ಮದಪೆರಾವಂದಿ ತುಳು ಪದೊಕುಲು ....ಗೊಂಚಿಲ್!.
ಮದಪೆರಾವಂದಿ ತುಳು ಪದೊಕುಲು !
➖➖➖➖➖➖
ಕಮ್ಮೆನದ ಪೂ ಪುರ್ಪದ ಗೊಂಚಿಲ್!.
🌸🌸🌸🌸🌸
ತಮ್ಮನ ಪಂಡ ಮಾಮಿನ ತಮ್ಮನ ! ಮದಿಮೆದ ದಿನ ಮುಟ್ಟ ಓಲುಲಾ ಎದುರು ಬರಂದಿ ಮಾಮಿ ಮದಿಮೆದ ದಿನ ಬೈಯ್ಯಗ್ ತಾನ್ ದುಂಬು ಬತ್ತುದ್ ಮಾತೆರ್ದ್ ಎದುರ್ ಉಂತುವಲ್ ! ಮಾಮಿ ಸೆಕೆ, ತೊಡಮನೆಟ್ ಮರ್ಮಯನ್,ಮಗಲೆನ ದುಂಬು ದೀದ್ ಮಗಲೆನ್ ಸಂಸಾರದ ನೊಗೊಕ್ ಕಟ್ಟುನ ಬೇಲೆನ್ ಕೈಕ್ ದೆತೊಂಬಿನ ಮಾಮಿ, ದುಂಬುಗು ಮಾಮಿ ಮರ್ಮಯನ ಸಂಬಂದೊಗೊಂಜಿ ಪೊಸ ರೂಪ ಕೊರ್ಪಲ್ ! ಮಗಲ್ - ಮರ್ಮಯನ ಸಂಸಾರದ ಪೆದ್ಮೇದಿ ಸಾಂಕುನವೇಡ್ ಸುರುವಾಯಿನ ಪುಳ್ಳಿ ಮಲ್ಲೆ ಆವಮುಟದ ದಿನ್ನೋನು ತನ್ನ ಪುಗೆಲ್ಡ್ ದೆತೊಂಬೊಲ್! .
ಅಳಿಯಕಟ್ಟುಡ್ ಮರ್ಮಯಗೊಂಜಿ ಮರ್ಯಾದಿದ ತಮ್ಮನ ಅವು ಮಾಮಿನ ಕೈಟೆ ನಡಪೊಡು ! ಮಾಮಿ ಮರ್ಮಲೆನ ಸಂಬಂದ ನೀರ್ಲಾ - ನಾಯಿದಲಕ್ಕಆಂಡಲಾ ಮಾಮಿ ಮರ್ಮಯನಾ ಸಂಬಂದ ಬೆಲ್ಲ-ಬಜಿಲ್ದಲಕ್ಕನೆ ಒರಿಯೊಂದು ಬೈದುಂಡ್
ಅಂಚಾದೇ ಪನ್ಪಿನಿ ಮಾಮಿ ಇಲ್ಲದ ತಮ್ಮನ............. ವಾ ವಾರ್ರೆ ಕಮ್ಮೆನ !
ತುಳು ನಾಟಕ ರಂಗೊಡು ಕೆಮ್ತೂರು ದೊಡ್ಡಣ್ಣ ಶೆಟ್ರೆನ ಪುದರ್ ಮದೆಪೆರಾವಂದಿನ!. 1950-60 ನೇ ವರ್ಷೋದ ಪೊರ್ತುಡು ನಾಟಕದ ಬಂಗದ ಕಾಲೊಡುಲಾ ಜವನೆರೆ ಗುಂಪು ಕಟೊಂದು ಜನ ಸೇರಿನಲ್ಪ, ಆಟ, ನೇಮದಲ್ಪ ನಾಟಕ ಗೊಬ್ಬೊಂದು ತುಳು ರಂಗ ಭೂಮಿಗ್ ಒಂಜಿ ಮಾನಾದಿಗೆದ ಪುದರ್ ಕನತ್ ಕೊರಿನಾರ್ ದೊಡ್ಡಣ್ಣ ಶೆಟ್ರು !
ಇನಿ ನಮ ಅರೆನ್ ನೆನೆಪೆರೆಗೆ ಬಲ್ಲಿ ಪನ್ಪಿನಾತ್ ಹಟೋಕ್ಕೂ ಬೂರ್ದ್ ಮದತ್ ಬುಡ್ತ !
ಕೆಮ್ತೂರು ದೊಡ್ಡಣ್ಣ ಶೆಟ್ರು ಅಲ್ಪಲ್ಪ ಜಾನಪದ ಲಾವಣಿ ರೂಪೊದ ಪದೊಕುಲೆನ್ ಅಪಗದ ಹಿಂದಿ ಪದೊಕುಲೆನ ಧಾಟಿಡ್ ಪನೊಂದು ಪುದರಾಯಿನಾರ್! ಇನಿಕ್ಲಾ ತುಳುನಾಡುಗ್ ತುಳುವಗ್ ಬೊಂಬಾಯಿ ಪಂಡ ಬೊಂಬಾಯಿಯೇ ! ಒಂಜಿ ಮಂಡೆ ಬೊಂಬಾಯಿಡ್ ದಾಂತಿನ ಇಲ್ಲನ್ ತುಳುನಾಡುಡ್ ಇನಿಮುಟ್ಟಲಾ ನಾಡೇರೇನೆ ಕಷ್ಟ ! ಅಂಚಿಪ್ಪುನ ಕಾಲೋಡು ದೊಡ್ಡಣ್ಣ ಶೆಟ್ರೆನ ಸೃಷ್ಟಿದ ತೋಮೆ ಬೊಂಬಾಯಿಗ್ ಪೋದು ಬತ್ತುದು ಬುಡೆದಿ ತೋಮುಗು ಬೊಂಬಾಯಿದ ಅಬತಾರ ತೆರಿಪಾ ಕೊರ್ಪಿನ ಬೊಂಬಾಯಿ ಸಂಗತಿ ನ್ ಕೇನಂದಿ ಕೆಬಿಕುಲು ತುಳುನಾಡುಡ್ ಇತ್ತುಂಡ ಅವು ಕೆಪ್ಪಾದಿಪ್ಪೊಡು ಅತ್ತ್ ಡ ಮುಪ್ಪಾದಿಪ್ಪೊಡು!
ಅಪಗ ತುಳುನಾಡುದ ಜನ ಮನೊಟು , ನಾಲಾಯಿದ ಕೊಡಿಟ್ ನಲ್ತೊಂದಿತ್ತಿನ ಪದೊಕುಲೆಟ್ ಒಂಜಿ ವಾವಾರೇ ಕಮ್ಮೆನ ಬಾರಿ ಕಮ್ಮೆನ ಮಾಮಿ ಇಲ್ಲದ ತಮ್ಮನ ಬೊಕ್ಕ ಮೊಡಂಗ್ ಮದ್ಮಲ್ ಅಬ್ರೊಣಿ ಮದ್ಮಯೆ ದಿಬ್ಬಣ ಪೋನಗ ತೋಡುಡಿತ್ತಿ ಕೈಪೆ ತರುಕುಲು ಮಸ್ಕಿರಿ ಮಲ್ತೆರ್ಗೆ
ಇನಿಕ್ಲಾ ಕುಲುದೊರ ಕೇಂಡರ್ಡ ಮನಸ್ ಮರ್ಲು !
ಕಾಲ ಕರಿಲಕ್ಕ ಈ ಪದೊಕುಲು ಬೇತೆ ಬೇತೆ ಕಡೆಟ್ ನಾಟಕೊಲೆಡ್ ,ಲೇಸುಲೆಡ್ ರೂಪಾಂತರವಾದ್ ,ಅಕಲಕಲ ಅನುಕೂಲೊಗು ತಕ್ಕದ ಪದವಾದ್ ಆಲ್ಪಲ್ಪ ಫುದರಾಂಡ್ ಗೆ !. ಆಂಡಲಾ ಮೂಲ ರೂಪೊಡು ಉಂದೆನ್ ಬರೆದ್ ,ಐಕ್ ದನಿ ಕೊರ್ದು ಪುದರಾಯಿನಾರ್ ದೊಡ್ಡಣ್ಣ ಶೆಟ್ರು ಪನ್ಪಿನ ಮದಪರೆ ಬಲ್ಲಿ.
ಎನ್ನ ನೆಂಪು ಸರಿಯಿಂದಾಂಡ 1989 ದ ( ಸುಮಾರ್ ಇರ್ವತೇಲ್ ವರ್ಷ ಪಿರಾಕುಡ್ ) ಪೊರ್ತುಡು ಗೊಂಚಿಲ್ ಪನ್ಪಿನ ಪುದರ್ಡ್ ಒಂಜಿ ಪದ ಗೊಂಚಿಲ್ ಊರುಡು ಪುದರಾಂಡ್ ! ಈ ಮಿತ್ ಪಂಡಿನ ಪದೊಕುಲೆನ ಒಸರ್ ದೀಯೊಂದು ಕೆಲವು ಜವನೆರ್ ಒಟ್ಟು ಸೇರೊಂದು ಕಾಪು ಸದಾನಂದ ಶೆಟ್ಟಿ, ಎ .ಕೆ ವಿಜಯ್ , ಚಂದ್ರಹಾಸ್ ಮೊಕಲ ದನಿಟ್ , ಕೇನುನ ಭಾ ಗ್ಯನ್ ತುಳುವೆರೆಗ್ ಒದಗಾದ್ ಕೊರಿಯೆರ್ ! ಈ ನಿಲೆಟ್ ಸಾಹಿತ್ಯ,ಸಂಗೀತದ ವಿಚಾರೊಲು ಜಾಸ್ತಿ ತೆರಿಜಿಡಲಾ ಈ ಗೊಂಚಿಲ್ ಡ್ ಸೇರ್ದಿನ ಪದೊಕುಲೆಡ್ ಮಾಮಿ ಇಲ್ಲದ ಸಮ್ಮಾನನ , ಸಂಶಯಾ ಪನ್ಪಿನ ಒಂಜಿ ಸೊತ್ತು ಅವು ನ್ಯಾಯದ ಲಾಗ್ಯದ ಬಿತ್ , ಮುಗುರು ತೆಲಿಕೆದ ಒರ್ಲ ಸೇಲೆಡ್ ,ಲಕ್ಕೂವರೆಯೆ ಲಕ್ಕುಜರೆಯೇ ಮಾಲಿಗೆದಿಲ್ಲದ ಮಾರಾಯ್ರೆ , ಸಿರಿಜಾಲ್ ನಮ್ಮ ಬುಲೆ ಸಾಲ್ , ಬಂಗುಡೆ ಮಡಿಮಯೇ ಬೂತಾಯಿ ಮದಿಮಾಲ್ ಬೊಕ್ಕ ಲಂಬು ಕೊಡಿ ಬಚ್ಚಿರೆ ಇಂಚಿನ ಪದೊಕುಲು ಸಾಹಿತ್ಯ ಸಂಪನ್ನ, ಸ್ವರ ಸಂಪನ್ನವಾದ್ ಮೂಡುದು ಬೈದಿನ ಬಾರಿ ಸೋಕುದ ತುಳುವ ಪುರ್ಪೊಲು ! ಸಂಗೀತನೊಂತೆ ಬದಿಕ್ ದೀದ್ ಕೇಂಡರ್ಡ,
ಪಿರ ಪಿರ ಕೇನುದ್ , ಕಲೆಂಬಿಡ್ ದೆತ್ ದೀದ್ ದುಂಬುದ ಜೋಕುಲೆಗ್ ಕೇನ್ಪಾವೊಡಾಯಿನಂಚಿನ ತುಳು ಪದ ಮಾಲೆ !
ಲಂಬು ಕೊಡಿ ಬಚ್ಚಿರೆಡ್ ಬಚ್ಚಿರೆದ ಬಲ್ಲಿ ಬುಲೆಪುನ ಬಂಗ ,ಮುಂಡೋಲಿ , ಪಂಚೋಲಿ ಇಂಚ ಬಚ್ಚಿರೆದ ಬಗೆ , ಬಚ್ಚಿರೆದ ಅಗತ್ಯಲೆನ್ ತೆರಿಪಾಯೆರ್ಡ , ಸಿರಿಜಾಲ್ ಬೆನ್ನಿದ ಬೇಲೆದ ಸೋಕುದ ಓ ಬೇಲೆ ಪದ ,
ಸಂಶಯಾ ಪನ್ಪಿನ ಪದೊಟ್ ಕೆಲವು ದಿನ್ನೊದ ಸಾಲುಲು ತೋಜುವ.....
ಇಷ್ಟೊನು ಕಲೆದ್ ಕಷ್ಟೊನುಕೊರ್ಪುಂಡು ಅಷ್ಟಗುಣತ ಈ ಸಂಶಯ
ಸೃಷ್ಟಿಂದ್ ಪನ್ಪಾವು ನಷ್ಟೊನು ಮಲ್ಪಾವು ಕುಷ್ಟರೋಗನೆ ಈ ಸಂಶಯಾ...
ಸರ್ಪನ ಇಡೆಟ್ ಸಿರ್ಕೇ ಕಂತುಂಡಲಾ ಬರ್ಪುಂಡು ವಿಷ ಇಂದ್ ಸಂಶಯಾ ಗರ್ಬೋಡು ಕುಲ್ಲುದು ಪೋಡಿಗೆದೊಟ್ಟುಗೇ ಕೆರ್ಪುಂಡು ಜೀವೊನೆ ಸಂಶಯ ಪನ್ಪಿನ ಸಾಲುಲೆಡ್ ಸಂಶಯ ಎಂಚಿನ ಸಂಕಪಾಷಾಣ
ಪನ್ಪಿನವೆನ್ ಪೊರ್ಲುಡು ಮುಡೆದ್ ತೆರಿಪಾದೇರ್ !
ಇತ್ತೆ ಈ ಗೊಂಚಿಲ್ ತಿಕಿಜಿಡಲಾ ಉಡುಪಿದ ಅದಮಾರು ಮಠತ ಓಣಿಡ್ ಕ್ಯಾಸೆಟ್ ಕಾರ್ನರ್ ಮುಲ್ಪ ಪೋದು ಕೇಂಡರ್ಡ ಅವೆನ್ ಒರಿಪಾ ದೀದ್ ನಿಕೆಲೆನ ಕೈಕ್ ತಿಕ್ಕುಲಕ್ಜ ಮಲ್ತೊಂದುಲ್ಲೆರ್.
ತುಳು ಪದೊಕುಲೆನ್ ಒರಿಪಾವೊಡು ಪನ್ಪಿನ ಮರ್ಜಿದಕುಲು ಇಂಚಿನ ಪದೊಕುಲೆನ್ ಒಟ್ಟು ಸೇರಾವೊಂದು ದುಂಬುದಕುಲೆಗ್ ಕೇನ್ಪಾವುನ ಬೇಲೆ ಮಲ್ಪೊಲಿ ! ಒರಾ ಅಲಿಂಡ ಈ ಭಂಡಾರ ನನ ತಿಕ್ಕಂದಿನ ! ಅಲಿಯಂದಿಲಕ್ಕ ತುಳುವಪ್ಪೆ ಜೋಕುಲು ಮಾತಾ ಒಂಜಾದ್ ಸೇರ್ದ್ ಇಂಚಿತ್ತಿ ತುಳು ಪದಕುಲೆನ್ ಒರಿಪಾಗ !
✍🏻----ಶಾಂತಾರಾಮ್ ಶೆಟ್ಟಿ
▫▫▫▫▫▫▫▫
➖➖➖➖➖➖
ಕಮ್ಮೆನದ ಪೂ ಪುರ್ಪದ ಗೊಂಚಿಲ್!.
🌸🌸🌸🌸🌸
ತಮ್ಮನ ಪಂಡ ಮಾಮಿನ ತಮ್ಮನ ! ಮದಿಮೆದ ದಿನ ಮುಟ್ಟ ಓಲುಲಾ ಎದುರು ಬರಂದಿ ಮಾಮಿ ಮದಿಮೆದ ದಿನ ಬೈಯ್ಯಗ್ ತಾನ್ ದುಂಬು ಬತ್ತುದ್ ಮಾತೆರ್ದ್ ಎದುರ್ ಉಂತುವಲ್ ! ಮಾಮಿ ಸೆಕೆ, ತೊಡಮನೆಟ್ ಮರ್ಮಯನ್,ಮಗಲೆನ ದುಂಬು ದೀದ್ ಮಗಲೆನ್ ಸಂಸಾರದ ನೊಗೊಕ್ ಕಟ್ಟುನ ಬೇಲೆನ್ ಕೈಕ್ ದೆತೊಂಬಿನ ಮಾಮಿ, ದುಂಬುಗು ಮಾಮಿ ಮರ್ಮಯನ ಸಂಬಂದೊಗೊಂಜಿ ಪೊಸ ರೂಪ ಕೊರ್ಪಲ್ ! ಮಗಲ್ - ಮರ್ಮಯನ ಸಂಸಾರದ ಪೆದ್ಮೇದಿ ಸಾಂಕುನವೇಡ್ ಸುರುವಾಯಿನ ಪುಳ್ಳಿ ಮಲ್ಲೆ ಆವಮುಟದ ದಿನ್ನೋನು ತನ್ನ ಪುಗೆಲ್ಡ್ ದೆತೊಂಬೊಲ್! .
ಅಳಿಯಕಟ್ಟುಡ್ ಮರ್ಮಯಗೊಂಜಿ ಮರ್ಯಾದಿದ ತಮ್ಮನ ಅವು ಮಾಮಿನ ಕೈಟೆ ನಡಪೊಡು ! ಮಾಮಿ ಮರ್ಮಲೆನ ಸಂಬಂದ ನೀರ್ಲಾ - ನಾಯಿದಲಕ್ಕಆಂಡಲಾ ಮಾಮಿ ಮರ್ಮಯನಾ ಸಂಬಂದ ಬೆಲ್ಲ-ಬಜಿಲ್ದಲಕ್ಕನೆ ಒರಿಯೊಂದು ಬೈದುಂಡ್
ಅಂಚಾದೇ ಪನ್ಪಿನಿ ಮಾಮಿ ಇಲ್ಲದ ತಮ್ಮನ............. ವಾ ವಾರ್ರೆ ಕಮ್ಮೆನ !
ತುಳು ನಾಟಕ ರಂಗೊಡು ಕೆಮ್ತೂರು ದೊಡ್ಡಣ್ಣ ಶೆಟ್ರೆನ ಪುದರ್ ಮದೆಪೆರಾವಂದಿನ!. 1950-60 ನೇ ವರ್ಷೋದ ಪೊರ್ತುಡು ನಾಟಕದ ಬಂಗದ ಕಾಲೊಡುಲಾ ಜವನೆರೆ ಗುಂಪು ಕಟೊಂದು ಜನ ಸೇರಿನಲ್ಪ, ಆಟ, ನೇಮದಲ್ಪ ನಾಟಕ ಗೊಬ್ಬೊಂದು ತುಳು ರಂಗ ಭೂಮಿಗ್ ಒಂಜಿ ಮಾನಾದಿಗೆದ ಪುದರ್ ಕನತ್ ಕೊರಿನಾರ್ ದೊಡ್ಡಣ್ಣ ಶೆಟ್ರು !
ಇನಿ ನಮ ಅರೆನ್ ನೆನೆಪೆರೆಗೆ ಬಲ್ಲಿ ಪನ್ಪಿನಾತ್ ಹಟೋಕ್ಕೂ ಬೂರ್ದ್ ಮದತ್ ಬುಡ್ತ !
ಕೆಮ್ತೂರು ದೊಡ್ಡಣ್ಣ ಶೆಟ್ರು ಅಲ್ಪಲ್ಪ ಜಾನಪದ ಲಾವಣಿ ರೂಪೊದ ಪದೊಕುಲೆನ್ ಅಪಗದ ಹಿಂದಿ ಪದೊಕುಲೆನ ಧಾಟಿಡ್ ಪನೊಂದು ಪುದರಾಯಿನಾರ್! ಇನಿಕ್ಲಾ ತುಳುನಾಡುಗ್ ತುಳುವಗ್ ಬೊಂಬಾಯಿ ಪಂಡ ಬೊಂಬಾಯಿಯೇ ! ಒಂಜಿ ಮಂಡೆ ಬೊಂಬಾಯಿಡ್ ದಾಂತಿನ ಇಲ್ಲನ್ ತುಳುನಾಡುಡ್ ಇನಿಮುಟ್ಟಲಾ ನಾಡೇರೇನೆ ಕಷ್ಟ ! ಅಂಚಿಪ್ಪುನ ಕಾಲೋಡು ದೊಡ್ಡಣ್ಣ ಶೆಟ್ರೆನ ಸೃಷ್ಟಿದ ತೋಮೆ ಬೊಂಬಾಯಿಗ್ ಪೋದು ಬತ್ತುದು ಬುಡೆದಿ ತೋಮುಗು ಬೊಂಬಾಯಿದ ಅಬತಾರ ತೆರಿಪಾ ಕೊರ್ಪಿನ ಬೊಂಬಾಯಿ ಸಂಗತಿ ನ್ ಕೇನಂದಿ ಕೆಬಿಕುಲು ತುಳುನಾಡುಡ್ ಇತ್ತುಂಡ ಅವು ಕೆಪ್ಪಾದಿಪ್ಪೊಡು ಅತ್ತ್ ಡ ಮುಪ್ಪಾದಿಪ್ಪೊಡು!
ಅಪಗ ತುಳುನಾಡುದ ಜನ ಮನೊಟು , ನಾಲಾಯಿದ ಕೊಡಿಟ್ ನಲ್ತೊಂದಿತ್ತಿನ ಪದೊಕುಲೆಟ್ ಒಂಜಿ ವಾವಾರೇ ಕಮ್ಮೆನ ಬಾರಿ ಕಮ್ಮೆನ ಮಾಮಿ ಇಲ್ಲದ ತಮ್ಮನ ಬೊಕ್ಕ ಮೊಡಂಗ್ ಮದ್ಮಲ್ ಅಬ್ರೊಣಿ ಮದ್ಮಯೆ ದಿಬ್ಬಣ ಪೋನಗ ತೋಡುಡಿತ್ತಿ ಕೈಪೆ ತರುಕುಲು ಮಸ್ಕಿರಿ ಮಲ್ತೆರ್ಗೆ
ಇನಿಕ್ಲಾ ಕುಲುದೊರ ಕೇಂಡರ್ಡ ಮನಸ್ ಮರ್ಲು !
ಕಾಲ ಕರಿಲಕ್ಕ ಈ ಪದೊಕುಲು ಬೇತೆ ಬೇತೆ ಕಡೆಟ್ ನಾಟಕೊಲೆಡ್ ,ಲೇಸುಲೆಡ್ ರೂಪಾಂತರವಾದ್ ,ಅಕಲಕಲ ಅನುಕೂಲೊಗು ತಕ್ಕದ ಪದವಾದ್ ಆಲ್ಪಲ್ಪ ಫುದರಾಂಡ್ ಗೆ !. ಆಂಡಲಾ ಮೂಲ ರೂಪೊಡು ಉಂದೆನ್ ಬರೆದ್ ,ಐಕ್ ದನಿ ಕೊರ್ದು ಪುದರಾಯಿನಾರ್ ದೊಡ್ಡಣ್ಣ ಶೆಟ್ರು ಪನ್ಪಿನ ಮದಪರೆ ಬಲ್ಲಿ.
ಎನ್ನ ನೆಂಪು ಸರಿಯಿಂದಾಂಡ 1989 ದ ( ಸುಮಾರ್ ಇರ್ವತೇಲ್ ವರ್ಷ ಪಿರಾಕುಡ್ ) ಪೊರ್ತುಡು ಗೊಂಚಿಲ್ ಪನ್ಪಿನ ಪುದರ್ಡ್ ಒಂಜಿ ಪದ ಗೊಂಚಿಲ್ ಊರುಡು ಪುದರಾಂಡ್ ! ಈ ಮಿತ್ ಪಂಡಿನ ಪದೊಕುಲೆನ ಒಸರ್ ದೀಯೊಂದು ಕೆಲವು ಜವನೆರ್ ಒಟ್ಟು ಸೇರೊಂದು ಕಾಪು ಸದಾನಂದ ಶೆಟ್ಟಿ, ಎ .ಕೆ ವಿಜಯ್ , ಚಂದ್ರಹಾಸ್ ಮೊಕಲ ದನಿಟ್ , ಕೇನುನ ಭಾ ಗ್ಯನ್ ತುಳುವೆರೆಗ್ ಒದಗಾದ್ ಕೊರಿಯೆರ್ ! ಈ ನಿಲೆಟ್ ಸಾಹಿತ್ಯ,ಸಂಗೀತದ ವಿಚಾರೊಲು ಜಾಸ್ತಿ ತೆರಿಜಿಡಲಾ ಈ ಗೊಂಚಿಲ್ ಡ್ ಸೇರ್ದಿನ ಪದೊಕುಲೆಡ್ ಮಾಮಿ ಇಲ್ಲದ ಸಮ್ಮಾನನ , ಸಂಶಯಾ ಪನ್ಪಿನ ಒಂಜಿ ಸೊತ್ತು ಅವು ನ್ಯಾಯದ ಲಾಗ್ಯದ ಬಿತ್ , ಮುಗುರು ತೆಲಿಕೆದ ಒರ್ಲ ಸೇಲೆಡ್ ,ಲಕ್ಕೂವರೆಯೆ ಲಕ್ಕುಜರೆಯೇ ಮಾಲಿಗೆದಿಲ್ಲದ ಮಾರಾಯ್ರೆ , ಸಿರಿಜಾಲ್ ನಮ್ಮ ಬುಲೆ ಸಾಲ್ , ಬಂಗುಡೆ ಮಡಿಮಯೇ ಬೂತಾಯಿ ಮದಿಮಾಲ್ ಬೊಕ್ಕ ಲಂಬು ಕೊಡಿ ಬಚ್ಚಿರೆ ಇಂಚಿನ ಪದೊಕುಲು ಸಾಹಿತ್ಯ ಸಂಪನ್ನ, ಸ್ವರ ಸಂಪನ್ನವಾದ್ ಮೂಡುದು ಬೈದಿನ ಬಾರಿ ಸೋಕುದ ತುಳುವ ಪುರ್ಪೊಲು ! ಸಂಗೀತನೊಂತೆ ಬದಿಕ್ ದೀದ್ ಕೇಂಡರ್ಡ,
ಪಿರ ಪಿರ ಕೇನುದ್ , ಕಲೆಂಬಿಡ್ ದೆತ್ ದೀದ್ ದುಂಬುದ ಜೋಕುಲೆಗ್ ಕೇನ್ಪಾವೊಡಾಯಿನಂಚಿನ ತುಳು ಪದ ಮಾಲೆ !
ಲಂಬು ಕೊಡಿ ಬಚ್ಚಿರೆಡ್ ಬಚ್ಚಿರೆದ ಬಲ್ಲಿ ಬುಲೆಪುನ ಬಂಗ ,ಮುಂಡೋಲಿ , ಪಂಚೋಲಿ ಇಂಚ ಬಚ್ಚಿರೆದ ಬಗೆ , ಬಚ್ಚಿರೆದ ಅಗತ್ಯಲೆನ್ ತೆರಿಪಾಯೆರ್ಡ , ಸಿರಿಜಾಲ್ ಬೆನ್ನಿದ ಬೇಲೆದ ಸೋಕುದ ಓ ಬೇಲೆ ಪದ ,
ಸಂಶಯಾ ಪನ್ಪಿನ ಪದೊಟ್ ಕೆಲವು ದಿನ್ನೊದ ಸಾಲುಲು ತೋಜುವ.....
ಇಷ್ಟೊನು ಕಲೆದ್ ಕಷ್ಟೊನುಕೊರ್ಪುಂಡು ಅಷ್ಟಗುಣತ ಈ ಸಂಶಯ
ಸೃಷ್ಟಿಂದ್ ಪನ್ಪಾವು ನಷ್ಟೊನು ಮಲ್ಪಾವು ಕುಷ್ಟರೋಗನೆ ಈ ಸಂಶಯಾ...
ಸರ್ಪನ ಇಡೆಟ್ ಸಿರ್ಕೇ ಕಂತುಂಡಲಾ ಬರ್ಪುಂಡು ವಿಷ ಇಂದ್ ಸಂಶಯಾ ಗರ್ಬೋಡು ಕುಲ್ಲುದು ಪೋಡಿಗೆದೊಟ್ಟುಗೇ ಕೆರ್ಪುಂಡು ಜೀವೊನೆ ಸಂಶಯ ಪನ್ಪಿನ ಸಾಲುಲೆಡ್ ಸಂಶಯ ಎಂಚಿನ ಸಂಕಪಾಷಾಣ
ಪನ್ಪಿನವೆನ್ ಪೊರ್ಲುಡು ಮುಡೆದ್ ತೆರಿಪಾದೇರ್ !
ಇತ್ತೆ ಈ ಗೊಂಚಿಲ್ ತಿಕಿಜಿಡಲಾ ಉಡುಪಿದ ಅದಮಾರು ಮಠತ ಓಣಿಡ್ ಕ್ಯಾಸೆಟ್ ಕಾರ್ನರ್ ಮುಲ್ಪ ಪೋದು ಕೇಂಡರ್ಡ ಅವೆನ್ ಒರಿಪಾ ದೀದ್ ನಿಕೆಲೆನ ಕೈಕ್ ತಿಕ್ಕುಲಕ್ಜ ಮಲ್ತೊಂದುಲ್ಲೆರ್.
ತುಳು ಪದೊಕುಲೆನ್ ಒರಿಪಾವೊಡು ಪನ್ಪಿನ ಮರ್ಜಿದಕುಲು ಇಂಚಿನ ಪದೊಕುಲೆನ್ ಒಟ್ಟು ಸೇರಾವೊಂದು ದುಂಬುದಕುಲೆಗ್ ಕೇನ್ಪಾವುನ ಬೇಲೆ ಮಲ್ಪೊಲಿ ! ಒರಾ ಅಲಿಂಡ ಈ ಭಂಡಾರ ನನ ತಿಕ್ಕಂದಿನ ! ಅಲಿಯಂದಿಲಕ್ಕ ತುಳುವಪ್ಪೆ ಜೋಕುಲು ಮಾತಾ ಒಂಜಾದ್ ಸೇರ್ದ್ ಇಂಚಿತ್ತಿ ತುಳು ಪದಕುಲೆನ್ ಒರಿಪಾಗ !
✍🏻----ಶಾಂತಾರಾಮ್ ಶೆಟ್ಟಿ
▫▫▫▫▫▫▫▫
Comments
Post a Comment