Manjotti ಮಂಜೊಟ್ಟಿ

ಗತಿಸೆಟ್ಟಿ! ➖➖➖➖ ನಟ್ಟುನಾಯನ್ ತೂಂಡನೇ ನಾಯಿ ಕೊರೆಪುನು ದಾಯೆ? ಆಯೆ ಗತಿಗೆಟ್ಟಿ ನಟ್ಟುನಾಯೆ...., ಕಾಸಿಜ್ಜಿ! ಲೋಕನೇ ಅಂಚನೇ ಮಾತಾ.... ಇತ್ತಿನಾಯನ ಸುತ್ತ ! ಕಾಸಿಜ್ಜಿಡ ಕಾಟ್ ನಾಯಿಲಾ ಮೂಸುಜಿ!! 😜 ✍🏻 ಶಾಂತಾರಾಮ್ ಶೆಟ್ಟಿ ! 🐕🐕🐕🐕🐕🐕🐕

ಮೈ  ಬಿಸಿ (ತುಳು ಕನ್ನಡ) ಮಾಗಿಯ ಚುಮು ಚುಮು ಚಳಿಯಲ್ಲಿ ಬಿಡದೇ ಆ ದಿನಗಳು ಕಾಡುವುದು....! ಆ ಬಿಸಿ ಸನಿಹ.. ಕೈಯೊಳಗೆ ಕೈ ಕಟ್ಟಿ ಕಳೆದ ಮಧುರ ನೆನಪುಗಳು... ಮರೆಯಲಾಗದೆ ಮನಸ್ಸುಅರಳಿ ಬೆಚ್ಚಗಾಗುವುದು ಅಂಚ ಎನ್ನಿನಂಚ ದಾಲ ಇಜ್ಜಿಯೇ! ಕಿನ್ನಿಡ್ ಕಾಂಡೆ ಲಕ್ಕುದು ದಿಕ್ಕೆಲ್ದ ಸುತ್ತ ಕುಲ್ಲುದು ಚಳಿ ಕಾಯ್ತಿನ ನೆನಪಾಂಡ್ !! 😜😜                        

ಬೈರಾಸ್!! 🎽🎽🎽🎽 ಅಪ್ಪೆ ಪಂಡಿನ ಕೇನೆರಿಜ್ಜಿ ಬುಡೆದಿನ ಜೋರು... "ಗೋಣತಂಕರೆ ನನಲಾ ಕೇನ್ಲೆ ಅಪ್ಪೆಸೆರಂಗ್ದ ಪುರುಬಾಲೆ !" ಬುಡೆದಿನ ಪಾತೆರದಂಚಿ ಕೆಬಿಕೊರ್ಯರಾ ಅಪ್ಪೆನ ದೂರು.... "ಮಗೆ ಬಂಗಾರ್ ಬಾಲೆ ಆಯನ ಕೆಬಿ ಮಾತ್ರ ಪಿತ್ತಲೆ!" ಒಟ್ರಾಸಿ ಮುಗಿಯರಿಜ್ಜಿ ಮಾಮಿ ಮರ್ಮಲೆ ಲಟ್ಕಾಸ್ ನಡುಟುತ್ತಿನ ಆಣ್ ಮಗೆ ಬೈರಾಸ್ !! 😫 ✍🏻ಶಾಂತಾರಾಮ್ ಶೆಟ್ಟಿ 

ಮೈಮೆ! 🌸🌸🌸 ಇನಿಮುಟ್ಟ ಕಾಲದ ಮೈಮೆದ ಎದುರು ಉಂತುದು ಗೆಂದಿನಾಯೆ ಏರ್.... ಪನ್ಲೆ ತುಕಾ.? ಇನಿ ಇತ್ತಿನಾಯೆ ಎಲ್ಲೆ ಸೈಪಿನಾಯೆ! ಇತ್ತಿನಾಯನ ಒಟ್ಟುಡು ಇತ್ತಿನಾತ್ ದಿನ ಮನದಿಂಜಿದಿ ತೆಲಿಪೊಡು ಸೈತಿನಾನಿ...... ಸೈತನಾಯನ ಬೆತ್ತಡಿ ಗುಟ್ಟುಡು ಕನ ದರಿದ್ ಬುಲಿಪೊಡು! ಆಯೆ.. ಕಾಪುಜೆ.. ನಮನೇ ಸೋಪೊಡು ದೈವ ಸಂಸಾರ ನಮ... ಒಂದೊಡು.... ಸೋತು  ಸೋತುದೇ ಗೆಂದೊಡು! ನರಮಾನಿ ಗೆಂದ್ ದೇ ಸ್ವರ್ಗ ಸಂದೊಡು!! ➖➖➖➖➖➖ ✍🏻-ಶಾಂತಾರಾಮ್ ಶೆಟ್ಟಿ

Funny!! 😜😜😜 ➖➖➖➖ ಮತ್ತೊರ್ಮೆಡ್ ಜನ ಬೂರುದೆರ್ ಇನಿ ..... ದಿನ ಇಡೀ ವಾದ ಒರಂಟ್ ! ತುಳು ಬಾಸೆ ಬುಲೆಚಿಲ್ ಕೋಡೆ... ಇನಿ... ಎಲ್ಲೆ.. .! ಎಲ್ಲಂಜಿ..? ಅಮ್ಮೆ ಬುಡೆದಿ-ಜೋಕುಲು ಒಟ್ಟುಗು ಸೇರ್ದ್ ಕೊಟ್ಟು ಗುದ್ದೊಲು! ಇಲ್ಲಡ್ ಅಜ್ಜಿನೊಟ್ಟುಗುಲಾ ಪರಂಟ್ ಟಸ್ಸ್ ಪುಸ್ಸ್ ಇಂಗ್ಲೀಸ್!! ಅಪ್ಪೆ ಭಾಸೆಗ್ ಸನ್ನಿ ಬೇಜಾರಾವಡೆ... ಗೊತ್ತುಪ್ಪಡ್ ಗೊತ್ತಾವಡ್ಂದ್ ಪನ್ನಿ!! 😀 --ಶಾಂತಾರಾಮ್ ಶೆಟ್ಟಿ

ಬಾವಾಡಿ! 🌺🌺🌺 ➖➖➖ ದೊಂಡೆದ ಬಾಯಿನ್ ಇನಿ ಮುಟ್ಟ ಕಟ್ಟೆರಾತಿಜಿ..... ಬಾಯಿಗ್ ಬತ್ತಿನ ಬಗುಲುನು! ಬಾಯಿ ಕಬಿಡೊಡು ರಡ್ಡ್ ತೀಪೆ ಪಾತೆರ ಬಾವಾಡಿಡೊಡು ಅಪಗನೆ ಮನ ತೆಗುಲುನು !! ✍🏻-ಶಾಂತಾರಾಮ್ ಶೆಟ್ಟಿ 🌻🌻🌻🌻🌻🌻🌻

ಮದಪೆರಾವಂದಿ ತುಳು ಪದೊಕುಲು ! ➖➖➖➖➖➖ ಕಮ್ಮೆನದ ಪೂ ಪುರ್ಪದ ಗೊಂಚಿಲ್!. 🌸🌸🌸🌸🌸 ತಮ್ಮನ ಪಂಡ  ಮಾಮಿನ ತಮ್ಮನ ! ಮದಿಮೆದ ದಿನ ಮುಟ್ಟ  ಓಲುಲಾ ಎದುರು ಬರಂದಿ ಮಾಮಿ ಮದಿಮೆದ ದಿನ ಬೈಯ್ಯಗ್ ತಾನ್ ದುಂಬು ಬತ್ತುದ್   ಮಾತೆರ್ದ್ ಎದುರ್ ಉಂತುವಲ್ ! ಮಾಮಿ ಸೆಕೆ, ತೊಡಮನೆಟ್  ಮರ್ಮಯನ್,ಮಗಲೆನ  ದುಂಬು ದೀದ್  ಮಗಲೆನ್  ಸಂಸಾರದ ನೊಗೊಕ್  ಕಟ್ಟುನ ಬೇಲೆನ್  ಕೈಕ್ ದೆತೊಂಬಿನ ಮಾಮಿ, ದುಂಬುಗು  ಮಾಮಿ  ಮರ್ಮಯನ   ಸಂಬಂದೊಗೊಂಜಿ ಪೊಸ ರೂಪ ಕೊರ್ಪಲ್ ! ಮಗಲ್ - ಮರ್ಮಯನ ಸಂಸಾರದ  ಪೆದ್ಮೇದಿ ಸಾಂಕುನವೇಡ್ ಸುರುವಾಯಿನ ಪುಳ್ಳಿ ಮಲ್ಲೆ ಆವಮುಟದ  ದಿನ್ನೋನು ತನ್ನ ಪುಗೆಲ್ಡ್ ದೆತೊಂಬೊಲ್! . ಅಳಿಯಕಟ್ಟುಡ್ ಮರ್ಮಯಗೊಂಜಿ ಮರ್ಯಾದಿದ  ತಮ್ಮನ ಅವು ಮಾಮಿನ ಕೈಟೆ ನಡಪೊಡು ! ಮಾಮಿ  ಮರ್ಮಲೆನ ಸಂಬಂದ ನೀರ್ಲಾ - ನಾಯಿದಲಕ್ಕಆಂಡಲಾ ಮಾಮಿ ಮರ್ಮಯನಾ ಸಂಬಂದ ಬೆಲ್ಲ-ಬಜಿಲ್ದಲಕ್ಕನೆ ಒರಿಯೊಂದು ಬೈದುಂಡ್ ಅಂಚಾದೇ ಪನ್ಪಿನಿ  ಮಾಮಿ ಇಲ್ಲದ ತಮ್ಮನ.............  ವಾ ವಾರ್ರೆ ಕಮ್ಮೆನ ! ತುಳು ನಾಟಕ ರಂಗೊಡು  ಕೆಮ್ತೂರು ದೊಡ್ಡಣ್ಣ ಶೆಟ್ರೆನ ಪುದರ್ ಮದೆಪೆರಾವಂದಿನ!. 1950-60 ನೇ ವರ್ಷೋದ ಪೊರ್ತುಡು ನಾಟಕದ  ಬಂಗದ ಕಾಲೊಡುಲಾ  ಜವನೆರೆ ಗುಂಪು ಕಟೊಂದು  ಜನ ಸೇರಿನಲ್ಪ, ಆಟ, ನೇಮದಲ್ಪ  ನಾಟಕ ಗೊಬ್ಬೊಂದು ತುಳು ರಂಗ ಭೂಮಿಗ್ ಒಂಜಿ ಮಾನಾದಿಗೆದ  ಪುದರ್ ಕನತ್ ಕೊರಿನಾರ್  ದೊಡ್ಡಣ್ಣ ಶೆಟ್ರು ! ಇನಿ ನಮ ಅರೆನ್ ನೆನೆಪೆರೆಗೆ ಬಲ್ಲಿ ಪನ್ಪಿನಾತ್

ಯಾನ್ !! 🖐🏾🖐🏾🖐🏾🖐🏾 ಕೋಡೆ-ಮೊರಣಿ ಕಲ್ದಲಕ್ಕ ಇತ್ತೆಗೆ, ಇನಿ ಕಾಂಡೆ ಪಂದುಜೆ....., ಸೈದೆಗೆ ! ಬದ್ಕ್ ಅಂಚನೇ ಜೂವೊಡುಪ್ಪನಗ ಮಾತ್ರ ಯಾನ್ ಎಂಕ್ಂದ್ ಮೇಲುನು! ಸೈತಿ ಬೊಕ್ಕ ಎನಡಾಪುಜಿ.... ಬೇತೆಗಲ ಪುಗೆಲುಡೇ ನೇಲುನು!! -✍🏻ಶಾಂತಾರಾಮ್ ಶೆಟ್ಟಿ 

                        ಜ್ನಾನೋದಯ! 🤔🤔🤔🤔🤔 ಬನ್ನಗ ಮಾತೆರ್ಲಾ ಖಾಲಿ ಕೈಯೇ... ಪೋನಗ ಬೋಡಾ ಎಂಕ್ ? ಬಜೀ...... ಬತ್ತಲೆ! ನಡುಟೊಂತೆ ಕತ್ತಲೆ....., ತೆರಿಯುಜಿ ನಂಕ್ ! ಜೋಕುಲಾಟಿಕೆಡ್ ಉಂದು ಮಾತಾ ಅರ್ಥ ಆಪುಜಿ ಬೊಲ್ಪಾದ್ ಬುದ್ದಿ ತೆರಿನಗ ಕಾಲ ಪಿಜಿರುಂಡು....! ಖಾಲಿ.... ಮಾತಾ ಖಾಲಿ !! ಸಾಯಿಬೆರ್ನ ಅಂಗಡಿಡ್ ಮಾರರೆ ದೀತಿನ ಒಂಜಿ ಇಡೀ ಬಟ್ಟಿ ಕಿತ್ತಲೆ !! 😜 ✍🏻ಶಾಂತಾರಾಮ್  ಶೆಟ್ಟಿ ➖➖➖➖➖

ಭೂಮಿ ಅಪ್ಪೆನ ಮಾನಾದಿಗೆದ ಪರ್ಬ ಕೆಡ್ಡಸ.. ಭೂಮಿಡ್ ಆಪಿನ ಬದಲಾವಣೆ ಕಾಂಡೆ-ಬೈಯ್ಯ, ಪಗೆಲ್ ರಾತ್ರೆ , ದೊಂಬು-ಬರ್ಸ, ಚಳಿ-ಗಾಳಿ ಉಂದು ನರಮಾನ್ಯ ಮೈ ಬೊಕ್ಕ ಮನಸ್‌ಗ್ ತಾಗುನ, ಮೈ ಮನಸ್ ಬದಲಾಪಿನ ಇರ್ಮೆನ ಆಪಿನ ಸಂದರಪ್ಪು ಪಂಡ ರಡ್ಡ್ ಪಾತೆರ ಇಜ್ಜಿ. ಅಂಚೆನೇ ಸಂಕ್ರಾಂದಿಡ್ದ್ ಅಮಾಸೆ ಪುಣ್ಣಮೆ, ಋತು ಬದಲಾಪಿನಿ ಪಂಡ ಪ್ರಕೃತಿ ಬದಲಾಪಿನಿ. ತುಳುವೆರ್ ಈ ಪಿಜುರು ಪೊರ್ತುಲೆಡ್ ಒಂಜೊಂಜಿ ಆಚರಣೆಲೆನ್ ಮಲ್ತೊಂದು ಬಯಿದೆರ್. ಅಂಚಿತ್ತಿನ ಒಂಜಿ ತುಳುವೆರೆನ ಅಪೂರ್ಪದ ಆಚರಣೆ ಕೆಡ್ಡಸ. ತುಳುವೆರ್ ಪೊಣ್ಣಗ್ ಮಾನಾದಿಗೆದ ಮಣೆ ದೀತೆರ್. ಅಂಚೆನೇ ಭೂಮಿನ್ ಅಕುಲು ಪೊಣ್ಣುಂದು ನಂಬುದೆರ್. ಭೂಮಿ ಅಪ್ಪೆಂದ್ ಲೆ ಯಿದೆರ್. ಆ ಅರ್ಥೊಡು ಕೆಡ್ಡಸದ ಪೊರ್ತುಡು ಭೂಮಿ ಮದ್ಮಲಾಪೊಲು ಪನ್ಪಿ ನಂಬೊಲಿಗೆ. ಮದ್ಮಲಾಪಿನಿ ಪಂಡ ಪೊಣ್ಣು ಸೃಷ್ಟಿ ಕ್ರಿಯೆಕ್ಕ್ ಅನು ಆಯೊಲುಂದು ಲೆಕ್ಕ. ಮಾಯಿ ಬರ‌್ಪಿ ಸಂಕ್ರಾಂದಿಡ್ದ್ ಮೂಜಿ ದಿನೊಡ್ದು ದುಂಬು ಕೆಡ್ಡಸ ಸುರು ಆಪುಂಡು. ಫೆಬ್ರವರಿ ತಿಂಗೊಲ್ದ ನಡುಟ್ಟು ಬರ‌್ಪುಂಡು. ತುಳುವೆರೆ ಲೆಕ್ಕ ಪುಯಿಂತೆಲ್‌ಡ್ ಇರುವತ್ತೇಳ್ ಪೋಪಿನಾನಿ ಸುರು ಕೆಡ್ಡಸ. ಮನದಾನಿ ನಡು ಕೆಡ್ಡಸ, ಮೂಜಿನಾನಿ ಕಡೆ ಕೆಡ್ಡಸ. ಕೆಡ್ಡಸದ ಪೊರ್ತುಡು ಕೆಡ್ಡಸದ ಅಲ್ಮದ ಗಾಳಿ ಬೀಜುಂಡು ಪೆಲ, ಪೆಜ, ಕುಕ್ಕು, ಗೋಕು ಫಲ ಪೈರುಲು ನಿನೆ ಬೂರುದು ತನೆ ದಿಂಜುವ. ಕೃಷಿ ಬದ್‌ಕ್‌ಡ್ ಸಂಸ್ಕೃತಿದ ಮೂಲೊಡು ಜನ ಪೊಕ್ಕಡೆ ಒವೆನ್‌ಲಾ ಮಲ್ದ್‌ಜೆರ್. ಅಯಿಕ್ಕೊಂಜಿ ವ