Manjotti ಮಂಜೊಟ್ಟಿ

ಕಲಂಕ್ .....! ➖➖➖➖ ತೆಲಿನೀರ ಸೆಲೆತಡಿಟ್ ನಡಪು ನಾಟಕದ ನಿಲೆ ತೆರಿಯೆರಾವಂದ್ ಪಂದ್ ಅಲಂಕದ್ ತೊಲಂಕದ್ ಕಲಂಕ್ ಲಕ್ಕಾದ್ ದೆಂಗ ದೀಂಡ್ ಮಡೆಂಜಿ ಮೀನ್ ತನ್ನ ಪೊಲಬು.......! ಅದೆತಿಡೆಟ್ ಮದೆತಡಿಟ್ ಒಸರ್ದಿಡೆಟ್ ಕೆಸರ್ದಡಿಟ್ ಮಾತಾ ಕಡೆಟ್ ಇತ್ತೆ ಅಲ್ಪೆಸಿ ಗೊಬ್ಬಿನನೇ ಗೊಬ್ಬು !!. ✍🏽ಶಾಂತಾರಾಮ್ ಶೆಟ್ಟಿ. 🐋🦈🐋🦈🐋🦈

ನಟ್ಟುನಾಯೆ ! ================= ನಟ್ಟುನಾಯೆ ನಟ್ಟುನಾಯೇ ಪಂದ್ ದಾಯೆಗ್ ಚಿಲ್ಲೆಡ್ಪುವರ್ಯೆ ? ನಟ್ಟoದಿನಾಯೆ  ಯೇರುಲ್ಲೆ ? ಮಾತೆರ್ಲಾ ನಟ್ಟುನಕುಲೆ ! ಪುರುಬಾಲೆಡ್  ಅಪ್ಪೆ ಮಿರೆ ಪೇರ್ ನಟ್ಟಿನಾಯೆ ಬಿರುದೊಂಬುಡು ನಿರೆಲ್ ಅಸರ್-ನೀರ್ ನಟ್ಟಿನಾಯೆ ಜಾರಿನಪಗ ಬೂರಿನಪಗ ಅಮ್ಮಾ ಲಕ್ಕಾಲೇ ಪಂಡಿನಾಯೆ ಮಾತೆರ್ಲಾ ನಟ್ಟಿನಕುಲೆ ! ಮಿತ್ತಿತ್ತಿನಾಯನ ಹಂಗುಡ್ ನಾಲ್ ದಿನತ ಬದ್ಕ್ಡ್ ನಟುದೇ ಬದುಕೊಡು ನಟುದೇ ತೀರೋಡು ಬಂಗೊಡು ಈ ಜನ ಸಂಗೊಡು ! ಇತ್ತಿನವೆನ್-ಒರ್ತಿನವೆನ್ ಕೊರಿನಾಯೆ ದಾಲ ಮಲ್ಲ ದೇವೆರತ್ ನಟ್ಟುನಾಯೇ ಬಜಿ ಪೊಟ್ಟು ಪೊಕ್ಕಡೆತ್ ನಟ್ಟುನು ನಮ ದಿಕ್ ತತ್ ! ಬದ್ಕ್  ಬೋಡಾವನಗ ಬಂಜಿಗ್ ನಟ್ಟೋಡಾವು   ಬದ್ಕ್ ಬೊಡ್ಚಾವನಗ ಅಂಚನೇ ತಾಲಂದ್ ಜೂವ ಸಾವುನುಲಾ.... ನಟ್ಟೋಡಾವು ! ✍🏽ಶಾಂತಾರಾಮ್ ಶೆಟ್ಟಿ  ➖➖➖➖➖➖➖

ಕುರೆ...! ➖➖➖➖➖ ದಿನಾ ಮೀಯೊಂದಿತ್ತೆ..... ಮೈಟಿತ್ತಿ ಕುರೆ ತಿಕ್ಕ್ ದ್- ದೆಕ್ಕ್ ದ್ ದೆತ್ತ್ಂಡ್ ತೆಪ್ಪುದ ಕೂರೆ! ಮನಸ್ದುಲಾಯಿದ ಪೋಯರೆ ಈರೇ ನಿಲೆ ಆವೊಡಾಂಡ್ ದೇವೆರೆ!!. 🙏🙏🙏 ✍🏽ಶಾಂತಾರಾಮ್ ಶೆಟ್ಟಿ.

ಛಿ...ಚಿಕ್ಕಲ್! ➖➖➖➖➖➖😜 ಎಂಕಾಪುಜಿ ಎಂಕಾಪುಜಿ ಪಂದ್ ಇಡೀ ಕೋರಿ ತಿಂತೆಗೆ  ಒರಿ! ಬಾಯಿದ ಪಾತೆರ ಬಂಜಿಗಾಪುಜಿ ಬಡವಾನಗ ಬೋಡಾಯಿನಾತ್ ಉನೊಡು! ತೊಡುವಾನಗ ಚಿಕ್ಕಲ್ ಮಲ್ಲಾದಿಗೆ ದಾಯೆ? ಕೇನ್ ದ್ ಕೇನ್ ದ್ ತಿನೊಡು !!. 😜 ✍🏽ಶಾಂತಾರಾಮ್ ಶೆಟ್ಟಿ!!

ಭೂ-ಸುಧಾರಣೆ! ➖➖➖➖➖ ಏರೇರ್ನ ಜಾಗ ಏರೇರೆಗಾಂಡ್ ಕೈಯೋಂ ಮುರ್ಯೋಂ ಪಂಡ್ ದ್ ಏರೇರೋ ಏತೇತೋ ಬುಲ್ತೆರ್! ಏರೆನೆ ಜಾಗ? ಏರೆಗಾಂಡ್? ಯಾಪಾಂಡ್? ಬೆರ್ಮೆರ್ ಎಂಕೇ ತೆರಿಜಿಂದ್ ತೆಲ್ತೆರ್!!. ಬೇಲಿ ಪಾಡಿನಾಯಗ್ ಪೋಂಡು ಪೋಂಡುಂದು ಸಂಕಡ ದೇವೆರ್ ಪಂಡೆರ್ ಬೆಂದ್ ತಿನಡ್ ಬೆನ್ಪಿ ಜೂವೊನು ದಾರಿಕೆಡ್ ದೊಂಕಡ !! ✍🏽ಶಾಂತಾರಾಮ್ ಶೆಟ್ಟಿ