Manjotti ಮಂಜೊಟ್ಟಿ

ಬ್ರಹ್ಮ ಗಂಟ್ ಜೋಕುಲು ನಾಲ್ ಮಲ್ಲೆ ಆಯ ಮಲ್ಲಾಯಗಿತ್ತೆ ನಾಲ್ ಜೋಕುಲಾಯ ನಮ್ಮ ನನ ದಾದದೆ ? ದಂಗಿನ ಮರ- ಪರ್೦ದಿನ ಕುಕ್ಕು ಮಗುರುನ  ಗಳಿಗೆ-ತಾಲುನ ದಿನ ನನ ಲೆಕ್ಕೊಗು ತಿಕ್ಕು! ಯಾನುಪ್ಪಂದಿ  ದಿನ ಈ ಎಂಚ ದೆಪ್ಪುವನ ? ಕೈ ಪತ್ತಿ  ಬತ್ತಿನಲೆನ್ ಕೈ-ಕಡಪುನೆಂಚ ? ತೂಪಂದ್ ಜೋಕುಲೆನ್ ಕಡಾಕಡಿ ನಂಬುನೆಂಚ ? ಏಲ್ ಪಜ್ಜೆದೊಟ್ಟುಗು ಇಲ್ಲಗ್ ಬೊಲ್ಪಾಯ ಮಾಯದ ಮೋಕೆನ್ ಬುಡುದೆ ಎಡ್ಮನೆದ ಪಜ್ಜೆ ದೀದೆ ಎನ್ನ ಬೇರಿಯೇ ನಡಪು ಸಂಸಾರದುಟ್ಟುನೊರ  ಕಡಪು! ಅವುಲು ಮೂಲು ಪೋಯಿನವುಲು ಇತ್ತಿನವುಲು- ಬತ್ತಿನವುಲು ಈ ಎನ್ನ ಮದಿಮಾಲ್ ಒಟ್ಟುಡಿತ್ತ್ ದೇ ಗೆಂದಿನವುಲು ಸೋತಿನಾಲ್ ಸೊತಿನವುಲು -ಗೆಂದಾಯಿನಾಲ್                                                                                    ನಾಲ್ ದಿನತ ಸೋಕುಗತ್ತ್ ಮದಿಮೆ ಯಾರಂದ್,ಏಲ್ ಜನ್ಮಲಾ ಕಡಿಮೆ ನಮ ದುಂಬುದಕುಲು ಪಂಡಿ ಪಾತೆರ  ನಂಬಿನಕುಲು ಬ್ರಹ್ಮ ಗಂಟ್ ಯಾಪಲ  ಬಿರಿಯಂದ್ ಇತ್ತೆದಕ್ಲೆಗ್ ಉಂದು ಮಾತಾ ತೆರಿಯಂದ್ ಕರಿ ದಿನತ ನೆಂಪುದ ಐಸಿರದ ಮೋನೆ ತೂಕ ಒಟ್ಟುಡೆ ಸೈಯ್ಯರೆ ನಮ ನನ ದಿನ ದೀಕ ಪೋವಯೆ.... ನಿನನೊರ್ತಿನ್ ಬುಡುದೆ ಯೇರುಲ್ಲೆರ್ ಬೇತೆ ... ಅಲ್ಪಲಾ ಈ ಎನ್ನ ಬುಡೆದೆ! ಇನಿಮುಟ್ಟ  ಇತ್ತ ಎನ್ನ  ಬೆರಿಯನೆ ಮನ ತೆಲ್ತ್  ಮದತ  ನಿನ್ನ  ಬೇನೆನೆ ಬಲ ಯಾರು ನನ ನಡಪು ಎನ್ನ ದುಂಬುಡು ಬತ್ತಿ ಜನ ಇತ್ತಿಲ

ಪ್ರೀತಿಯ ಪರಿಭಾಷೆ  ಶ್ರೀ ಕೃಷ್ಣ ಪ್ರೇಮ ಸಂಬಂಧ ಗಳಲ್ಲಿ  ಬಹು ಚರ್ಚಿತ ಸಂಬಂಧ ರಾಧಾ  ಕೃಷ್ಣೆಯರದು ಒಂದು ಸಾರಿ ನಾರದರು  ಇದೆ ವಿಷಯ ವನ್ನು ಕೃಷ್ಣ ನಲ್ಲಿ  ಪ್ರಸ್ತಾಪಿಸಿ  ರುಕ್ಮಿಣಿ- ರಾಧೆಯರ  ಶ್ರೀ ಕೃಷ್ಣ ಪ್ರೇಮವನ್ನು ಒರೆಗೆ ಹಚ್ಚಲು  ನೋಡಿದರು ತುಳಸಿ ದಳ ಮಾತ್ರೆನ ಶ್ರೀಕೃಷ್ಣ ನ ಮೇಲಿನ  ಪ್ರೀತಿ ಭಾರ ತೋರಿದ ಮಹಾಸತಿ ಒಂದೆಡೆ ಪ್ರೇಮಿಗೆ  ಜೀವ- ಜೀವನ ಧಾರೆ ಎರೆದ ಮಹಾ ಪ್ರೇಮಿ ಇನ್ನೊಂದೆಡೆ ಶ್ರೀ ಕೃಷ್ಣ  ನಕ್ಕು  ನಾರದರಿಗೆ   ಹೇಳಿದ ... "ನಿಮ್ಮ ಜಿಜ್ಞಾಸೆ  ಎರಡು ಕಣ್ಣಿನ ದೃಷ್ಟಿಯ ನಡುವಿನ ಪರದೆ ಯಂತಿದೆ....   ಇರಲಿ  ಇದಕ್ಕೊಂದು ನಿದರ್ಶನ ಸಮೇತ ಉತ್ತರಿಸುತ್ತೇನೆ" ಎಂದು ಅವರನ್ನು ಹತ್ತಿರ ಕರೆದು ಅವರ ಕಿವಿಯಲ್ಲಿ ಏನೊ  ಉಸುರಿದ! ನಾರದರು ನಕ್ಕು ತಲೆಯಲ್ಲಾಡಿಸಿ  ಹೊರಟರು... ರುಕ್ಮಿಣಿಯ ಬಳಿ  ಬಂದ ನಾರದರು ರುಕ್ಮಿಣಿ ಶ್ರೀ ಕೃಷ್ಣನಿಗೆ ವಿಪರೀತ ತಲೆನೋವು , ವೈದ್ಯರನ್ನು ಕೇಳಿದಾಗ  ರುಕ್ಮಿಣಿಯ ಕಾಲು ತೊಳೆದ ನೀರು ಕುಡಿದರೆ ಶೂಲೆ  ಶಮನ ವಾಗುವುದು ಎಂದು ತಿಳಿಸಿದ್ದಾರೆ . ತಾವು ದಯವಿಟ್ಟು ಆ ಕೆಲಸ ಮಾಡಬೇಕು ಎನ್ನುತ್ತಾರೆ  ಈ ಮಾತು ಕೇಳಿ ರುಕ್ಮಿಣಿ ಗಾಬರಿಯಾಗಿ  ಕಿವಿ ಮುಚ್ಚಿ ಕೊಳ್ಳುತ್ತಾಳೆ . ತನ್ನ ಪ್ರೀತಿ ಪಾತ್ರ ನಿಗೆ ತನ್ನ ಕಾಲು ತೊಳೆದ ನೀರು ಕುಡಿಸುವುದೆ ? ಇಂತಹ ಘೋರ ನರಕಕ್ಕೆ ನಾನು ಪಾತ್ರಳಾಗಬೇಕೆ?  ಸಾಧ್ಯವಿಲ್ಲ , ನನ್ನ ಜೀವ ಹೋದರು ನನ್ನ ಸ್ವಾಮಿಗೆ ಅಪಚಾರವಾಗುವಂತ

ಮುಟ್ಟೆರಾವಂದಿ ಮುಟ್ಟೆ  ಕೊಡೆದ ಮೊರಣಿದ ಒರಿದಿನ ಕುರಿದಿನ ಮೀನುನ್ ಕೊರಡ  ನನ ಇಲ್ಲಡೆ  ಪೋಯೆಡ ಮೂಕುಡೆ  ಬಾಯಿಡೆ ನೆರಡೆ ತಿನ್ಪಾವನ ? ಅಜತ್ -ಜತ್  ಎಡ್ಡೆನೇನ್ ಪಾಡ್ ಕುಮೆದಿನ ನಿನ್ನನೆ ಪಾಲೆಡುಪ್ಪಡ್ ಕೊಡೆಕ್ಯನೆದ  ಪುಲಿಮುಂಚಿಡ್ ಜೋಕುಲ್ ರಡ್ಡ್  ನುಪ್ಪು ಉನಡ್ ನಾಲಾಯಿ ನಕ್ಕೊಂದು ಜೊಪ್ಪಡ್ ಬಿಡ್ತೆ ಕೇನೆರಿಜ್ಜಿ - ಚರ್ಚೆ ಮಲ್ಪೆರಿಜ್ಜಿ ನಿಕುಲು  ಪಂಡಿನೆನೆ ಕಾಸ್ ಮೀನ್ ತಿನ್ಪಿನ  ಆಸೆ ಆದ್ ಗಿರ್ತ್ ದೆತ್ತುದು ಆಡವು ದೀವೊಡಾವು ಮಂಡೆಡಿತ್ತಿನ ಮುಂಡಾಸ್ ಎಂಚಿ ಪಿರಿಯಯೆ  ಮೀನ್ ಕಾಸಿಜ್ಜಿಡ  ಮೂಸೋಡೆ ಬಜಿ ಬಂಗುಡೆದ ಕಮ್ಮೆನೆನ್ ಅಗ್ಯರೆ ಆಸೆ ಆಂಡ  ಮೀನ್ದ  ಮುಟ್ಟೆ ಅಂಗಿಡಿತ್ತಿನ ಕಿಸೆ ಪೂರ ಒಟ್ಟೆ- ಒಟ್ಟೆ ಲಡಾಯಿ ಪೆಟ್ ಪುಡಾಯಿ ಒಂಜಿ ಮೀನ್  ಮಿನಿ ಹೆಚ್ಚ ಪಾಡ್ಯರ್ಡ  ಚೀಲಡ್ ಬೂರು  ಪೆಟ್ ನಾಲ್ ಬೆರಿಕ್ಕ್ ಮರಕಾಲ್ದಿನ ಮೀನ್ದ ಪಾಲೆಡ್ ಸೆಂಟುದ   ಕಮ್ಮೆನ  ಬೀಸೆರಿಜ್ಜಿ ನಮನ್ ಕೇನುನಕುಲಿಜ್ಜಿ ಬಲೆ ಸಾಯಿಬೆರೆ, ಪರ ಊರುದಾರೆ ಅಕುಲು ತಿನ್ಪಿನ  ಮೀನತ್  ಉಂದು ಚೀಲ ಪತ್ ಸುತ್ತು ಬರ್ಪಿನಕ್ಲೆಗ್  ಓಲವಲು  ಪೊಡಿ  ಮೀನುಂಡು ಲೆತ್ತ್ ಲೆತ್ತುದ್ ಎದುರೆದುರ್ ಇತ್ತಿಲಕ್ಕನೆ ಮಾನ ದೆಪ್ಪುವೆರ್ ಕಾಸಿಜ್ಜಿಡ   ಆವಂದ್ಯೇ  ಮೀನ್ದ  ಬ್ಯಾರ ತೌತೆ ಕೊದ್ದೆಲ್ಡ್ ರಡ್ಡ್  ಉಂಡುದು ಪೊಕ್ಕಡೆ ಪಜೆಪಾಡ್ದು ಕಬ್ಬೆ  ಜೆತ್ತಿಜರಾ!.

ಗೋ...  ಮಾತೆ ============ ಪುರುಬಾಲೆದ ನಾಲಯಿಗ್ ಕೈಪೆ ನಕ್ಕಯೆರ್ ಅಪ್ಪೆ ಮಿರೆ ಪೇರ್  ಬುಡ್ಪಾಯೆರ್ ಇನಿ ಮುಟ್ಟಲಾ  ಪರ್ದ್  ಬಲತಿನಿ ನಿನ್ನನೆ  ಕೆರ್oದೆಲ್ದ   ಪೇರ್                              ಕಬೇತಿ ಪೆತ್ತದ ಯಾನಪಗ ಒಂಜಿ ದಿಂಜಿದಿ  ಬಾಲೆ  ಅಪ್ಪೆ ಪೇರ್ ಏತ್ ಪರುಂಡಲಾ ಬಂಜಿ ದಿಂಜಂದ್ ತೂಲೆ ಪೆದ್ಯಪ್ಪೆಗ್ ಆವಂದಿ  ಬೇಲೆ ಪೆತ್ತಪ್ಪೆ  ಮಲ್ತೊಲೆ ದಿನಾ  ಗಿಂಡೆ  ನಿಲ್ಕೆ ಪೇರ್ ಪರ್ದ್  ನಲ್ಕೆ ಮೋಕೆ ಪಾಲ್ ಪಟುದ್  ಪೋಂಡು ಮಾನಾಯಿ  ಪೆತ್ತಡಲಾ ಪುಟ್ಟಾಯಿ  ಅಪ್ಪೆಡಲಾ ನಡಪು ಕಾರ್ಗ್ ಕಸು ತೋಜಾಯ  ಬೆನ್ಪಿ ಕೈಕ್ ಬಲ ದಿಂಜಾಯ ಬೆಣ್ಣೆ ದೊಟ್ಟು  ನೈ ದೀಪಾಯ ಬುದ್ದಿ ಬಲಪಾಯ ಏನನ್ ಬುಲೆಪಾಯ ನೀರ್ ದೀನಲ್ಪ  ಪೇರ್  ಪರ್ಪಾಯ ಪಜಿರ್  ಪಾಡಿನಲ್ಪ ಬೆಂಜನ ತಿನ್ಪಾಯ  ಸತ್ಯೋಗು ಪುದರಾಯಿ ಪುಣ್ಯಕೋಟಿ ನಿಕ್ಕೇರ್ ಎದುರು? ಪೆದ್ದಿ ಅಪ್ಪೆಲಾ ಆವಂದ್ ಸರಿ ಸಾಟಿ ಕಾರುಗಡ್ದ ಬೂರುವ ಈ ಕಾಮಧೇನು ನಿನ್ನ ದಯೇನೆ ತುಳುನಾಡುದಡಿನಿ ಅಪ್ಪೆ ದಾಂತಿ ಜೋಕುಲೆನ್ ಸಾಂಕುನು 

ಬಲೀಂದ್ರ ಲೆಪ್ಪು  ============= ಕರ್ಗಲ್ ಕಾಯಿ ಆವನಗ  ಬೊರ್ಗಲ್ ಪೂ ಪೋನಗ  ಜಾಲ್  ಪಾದೆ ಆವನಗ  ಗೊಡ್ಡೆರ್ಮೆ  ಗೋಣೆ ಆನಗ ಎರು  ದಡ್ದೆ  ಆವನಗ  ತುಂಬೆ ದಡಡಿಟ್   ಕೂಟ ಆನಗ  ನೆಕ್ಕಿದಡಿಟ್  ಆಟ ಆನಗ  ದಂಬೆಲಿಗ್ ಪಾಂಪು ಪಾಡ್ನಗ  ಅಲೆಟ್  ಬೊಲ್ನೈ ಮುರ್ಕುನಗ  ಗುರುಗುಂಜಿದ ಕಲೆ ಮಾಜಿನಗ  ಕಲ್ಲುದ  ಕೋರಿ ಕಿಲೆಪುನಗ  ದಂಟ್ಟೆದಜ್ಜಿ  ಮದ್ಮಾಲ್ ಆನಗ  ಮಂಜಲ್  ಪಕ್ಕಿ ಮೈ ಪಾಡ್ನಗ  ಕೊಟ್ರುoಜೆ  ಕೊಡಿಯೇರ್ನಗ  ನಂದಿಕೋಲು ಮುಕ್ಕುರ್ದಕ್ನಗ  ಬಲ್ಲಮಲೆ ಸುಲ್ಲ ಮಲೆ  ಒಂಜಾವನಗ  ಮೂಜಿ ದಿನತ ಉಚ್ಚಯ  ಮೂಜಿದಿನತ ಬಲಿ  ಕಂಡ ಕಂಡ  ತುಡರ್ ತೂಯರೆ  ಆ ದಿನತ ಪೊಲಿ ಕನಯರೆ  ಆಟಿದ ಅಮಾಸೆಗ್  ಸೋಣದ ಸಂಕ್ರಾಂತಿಗ್  ಬೊಂತೆಲ್ದ  ಕೊಡಿಪರ್ಬೊಗು  ಆ ದಿನತ ಬಲಿ  ಈ  ದಿನತ ಪೊಲಿ ಕೊಂಡು  ಪೋಲ  ಬಲಿಯೇಂದ್ರ ಅರಕ್ಕುದ್  ಒಟ್ಟೆ  ಒಡೊಡು ಮಾಯಣದ ಮೊಂಟು  ಜಲ್ಲೋಡು  ಪೊಟ್ಟು ಗಟ್ಟಿ ಪೊಡಿ  ಬಜಿಲ್ ಬಲಿದೆತೊನೆರೆ ಕೊಟ್ಟುಗು  ಗೊಂಡೆ ಪೂ ಕಟುದ್  ಬಲ ಬಲಿಯೇಂದ್ರ ಆ ಊರ ಪೊಲಿ ಕನಲ ಈ ಊರ ಬಲಿ ಕೊನಲ ಕೂ  ಬಲಿಯೇಂದ್ರ  ಕೂ ...       ದಂಬೆಲ್ = ನೀರು ಪೋಯರೆ  ಕಡ್ಡಿನ ಪುಣಿ ತ ಕಡಿ ಮುಕ್ಕುರ್ ದಕ್ಕುನು = ಸುಯಿಂಪುನು ಬಲ್ಲಮಲೆ-ಸುಲ್ಲ  ಮಲೆ= ರಡ್ಡ್  ಕಾಡುದ ಊರುದ ಪುದರ್          

            ಕೂ....... ಬಲಿಯೇಂದ್ರ ಸುತ್ತ ಮುತ್ತುದಿ             ಕತ್ತಲೆ ಗಿಡಪಾಲೆ ಪೊಲಿ  ಸಿರಿತರಸು ಬಲಿಯೆಂದ್ರೆ ಬರ್ಪೆ ಅರಸು ತಾದಿಗ್ ತುಡರ್ ಪೊತ್ತಾಲೆ! ಬೆನ್ನಿ ಬೆಂದುದ್ ಬರಂಟ್  ಕಟುದಿನ ಜೀವೊಲೆ ಮೈ ಕೈಕ್  ಎಣ್ಣೆ ತಟ್ಟುದು ಮೀಲೆ ಸಿರಿಸಿಂಗಾರದ  ತುತ್ತೈತೊಡು ಪೊಲಿತರಸುನು  ಲೆಪ್ಪುಲೆ ! ಅಮಾಸೆದ  ಕಡು ಕತ್ತಲೆಡ್ ಅರಸು ಪರಡರೆ ಬುಡಡೆ ಕಟ್ಟಪುಣಿ  ಕರೆಟ್ ತೋಡು ಕಿದೆ ಬರಿಟ್ ಬಲಿರಾಜೆ ಬಲಿ ಬರುವೆ ಅಂಚಿಂಚಿ ಕೊಡಿ ಕಡೆಟ್ ! ನಿನೆ  ದೊಂದಿ ದೀಪ ದೀಲೆ ಮೊಕೆದರಸು ನಡಪು ತಾದಿಗ್ ಬೊಲ್ಪು ತೋಜಾಲೆ ಪಜಿರ್ ಕಂಟಿ ಮುಲ್ಲು ಕಾರುಗ್ ತೊಡರಂದೆ  ಅರಸುಗ್ ಮನಸ್ ಉರ್ಕು ತಮೆಲೊಡಂಚಿ ತುಳುನಾಡ ಲೆಪ್ಪುಗು ! ಅಂಬಿ ಸಾರ್ದ್ ಜಾಲ್  ದೀತ  ಶುದ್ಧ ಪಡಿಮಂಚಡ್  ದೀಪ ದೀದ್  ಲೈದ ಬಜಿಲ್ ತಾರಾಯಿ ಗಟ್ಟಿದ ಪಲಾರ ಪೊಲಿ ಕನಪಿ ಬಲಿಕೊಂಜಿ  ಗಟ್ಟಿ ಸ್ವರ ಕೂ ಪಾಡ್ದು ಮಾತೆರ್ಲ ಲೆಪ್ಪೊಡೊರ ! ಬಲಿಯೇಂದ್ರ  ಬಲಿ ಬಲ್ಲ  ಬಲಿಯೇ             ಪೋಲಿಕನಲ  ಪೊಲಿಯೇ ಕೂಓಓಒ ...............!.                                               

ನಿನ್ನ ಕಣ್ಣ ನೀರ  ಪಣಿ ಜಾರ್ದು ಬೂರೊಡ್ದು ದುಂಬು ಸಿಮಾ ಗಾಲಿ ಬೀಜು  ಸಂತೋಸದ ತೆಲಿ ನಲಿಕೆಡ್ ಮೋನೆದ ಬೇನೆ ಮಾಜು ಇರ್ಲುದ  ಪಿರವೇ ಪಗೆಲ್  ಉಂಡುಡ ಕಣ ನೀರುಡ್ ದಿನ ದೆಪ್ಪಡ ಬಿಮ್ಮ ಬಿಗಿದ್ ಬೇನೆ ನಿಂಗೊಡು ಇನಿತ ದಿನ ಪೋವು ಬಂಗೊಡು ಎಲ್ಲೆ  ಬೊಳ್ಳಿ ಮೂಡು ಬಾನೊಡು ಅಡಿ ಪತ್ತುದ್ ಬುಲ್ತ್  ಕುಲ್ಲಡ ದಿನ ನಿಲ್ಕೆ ಉಲ್ಲಸ ತೆಲ್ತ್  ನಲ್ತಡ !

 ಸೌಜನ್ಯ...  ಈ ಪಾಂಚಜನ್ಯ! ================= ತೆಲ್ತ್ ನಲ್ತೊಂದಿತ್ತಿನ ಗಿಳಿತ ಕಿನ್ನಿನ್ ಗಿಡಿ ಮುಕ್ಕು ತಿಂಡ್ ಬೇನೆ ದಿಂಗೊಂದು ಬಾಲೆ ಬೇನೆಡೇ ಮಣ್ಣುಡು  ಮಣ್ಣಾದ್ ಪೋಂಡು ನೆತ್ತೆರ್ದ ಪಸೆ ಆಜಿಂಡಲಾ ಕಲೆ ಮಾಜಂದ್ ಜೀವ ಮಾಜಿಂಡಲಾ ನೆಂಪು ಆಜಂದ್ ಪುಟ್ಟಿ ಕರ್ಲುದ ಬೇನೆನ್ ಮಂಜುನಾಥೆ ತೂಪೆ ಅನ್ಯಾಯೊನು  ನುರ್ತುದು ಅಣ್ಣಪ್ಪೆ ಅಪ್ಪೆ ಕಣ್ಣುದ ನೀರುನೋಚ್ಚಾದ್ ಕೊರ್ಪೆ ಪುಚ್ಚೆದ ಗೊಬ್ಬುಗು ನನೊಂಜಿ ಎಲಿತ ಬಲಿ ನನ  ಮನಿಪಂದೆ ಕುಲ್ಲೆರೆ ಬಲ್ಲಿ ಗಟ್ಟಿ ಸ್ವರೋಟು ಲಕ್ಕುದುಂತುಗ ನಮ ನನ  ಎಲಿಯತ್ .... ಪಿಲಿ! ಸೌಜನ್ಯ... ಈ ನಿನನ್ ಮುಕ್ಕಿ ತಿಂದಿನ ರಕ್ಕಸೆರ ನೆತ್ತೆರ್ ಕಕ್ಕಾದ್ ಅಂತ್ಯಗೊದಗಾವರೆ ತುಳುನಾಡೊರ್ಮೆ ಊದಿನ ಪಾಂಚ ಜನ್ಯ !   

ಅಜ್ಜ....  ಪಿಜ್ಜಾ ...ಇಜ್ಜಾ

ದೈವನೇ ಮೂನಿನಾಂಡ ..? ============================== ಸಾವು ಬೆರಿಯನೆ ಉಪ್ಪುನಗ ನಮ ದಾದೆಯೆ ? ಇನಿ ಇತ್ತಿನಾಯೆ ಎಲ್ಲೆ  ಪೋಪಿನಾಯೆ ಕಾಪುನಾಯೆ ಒರಿಯೆ ಮಿತ್ತಿತ್ತಿನಾಯೆ ! ಆಯೇ....  ಕಣ್ಣಡಿತ ಮಾಯೆ ಪೊರ್ತುಗೊದಗಾದ್ ಬರುವೆ ಬಾಯ್ದ  ಬಚ್ಹೆಲ್ಗ್ ಸರ್ಪೆ  ಬಾಯಿದೆಪ್ಪು   ಸಾವುದ ಬಾಯಿಡಿಪ್ಪು ಕಪ್ಪೆ ತಪ್ಪು ನಂಬೊಡಾವು ದೈವ ದೇವೆರೆನ್ ಅಡೆ ಮುಟ್ಟ ಬೆರಿಯೆನೇ ಇತ್ತುದು ಕಾತು ಕೊರ್ವೆರ್ ಕಡೆಮುಟ್ಟ ನರಮಾನಿ ಮೂನಿನದಗ ದೈವ ಕಾಪು ದೈವನೇ ಮೂನಿನಾಂಡ ಇಜ್ಜಿ ಮಾಪು !  .

    ಕಾಪೆರೆ ದೇವೆರುಲ್ಲೆರ್… =============== ಮುಟ್ಟಡಿತ್ತುಂಡಲಾ   ಅಟ್ಟಡಿತ್ತಿಲಕ್ಕ ಕೈತಲಿತ್ತುಂಡಲಾ ಕೈಕೆಕ್ಕುಜ ! ಸುತ್ತು ಸುತ್ತುದು ಬೆರಿ ಪತ್ತುಂಡಲಾ ಬಾಯಿಗ್ ತಿಕ್ಕುಜ ! ನೀರ್ದುಲಾಯಿ ನಿನ್ನ ಆಟ ನೀರ ಪಿದಾಯಿ ಎನ್ನ ಪರದಾಟ ! ಬುಡರೆ ಮನ ಒಪ್ಪುಜಿ ಪತ್ತರೆಗ್ ಕೈಟಾಪುಜಿ ನೀರುಡ್ ನಿನ್ನ ಪ್ರಾಣ ನೀರುಡೆ ಎನ್ನ ಮರಣ ಉಂಡು ಮಲ್ತಿನ ದೇವೆರ್ ನೀರ್ದವೆನ್ ನೀರುಡ್ ಪೇರ್ದವೆನ್ ಪೇರುಡ್ ದೀದ್ ಸೋಕು ತೂಪೆ ಬೆರಿಯೆನೆ ಇತ್ತುದ್ ಒರಿಯೆಲಾ ಸೋಪಂದಿಲಕ್ಕ ಕಾಪೆ !      

ಪುದ್ವಾರ್-(ನೋಂಪು - ಅನಂತ ಚತುರ್ದಶಿ) ಪುಲ್ಯಕಾಂಡೆದ  ಸಿಮಗಾಲಿ ಬುಲೆದ್ ನಲಿಪುನ  ಸಾಗೋಲಿ ಮುಡಾಯಿಡ್ ಸೂರ್ಯ  ದೇವೆರೆ ಕೆಂಪು ತೊಜುಂಡು  ಇನಿ ಕೊರಲ  ಪರ್ಬ  ನೋಂಪು ಮಡಿ ಮೈಟ್  ಕೊಡಿ ಬಾರೆದಿರೆ  ತುಂಬೋoದು ಇಲ್ಲ ಗುರ್ಕಾರೆ  ಪೋಲಿ ಪೋಲಿ ಪನೊಂದು ಅಜತ್ ದೆತ್ತಿನ ಬಂಗಾರ್ದ  ತೆನೆ  ಪೊಸತ್ ಮಲ್ತುದು ಪುದ್ವಾರ್   ಉನ್ಪುನೆ ಕೊರಲ  ದಂಡೆ  ಇಲ್ಲ ಗುರ್ಕಾರ ಮಂಡೆಡ್ ಮಗೆ  ಗಂಟೆ   ಬೊಟೊಂದು  ದುಂಬುಡ್ ತುಳಸಿ ಕಟ್ಟೆಗ್  ಸುತ್ತು ಬತ್ತುಂಡ್ ಬಾಯಿ ತುಂಬ  ಪೊಲಿ ನಲ್ಪುಂಡು ಗತ್ತು ನಡಕೆದ  ಮಲ್ಲ ಗುರ್ಕಾರೆ ಇಲ್ಲದುಲಾಯಿ ನನ  ಪೊಗ್ಗ್ಯರೆ ಇಲ್ಲ ಗುರ್ಕಾರ್ದಿ  ಕಾರ್ ದೆಕುದು ಕೊರಲ ದೇವೆರೆನ್  ಎದ್ಕೊನುದು ದೈವ ಮಂಚದ  ಮಿತ್ತ್ ದೀದ್ ಸಿರಿಗೆಂಡೆ  ಪೇರ್  ಮೈತುದು ಪೊಲಿ  ಪೊಲಿಂದು ಪನುವೆರ್ ಪಾಲೆ  ಉರ್ಕಿದ ಕುಕ್ಕು ತಪ್ಪುದ ನಡುಟು  ಕೊರಲುನು  ದೀದ್  ಕಟ್ಟುದು ತಾರೆ ಮಡಲ್ದ ದಡ್ದಲ್ ನಾರುಡ್ ಇಲ್ಲ ಬಾಕಿಲ್ -ಕಿದೆ ಗುವೆಲ್ ನೊಗ ನಾವೆರ್ ಕಳಸೆ ಬುಡಂದೆ ಉಜ್ಜೆರ್ ಕೊರಲ್   ಕಟುದು ಮರ್ಯಾದಿ ಮಲ್ದೆರ್ ಮನೋಲಿ ಲತ್ತನೆ  ತೇವು - ತೌತೆ  ಕೊದ್ದೆಲ್ ತಳ್ಳಿ ತೆಕ್ಕರೆ ,ಪದೆಂಜಿ ಬೇಳೆ ಪಾಯಸ  ಜಿಂಜೆಲ್ ಬಂಧು  ಪೊದ್ದೆರ್ ಮಾತಾ ಬೈದೆರ್ ಪೊಸ ಅರಿತ ವನಸ್ ಪುದ್ವಾರ್ ಒಟ್ಟು ಕುಲ್ಲುದು  ಮಲ್ದೆರ್ ಇಲ್ಲದುಲಾಯಿ ಕೊರಲ  ಬಂಗಾರ್ ಬರಡ್  ಪೊಲಿ ಪೊಲಿಂದ

  ದಿನ ರಾತ್ರೆ ಪಗೆಲ್ ನಿನ್ನ ನೆನಪುಡೆ , ನೆನಪಾಪುಜಿ ಬಡವು                ಬಾಜೆಲ್ !, ಈ ಇತ್ತಡ ಬದುಕ್ ಇಜ್ಜಾಂಡ   ಲೈಪುನೆ e ತುದೆಕ್

ಆನೆ ಮೋನೆದ ದೇವೆರೆ ... ಲೋಕದ ಬೇನೆ ಕೊನೆ ಎತ್ತುನ ದೇವೆರೆ , ಇರೆಗ್ ಪೊರ್ಲುದ ಆನೆದ ಮೋನೆ !   ಬಾದ್ರಪದ   ಚೌತಿದ ಪರ್ಬದ ದಿನ ಅಪ್ಪೆ ಗೌರಿನೊಟ್ಟುಗು ಇರೆ ನೆನಪುನೆ ಪುಣೆಪುನೆ ! ತೀಪೆ   ಕರಂಬುದ ಅಟ್ಟೆ ತೋರಣ ಉಂಡೆ ಚಕ್ಕುಲಿ ಹೋಲಿಗೆದೂರಣ ! ಬಜಿಲ್   ತಾರಾಯಿ ಪೊದ್ದೊಲು ಬೆಲ್ಲೊನು ಮುರೆತ್   ಮಲ್ದಿನ ಪಂಚ ಗಜ್ಜೇಯಿ ಪಾದದಡಿಟ್ ದೀತಿನ ಬಾರೆ ಪರಂದು ಬಚ್ಚಿರೆ   ಬಜ್ಜೇಯಿ ! ಈರ್ನ   ದಯೆಯಿತ್ತಿನಲ್ಪ ಸರ್ಪೆದೊಟ್ಟುಡುಲಾ   ಎಲಿ ಪಗೆ ಮದತ್ ನಲಿಕೆಡುಪ್ಪೊಲಿ ! ಸೊಂಡಿಲ ಕೊಂಡಿನಿ ದೀದೆಂಕೆಲ ಮಂಡೆಗ್ ಕಾಪೊಡು ಈ ಮುಂಡೊನು ಸಂಸಾರದೊಟ್ಟುಗು ಅಡ್ಡಬೂರ್ದು ಇರೆಡ ನಟ್ಟುನು !.

ತುಳುನಾಡ ಸಿರಿ ಗೊಂಬೆ ! ಗಂಧದೊಟ್ಟುಗು ಚಂದನ ತರೆಪುನಗ ತಿಂಗೊಲ್ದ ಬೊಲ್ಪುದಲಕ್ಕ ಬತ್ತ                   ಮಂದ ಪೇರುದ  ಅಲೆ ತುಲ್ಪುನಗ ಕಂಡೊOದು ದೆಂಗೊಂದು ಬೊಲ್ನೈತಲಕ್ಕ ಇತ್ತ ಐಸಿರದ  ಮೋನೆ ನಿನ್ನ ತಿರ್ಗು ತೂಪಿನ ಪೊರ್ಲ ಕುಡಿ ಕಣ್ಣ ಮೈತ ಕಪ್ಪು ಬಣ್ಣ ಮಲ್ಲಿಗೆದ ತೆಲಿಕೆದುಲಾಯಿ ಬೊಲ್ಪು ದಿಂಜಾಯಿನ ಈ ಕಮ್ಮೆನೆದ ತುಳುನಾಡ  ಮಣ್ಣು ಅರೆತ್  ತರೆತ್ ಪುಟ್ಟಾಯಿ  ಪೊಣ್ಣು!     

ಮದಿಮಾಲ್  ರಾತ್ರೆ ನಿದ್ರೆ ಕಣ್ಣ ಪರೆಕ್                            ಪತ್ತುಜಿ ಪಗೆಲ್ ಪೋ ಪಂಡಲಾ ಪೋಪುಜಿ ! ಪನಿ  ಬರ್ಸದ ತನು ನೀರ್ಲಾ ತಂಪು ಕೊರ್ಪುಜಿ ! ನಿನ್ನ ನೆನಪುಡೆ  ಕಾತ್  ಕುಲ್ಲುದೆ  ಕಣ್ ಮುಚ್ಚಂದೆ  ಇಲ್ಲ ಮುಟ್ಟುಡು  ಬೀಜುನ ಗಾಳಿ ಕೆಬಿಟೆನ್ನ  ಪಂಪುಂಡು ನಿನ್ನ ಪೊರ್ಲುನೆ ಗುಟ್ಟುಡು ಬಿರಿನ ಸಂಪಿಗೆದ ಕಮ್ಮೆನೆ ಕನತ್  ಕೊರುವೆ ನಿನ್ನ ಮನಸುದ ಗುಂಡದುಲಾಯಿ ನಂದಂದಿ ಇನೆ  ದೊಂದಿಯಾದ್ ಬರುವೆ ಮನಸ್ ದಿಂಜಿದಿ ರಾಜೆ ಈ ಒಲುಲ್ಲನಾ ? ಅರಲ್ದಿನ  ಈ ಮಲ್ಲಿಗೆನ್ ಎದೆಕೊತ್ತೊನೆರೆ ಯಾಪ ಬರುವನಾ  ? ಈ ಇತ್ತಿನವುಲೆ  ಎಂಕ್ ಬೊಳ್ಳಿ ಬಂಗಾರ ಕೈ ಪತ್ತುದ್  ಏಲ್ ಪಜ್ಜೆ  ನಡಪಾದ್ ತೂಲ ಒರ,  ಮೋಕೆಡ್ ಉರ್ಕಾದ್ ಕೊರ್ಪೆ ನಮ್ಮ  ಪೇರ ಸಂಸಾರ !!      

  ಕದಿಕೆ  ತಿಂದಿನಾಯೆ   ಮುನ್ನೂದು ವರ್ಷ ಬದುಕೆ ತುಳುನಾಡುದ  ಜನೊಕ್ಲು  ಆಟಿಡ್  ಕೂರು ಕಟೊಂದಿತ್ತಿನಕುಲು  ಸೋಣ  ಬನ್ನಗ  ಒರಾನೆ  ಮೈ ಕುಡ್ತು  ಲಕ್ಕುವೆರ್.  ನನ ಏತ್ ಮಾತಾ ಬೇಲೆ ಆವೆರೆ ಬಾಕಿ  ಉಂಡು, ತಾರೆದ ಮುದೆಲ್ ಬುಡ್ಪಾದ್ ಕಟ್ಟೆ ಕಟ್ಟೋಡು ,ಬುಲೆ  ಬುಲೆವೊಂದು ಬನ್ನಗ  ನೋಂಪು ದಾನಿ ಪುದ್ದಾರ್ ದ ಪೊಸತ್ ಉಂಡುದು  ಕೊರಲ  ಪರ್ಬ  ಮಲ್ಪೊಡು,ಜಾಲ್  ಪಿರೆಸ್ದ್ ಪೊಲಿಮನೆಟ್  ಪೊಲ್ತುದ್  ಮಟ್ಟ  ಮಲ್ಪೊಡು ...... ಒಂಜಾ ರಡ್ಡ? ಚಂಡಿ ಕಟುದು  ಕುಲ್ಲುಂಡ   ಆವಂದ್.... ಮರಿಯಲೊಡು  ಚಂಡಿ ಕಟ್ಟುದು  ಕುಲ್ಲರೆ ಕಾರಣ ಉಂಡು .  ಚಿರಿ ಚಿರಿ  ಬರ್ಸ, ಬೆನ್ನಿದ ಬೇಲೆ ಮಾತಾ ಮುಗಿದುಂಡು . ಪಿದಾಯಿ ಸೂರ್ಯನ ಮೋನೆ ತೂವಂದೆ  ಕೆಲವು ದಿನ ಆದಿಪ್ಪು .  ಸುತ್ತ ಮುತ್ತ ಸಿಮಾ ಯೇರ್ದ್ ಮೈ- ಕೈಟ್ ಸರಿಕಟ್ ನೆತ್ತೆರ್ ಪರಡಂದೆ ಪಿಜಿನ್ ಪರತಾವರೆ ಸುರು! ಕುಲ್ಲುಂಡ  ಲಕ್ಕೆರಾಪುಜಿ , ಲಕ್ಕುಂಡ  ಉಂತೆರಾಪುಜಿ.  ಅಲ್ಪ ಗಂಟ್ ಬೇನೆ , ಮುಲ್ಪ  ಸೊಂಟ ಬೇನೆ !! ಆಯುರ್ವೇದದ ಪ್ರಕಾರ  ನಮ್ಮ ಜೀವದ ಕಾಯಿಲೆಗ್ ಕಾರಣ  ಮೂಜೆ ವಾತ-ಶೀತ -ಪಿತ್ತ ಮರಿಯಲದ ಪೋರ್ತುಡು  ಈ ಶೀತದ  ಬೊಕ್ಕ ವಾತದ ಬಾಧೆ ತಪ್ಪೆರಿಜ್ಜಿ . ಅಂಚ ನಮ್ಮ ಹೆರಿಯೆರ್  ಆಟಿದ  ಅಮಾವಾಸ್ಯೆಗ್   ಕೆತ್ತೆದ ಕಷಾಯ , ಪತ್ರೋಡೆತ  ಅಡ್ದ್ಯ ,ಬೆದುರುದ ಮುಂಗೆದ ಕಜಿಪು , ತೊಜಂಕ್ದ-ನುರ್ಗೆದ   ಆಜದಿನ. ಉಪ್ಪಡ  ಪಚ್ಚಿರ್ , ಕುಡುತ  ಸಾರ್ . ಉರ್ದುದ ಚಟ್ನಿ ಇಂಚ ಮಾತಾ ತ

ಕೃಷ್ಣಾ ನಿನ್ನ ನೆನಪುಡಿಪ್ಪುನಗ ಆಟಿ ಆನೆಡ್ ಪೋಂಡು ಇತ್ತೆ ಈ ಒಟ್ಟು ಡುಪ್ಪುನಗ ಸೋಣ ಕುದುರೆಡ್ ಬಲ್ತೊಂದುಂಡು ! ಈ ದಾಂತಿ ಪೊರ್ತು ಜೀವೊಗೊಂಜಿ ಪನೆರಾವಂದಿ   ಅಕ್ಲೇಶ - ಸಂಕಡ ! ಈ ಎದುರು ಬತ್ತಿ ಪೊರ್ತು ಬಾನ ನಿಲ್ಕೆ ದಿಂಜುಂಡು ತಿಂಗೊಲ್ದ ಬೊಲ್ಪುದ ಉಲ್ಲಸೊ ಕೆನ್ನೆ ಕೆಂಪು ಬಿಂಕೊಡು ! ಯಾನ್ ಕಾಪೊಡು ಈ ಬರೋಡು        ಪೇರ್ ದುಲಾಯಿ ನೈತ ಲಕ್ಕ ನಮ ಒಟ್ಟುಡುಪ್ಪೊಡು !.