Manjotti ಮಂಜೊಟ್ಟಿ

ಬಿತ್ತು ಮಂತ್ರ  ಬಿತ್ತಿನ ಬಿತ್ತ್ ನ್  ಆಜಾವ  ಮಾಜಾವ ! ಆಜಿನಲ್ಪ ಮಾಜಿನಲ್ಪ ಜೂವ  ದಿಂಜಾವ ! ಒಂಜಿ ಮಾಜಾಯಿ ತಪ್ಪು ನೋಡು ಜೂವೊಗು ನುಪ್ಪು ತಪ್ಪು ಒಪ್ಪುಂದು ತೋಜಾವ ! ತೆರಿಯಂದಿ  ಮಾಯ ತೋಜಾಂದಿ  ಕಾಯ ದೇವೆರೆ ಇರೆ ಪಾದೊಗು ದಿನಾ  ಕಾಂಡೆ ಬೈಯ್ಯಗ್  ಸೊಲ್ಮೆ ಸಂದಾವ !!

ಮೂಜಿ ದಿನತ .......... ! ಮೂಜಿ ದಿನತ ಕೋಡೆದ  ಬರ್ಸೊಗು ಇನಿ ಪುಟ್ಟಿನ ಅಲಂಬು ನಮ ಸೈಯೆರುಂಡು  ನನ  ದುಂಬು ತರಿಕಡರಿದಿನ  ಕೊಂಬು ಜಪುಡದೀ ಕಾರ್ಣಿಕದ ದೈವ ದೇವೆರೆನ್ ನಂಬು ಅಂಕ ಬಿಂಕದ  ಬೋಂತೆ ಬುಡೊಡು  ತುಳುನಾಡುದ ಕಮ್ಮೆನದ ಈ ಮಣ್ಣುಡು  ಒಂತೆ  ಪೊರ್ಲುಡು ನಮ ಬದುಕೊಡು 

ಬಾಲೆ ಮನಸ್......  ಅಪ್ಪೆನಕುಲು ಇತ್ತೆ ಕಮ್ಮಿ ಮಾತಾ ಕಡೆಟ್ ಮಮ್ಮಿ ....! ಅಪ್ಪೆ ಮನಸ್ ಬಂಗಾರ ಬಡವು ಬಂಜಿಗ್ ಪೊರ್ತು  ಪೊರ್ತುಗು ತಿನರೆ ಕೊರುವೆರ್ ಸೀರೆ ಮೆದೆಲೆಡ್ ಪೊದ್ದಿ ದೀದ್ ಜೆಪ್ಡಾದ್ ಮೋಕೆ ಮಲ್ಪೆರ್...! ಮಮ್ಮಿನ ಮೈ ತುಂಬಾ ಬಂಗಾರ ಕ್ಲಬ್ -ಮೀಟಿಂಗ್ಡು ಶನಿವಾರ- ಐತಾರ... ಪುರುಸೋತ್ತಿಜ್ಜಿ ಬಾಲೆದ ಮೋನೆ ತೂಯರೆ  ದಿನೊಕ್ಕೊರ...! ಮಮ್ಮಿನಕುಲು ಬೋಡಿತ್ತುಂಡ ಇಂಗ್ಲೆಂಡ್ ಗು ಪೋವಾಡ್ ...! ಅಪ್ಪೆನಕುಲು ಬೋಡು ಎಂಕ್ಲೇಗ್ ತುಳುನಾಡುಡ್ !!.