಒಂಜಿ ರಾಜ ಯೋಗ .
ಪುಚ್ಚೆ ನಾಯಿನ್ ಸಸಾರ ಮಲ್ಪುನೈಕ್ ಇತಿ ಮಿತಿ ಇಜ್ಜಿಗೆ. ಪರ್ಬದಾನಿ ನಾಯಿ ಕೇಂಡುಗೆ
'ಇನಿ ದಾನೆ ಅಷ್ಟಮಿನಾ ?'
ಪುಚ್ಚೆ ಕೆಕ್ಕರ್ದು ಪಂಡುಗೆ ....
ಇರೆ ನಕ್ಕೆಲ ...ನಿಕ್ ಅಷ್ಟಮಿ ಆಂಡ ದಾನೆ ... ಗುಂಡೆಮಿ ಆಂಡ ದಾನೆ..... ನಕ್ಕುನು ಅವ್ವೆ ಮಡೆ ಇರೆನತ್ತ ...?.
ಬೋಡಾ ನಾಯಿಗ್ !
ಕೋರಿಗೊಂಜಿ ಕಬ್ಬೆ ಗೂಡುದ ,ಕೋರಿ ಗೂಡುದ ಸೌಕರ್ಯ ಮಲ್ತು ಕೊರುವೆರ್, ಇಜ್ಜಾಂಡ ಇಲ್ಲದ ಅಟ್ಟದ ಮಿತ್ ಪೋದು ಬೆಚ್ಹೊಡು ಇಪ್ಪು.
"ಎನ್ನಿನದಗ ಮರಣ" ಪನ್ಪಿನ ಬುಡುಂಡ, ಬಿನ್ನೆ ಬತ್ತುದ್ ಬಿಸಲೆಗ್ ಪೋನ ಮುಟ್ಟ ಐತಲಾ ಒಂಜಿ ನಮೂನೆ ಕೊಂಡಾಟದ ಸುಖ ಬದುಕೆ !.
ಆಂಡ ನಾಯಿಗ್ ಈತ್ ಮಾತಾ ಭಾಗ್ಯ ಇಜ್ಜಿ .
ಚಳಿ ಉಪ್ಪಡ್ -ಬರ್ಸ ಬರಡ್ ಇಲ್ಲದ ಜಗಲೆದ ಪಿದಾಯಿದ ಮೂಲೆಡ್ ಒಂಜಿ ಗೋಣಿ ಇತ್ತುಂಡ ಅವ್ವು ನಾಯಿದ ಕುರ್ಲಾನ್ ಹಾಸಿಗೆ . ಇಜ್ಜಾಂಡ ಬೆಂದ್ರುದ ಬೊನ್ಯದ ಗುಂಡಿಯೇ ಗತಿ !.
ಶೂದ್ರೆರ್ನ್ ಇಲ್ಲಡ್ ನಾಯಿಲ ,ಕೋರಿಲ ಇಜ್ಜಿಡ ಅವ್ವು ಇಲ್ಲಾ .....?
ಅತ್ತಪ್ಪಾ, ಇಲ್ಲೇ ಅತ್!.
ಮೋಕೆಡ್ ಸಾಂಕುನಾಂಡಲ ಈ ನಾಲ್ ಪ್ರಾನಿಲೆನ ನಡುಟು ನರಮಾನಿ ಬೇಧ ಬಗೆವುನ ತೂಯರ್ಡ ನನೊಂಜಿ ಜನ್ಮೊಡು ನಾಯಿ ಆದ್ ಪುಟ್ಟರೆ ವಾ 'ನಾಯಿಗ್ಲಾ' ಮನಸ್ ಬರಂದ್. (ಯಾನ್ ಕಾಟ್ ನಾಯಿದ ವಿಷಯ ಪನ್ಪಿನಿ !)
ಕಾಂಡೆಡ್-ಪುಲ್ಯ ಮುಟ ಕಣ್ ಮುಚ್ಚಂದೆ ಕಾತೊಂದು ಇತ್ತುಂಡಲ ತಿಕ್ಕುನ ಮರ್ಯಾದೆ ಆತೆಗ್ ಆತೆ.
ಇಲ್ಲಡ್ ಮೊರಣಿ -ಮೊರಣಿ ಪುಟುದಿನ ಬಾಲೆಲ ಕಾರುಡ್ ದಂಟುದೆ ಪೋಪಿನಿ!!.
ಆತ್ಲಾ ಸಸಾರ !.
ಪುಚ್ಹೆಲ , ಕೋರಿಲ ಇಲ್ಲದ ಉಲಾಯಿ-ಪಿದಾಯಿ ತಿರ್ಗೊಂದು ಗುರ್ಕಾರ್ಮೆ ತೊಜಾವುನ ತೂಂಡ , ಇಲ್ಲದ ಜಗಲೆಡ್ ನಾಲಾಯಿ ಪಿದಾಯಿ ಪಾಡೊಂದು , ತೆಂಕೊಂದು ಯಾಪ ಬಡವುದ ಬಂಜಿಗ್ ವನಸ್ ಪಾಡುವೇರ್ ಪಂಡುದು ಕಾಪುನ ನಾಯಿಗ್ "ಎನ್ನಲ ಒಂಜಿ ಬದುಕಾ?" ಪಂಡುದ್ ಎನ್ನಂದೆ ಉಪ್ಪಾಂದ್!.
ಈತೆನಾ ...?
ಅತ್ ನನಲಾ ಉಂಡು ..
ನಾಯಿಲು ನಾಯಿಲು ಕೈಂಟ್ ನುನ ಬುಡ್ಲೆ
ಏರ್ಲ ನರಮಾನಿಲು-ನರಮಾನಿಲು ಲಡಾಯಿ ಮಲ್ತೊನ್ರೆ ಇಜ್ಜಿ.. ...
'ಥೂ ನಾಯಿ' ಪಂಡುದ್ ನೆಲಕ್ಕ್ ಉಬ್ಬ್ಯುನಿ.
"ನಾಯಿದ ಮಗ,ನಿನ್ನ ಅಮ್ಮೆ ನಾಯಿ , ನಿನ್ನ ಅಪ್ಪೆ ನಾಯಿ ,ಈ ನಾಯಿ " ಪಂಡುದ್ ಇಡಿ ಕುಲೊಕ್ಕೆ ನೆರ್ಪಿನಿ !
ಪಾಪ ನಾಯಿ ದಾದ ಮಲ್ದುಂಡು.... ಒಯಿಕ್ಲಾ ಇಜ್ಜಿ , ಇಲ್ಲದ ಮೂಲೆಡ್ ಮನಿಪಂದೆ ಜೆತ್ತುಂಡಲ ಮೊಗಲೆನ ಬಾಯಿಡ್ ಕೇನುನ ತಪ್ಪರೆ ಇಜ್ಜಿ!.
ತುಲುನಾಡುಡ್ ಮೋಕೆಗ್ಲಾ -ಗರ್ವೊಗ್ಲಾ ಪಾತೆರುನ 2 -3 ಶಬ್ದೊಲು ಉಲ್ಲ . ಅಪಗಪಗ ಈ ಪದಕುಲು ಬೆಚ್ಹ ಬೆಣ್ಣೆ ಜಾರಿಲಕ್ಕ ಜನೋಕ್ಲೆನ ನಾಲಯಿಡ್ ಜಾರೊಂದಿಪ್ಪುಂಡು . ಹೆಚ್ಚಾದ್ ಜವನೆರ್ನ ನಡುಟ್ ಶಾಲೆ ಕಾಲೇಜುಡು ಕಲ್ಪುನದಗ ಈ ಬಾಸೆಡ್ ಬೋಡಾಯಿನಾತ್ (ಮೋಕೆಡ್) ನೆರೊಂಬೆರ್!.
ಆಂಡಲಾ ಮನಸುಗ್ ದಾಲ ಬೇನೆ ಆವೆರೆ ಇಜ್ಜಿ. ಅಪಗ ಮನಸ್ಲಾ ಆತ್ ಲತ್ !
ಶಬ್ದೊಲು ತನ್ನಾತೆಗೆ ತಾನ್ ಮನಸುಗ್ ಬೇನೆ ಮಲ್ಪುವನಾ? , ಅತ್ ಸಂಧರ್ಬೋಲು /ಜನೊಕುಲು ಶಬ್ಧೊಗು ಬೇನೆನ್ ಸೇರ್ಪಾವೆರಾ ?
ಜನೋಕುಲು ದೆತೊಂಬಿನ ರೀತಿಡ್ ಶಬ್ದದ ಬೇನೆ ಮನಸುಗ್ ತಾಗು. ಇಜ್ಜಾಂಡ ಜೋಕ್ಲಾಟಿಕೆಡ್ ಕುಶಿ ಕೊರೊಂದಿತ್ತಿನ ಉಂದುವೆ ಶಬ್ದೊಲು , ಮಲ್ಲಾಯಿಲಕ್ಕ ಬೇಜಾರ್ ಮಲ್ಪುನಿ ಪಂಡ ದಾನೆ ?.
ನಮ್ಮ ನಾಯಿಗ್ಲಾ ಅಂಚನೆ ಆಂಡ್ ....ಬೇನೆನ್ ಸೀದಾ ಮನಸ್ದುಲಾಯಿ ದೆತೊಂಡು
ಮನಸುಗ್ ತಡೆವೆರಾವಂದೆ ಪೋಂಡು
'ಇಂಚಿನ ಬದ್ಕ್ ದಾಯೆಗ್ ಬದುಕುನು? ಎಂಕ್ಲಾ ಒಂಜೀತ್ ಮರ್ಯಾದಿ ಬೊಡ್ಚ, ಯಾನ್ ದಾನಿ ಆತ್ಲಾ ಕಡೆಸ ?.'
ಸಂಕಡೋನು ಎರಡ ಪನ್ಪಿನಿ ?...ಕೇನುನಕುಲು ಬೋಡೆ ?
ಉಂಡು ಮಲ್ತಿನ ದೇವೆರೇ ದುಕ್ಕೊನು ದೆಂಗಾವೊಡು. ಬೇನೆ ಬೆಸರ್ ದೆತ್ತುದು ನಲಿಕೆ ತೆಲಿಕೆನ್ ದಿಂಜಾವೊಡು.
ಆರೇ ಒಂಜಿ ಸರಿ ಸಾದಿ ತೊಜಾವೆರ್ ಪಂಡುದ್ ನಾಯಿ ಸೀದಾ ದೇವೆರೆನ್ ನಾಡೊಂದು ಪೋನಗ ಎದುರ್ಡು ನಾರಾಯಣ ದೇವೆರ್ ತಿಕ್ಕುವೇರ್....
ನಾಯಿ ತನ್ನ ಸಂಕಡ ದೇವೆರ್ಡ ಪನ್ನಗ ನಾರಾಯಣ ದೇವೆರ್ ಪನ್ಪೆರ್ಗೆ
"ಬೇಜಾರ್ ಮಲ್ಪಡ, ಜನ ನಿಕ್ಕ್ , ನಿನ್ನ ಪುದರ್ಗ್ ಬೆಲೆ ಕೊರ್ಜೆರ್ಡ ಆತೆ ಪೋಂಡು . ನಿನ್ನ ನಿಯತ್ತುಗ್ ಬೆಲೆ ತಿಕ್ಕುಲಕ್ಕ ಮಲ್ಪುವೆ . ಯಾನ್ ನಿನ್ನ ಪುದಾರ್ದ ಸುರುತ ಅಕ್ಷರೊಗು ಎನ್ನ ಅಂಶೊನು ಕೊರ್ಪೆ, ಅಂಚನೆ ಈಶ್ವರ ದೇವೆರ್ನ ಕೈತಡೆ ಪೋಲ, ಆರ್ಲ ನಿಕ್ ಆರನ ಪುದರ್ದ ಅಂಶದ ಸುರುತ ಅಕ್ಷರ ಕೊರ್ಪೆರ್ "
ನಾಯಿ ಈಶ್ವರ ದೇವರ್ನಡೆಗ್ ಪೋದು ಆರನ ಪುದರ್ದ ಅಂಶದ ಸುರುತ ಅಕ್ಷರ ದೇತೊಂಡು ...
ಅಂಚ ನಾರಾಯಣ -ಈಶ್ವರ ದೇವೆರ್ನ ಅಂಶ ದೆತೊಂದು ಪೊಸ ಮನಸುಡ್ ಉಲ್ಲಸೊಡು "ನಾಈ" ಆದ್ ಭೂಲೋಕೊಗು ಬರ್ಪುಂಡುಗೆ .
ದೇವೆರೇ ಎನ್ನ ಒಟ್ಟುಗು ಉಪ್ಪುನಗ .. ಬೇತೆಕ್ಲೆನಾ ಹಂಗ್ ದಾದ ?ಪೋಜೆರಾ...... ಗ಼ುರಿಕ್ಕ್ ?!
DOG has GOD!!.
ಏರ್ ದಾದ ಪಂಡಲ "ಎಂಕ್ ಅತ್" ಪಂಡುದ್ ಬೀಲ ಪಂದಾವರೆ ಸುರು !.
ಇತ್ತೆದ ಮನಸ್ಥಿತಿನೇ ಬೇತೆ ....
"ನಾಯಿದ ಮಗ" ಪಂಡುದ್ ಎರಾಂಡಲ ಲೆತ್ತೆರೇ ಪನ್ಲೆ !
ಬೇಜಾರ್ ಆವರೆ ದಾದ ಉಂಡು?
'ನಾಈ'ದ ಮಗ
'ನಾರಾಯಣ -ಈಶ್ವರ' ನ ಮಗ!
'ಹರಿ- ಹರ ಪುತ್ರ!'
!!ಸ್ವಾಮಿಯೇ ಶರಣಂ ಅಯ್ಯಪ್ಪ !!
ಪ್ರತಿಯೊಂಜಿ ಜೀವಿಗ್ಲಾ ಮಾನ ಮರ್ಯಾದಿಡ್ ಬದುಕುನ ದಿಸೆ ದೇವೆರ್ ಪುಟ್ಟಿನೊಟ್ಟುಗೆ ಕೊರ್ತೆರ್.
ಉಂಡು ಮಲ್ತಿನ ನಾರಾಯಣ ದೇವೆರ್ ...ಮರ್ಯಾದಿಡ್ ರಡ್ಡ್ ಉನರೆ ಕೊರಯೆರಾ ......?.
ಕಲ್ಲುದಡಿತ ಕಪ್ಪೆನ್ ಬುಡ್ತುಜೆರ್ಗೆ............ ನನ ನಾಯಿನೊಂಜಿ ಕೈ ಬುಡುವೆರಾ ?
ಪನ್ಪಿನಕ್ಲೆನ ನಾಲಾಯಿಗ್ ಅರ ಪಾಡ್ಲೆ - ಪಂದ್ ತೆಲ್ಪುನಕ್ಲೆನ ಬಾಯಿಗ್ ಆತ್ ಮಣ್ ಪಾಡ್ಲೆ !.
ನಮ ನಿಯತ್ತುಡ್ ಬದುಕೊಡು ...ಬದುಕುದು ತೊಜಾವೋಡು!
ನಾಯಾಂಡ ದಾನಿ ...ನರಮಾನಿ ಆಂಡ ದಾನಿ ?
ಬರವು : ಶಾಂತಾರಾಮ್ ಶೆಟ್ಟಿ
ಚಿತ್ರ : ಸಂಗ್ರಹ .
ಅವ್ವು...... ಪೆತ್ತ ,ನಾಯಿ, ಪುಚ್ಚೆ ಬೊಕ್ಕ ಕೋರಿ .
ಭಟ್ರೆನ ಇಲ್ಲಡ್ ಆಂಡ ನಾಯಿಲ ಕೋರಿಲ ಉಪ್ಪಂದ್, ಅರೆಗ್ ಕೋರಿದ ಅಗತ್ಯ ಇಜ್ಜಿ , ನಾಯಿ ಮಡಿಕ್ ಒಂತೆ ಕಮ್ಮಿ.
ಬದಲ್ಗ್ ಪೆತ್ತಲ -ಪುಚ್ಹೆನ್ಲ ಅಕುಲು ಸಾಂಕೆರ್ .
ಪೆತ್ತ ದೇವೆರ್ನ ಸಮ ಪಂಡುದ್ ದಿನಾಲ ಐಕ್ ಕೈಮುಗಿಯುನಕುಲು ಏತ್ ಜನ?, ಅವ್ವು ಗೋಮಾತೆ .
ಪುಚ್ಹೆದ ನಾಲಾಯಿಡ್ ಅಮೃತ ಉಂಡುಗೆ. ಅಂಚ ಐಕ್ ಬಾರಿ ಮರ್ಯಾದಿ !.
ಸರ್ಪೆ ಪುಚ್ಚೆದ ಮಂಡೆಗೊಂಜಿ ಬುಡ್ದು ಬೇತೆ ಒಡೆಗ್ ಕೊಡತುಂಡಲ ಪುಚ್ಚೆ ತನ್ನ ನಾಲಾಯಿಡ್ ನಕ್ಕುದೆ ವಿಷ ದೆಪ್ಪುಂಡುಗೆ. ಅಂಚ ಸೈಪುಜಿ .
ಪುಚ್ಚೆ ಅಟ್ಟಿಲ್ದ ಕೋಣೆದ ದಿಕ್ಕೆದ ಮಿತ್ತ್ , ಬಾಲೆ ಜೆಪ್ದಾದಿನ ತೊಟ್ಟಿಲ್ದ ಮಿತ್ತೆ ಜೆಪ್ಪು, ಏರ್ಲಾ ಪುಚ್ಹೆನ್ ಗಿಡ್ಪುಜೆರ್. ಐಕ್ಲಾ ಒಂಜಿ ರಾಜ ಯೋಗ .
ಪುಚ್ಚೆ ನಾಯಿನ್ ಸಸಾರ ಮಲ್ಪುನೈಕ್ ಇತಿ ಮಿತಿ ಇಜ್ಜಿಗೆ. ಪರ್ಬದಾನಿ ನಾಯಿ ಕೇಂಡುಗೆ
'ಇನಿ ದಾನೆ ಅಷ್ಟಮಿನಾ ?'
ಪುಚ್ಚೆ ಕೆಕ್ಕರ್ದು ಪಂಡುಗೆ ....
ಇರೆ ನಕ್ಕೆಲ ...ನಿಕ್ ಅಷ್ಟಮಿ ಆಂಡ ದಾನೆ ... ಗುಂಡೆಮಿ ಆಂಡ ದಾನೆ..... ನಕ್ಕುನು ಅವ್ವೆ ಮಡೆ ಇರೆನತ್ತ ...?.
ಬೋಡಾ ನಾಯಿಗ್ !
ಕೋರಿಗೊಂಜಿ ಕಬ್ಬೆ ಗೂಡುದ ,ಕೋರಿ ಗೂಡುದ ಸೌಕರ್ಯ ಮಲ್ತು ಕೊರುವೆರ್, ಇಜ್ಜಾಂಡ ಇಲ್ಲದ ಅಟ್ಟದ ಮಿತ್ ಪೋದು ಬೆಚ್ಹೊಡು ಇಪ್ಪು.
"ಎನ್ನಿನದಗ ಮರಣ" ಪನ್ಪಿನ ಬುಡುಂಡ, ಬಿನ್ನೆ ಬತ್ತುದ್ ಬಿಸಲೆಗ್ ಪೋನ ಮುಟ್ಟ ಐತಲಾ ಒಂಜಿ ನಮೂನೆ ಕೊಂಡಾಟದ ಸುಖ ಬದುಕೆ !.
ಆಂಡ ನಾಯಿಗ್ ಈತ್ ಮಾತಾ ಭಾಗ್ಯ ಇಜ್ಜಿ .
ಚಳಿ ಉಪ್ಪಡ್ -ಬರ್ಸ ಬರಡ್ ಇಲ್ಲದ ಜಗಲೆದ ಪಿದಾಯಿದ ಮೂಲೆಡ್ ಒಂಜಿ ಗೋಣಿ ಇತ್ತುಂಡ ಅವ್ವು ನಾಯಿದ ಕುರ್ಲಾನ್ ಹಾಸಿಗೆ . ಇಜ್ಜಾಂಡ ಬೆಂದ್ರುದ ಬೊನ್ಯದ ಗುಂಡಿಯೇ ಗತಿ !.
ಶೂದ್ರೆರ್ನ್ ಇಲ್ಲಡ್ ನಾಯಿಲ ,ಕೋರಿಲ ಇಜ್ಜಿಡ ಅವ್ವು ಇಲ್ಲಾ .....?
ಅತ್ತಪ್ಪಾ, ಇಲ್ಲೇ ಅತ್!.
ಮೋಕೆಡ್ ಸಾಂಕುನಾಂಡಲ ಈ ನಾಲ್ ಪ್ರಾನಿಲೆನ ನಡುಟು ನರಮಾನಿ ಬೇಧ ಬಗೆವುನ ತೂಯರ್ಡ ನನೊಂಜಿ ಜನ್ಮೊಡು ನಾಯಿ ಆದ್ ಪುಟ್ಟರೆ ವಾ 'ನಾಯಿಗ್ಲಾ' ಮನಸ್ ಬರಂದ್. (ಯಾನ್ ಕಾಟ್ ನಾಯಿದ ವಿಷಯ ಪನ್ಪಿನಿ !)
ಕಾಂಡೆಡ್-ಪುಲ್ಯ ಮುಟ ಕಣ್ ಮುಚ್ಚಂದೆ ಕಾತೊಂದು ಇತ್ತುಂಡಲ ತಿಕ್ಕುನ ಮರ್ಯಾದೆ ಆತೆಗ್ ಆತೆ.
ಇಲ್ಲಡ್ ಮೊರಣಿ -ಮೊರಣಿ ಪುಟುದಿನ ಬಾಲೆಲ ಕಾರುಡ್ ದಂಟುದೆ ಪೋಪಿನಿ!!.
ಆತ್ಲಾ ಸಸಾರ !.
ಪುಚ್ಹೆಲ , ಕೋರಿಲ ಇಲ್ಲದ ಉಲಾಯಿ-ಪಿದಾಯಿ ತಿರ್ಗೊಂದು ಗುರ್ಕಾರ್ಮೆ ತೊಜಾವುನ ತೂಂಡ , ಇಲ್ಲದ ಜಗಲೆಡ್ ನಾಲಾಯಿ ಪಿದಾಯಿ ಪಾಡೊಂದು , ತೆಂಕೊಂದು ಯಾಪ ಬಡವುದ ಬಂಜಿಗ್ ವನಸ್ ಪಾಡುವೇರ್ ಪಂಡುದು ಕಾಪುನ ನಾಯಿಗ್ "ಎನ್ನಲ ಒಂಜಿ ಬದುಕಾ?" ಪಂಡುದ್ ಎನ್ನಂದೆ ಉಪ್ಪಾಂದ್!.
ಈತೆನಾ ...?
ಅತ್ ನನಲಾ ಉಂಡು ..
ನಾಯಿಲು ನಾಯಿಲು ಕೈಂಟ್ ನುನ ಬುಡ್ಲೆ
ಏರ್ಲ ನರಮಾನಿಲು-ನರಮಾನಿಲು ಲಡಾಯಿ ಮಲ್ತೊನ್ರೆ ಇಜ್ಜಿ.. ...
'ಥೂ ನಾಯಿ' ಪಂಡುದ್ ನೆಲಕ್ಕ್ ಉಬ್ಬ್ಯುನಿ.
"ನಾಯಿದ ಮಗ,ನಿನ್ನ ಅಮ್ಮೆ ನಾಯಿ , ನಿನ್ನ ಅಪ್ಪೆ ನಾಯಿ ,ಈ ನಾಯಿ " ಪಂಡುದ್ ಇಡಿ ಕುಲೊಕ್ಕೆ ನೆರ್ಪಿನಿ !
ಪಾಪ ನಾಯಿ ದಾದ ಮಲ್ದುಂಡು.... ಒಯಿಕ್ಲಾ ಇಜ್ಜಿ , ಇಲ್ಲದ ಮೂಲೆಡ್ ಮನಿಪಂದೆ ಜೆತ್ತುಂಡಲ ಮೊಗಲೆನ ಬಾಯಿಡ್ ಕೇನುನ ತಪ್ಪರೆ ಇಜ್ಜಿ!.
ತುಲುನಾಡುಡ್ ಮೋಕೆಗ್ಲಾ -ಗರ್ವೊಗ್ಲಾ ಪಾತೆರುನ 2 -3 ಶಬ್ದೊಲು ಉಲ್ಲ . ಅಪಗಪಗ ಈ ಪದಕುಲು ಬೆಚ್ಹ ಬೆಣ್ಣೆ ಜಾರಿಲಕ್ಕ ಜನೋಕ್ಲೆನ ನಾಲಯಿಡ್ ಜಾರೊಂದಿಪ್ಪುಂಡು . ಹೆಚ್ಚಾದ್ ಜವನೆರ್ನ ನಡುಟ್ ಶಾಲೆ ಕಾಲೇಜುಡು ಕಲ್ಪುನದಗ ಈ ಬಾಸೆಡ್ ಬೋಡಾಯಿನಾತ್ (ಮೋಕೆಡ್) ನೆರೊಂಬೆರ್!.
ಆಂಡಲಾ ಮನಸುಗ್ ದಾಲ ಬೇನೆ ಆವೆರೆ ಇಜ್ಜಿ. ಅಪಗ ಮನಸ್ಲಾ ಆತ್ ಲತ್ !
ಶಬ್ದೊಲು ತನ್ನಾತೆಗೆ ತಾನ್ ಮನಸುಗ್ ಬೇನೆ ಮಲ್ಪುವನಾ? , ಅತ್ ಸಂಧರ್ಬೋಲು /ಜನೊಕುಲು ಶಬ್ಧೊಗು ಬೇನೆನ್ ಸೇರ್ಪಾವೆರಾ ?
ಜನೋಕುಲು ದೆತೊಂಬಿನ ರೀತಿಡ್ ಶಬ್ದದ ಬೇನೆ ಮನಸುಗ್ ತಾಗು. ಇಜ್ಜಾಂಡ ಜೋಕ್ಲಾಟಿಕೆಡ್ ಕುಶಿ ಕೊರೊಂದಿತ್ತಿನ ಉಂದುವೆ ಶಬ್ದೊಲು , ಮಲ್ಲಾಯಿಲಕ್ಕ ಬೇಜಾರ್ ಮಲ್ಪುನಿ ಪಂಡ ದಾನೆ ?.
ನಮ್ಮ ನಾಯಿಗ್ಲಾ ಅಂಚನೆ ಆಂಡ್ ....ಬೇನೆನ್ ಸೀದಾ ಮನಸ್ದುಲಾಯಿ ದೆತೊಂಡು
ಮನಸುಗ್ ತಡೆವೆರಾವಂದೆ ಪೋಂಡು
'ಇಂಚಿನ ಬದ್ಕ್ ದಾಯೆಗ್ ಬದುಕುನು? ಎಂಕ್ಲಾ ಒಂಜೀತ್ ಮರ್ಯಾದಿ ಬೊಡ್ಚ, ಯಾನ್ ದಾನಿ ಆತ್ಲಾ ಕಡೆಸ ?.'
ಸಂಕಡೋನು ಎರಡ ಪನ್ಪಿನಿ ?...ಕೇನುನಕುಲು ಬೋಡೆ ?
ಉಂಡು ಮಲ್ತಿನ ದೇವೆರೇ ದುಕ್ಕೊನು ದೆಂಗಾವೊಡು. ಬೇನೆ ಬೆಸರ್ ದೆತ್ತುದು ನಲಿಕೆ ತೆಲಿಕೆನ್ ದಿಂಜಾವೊಡು.
ಆರೇ ಒಂಜಿ ಸರಿ ಸಾದಿ ತೊಜಾವೆರ್ ಪಂಡುದ್ ನಾಯಿ ಸೀದಾ ದೇವೆರೆನ್ ನಾಡೊಂದು ಪೋನಗ ಎದುರ್ಡು ನಾರಾಯಣ ದೇವೆರ್ ತಿಕ್ಕುವೇರ್....
ನಾಯಿ ತನ್ನ ಸಂಕಡ ದೇವೆರ್ಡ ಪನ್ನಗ ನಾರಾಯಣ ದೇವೆರ್ ಪನ್ಪೆರ್ಗೆ
"ಬೇಜಾರ್ ಮಲ್ಪಡ, ಜನ ನಿಕ್ಕ್ , ನಿನ್ನ ಪುದರ್ಗ್ ಬೆಲೆ ಕೊರ್ಜೆರ್ಡ ಆತೆ ಪೋಂಡು . ನಿನ್ನ ನಿಯತ್ತುಗ್ ಬೆಲೆ ತಿಕ್ಕುಲಕ್ಕ ಮಲ್ಪುವೆ . ಯಾನ್ ನಿನ್ನ ಪುದಾರ್ದ ಸುರುತ ಅಕ್ಷರೊಗು ಎನ್ನ ಅಂಶೊನು ಕೊರ್ಪೆ, ಅಂಚನೆ ಈಶ್ವರ ದೇವೆರ್ನ ಕೈತಡೆ ಪೋಲ, ಆರ್ಲ ನಿಕ್ ಆರನ ಪುದರ್ದ ಅಂಶದ ಸುರುತ ಅಕ್ಷರ ಕೊರ್ಪೆರ್ "
ನಾಯಿ ಈಶ್ವರ ದೇವರ್ನಡೆಗ್ ಪೋದು ಆರನ ಪುದರ್ದ ಅಂಶದ ಸುರುತ ಅಕ್ಷರ ದೇತೊಂಡು ...
ಅಂಚ ನಾರಾಯಣ -ಈಶ್ವರ ದೇವೆರ್ನ ಅಂಶ ದೆತೊಂದು ಪೊಸ ಮನಸುಡ್ ಉಲ್ಲಸೊಡು "ನಾಈ" ಆದ್ ಭೂಲೋಕೊಗು ಬರ್ಪುಂಡುಗೆ .
ದೇವೆರೇ ಎನ್ನ ಒಟ್ಟುಗು ಉಪ್ಪುನಗ .. ಬೇತೆಕ್ಲೆನಾ ಹಂಗ್ ದಾದ ?ಪೋಜೆರಾ...... ಗ಼ುರಿಕ್ಕ್ ?!
DOG has GOD!!.
ಏರ್ ದಾದ ಪಂಡಲ "ಎಂಕ್ ಅತ್" ಪಂಡುದ್ ಬೀಲ ಪಂದಾವರೆ ಸುರು !.
ಇತ್ತೆದ ಮನಸ್ಥಿತಿನೇ ಬೇತೆ ....
"ನಾಯಿದ ಮಗ" ಪಂಡುದ್ ಎರಾಂಡಲ ಲೆತ್ತೆರೇ ಪನ್ಲೆ !
ಬೇಜಾರ್ ಆವರೆ ದಾದ ಉಂಡು?
'ನಾಈ'ದ ಮಗ
'ನಾರಾಯಣ -ಈಶ್ವರ' ನ ಮಗ!
'ಹರಿ- ಹರ ಪುತ್ರ!'
!!ಸ್ವಾಮಿಯೇ ಶರಣಂ ಅಯ್ಯಪ್ಪ !!
ಪ್ರತಿಯೊಂಜಿ ಜೀವಿಗ್ಲಾ ಮಾನ ಮರ್ಯಾದಿಡ್ ಬದುಕುನ ದಿಸೆ ದೇವೆರ್ ಪುಟ್ಟಿನೊಟ್ಟುಗೆ ಕೊರ್ತೆರ್.
ಉಂಡು ಮಲ್ತಿನ ನಾರಾಯಣ ದೇವೆರ್ ...ಮರ್ಯಾದಿಡ್ ರಡ್ಡ್ ಉನರೆ ಕೊರಯೆರಾ ......?.
ಕಲ್ಲುದಡಿತ ಕಪ್ಪೆನ್ ಬುಡ್ತುಜೆರ್ಗೆ............ ನನ ನಾಯಿನೊಂಜಿ ಕೈ ಬುಡುವೆರಾ ?
ಪನ್ಪಿನಕ್ಲೆನ ನಾಲಾಯಿಗ್ ಅರ ಪಾಡ್ಲೆ - ಪಂದ್ ತೆಲ್ಪುನಕ್ಲೆನ ಬಾಯಿಗ್ ಆತ್ ಮಣ್ ಪಾಡ್ಲೆ !.
ನಮ ನಿಯತ್ತುಡ್ ಬದುಕೊಡು ...ಬದುಕುದು ತೊಜಾವೋಡು!
ನಾಯಾಂಡ ದಾನಿ ...ನರಮಾನಿ ಆಂಡ ದಾನಿ ?
ಬರವು : ಶಾಂತಾರಾಮ್ ಶೆಟ್ಟಿ
ಚಿತ್ರ : ಸಂಗ್ರಹ .
Comments
Post a Comment