Manjotti ಮಂಜೊಟ್ಟಿ

  ಕರ್ಗಲ್ ಕಾಯನಗಾ ಬೋರ್ಗಲ್ ಪೂ ಪೋನಗಾ ಜಾಲ್ ಪಾದೆ ಆನಗಾ ಉರ್ದು ಮದ್ದೊಲಿ ಆನಗಾ ಗೋಡ್ದೆರ್ಮೆ ಗೊನೆ ಆನಗಾ ಎರು ದಡ್ದೆ ಆನಗಾ ತುಂಬೆದಡಿಟ್ ಕೂಟ ಆನಗಾ ನೆಕ್ಕಿದಡಿಟ್ ಆಟ ಆನಗಾ ದಂಬೇಲಿಗ್ ಪಾಂಪು ಪಾಡ್ನಗ ಅಲೆಟ್ ಬೋಲ್ನೆಯಿ ಮುರ್ಕುನಗಾ ಗುರುಗುಂಜಿದ ಕಲೆ ಮಾಜಿನಗಾ ಕಲ್ಲ ಕೋರಿ ಕೆಲೆಪುನಗಾ ದಂಟೆ ಅಜ್ಜಿ ಮದಿಮಲ್ ಆನಗಾ ಬಲ್ಲಮಲೆ ಸುಲ್ಲಮಲೆ ಒಂಜನಗಾ ಮಂಜಲಕ್ಕಿ ಮೆಯಿದೆಪ್ಪುನಗಾ ಕೊಟ್ರುನ್ಜೆ ಕೊಡಿಯೇರ್ನಗ  ನಂದಿ ಕೋಲು  ಮುಕ್ಕುರ್ದಕ್ಕನಗ ಮೂಜಿ  ದಿನತ ಉಚ್ಚಯ   ಮೂಜಿ ದಿನತ ಬಲಿ  ಕಂಡ ಕಂಡ ತುಡರ್  ತೂಯರೆ    ಆಜಿ ದಿನತ ಪೊಲಿ  ಕೊನಯರೆ  ಆ ಊರ ಬಲಿ ಕೊನೊಲ  ಈ ಊರ ಪೊಲಿ  ಕೊನೊಲ  ಆಟಿದ ಅಮಾವಾಸೆಗ್ ಸೋಣದ ಸಂಕ್ರಾಂತಿಗ್ ಬೊಂತೆಲ್ದ ಕೊಡಿ ಪರ್ಬೋಗು ಅಜಿದಿನತ ಬಲಿ ಮೂಜಿದಿನತ ಪೋಲಿ ಕೊಂಡು ಪೋಲ..... ಬಲಿಯೇಂದ್ರ ...... ಅರಕ್ ದ ಒಟ್ಟೆ ಓಡೋಡು  ಮಾಯಣದ ಮೊಂಟು ಜಲ್ಲೂಡು ಪೊಟ್ಟು ಗಟ್ಟಿ ಪೋಡಿ ಬಜಿಲ್ದ್ ಬಲಿ ದೆತೊನರೆ ಕೊಟ್ಟುಗು ಗೊಂಡೆ ಪೂ ಕಟ್ಟುದ್ ಬಲ ಬಲಿಯೇಂದ್ರ ಆ ಊರ ಬಲಿ ಕನಲ ಈ ಊರ ಪೋಲಿ ಕೊನೊಲ ಬಲಿಯೇಂದ್ರ ಕೊ ..ಬಲಿಯೇಂದ್ರ....... ಕೊ... ಬಲಿಯೇಂದ್ರ ...ಕೊ... ಬಲಿಯೇಂದ್ರ  

ನರಮಾನಿ  ನರಮಾನಿಗ್ ಮರ್ಯಾದೆ ಕೊರ್ಪಿನ ಸಾರ್ವಕಾಲಿಕ ಶಾಸ್ತ್ರ ..ಮಾತಾ ಕಡೆಟ್  ನಡೊತೊಂದೆ   ಬೈದಿನಾ . ಅಂಡ  ನರಮಾನಿ  ಕಲ್ಲುಗ್ ಮರ್ಯಾದಿ ಕೊರ್ಪಿನ ,ಮಣ್ಣುಗ್ , ಮರಕ್ಕ್ ,ಗಿಡಕ್ ಮರ್ಯಾದಿ ಕೊರ್ಪಿನ ತೂತರ....? ತೆರಿಯೋಡಾಂಡ  ತುಳುನಾಡುಗೊರ ಕಾರ್  ದೀಯೋಡು .. ನಡಪನಗ ಕಾರ್  ದೀನ  ಕಲ್ಲು  ಸಾಮಾನ್ಯದ ಕಲ್  ಆದಿಪ್ಪಂದ್ ...ರಾಹು ಕಲ್ಲು ಆದಿಪ್ಪು,ಬಬ್ಬರ್ಯ ಕಲ್  .ನಾಗನ ಕಲ್ಲು ಆದಿಪ್ಪು ... ತೊರ್ತಿನ  ಮಣ್ಣು...ಖಾಲಿ  ಮಣ್ಣಾದಿಪ್ಪಂದ್ ..ಪುಂಚದ  ಮಣ್ಣಾದಿಪ್ಪು... ನೆರೆಲ್ಗು  ಕುಲ್ಲುದಿನ ಬನ  ಬಜಿ  ಬಲ್ಲೆ ಆದಿಪ್ಪಂದ್ .....ನಾಗ ಬನ  ಆದಿಪ್ಪು .... ಅಂಚ...... ಕಾರ್ ದೀಪಿನಲ್ಪಜಾಗ್ರತೆಡ್  ತುಳುನಾಡುದ ಕ್ರಮ ತೆರ್ಯೊಂದು ನಡಪುನ ಬಾರಿ  ಮುಖ್ಯ .   ತುಳುವೆರ್ ಪ್ರಕ್ರುತಿನ್  ದೇವೆರೆಂದೇ  ತೆರಿಯೊನಿನಕುಲು ,ಕಲ್ಲುಗು ಪೂಜೆ ಮಲ್ತೆರ್,ಮರಕ್ಕ್  ಪೂಜೆ ಮಲ್ತೆರ್ ,ನೀರುಗ್ ಪೂಜೆ ಮಲ್ತೆರ್ ...ದುಂಬುಗು ಒರಿಪಾವೊಂದು  ಪೋಡು  ಪನ್ಪಿನ   ಮುಂದಾಲೋಚನೆಡ್  ನಡತೆರ್ . ನಾಗಗ್ ತಂಪು ಬೋಡು  ಪಂಡುದ್  ಬನ  ಕಟ್ಟಯೇರ್ ..ಕಾಡ್  ಕಡ್ಪೆರೆ ಬಲ್ಲಿ  ಪಂಡೆರ್...ತಂಪು ನಾಗನ ಪುದರ್ಡ್ ನರಮಾನಿಗ್   ಪನ್ಪಿನ  ಕಣ್ಣುಗ್  ತೋಜುನ   ಸತ್ಯ.  ಅಶ್ವಥ ,ತುಳಸಿ ,ತಾರೆದ ಮರ, ಕೈಬೇವು,ಉರ್ಕಿ,ಜಗ್ಮ    ಇಂಚ   ಕಣ್ಗ್  ತೋಜಿನ   ಮರಕುಲೆನ್,ಗಿಡಕುಲೆನ್  ದೇವೆರ್ಲಕ್ಕ ಪೂಜೆ ಮಲ್ತೆರ್ , ನರಮಾನಿಲಕ್ಕ  ಪ್ರಾಣಿಲು   ಪಕ್

  ದೀಪಾವಲಿ  ಪರ್ಬ ಖಾಲಿ  ಬಲೀಂದ್ರನ್  ಲೆಪ್ಪುನು  ,ಉನ್ಪಿನಿ ,ತಿನ್ಪಿನಿ,ಜೆಪ್ಪುನು  .....ಅಡೆಗೆ ಮುಗಿಯುಜಿ ದಿನಕೊಂಜಿ,ಬಗೆಕೊಂಜಿ   ವಿಶೇಷ  ಅರ್ತ ಇತ್ತಿನ  ಮಾಮರ್ಮದ  ಪರ್ಬ.  ಸುರುತ  ದಿನ  ಎಣ್ಣೆ  ಪೂಜಿದ್ ಮೀಯೊಡು      ರಡ್ಡ ನೇ  ದಿನ  ಬಲೀಂದ್ರಗ್  ದೀಪ  ದೀಯೋಡು  ಮೂಜಿನೆ  ದಿನ  ಗೋಪೂಜೆ ,ಅಂಗಡಿ ಪೂಜೆ ,ಪಾಡ್ಯೋಗು  ಕೋರಿದ ಕಟ್ಟ ...ಮುಗಿಯರೇ ಇಜ್ಜಿ ...ಅಂಚಾದೆ  ದೀಪಾವಳಿ ಪಂಡ   ಪರ್ಬ !                                                                        ಗೂಡು ದೀಪ ನೀರ್ ದಿಂಜಾವುನ  ದಿನ  ಗುವೆಲ್ಗು  ಪೂಜೆ ( ಚಿತ್ರ ಕಮಲೇಶ್ ) ಉಂದೆತ  ನಡುಟ್  ದಿನಾ  ಬೈಯ್ಯಗ್  ಮೂಜಿ ದಿನಾಲ     ದಿನತ ಆಚರಣೆ ಮುಗಿಬೊಕ್ಕ  "ಪರ್ಬ ತುಡರ್"  ತೊಜಾವುನ,   ಪೊರ್ಲುದ ಸೊಲ್ಮೆ ಸಂದಾವುನ ಒಂಜಿ ಕ್ರಮ ಶಬ್ದ  ದಾಂತೆ  ನಡಪುಂಡು ..... ಶಬ್ದ  ಪನ್ನಗ  ಸುರುಕ್ ನೆನಪಾಪಿನಿ ಪಟಾಕಿ...... ದಾಯೆಗ್ ಪಟಾಕಿ  ಬುಡ್ಪಿನ  ಕ್ರಮ ಮಲ್ತೆರ್ ...? ಶಾಸ್ತ್ರ -ಪುರಾಣದಲೆಕ್ಕೋಡು  ಅಂಚ ಮಲ್ಪೊಡ್ಗೆ - ಇಂಚ ಮಲ್ಪೊಡ್ಗೆ  ಪನ್ಪಿನ  ಒಂಜಿ ನೀತಿ  ,  ನಿತ್ಯ  ಜೀವನೋದ ಸತ್ಯೋಲು  ಬೇತೇನೆ. ಸಂಭ್ರಮಾಚರನೆಡ್ ಶಬ್ದೊಗು  ವಿಶೇಷ  ಮಾನಾದಿಗೆ. ಶಬ್ದ  ಬತ್ತಿನಂಚಿ  ತಿರ್ಗ್  ತೂಪಿನ  ಜೀವಿಲೆನ ಗುಣ. ವಿಶೇಷ ವಾಯಿನ  ಕಾರ್ಯ ನಡಪನಗ  ಅಲ್ಪ  ಶಬ್ದ  ಬೋಡೆ .. ಚಂಡೆ ,ಬ್ಯಾಂಡ್ , ದೋಲು,

ಯೆಂಕ್ಲು  ಎಲ್ಯ ಉಪ್ಪುನಗ  ದೀಪಾವಲಿದಪಗ  ಅಜ್ಜಿಡ  ಕೆನೊಂದಿತ್ತ... "ಅಜ್ಜಿ ದೀಪಾವಲಿದಾನಿ  ಬಲೀಂದ್ರ ಗ್  ಪೂಜೆ  ಮಲ್ಪುನು ದಾಯೆ ...ಆಯೇ ರಕ್ಕಸೆ ಅತಾ ...?" ಯೆಂಕಲ್ನ  ಅಂದಾಜಿಗ್    ರಕ್ಕಸೆ ಪಂಡ  ದೇವಿ ಮಹಾತ್ಮೆದ  "ಮಹಿಶಾಸುರೆ" ಲಕ್ಕ.....ಅಡೇಗೆ ಚಡ್ಡಿ ಚಂಡಿ ಅವೊಂದಿತ್ತಿನ ನೆನಪು ! . ಅಜ್ಜಿ ಪನುವೆರ್ ... "ಜೋಕ್ಲೇ  ಬಲೀಂದ್ರೆ  ರಕ್ಕಸೆ ಜಾತಿಡ್  ಪುಟುಂಡಲಾ   ಮಹಾ ದಾನಿ,  ಎಡ್ಡೆ ರಾಜೆ ..ಆಯನ ಕಾಲೋಡು ಬುಲೆ - ಸಲೆ  ಮಾತಾ ಬೋಡಾಯಿನಾತ್  ಬುಲೆವೊಂದು  ಜನೋಕ್ಲು  ಬಾರೀ ಸುಕೋಟು  ಇತ್ತೆರ್ .....ಜನೋಕ್ಲು  ಬಲೀಂದ್ರನ್   ದೇವೆರುಂದೆ   ಲೆತ್ತೊಂದಿತ್ತೆರ್ ...." ನಡುಟ್  ಯೆಂಕ್ಲು ಬಾಯಿ ಪಾಡ್ದು    ಕೇಂಡ "ಅಪಂಡ  ದೇವೆರ್ ಮಲ್ತಿನ  ತಪ್ಪತ್ತಾ ....? ದೇವೆರ್ ಇಂಚ ಮಲ್ಪೊಲಿಯಾ ...?.ದಾಯೇಗಾದ್ ಈತ್  ಎಡ್ಡೆ  ರಾಜನ್  ಪಾತಾಲೊಗು  ನೂಕಿನಿ ....?" ಅಜ್ಜಿಗ್ ಗರ್ವ  ಬತ್ತುಂಡ್ ... "ಅಧಿಕ ಮಲ್ಪಡೆ ..ಪೋಲೆ   ಗಟ್ಟಿ ಬೈದುಂಡಾ ತೂಲೆ ......   ತಿನ್ಲೆ....!" ಇಂಚ ಪಂಡುದ್  ಎಂಕ್ಲೆನ್  ಕಡಪುಡು  ಕೊರೊಂದಿತ್ತೆರ್. ಹ್ಹ ಹ್ಹ ಹ್ಹ ... ಅಜ್ಜಿನ ತಪ್ಪತ್  .....ಇಂಚ ದಾಯೇಗಾಂಡ್ ಪಂಡುದ್ ಅಜ್ಜಿಗ್ಲಾ ಪಾಪ ಗೊತ್ತುಜ್ಜಿ ! ಇನಿಕ್ಲಾ ಈತ್  ಎಡ್ಡೆ   ಬಲೀOದ್ರನ್ ದೇವೆರ್  ದಾಯೆಗ್   ಪಾತಲೊಗು   ನೂಕಿಯೇರ್ ..ತಪ್ಪತ್ತಾ ?   ಪಂಡುದೆ

    ಅಂಚಿನವುಲಾ .........ಒಂಜಿ ಕಾಲ ಇತ್ತುಂಡ್.......... ಭಾಗ -2       ಒಂಜಿ ಕಾಲ ಇತ್ತುಂಡ್...........     ಬಯ್ಯಗ್ 7ಗಂಟೆಗ್ ಉಂಡುದ್    ಜೆತ್ತೆರ್ಡ  ಕಾಂಡೆ ಸೂರ್ಯೇ  ಮೂಡುನ ದುಂಬೆ  ಲಕ್ಕುದು  ಇಲ್ಲ ಎದುರ್ಗು  ಅಂಬಿ ನೀರ್ ತೇತುದ್ ಶುದ್ದ  ಮಲ್ತುದು ,ಮೀದ್ ,ಇಲ್ಲ ಯೆದುರ್ದ ತುಳಸಿ ಕಟ್ಟೆಗ್  ಒಂಜಿ ಚೊಂಬು ಶುದ್ದ ನೀರ್ ಮೈತುದು ದಿನತ  ಬೇಲೆಲು  ಸಲೀಸಾದ ನಡಪೊಡು  ಪಂಡುದ್  ದೇವೆರ್ಡ ನಟೊಂದು  ಬೊಕ್ಕನೆ   ಬಂಜಿಗ್ ದಾಲ  ತಿನುವೆರ್.....ಬೇಲೆ ಬೆನುವೆರ್...   ]       ಬಯ್ಯಡ್  ಬೇಲೆ ಮಾತಾ ಮುಗಿದಾಯಿ ಬೊಕ್ಕ, ಸೂರ್ಯೆ  ಕಂತುನ ಪೋರ್ತುಡು  ಎಡ್ಮೆದ  ಎಣ್ಣೆ ದ ಒಂಜಿ ನಿನೆ  ದೀಪ  ಮಲ್ತುದು ತುಳಸಿ ಕಟ್ಟೆದ  ಎದುರು  ಕುಲ್ಲುದು  ದೇವೆರ್ನ  ನಾಲ್ ಭಜನೆ  ಪಂಡುದ್ ,ದೇವೆರೆಗ್  ಸೊಲ್ಮೆ ಸಂದಾವದ್  ವನಸ್ ಮಲ್ತುದು ಜೆತ್ತೆರ್ಡ  ಆನಿದ ದಿನ  ಪೋರ್ಲುಡು  ಮುಗಿಂಡು   ಪಂಡುದೆ  ಲೆಕ್ಕ ...    ಕಾಂಡೆದ  ಪೊರ್ತುಲ- ಬೈಯ್ಯದ ಪೊರ್ತುಲ ತುಳಸಿ  ಕಟ್ಟೆದ  ಸುತ್ತ  ಕುಲ್ಲುಂಡ ತುಳಸಿ ಗಿಡತ ವಿಶೇಷ  ಗುಣವಾಯಿನ  ಯಥೆಚ್ಹ ಆಮ್ಲಜನಕ ಪಸರನೆದಾವ್ರ  ಅರೋಗ್ಯ ವೃದ್ಧಿ ಆಪುಂಡು  ಪನ್ಪಿನ  ನಮ್ಮ ಹಿರಿಯೆರ್ನ ಅನುಭವದ ನಂಬಿಕೆ .....   ಜ್ಞಾನ ವೃಕ್ಷ   ತುಳಸಿ, ಅಶ್ವತ್ಥ  ಬೋಧಿ  ಈ ಮೂಜಿ  "ಜ್ಞಾನ ವೃಕ್ಷ" ಜಾತಿಗ್ ಸೇರುವ .ಅಂಚಾದ್   ದುಂಬುದ ಕಾಲೋಡು  ನ್ಯಾ

ತುಳುವೆರ್ನ ಪಾಲುದ ಮೈಸೂರು ಪೇಟ ..ಮುಟ್ಟಲೆ  !!   ತುಂಬೆರಾವಡ್ -ದೊಂಬು ಗಾವಡ್ -ಗಾಳಿಗಾವಡ್ -ಬರ್ಸಾಗಾವಡ್  ಮಂಡೆಡ್  ಒಂಜಿ ಮುಟ್ಟಲೆ  ಇತ್ತಿನಾಂಡ  ತುಳುವೆ  ಯುದ್ದೋಗು  ಪಿದಡಿನ  ವೀರಲಕ್ಕ  ಒಯಿಕ್ಲಾ  ತಯಾರ್,ಅಂಚಿನ ತಾಕತ್ತುದ  ಟೊಪ್ಪಿಗೆ ಈ ಮುಂಡಾಸ್ ಮುಟ್ಟಲೆ . ದುಂಬು  ಬೆನ್ಪಿನಾಯನ  ಮಂಡೆಡ್  ನಲಿತೊಂದು  ಇತ್ತಿನ ಈ ಪೇಟ  ಇನಿ ಕಾಲಿ  ಪ್ರದರ್ಶನದ  ವಸ್ತು   ಆತುಂಡು  ಪನ್ನಗ  ಮನಸ್ಸುಗು  ಬೇನೆ   ಆವಂದೆ  ಕುಲ್ಲುವಾ ?   ಮಹಾರಾಜೆರ್ನ ಕಾಲೋಡು  "ಮೈಸೂರು ಪೇಟ" ಮಲ್ಲ ಮಾನಾದಿಗೆದ  ರೂಪೋ . ಮನಸುದ ,ಬುದ್ದಿದ ಮಲ್ಲಾದಿಗೆನ್  ತೊಜಾವುನಲ್ಪ  ಮೈಸೂರು ಪೇಟ  ಬರು ..ಅಂಡ  ತುಳುನಾಡುದ  ಬಡವಗ್  ಬೆನ್ನಿದ-ಬೆನ್ಪಿನ ಮಲ್ಲಾದಿಗೆ ತೊಜಾವರೆಗ್ ಮೈಸೂರು ಪೇಟ ಓಲು  ತಿಕ್ಕು ?.   ಕಂಗುದ  ಪಾಲೆದ ಹದೋಟು -ನೀಟೋಡು  ಕಟ್ಟುದಿನ  ಮುತ್ತಲೆ ನೇ ಆಯನ  ಮೈಸೂರು ಪೇಟ. ಮನಸಾಂಡ  ತಾನೇ ಕುಲ್ಲುದು  ಪಾಲೆನ್ ಕನತ್  ಬೂರುದ ಬಲ್ಲುಡ್  ತರ್ತ್ ಕಟಿಯೆಡ  ತನ್ನ ಪೇಟ ತನ್ನಾತೆಗೆ  ತಯಾರಾವು . ಇಜ್ಜಾಂಡ ನಲಿಕೆದಾಯಗ್  ಒಂಜಿ ಪಾವು ಅರಿ ಕೊರಿಯೇರ್ಡ  ನಲಿತೊಂದೆ ಆಯೆ ಕನತ್ ಕೊರುವೆ......   ತರೆವುನ  ಕಲ್ಲುಡ್  ತರೆದ್  ಗಂಧ  ಕಮ್ಮನೆ ಕೊರು ,ಅರೆವುನ ಕಲ್ಲುದ ನಡುಟ್ ಮುಂಚಿ ಪೋಡಿ ಯಾದ್ ಕಜಿಪುಗು  ಖಾರ ಕನವು..ತಾರಾಯಿ ಪೊಡಿಯಾದ್ ರುಚಿ ಕನವು, ಕೊದ್ದ್ಯುನ   ಕಜಿಪುಡು  ಉಪ್ಪು-ಪುಳಿ  ಕರಾದ್  ನಾಲಾಯಿಗ್ ಪುಲ್ಪನೆ

  ಬಾರ್ ಬಲ್ಲಾಳ್ರೆಗ್ .......  ದೂರು ಪುಂಡದಗ್ ............   ತುಳುವೆರ್ನ ಸ್ವಭಾವ  ತುಳುವೆ ಪೆಲಕಾಯಿದಲಕ್ಕ ...ಆತ್ಲಾ   ಮೆದು ..ಪಾಪದಕುಲು ,ಸತ್ಯವಂತೆರ್ ,ಸೀದಾ ಜನಕುಲು  ಪನ್ಪಿನ ಒಂಜಿ ರೂಡಿ ಪಾತೆರ ,    ತುಲುನಾಡುಡ್  ಇಂಚಿನವೇ  ಗುಣತ ಒಂಜಿ ಪಾಪದ  ಪಕ್ಕಿ ಉಂಡು ..ಆವ್ವೇ  "ಪುಂಡದೆ", "ಕುಂಡ ಕೋರಿ " ಇಜ್ಜಂಡ "ನೀರ್ ಕೋರಿ" ಇಂಚ ಮಾತಾ  ಉಂದೆನ್ ಲೆಪ್ಪುವೇರ್.   ಬಾರಿ ನಾಚಿಕೆದ,ದಾಕ್ಷಿಣ್ಯದ,ತಾನು ಇತ್ತಿನವು-ಬತ್ತಿನವು -ಪೋಯಿನವು   ಬೇತೆಗಲೆ  ತೆರಿಯರೇ ಬಲ್ಲಿ  ಪನ್ಪಿನಾತ್   ಕಲ್ವ  ನಡಕೆದ  ಪಕ್ಕಿ.  ಇಂಚಿನ ಪಾಪದಕ್ಲೇನ್   ಬದುಕೆರೆ ಬುಡುವೆರಾ ..?   ಅಂಚ ಪಾಪದ  ಪುದ  ಪಕ್ಕಿ  ಪೋಯಿನಲ್ಪ ಬತ್ತಿನಲ್ಪ ಅಪವಾದೊಗು  ಬೂರು.ಎರೆಗ್ಲಾ ತೊಂದರೆ ಕೊರ್ಜಿಡಲ  ನಮಕ್  ಯೇರ್ಲಾ  ತೊಂದ್ರೆ ಕೊರ್ರೆ   ಬಲ್ಲಿಂದ್ ಇಜ್ಜತೆ ?.   ಸಮಾಜೋಡು ತಾನ್ ಮಲ್ತಿನ  ತಪ್ಪುನು ಬೇತೆರ್ನ  ಮಿತ್ತ್ ಪಾಡುದು  ಬದುಕುನಕ್ಲೇಗ್ ದಾಲ  ಕಮ್ಮಿ ಇಜ್ಜಿ.        ಈ ಕತೆ ಕೇನ್ಲೆ ....   ಊರುದ ಬಲ್ಲಾಳ್ರು   ಇಂಚಿನವೇ  ಒಂಜಿ ಜನ. ತನ್ನ ನೆರೆಕರೆತಾಯನ  ಮಿತ್ತ ಕಂಡದ ಬುಲೆ  ತೂದು ಅರೆಗ್  ಮಚ್ಚರ ಆಪುಂಡು .   ಬೇಲೆದಾಯನ್ ಲೆತ್ತುದು ಪನ್ಪೆರ್     "ತೂಲಯ ....ಮಿತ್ತ ಕಂಡೋಡು ಬಾರಿ ಬುಲೆ ..ನಮ್ಮ ತೂಲ ಟಿರಿಟಿರಿ  ಪನೊಂದು ನರಕ ಬರೊಂದು ಉಂ

ಕುಂಡೆಚ್ಚೆ  ಪೆಲಾಕೈ ಕೂಂಪುನ ಪೊರ್ಲು ತುಳುನಾಡುಡ್   ಬೊಡ್ಚಿ  ಪOಡಲಾ  ಬೋಡಾಯಿನಾತ್  ಬುಲೆವುನ  ಒಂಜಿ ಬುಲೆ ಪೆಲಕಾಯಿ. ತಿಂದಿನ  ಪೆಲಕಾಯಿದ ಬೋಲೆ (ಪೆಲತರಿ ) ದಕ್ಕಿನಲ್ಪ ಎರೆನೆ ಹಂಗ್  ದಾಂತೆ ತನ್ನಾತೆಗೆ  ಬುಲೆದ್ ಗಟ್ಟಿ  ನೆಲೆ ಉಂತುನ  ಗುಣ  ಬಹುಶ ತುಳುನಾಡುದ  ಮಣ್ಣುದ  ಗುಣ  ಆದಿಪ್ಪೋಡು. ಗುಜ್ಜೆ ಪಂಡ  ಕಾಯಿ ,ಪೆಲಕಾಯಿ  ಪಂಡ  ಪರ್ನ್ದೆರೆ ತಯಾರಾತಿನ ಬುಲೆದ್ ಕಾಯಿ                                                                                                                           ಪರಂದ್  ಪೆಲಕಾಯಿ ....ಆಹಾ  ಬಾರಿ ಕಮ್ಮನೆ ! ಇಂಚ ಬುಲೆಯಿನ  ಪೆಲಕಾಯಿದ  ಮರ  ಬಾರಿ ಉಪಯೋಗೊಗು ಬೂರುನ  ಮರ. ಮರೋಟು ಪತುದು ಇರೆ ಮುಟಲ ಉಪಯೋಗ  ಆಪಿನ ಅಪರೂಪದ ಮರ .ಆoಡ ಲ  ತುಳುನಾಡುಡ್  ಪೆಲಕಾಯಿಗ್ ತಿಕ್ಕುನ ಮಾರ್ಯಾದೆ ಆತೆಡೆ ಉಂಡು.  ಬಹುಶ  ಸುಲಬೋಡು  ತಿಕ್ಕುನೈಟಾವ್ರ  ಸಸಾರ ಆದಿಪ್ಪೆರೆ ಯಾರು.                                                     ಮುದೆಲ್ದು -ಕೊಡಿ ಮುಟ  ಓಲಾಂಡಲ   ಗುಜ್ಜೆ  ನೇಲು   ಪೆಲಕಾಯಿದ  ಗೂಂಜಿಡ್  ಪತ್ತುದು  ರಚ್ಚೆ  ಮುಟ  ಒವ್ವೇನ್ಲ ದಕ್ಕುನ ಕ್ರಮ ಇಜ್ಜಿ....ಅಂಚಿನ ಪರಿಪೂರ್ಣ ಪರಂದ್  ಈ ಪೆಲಕಾಯಿ.  ಗೊಂಜಿನ್ ಉಪ್ಪು ನೀರುಡ್  ಮುರ್ಕಾ ದೀದ್ ಮರಿಯಲೋಗು ಚಟ್ನಿ ಕಡೆದ ಕೊರಿಯೇರ್ಡ ವನಸು ಪುಲ್ಪನೆ.ಉಪ್ಪಡ್  ಪ

ಕುಪುಲು  ಪಕ್ಕಿ  . ತುಳುನಾಡುದ  ಜನೋಕುಲು  ಹುಷಾರ್ , ಬುದ್ದಿವಂತೆರ್ ,ಚುರುಕ್  ಪನ್ಪಿನ  ನಿತ್ಯ ಸತ್ಯೇ . ಮುಲ್ಪದ ಜನೋಕುಲು  ಮಾತ್ರ ಅತ್  ಪ್ರಾಣಿ ಪಕ್ಷಿಲು  ಮಾತಲ ಚುರುಕುದವೇ .ಕಕ್ಕೆ,ಮುಂಗುಲಿ, ಕುದ್ಕೆ , ಕೋರಿ, ಚನಿಲ್ ,ಪುಂಡದೆ ಇಂಚ.  ನೆಕ್ಲೆಗ್  ಒಂಜಿ ಅಪಾವಾದ ಪನ್ಪಿಲಕ್ಕ  2 ಪಕ್ಷಿಲು  ತುಳುನಾಡುಡ್  ಉಲ್ಲ . ಒಂಜಿ.....ಪಗೆಲಿಡಿ  ನಿದ್ರೆ ಮಲ್ತುದು  ರಾತ್ರೆಗ್ " ಗೂ ಗೂ"  ಪಂಡುದ್ ಗೂರುನ ಗುಮ್ಮೆ  ಪಕ್ಕಿ.... ಬೊಕೊಂಜಿ ಬರ್ಸೋಗು ಯಾಪಲ " ಕೂರುನ"  ಕುಪುಲ್ ಪಕ್ಕಿ.  ಚಿತ್ರ ಕೃಪೆ : ಸೌಮ್ಯಾ   ಕುಪುಲು  ಪಕ್ಕಿ,ಕೆಂಪು ಕಣ್ ,ಕಂದು ಬಣ್ಣದ ರೆಕ್ಕೆ, ಉಲಮೈ ಕಪ್ಪು  ಇತ್ತುದು ತೂಯರೇ ವಂತೆ  ಪೊರ್ಲುದ ಪಕ್ಕಿ ಆಂಡಲ   ಬಾರಿ  ಕೂರOಟೆಲ್. ಐತಾ  ದೇಹ ಪ್ರಕೃತಿಯೇ ಬೆರಿ ಬಗ್ಗುದಿನ ಕೂರು ರೂಪ  . ಮರಿಯಲದ ಪೊರ್ತುಗು ಅವ್ವು ತಾರೆದ ಮಡಲ್ ದ  ಮಿತ್ತ್  ಬರ್ಸೋಗು ನನೆವೊಂದು ಕೂರೊಂದು ಕುಲ್ಲುನ ತೂಯರ್ಡ ನಮಕ್ಲ  ಇಲ್ಲದುಲಾಯಿ  ಅಡೆಗೆ ಕೊಟ್ಟು ಒಯಿತು ಜೆಪ್ಪುಗ ತೊಜುಂಡು!. ಈ ಪಕ್ಕಿನ್ ತೂದು   ಕೆಲವು ಉಪಮೆಲು, ಕತೆಕುಲು  ಉಂಡು.... "ಈ ದಾನಿಂಬೆ  ಕುಪುಲ್ ಪಕ್ಕಿದಲಕ್ಕ   ಕುಲ್ಲುದಿನಿ" ಇಂಚ ಪಂಡೇರ್ಡ  ಬೇಲೆ ಕಲ್ವೆ  ಪಂಡುದಾ ,ಪ್ರಯೋಜನ ಆವಂದಿನಾಯೇ ಪಂಡುದಾ,ಕಾಲಿ  ಕುದೊಂದು ಆಲೋಚನೆ ಮಲ್ಪುನಾಯೆ ಪಂಡುದಾ ಅರ್ತ. "ಆಯೇ ಮಲ್ಪುವೆ ಪಂಡುದ್ ಕುಪುಲ್ ಪಕ್ಕಿದಲಕ್