ಬಾರ್ ಬಲ್ಲಾಳ್ರೆಗ್ ....... ದೂರು ಪುಂಡದಗ್ (ಪುದಗ್ ).............

 

ಬಾರ್ ಬಲ್ಲಾಳ್ರೆಗ್ .......  ದೂರು ಪುಂಡದಗ್ ............

 

ತುಳುವೆರ್ನ ಸ್ವಭಾವ  ತುಳುವೆ ಪೆಲಕಾಯಿದಲಕ್ಕ ...ಆತ್ಲಾ   ಮೆದು ..ಪಾಪದಕುಲು ,ಸತ್ಯವಂತೆರ್ ,ಸೀದಾ ಜನಕುಲು  ಪನ್ಪಿನ ಒಂಜಿ ರೂಡಿ ಪಾತೆರ , 

 

ತುಲುನಾಡುಡ್  ಇಂಚಿನವೇ  ಗುಣತ ಒಂಜಿ ಪಾಪದ  ಪಕ್ಕಿ ಉಂಡು ..ಆವ್ವೇ  "ಪುಂಡದೆ", "ಕುಂಡ ಕೋರಿ " ಇಜ್ಜಂಡ "ನೀರ್ ಕೋರಿ" ಇಂಚ ಮಾತಾ  ಉಂದೆನ್ ಲೆಪ್ಪುವೇರ್.

 

ಬಾರಿ ನಾಚಿಕೆದ,ದಾಕ್ಷಿಣ್ಯದ,ತಾನು ಇತ್ತಿನವು-ಬತ್ತಿನವು -ಪೋಯಿನವು   ಬೇತೆಗಲೆ  ತೆರಿಯರೇ ಬಲ್ಲಿ  ಪನ್ಪಿನಾತ್   ಕಲ್ವ  ನಡಕೆದ  ಪಕ್ಕಿ. 

ಇಂಚಿನ ಪಾಪದಕ್ಲೇನ್   ಬದುಕೆರೆ ಬುಡುವೆರಾ ..?

 

ಅಂಚ ಪಾಪದ  ಪುದ  ಪಕ್ಕಿ  ಪೋಯಿನಲ್ಪ ಬತ್ತಿನಲ್ಪ ಅಪವಾದೊಗು  ಬೂರು.ಎರೆಗ್ಲಾ ತೊಂದರೆ ಕೊರ್ಜಿಡಲ  ನಮಕ್  ಯೇರ್ಲಾ  ತೊಂದ್ರೆ ಕೊರ್ರೆ   ಬಲ್ಲಿಂದ್ ಇಜ್ಜತೆ ?.

 

ಸಮಾಜೋಡು ತಾನ್ ಮಲ್ತಿನ  ತಪ್ಪುನು ಬೇತೆರ್ನ  ಮಿತ್ತ್ ಪಾಡುದು  ಬದುಕುನಕ್ಲೇಗ್ ದಾಲ  ಕಮ್ಮಿ ಇಜ್ಜಿ. 

 

 

 

ಈ ಕತೆ ಕೇನ್ಲೆ ....

 

ಊರುದ ಬಲ್ಲಾಳ್ರು   ಇಂಚಿನವೇ  ಒಂಜಿ ಜನ. ತನ್ನ ನೆರೆಕರೆತಾಯನ  ಮಿತ್ತ ಕಂಡದ ಬುಲೆ  ತೂದು ಅರೆಗ್  ಮಚ್ಚರ ಆಪುಂಡು .

 

ಬೇಲೆದಾಯನ್ ಲೆತ್ತುದು ಪನ್ಪೆರ್  

 

"ತೂಲಯ ....ಮಿತ್ತ ಕಂಡೋಡು ಬಾರಿ ಬುಲೆ ..ನಮ್ಮ ತೂಲ ಟಿರಿಟಿರಿ  ಪನೊಂದು ನರಕ ಬರೊಂದು ಉಂಡು.....ಈ ಪೋದು ಅವೆನ್ ಕೊರಲ್ದಲ್ಪನೆ  ಪೊಲ್ತೊಂದು  ಕನಲ ,ಕೈಯ್ ಅಂಚನೆ ಇಪ್ಪಡ್,  ಬೊಕ್ಕ ಕಂಡಿಯೇರ್  ಪಂಡುದ್  ದೂರು ಕೊರ್ಯೇರ್ಡ  ತೂಕ...ಇನಿಯೇ ಆವೋಡು  ಬೇಲೆ ...ಗೊತ್ತಾಂಡ ..?"

 

ಬೇಲೆದಾಯೇ  ಅಂಚನೆ ಮಲ್ತೆ ...

 

ಮಿತ್ತ ಕಂಡ ದಾಯೆ  ಮರ್ದಿನ ತೂವನಗ  ಬಜಿ  ಕೈಯ್ ಮಾತ್ರ ಉಂಡು ..ಕೊರಲ್  ತೋಜುಜಿ .

 

ಪಂಚಾಯ್ತಿಗ್  ಲೆತ್ತೆರ್ ..ಯೆರೆನ್ ಕಲ್ವೆ  ಪನ್ಪಿನಿ ..? ತೂತಿನಕುಲ್ ಯೇರ್ಲಾ  ಇಜ್ಜೆರ್..

 

ಅಪಗ   ಬಲ್ಲಾಲೆರ್  ಪನ್ಪೇರ್ಗೆ ...

 

"ಕಲ್ವೆ ಆಂಡ  ಕೈಯ್  ಸಮೇತ ಕಂಡುಜೆನಯ.? ಉಂದು  ಒವ್ವಾ ಪಕ್ಕಿದ ಬೇಲೇನೆ ಆದಿಪ್ಪೋಡು ನಿನ್ನ ಕಂಡೋಡು ಯಾಪಲಾ  ಆ ಪುಂಡದ  ಪಕ್ಕಿ  ಉಪ್ಪುಂಡತ,  ಐತಾ ಬೇಲೇನೆ ಉಂದು !!"

 

ಮಾತೆರ್ಲಾ ಬಲ್ಲಾಲ್ರೆನ ಪಾತೆರೊಗು  ಮಂಡೆ ಆಡವೆರ್ 

 

ಎಂಚ ....ಕತೆ ?

 

ಬಾರ್  ಮಾತಾ  ಬಲ್ಲಾಳ್ರೆಗ್ ...ಪಾಪ  ದೂರು ಮಾತ್ರಾ  ಪುಂಡ ದಗ್ !!

 

 ಬಿರ್ಸೆರ್  ಬದುಕೆರ್ 

ಪಾಪದಕುಲ್  ಸೈತೆರ್ .....!!

 

 

 

 

ನನೊಂಜಿ  ಮಾಹಿತಿ 

 

 ಖೆಡ್ಡೆಸೆದ  ಪೊರ್ತುಡು  (ಫೆಬ್ರವರಿ ) ಬೀಜುನ ಗಾಳಿಗ್ ಪುಂಡ ದಗ್  ಜರ  ಬರುಗೆ ,ಅಪಗ ಉಂದು  ಸುಲಬೋಡು  ಕೈಕು  ತಿಕ್ಕುಂಡು. ಬೊಂಟೆಗ್  ಪೊಯಿನಕುಲು  ಉಂದೆನ್ ಪತ್ತುದು  ಐತ  ಪುಂಡಿ  ಮಾಸೊನು ತಿನ್ಪೆರ್ . ಮನುಷ್ಯನ  ಎಲು  ಗಟ್ಟಿ ಮಲ್ಪುನ ಗುಣ ಈ   ಮಾಸೊಗು  ಉಂಡುಗೆ.