ಮೂಜಿ ದಿನತ .......... !
ಮೂಜಿ ದಿನತ .......... !
.JPG)
ಕೋಡೆದ ಬರ್ಸೊಗು
ಇನಿ ಪುಟ್ಟಿನ
ಅಲಂಬು ನಮ
ಸೈಯೆರುಂಡು
ನನ ದುಂಬು
ತರಿಕಡರಿದಿನ ಕೊಂಬು
ಜಪುಡದೀ
ಕಾರ್ಣಿಕದ ದೈವ
ದೇವೆರೆನ್ ನಂಬು
ಅಂಕ ಬಿಂಕದ
ಬೋಂತೆ ಬುಡೊಡು
ತುಳುನಾಡುದ
ಕಮ್ಮೆನದ ಈ ಮಣ್ಣುಡು
ಒಂತೆ ಪೊರ್ಲುಡು
ನಮ ಬದುಕೊಡು
ದೈವದ ನುಡಿ
ದೈವಡ ಪನೊಂಬಿನಿ ಬೊಕ್ಕ ದೈವದ ನುಡಿ ಸ್ವಾಮಿ ಜುಮಾದಿಯೇ ದೈವಡ ಎಂಕಲ್ನ ಸಂಕಲ್ಪ ದಾದ ಪಂಡ ಏರ್ದಿನಂಚಿನ ದೊಂಪಡಾವಡ್ ... ಕೊಡತಿನಂಚಿನ ಬೊಂಡಡಾವಡ್ ಪಾಡಿತ್ತಿ ಪನಿಯಾರದಾವಡ್ ... ವಾ ರೀತಿದ ತಪ್ಪು ದೋಷ ತಾಂಗ್ ಇತ್ತಿನಾಂಡಲ ಕಡಪ ರಾಜ್ಯೋಗ್ ಪಾಡ್ದು ಜೋಕುಲ್ ಬಾಲೆಲೆಗಾವಾಡ್ .. ಕಂಜಿ ಕೈಕಂಜಿಗಾವಾಡ್ ಸೀಕ್ ಸಂಕಡ ಬರಾಂದಿಲಕ್ಕ ಮೂಡಾಯಿ .. ಪಡ್ದಾಯಿ ..... ತೆಂಕಾಯಿ ... ಬಡಕಾಯಿ ನಾಲ್ ದಿಕ್ಕುಗುಲ ವಾ ರೀತಿದ ಕುಂದು ಕೊರತೆ ಬರಾಂದಿಲಕ್ಕ ವಿಷ ಇತ್ತುಂಡ ಕಡಪ ರಾಜ್ಯೋಗ್ ಪಾಡುದ್ ...... ಅಮೃತ ಇತ್ತುಂಡ ಕುಟುಂಬೋಗು ಕೊರ್ದು ಈ ಊರುಗು ಬತ್ತಿನ ತುರ್ತುನು ನಿನ್ನ ಮಾಯೊಡು ಪರಿಯಾರ ಮಲ್ತೊಂದು ನಮ ನಂಬಿನಂಚಿನ ದೈವ , ದುಂಬುಲ ಬೇರಿಸಾಯ ಇತ್ತ ನನ ದುಂಬುಗುಲ ಎಂಕ್ಲೇನ್ ಮಾತಾ ರಕ್ಷಣೆ ಮಲ್ತೊಂದು ಕಾತೊಂದು ಬತ್ತಡ ನಿಕ್ ಕೀರ್ತಿ ಬರು. ದೈವದ ನುಡಿ ಊರುದ ಅರಸುಲೇ ... ಗುತ್ತಿನಾರೆ, ಮಾತೆರ್ಲ ಬತ್ತು ಸೇರ್ದಾರ ? ಪತ್ತಪ್ಪೆ ಬಾಲೆಲು .. ಪತ್ತಪ್ಪೆ ಜನೋಕುಲು ಊರುದಕುಲು ... ಪರ ಊರುದಕುಲು ಸಂಸಾರ ಸಮೇತ ಸೇರೊಂದು ಕೊರಿನಂಚಿನ ವರ್ಸಾದಿ ನೇಮ. ಎಡ್ಡೆ ಗಳಿಗೆಡ್ ಯೇರ್ದಿನಂಚಿನ ಭಂಡಾರ ಈಶ್ವರ ದೇವೆರೆನ ಪಾದೋಡು ಜತ್ತಿನಂಚಿನ ಮಾಮಲ್ಲ ದೈವ ಪೆತ್ತ ಪೋಯಿನ ತಾದಿಡ್
Comments
Post a Comment