Manjotti ಮಂಜೊಟ್ಟಿ

ಒಟ್ಟೆ!! ➖➖➖➖🐓 ಮುಟ್ಟುದೇ...... ಕಾದೊಡುಂದಿಜ್ಜಿ, ದೆಕ್ಕರುಲಾಯಿ ನೂರುದುಲಾ ಗೆಂದುಂಡು ಕೋರಿ! ಗೆಂದ್ ದೇ ಗೆಂದೊಡುಂದಿಜ್ಜಿ ಸೋತುದುಲಾ ಗೆಂದಿದಿನಕುಲುಲ್ಲೆರ್ ಊರುಡು ಬಾರೀ! ಒಟ್ಟಾರೆ ಸಮಸರಿಕೆಡ್ ಸಮಗಾರಿಕೆಡ್ ಒತ್ತರೆ ಆವೊಡು ಬದ್ಕ್....! ಮರ್ದ್ಗಾವಂದಿ ಜಂಕ್ ಪಾಡಿಡೊರ್ಮೆ ಏತ್ ಇತ್ತ್ಂಡಲಾ ಒಯ್ಕ್ ನಂಕ್?!. ಗೆಂದಿನ ಬಂಟೆ ರೆಕ್ಕೆ ಅರತ್ ಖಾಲೀ ತಿಗಲೆ ಮರೆಪುನಿ.. ಒಟ್ಟೆ ಕೋರಿಯೇ ಆನಿಗಾನಿಗ್ ಮಾಸೋಗಾಪಿನಿ !! ✍ಶಾಂತಾರಾಮ್ ಶೆಟ್ಟಿ. 🐓🐓🐓🐓🐓🐓🐓

ತೆರಿನಾಯೆ ಪಂತಿನಿಗೆ! ➖➖➖➖🤠 ಲೆಪ್ಪಂದಿನಡೆಗ್ ಪೋಯೆಡಾ ಬರೆವಂದೇ ಓದ್ಯೆಡಾ ಬಜಿ ಕಾರ್ ಡ್ ನಡೆತೆಡಾ ಅಂಚಿನಾಯನ್ ಲೆತ್ತ್ ದ್ ಪರ ಮುಟ್ಟುಡು ರಡ್ಡ್ ಕೊರೊಡುಂತೆಗೆ ಮಾತಾ ತೆರಿನಾಯೆ!! ✍ಶಾಂತಾರಾಮ್ ಶೆಟ್ಟಿ😛 ➖➖➖➖➖➖

ಮೂಲಾ! ➖➖➖➖➖😀 ನಾಲಕ್ಷರ ಕಲ್ಪಡ್ ಕೈಟ್ ನಾಲ್ ಕಾಸಾವಡ್ ಊರು ಬುಡಡ್- ನೀರ್ ಬುಡಡ್ ನಮ್ಮ ಮೂಲ ನೆಲೆನ್ ಮೂಲ ಕಲೆನ್ ಮದತ್ ಬುಡೆರಾವಂದ್! ಅಮೇರಿಕಾಗ್ ಪೋಂಡಲಾ ಪೆರ್ಗುಡೆ ಬೀಲ ಒಯ್ತ್ ಮಾಟೆ ತೋಡುಂಡು ನಾಯಿ ಇಲ್ಲ ಗ್ ಬತ್ತಿನಾಯನ್ ತೂದು ಕೊರೆತ್ ಲೆತ್ತ್ ಪನ್ಪುಂಡು! ನರಮಾನಿ ಮಾತ್ರ ದಾಯೆಗಿಂಚ ಪಗರುವೆ? ಅಸರ್ಗ್ ತನು ತಂಪುದ ಊರುದ ಗೆಂದ್ ಗೆಂದಾಲೆ ಬೊಂಡ ಕೊರಿನಾಂಡ Cold coke ಇಜ್ಜಾ ? ಪಂದ್ ಪಿಸಿರ್ಡ್ ಕೇಂದ್ ಬೆಗರುವೆ!! ✍ಶಾಂತಾರಾಮ್ ಶೆಟ್ಟಿ.

ಇಂದಾಬತ್ತ್! ➖➖➖➖➖ ಪಂಡ ನಂಬಯರ್...., ತಂಗನೆ-ಮಂಗನೆ ಮಲ್ತ್ ಎಂಚನೋ ಕೈಟ್ ನಾಲ್ ಪೊಡಿ ಕಾಸಾತ್ತ್ಂಡ್! ಕೈ-ಕಿರ್ಂಬುಂಡು ಮೈ-ಕುಂಬರುಂಡು ಕುಲ್ಲಿನಲ್ಪನೆ ಕುಲ್ಲರೆ ಬುಡಾಂದ್..., ದೊಗ್ಗೊಲು ಪಾಡ್ಡ್ ಪಿಲಿ ನಲ್ಪಾವುಂಡು! ಪೊಕ್ಕಡೆ ಅತ್ತ್..., ದಾದನೋ ಉಂಡು ಉಲಡುಲಾಯಿಡ್ ಇಂದಾಬತ್ತ್! ಕಾಪುಲೆ... ಇನಿ ಅತ್ತ್ ಡ ಎಲ್ಲೆ ಪಿದಾಯಿ ಬೂರು ಪಿತ್ತಲೆ!! ✍ಶಾಂತಾರಾಮ್ ಶೆಟ್ಟಿ😀 (ಅರ್ಥ ಆವಂದಿನ... ಇಂದಾಬತ್ತ್= ಗೋಲ್ಮಾಲ್ ತಂಗನೆ-ಮಂಗನೆ=ಕಣ್ಕಟ್ಟು ಪಿತ್ತಲೆ= ಅಸಲಿಯತ್ತು. ದೊಗ್ಗೊಲು ಪಾಡ್ದ್= ಮೊಣಕಾಲೂರಿ.) ➖➖➖➖➖

ತುರಿಪು ➖➖➖🐛🐛 ಪಿರಿಕಟ್ಟ್ ದ ತುಳು ನಮ್ಮನೇ ಭಾಸೆ ಪಾತೆರಂದೆ ಪಾತೆರಂದೆ ಪುರಿಪತ್ತ್ ದ್ ತುರಿಪತ್ತ್ ದೇ ಪೋಂಡು...!! ✍ಶಾಂತಾರಾಮ್ ಶೆಟ್ಟಿ. ➖➖➖➖➖➖🐛