"ಈರ್ ತೂಪರ -ಬುಡ್ಪರಾ? , ದೇವೆರ್ ತೂಪೆರತ್ತೆ ಅಯ್ಯ !''
ಅಂಚಿನವುಲಾ ಒಂಜಿ ಕಾಲ ಇತ್ತುಂಡ್ ... ಭಾಗ -3
ಸುಮಾರು ಮುಪ್ಪ -ಮುಪ್ಪತೈನ್ ವರ್ಷದ ಪಿರವುದ ಪಾತೆರ.....
ಅಪಗ ಈ ನಮ್ಮ ಟೆಲಿಫೋನ್ ಬತ್ತಿನ ಸುರು . ಮಾತೆರ್ನ . ಇಲ್ಲಡ್ ಇಪ್ಪಾಂದಿನ ಅಪರೂಪದ ಸೊತ್ತು.
ಗುತ್ತುದ ಮಲ್ಲ ಇಲ್ಲಲ್, ತತ್ತುಂಡ ಅಲ್ಪಲ್ಪ ಒಂಜೊಂಜಿ ಇಲ್ಲಲ್ ಇತ್ತುಂಡ್ .
ವಿಷಯ ಇತ್ತೇ ಪಂಡ್ರೆ ಪೋತಿನಿ ಟೆಲಿಫೋನ್ದ ಅತ್. ಅಪಗದ ಕಾಲದ ಜನಕ್ಲೇನ ಮನಸುದ ಸುದ್ದೋನು , ನುಪ್ಪುದ ನಿಯತ್ತುನ್ .
ಚಿಟ್ಪಾಡಿ ದ ಬೂಡುಡು ಸುರುಕ್ಕುಈ '' ಟ್ರಿಣ್ ಟ್ರಿಣ್'' ಶಬ್ದ ಕೇಂಡಿನಿ ಬಲ್ಲಾಳ್ರೆನ ಇಲ್ಲಡ್ ಮಾತ್ರ. ಅರ್ನ ಎಲ್ಯ ಮಗೆ ಬೊಂಬಾಯಿಡ್ದು ಐಟ್ ಅಪಗಪಗ ಪಾತೆರೊಂದು ಅಪ್ಪೆ- ಅಮ್ಮೆರ್ ಸೌಕ್ಯನ ಪಂಡುದ್ ತೆರಿಯೊಂದಿತ್ತೆರ್ಗೆ .
ಅವು ವಾರೋಗೊರ .....
ಇಜ್ಜಾಂಡ ಬಲ್ಲಾಳ್ರು ಪೆಂಟೆಗ್ ಪೋಯಿನಲ್ಪ ಪಿರ ಬನ್ನಗ ಕಡೀರ್ನ್ಡ ಬುಡೆದಿಗ್ ತೆರ್ಪಾವರೆ.
ಇಂಚನೆ ಉಪ್ಪನಗ ಒರ ದಾದಾಂಡ್ ಕೇನ್ಲೇ......
ಅಕ್ಕೇರ್ ಕಿದೆಟ್ ಪೆತ್ತ ' ಗಂಗೆ' ನ ಪೆದ್ಮೆದಿದ ಉಪಚಾರೋಡು ಇತ್ತೆರ್ . ಕಂಜಿ ಪಾಡ್ಡಿನ ಗಂಗೆ ಬೈಯ್ಯ ಅಂಡಲ ನನಲ ಕಜೆಲ್ ಪಾಡ್ದುಜೋಲ್ . ಬೇಲೆದ ಅಂಗರೆ ಅಪಗೊಡಿಂಚಿ ಪೆತ್ತೋಗು ಪುಗೆ ಪತ್ತುವೆ , ಜೆಪ್ಪೆರೆ ಬೈಯಿ ಪಾಡ್ದು ಅಟ್ಟನೆ ಮಲ್ಪುವೆ, ಅರ್ಕಂಜಿ ಬೆಚ್ಹ ಮಲ್ಪುವೆ . ಪುರುಸೊತ್ತೇ ಇಜ್ಜಿ
ಬಲ್ಲಾಳ್ರು ಪೆಂಟೆಗ್ ಪೋತಿನಾರ್, ತಡ ಆಂಡ್ ಪಂಡುದ್ ಇಲ್ಲಗ್ ಒಂಜಿ ತೆರ್ಪಾವರೆ ಮನಸ್ ಮಲ್ತೆರ್.
'ಟ್ರಿಣ್ ಟ್ರಿಣ್' ಪಂಡುದ್ ಚಾವಡಿದ ಮೂಲೆದ ಟೆಲೆಫೋನ್ ಬುಲ್ಪರೆ ಸುರುವಾಂಡ್ .
ಅಕ್ಕೇರ್ ಪಂಡೆರ್ .....
ಇಂದಯ ಅಂಗರ .... ಅಯ್ಯನ ಫೋನ್ ಇಪ್ಪೋಡು . ಎನ್ನ ಕೈಟ್ ಮಡೆ ಉಂಡು . ವೊರ ಪೋದು ದಾದಂದ್ ಕೇನ್ವನಾ ?.
ಅಂಗರಗ್ಲ ಅಪಗಪಗ ಫೋನುಡ್ ಪಾತೆರ್ದಿನ - ತೂತಿನ ಅನುಭವ ಉಂಡತ್ತೆ.
ದುಂಬು ಪಿರ ತೂವಂದನೆ ...... '' ಆವು ಅಕ್ಕೇರೆ ಪಂಡುದ್'' ..... ಚಾವಡಿದಂಚಿ ಪೋಪೆ.
ಪಾತೆರ್ದ್ ಪಿರ ಬತ್ತುದ್ ಪನ್ಪೆ...
"ಅಕ್ಕೇರೆ ಅಯ್ಯೆ ಬನ್ನಗ ವಂತೆ ಕಡೆಸುಂಡುಗೆ . ನಮ ವನಸ್ ಮಲ್ಪೊಡುಗೆ . ಕಾಪುನ ಬೋಡ್ಚಿಗೆ ".
ಅಕ್ಕೇರ್ ಬರ್ಪಿನ ತೆಲ್ಕೆನ್ ತಡೆತೊಂದು ಪಂಡೆರ್ '' ಅಂಚನೆ ಆವಡ್ ಅಂಗರ . ಈ ವನಸ್ ಮಲ್ಪು'' .
ಅಯ್ಯೇ ಬನ್ನಗ ಬರ್ತಿ 9 ಗಂಟೆ ರಾತ್ರಿ . ...
ಬತ್ತಿನಾರ್ ಕೈ ಕಾರ್ ದೆಕ್ಕೆರೆ ನೀರ್ ಕೊರ್ನಕ್ಕನೆ, ಅಕ್ಕೇರ್ ಬಾಯಿ ಬುಡ್ದು ತೆಲ್ತೆರ್ ....
ಅಂಗರೆ ಮಿತ್ -ತಿರ್ತ್ ತೂಯೆ ' ದಾದಾಂಡ ಅಕ್ಕೇರೆ ?'
ಅಯ್ಯೆಲಾ ಕೆನ್ಯೇರ್ ...''ದಾದಯ ಕುಬಲ್ ಮುಟ್ಟುಲಕ್ಕ ತೆಲ್ಪುವ.?.ಪೊಂಜೊವುಲು ಕುಬಲ್ ಮುಟ್ಟು ಲಕ್ಕ ತೆಲ್ಪೆರೆಗ್ ಆವಂದುಗೆ ''
ಆತ್ಯೇ .... ಆಯೆ..... ಆಯೆ.... ಹ್ಹ ಹ್ಹ ... ಅಂಗರೆ ಇರ್ಡ ಫೋನುಡು ಪಾತೆರ್ನಗ ಇರೆಗ್ 'ಸೊಲ್ಮೆ ಅಯ್ಯ' ಪಂಜೆನಾ?
' ಸೊಲ್ಮೆ ಸಂದಾಯೆ.... .ಐಟ್ ದಾದಾ ಮಲ್ಲ ?'
"ಅಂಚ ಪನ್ನಗ ಆಯೇ ಫೋನುನು ತಿರ್ತು ದೀದ್ ರಡ್ಡ್ ಕೈಟ್ಲ ಇರೆಗ್ ಕೈ ಮುಗಿಯೆ .... ಬೊಕ್ಕ ಕುಡ ಕೈಟ್ ದೆತೊಂದು ಬೊಕ್ಕ ಪಾತೆರ್ಯೆ ..ಹ್ಹ ಹ್ಹ ಹ್ಹ ..
ಇರೆಗ್ ದಾನೆ ಆಯೆ ಕೈ ಮುಗಿನ ತೋಜುಂಡಾ. ?"
ಅಯ್ಯಗ್ಲಾ ಒಂಜಿ ಗಳಿಗೆ ಅಡೆಗೇ ತೇಲಿಕೆ ಬತ್ತುಂಡ್ .....
"ಅಂದ್ಯ ಅಂಗರ ...ದಾಯೆಗ್ ಈ ಫೋನುಡ್ ಪಾತೆರ್ನ ರಡ್ಡ್ ಕೈಲಾ ಮುಗ್ಯುನ್ಯಾ? .ಯೆಂಕ್ ದಾನೆ ತೊಜುಂಡಾ ಆವ್ವು ?"
ಅಂಗರೆ ತೆಲ್ತುಜೆ .
ಕೈ ಮುಗಿದೇ ಪಂಡೆ ....
''ಅಯ್ಯ ಪುಟ್ಟಿನೈಟ್ ಅಪ್ಪೆ -ತೆರಿಯಂದ್ , ಅಮ್ಮೆ ತೆರಿಯಂದ್, ಇರ್ನ ಇಲ್ಲದ ತೆಲಿ ಪರ್ದ್ - ನುಪ್ಪು -ಉಪ್ಪು ತಿಂದ್ ಬದಿಕಿನ ಜೀವಾ ...
ಈರ್ ಎದುರಿತ್ತಿನದಗ ಮಾತಾ ಕೈ ಮುಗಿದ್ ಸೊಲ್ಮೆ ಪನೊಂದಿತ್ತೆ , ಈರ್ ಎದುರ್ಡು ಇಜ್ಜರ್ ಪಣಿ ಕೂಡ್ಲೇ ಬಾಯಿಡ್ ಮಾತ್ರ ಪನೋಡೆ .ಎದುರ್ಡು ಒಂಜಿ -ಪಿರವುಡ್ ಒಂಜಿ ಮಲ್ಪೆರೆ ಎಂಕ್ ತೆರಿಯಂದ್ ಅಯ್ಯ....
ಈರ್ ತೂಪರ -ಬುಡ್ಪರಾ? , ದೇವೆರ್ ತೂಪೆರತ್ತೆ !''
ಕೊಂಕು ಬಿಂಕ ತೆರಿಯಂದಿನ ಬಾಲೆ ಮನಸ್.
ಅಕ್ಕೇರ್ ಅಡೆಗೆ ತೆಲ್ಪುನ ಉಂತಾವೆರ್ ..... ಉಂತಾದ್ ಕೊಡಿ ಕಣ್ಣುಡ್ ನೀರ್ ಸೀಂಟುವೆರ್.
ಅಯ್ಯೆ ಅಂಗರನ್ ತದ್ಕುದು ಪತ್ತುದ್ ಪಂಡೆರ್ .
''ಮನಸುನ್ ತೆರಿಯೊನರೆ ಕಣ್ ಯಾರಂದ್ ಅಂಗರ !''.
ಇತ್ತೆ ಕಾಲ ಕಲ್ಜಿಗ....
ದುಮ್ಬೊಂಜಿ - ಪಿರವೊಂಜಿ .... ಬಾಯಿಡ್ ಮಗ ಮಗ .... ಬಂಜಿಡ್ ಧಗ ಧಗ.
ಇತ್ತೇ ಪನ್ಲೆಗೆ ......
ಇತ್ತೆದ ಕಾಲೋಡು ಅಂಗರನಂಚಿನಕ್ಲು ತಿಕ್ಕೆರಾ ?, ಪಗೆಲ್ಡು ಸೂಟೆ ಪತೊಂದು ನಾಡೊಡು.... ತಿಕ್ಕುನ ನಿಗಂಟ್ ಇಜ್ಜಿ !!
ಬರವು : ಶಾಂತಾರಾಮ್ ಶೆಟ್ಟಿ
ಚಿತ್ರ : ಸಂಗ್ರಹ
ಸುಮಾರು ಮುಪ್ಪ -ಮುಪ್ಪತೈನ್ ವರ್ಷದ ಪಿರವುದ ಪಾತೆರ.....
ಅಪಗ ಈ ನಮ್ಮ ಟೆಲಿಫೋನ್ ಬತ್ತಿನ ಸುರು . ಮಾತೆರ್ನ . ಇಲ್ಲಡ್ ಇಪ್ಪಾಂದಿನ ಅಪರೂಪದ ಸೊತ್ತು.
ಗುತ್ತುದ ಮಲ್ಲ ಇಲ್ಲಲ್, ತತ್ತುಂಡ ಅಲ್ಪಲ್ಪ ಒಂಜೊಂಜಿ ಇಲ್ಲಲ್ ಇತ್ತುಂಡ್ .
ವಿಷಯ ಇತ್ತೇ ಪಂಡ್ರೆ ಪೋತಿನಿ ಟೆಲಿಫೋನ್ದ ಅತ್. ಅಪಗದ ಕಾಲದ ಜನಕ್ಲೇನ ಮನಸುದ ಸುದ್ದೋನು , ನುಪ್ಪುದ ನಿಯತ್ತುನ್ .
ಚಿಟ್ಪಾಡಿ ದ ಬೂಡುಡು ಸುರುಕ್ಕುಈ '' ಟ್ರಿಣ್ ಟ್ರಿಣ್'' ಶಬ್ದ ಕೇಂಡಿನಿ ಬಲ್ಲಾಳ್ರೆನ ಇಲ್ಲಡ್ ಮಾತ್ರ. ಅರ್ನ ಎಲ್ಯ ಮಗೆ ಬೊಂಬಾಯಿಡ್ದು ಐಟ್ ಅಪಗಪಗ ಪಾತೆರೊಂದು ಅಪ್ಪೆ- ಅಮ್ಮೆರ್ ಸೌಕ್ಯನ ಪಂಡುದ್ ತೆರಿಯೊಂದಿತ್ತೆರ್ಗೆ .
ಅವು ವಾರೋಗೊರ .....
ಇಜ್ಜಾಂಡ ಬಲ್ಲಾಳ್ರು ಪೆಂಟೆಗ್ ಪೋಯಿನಲ್ಪ ಪಿರ ಬನ್ನಗ ಕಡೀರ್ನ್ಡ ಬುಡೆದಿಗ್ ತೆರ್ಪಾವರೆ.
ಇಂಚನೆ ಉಪ್ಪನಗ ಒರ ದಾದಾಂಡ್ ಕೇನ್ಲೇ......
ಅಕ್ಕೇರ್ ಕಿದೆಟ್ ಪೆತ್ತ ' ಗಂಗೆ' ನ ಪೆದ್ಮೆದಿದ ಉಪಚಾರೋಡು ಇತ್ತೆರ್ . ಕಂಜಿ ಪಾಡ್ಡಿನ ಗಂಗೆ ಬೈಯ್ಯ ಅಂಡಲ ನನಲ ಕಜೆಲ್ ಪಾಡ್ದುಜೋಲ್ . ಬೇಲೆದ ಅಂಗರೆ ಅಪಗೊಡಿಂಚಿ ಪೆತ್ತೋಗು ಪುಗೆ ಪತ್ತುವೆ , ಜೆಪ್ಪೆರೆ ಬೈಯಿ ಪಾಡ್ದು ಅಟ್ಟನೆ ಮಲ್ಪುವೆ, ಅರ್ಕಂಜಿ ಬೆಚ್ಹ ಮಲ್ಪುವೆ . ಪುರುಸೊತ್ತೇ ಇಜ್ಜಿ
ಬಲ್ಲಾಳ್ರು ಪೆಂಟೆಗ್ ಪೋತಿನಾರ್, ತಡ ಆಂಡ್ ಪಂಡುದ್ ಇಲ್ಲಗ್ ಒಂಜಿ ತೆರ್ಪಾವರೆ ಮನಸ್ ಮಲ್ತೆರ್.
'ಟ್ರಿಣ್ ಟ್ರಿಣ್' ಪಂಡುದ್ ಚಾವಡಿದ ಮೂಲೆದ ಟೆಲೆಫೋನ್ ಬುಲ್ಪರೆ ಸುರುವಾಂಡ್ .
ಅಕ್ಕೇರ್ ಪಂಡೆರ್ .....
ಇಂದಯ ಅಂಗರ .... ಅಯ್ಯನ ಫೋನ್ ಇಪ್ಪೋಡು . ಎನ್ನ ಕೈಟ್ ಮಡೆ ಉಂಡು . ವೊರ ಪೋದು ದಾದಂದ್ ಕೇನ್ವನಾ ?.
ಅಂಗರಗ್ಲ ಅಪಗಪಗ ಫೋನುಡ್ ಪಾತೆರ್ದಿನ - ತೂತಿನ ಅನುಭವ ಉಂಡತ್ತೆ.
ದುಂಬು ಪಿರ ತೂವಂದನೆ ...... '' ಆವು ಅಕ್ಕೇರೆ ಪಂಡುದ್'' ..... ಚಾವಡಿದಂಚಿ ಪೋಪೆ.
ಪಾತೆರ್ದ್ ಪಿರ ಬತ್ತುದ್ ಪನ್ಪೆ...
"ಅಕ್ಕೇರೆ ಅಯ್ಯೆ ಬನ್ನಗ ವಂತೆ ಕಡೆಸುಂಡುಗೆ . ನಮ ವನಸ್ ಮಲ್ಪೊಡುಗೆ . ಕಾಪುನ ಬೋಡ್ಚಿಗೆ ".
ಅಕ್ಕೇರ್ ಬರ್ಪಿನ ತೆಲ್ಕೆನ್ ತಡೆತೊಂದು ಪಂಡೆರ್ '' ಅಂಚನೆ ಆವಡ್ ಅಂಗರ . ಈ ವನಸ್ ಮಲ್ಪು'' .
ಅಯ್ಯೇ ಬನ್ನಗ ಬರ್ತಿ 9 ಗಂಟೆ ರಾತ್ರಿ . ...
ಬತ್ತಿನಾರ್ ಕೈ ಕಾರ್ ದೆಕ್ಕೆರೆ ನೀರ್ ಕೊರ್ನಕ್ಕನೆ, ಅಕ್ಕೇರ್ ಬಾಯಿ ಬುಡ್ದು ತೆಲ್ತೆರ್ ....
ಅಂಗರೆ ಮಿತ್ -ತಿರ್ತ್ ತೂಯೆ ' ದಾದಾಂಡ ಅಕ್ಕೇರೆ ?'
ಅಯ್ಯೆಲಾ ಕೆನ್ಯೇರ್ ...''ದಾದಯ ಕುಬಲ್ ಮುಟ್ಟುಲಕ್ಕ ತೆಲ್ಪುವ.?.ಪೊಂಜೊವುಲು ಕುಬಲ್ ಮುಟ್ಟು ಲಕ್ಕ ತೆಲ್ಪೆರೆಗ್ ಆವಂದುಗೆ ''
ಆತ್ಯೇ .... ಆಯೆ..... ಆಯೆ.... ಹ್ಹ ಹ್ಹ ... ಅಂಗರೆ ಇರ್ಡ ಫೋನುಡು ಪಾತೆರ್ನಗ ಇರೆಗ್ 'ಸೊಲ್ಮೆ ಅಯ್ಯ' ಪಂಜೆನಾ?
' ಸೊಲ್ಮೆ ಸಂದಾಯೆ.... .ಐಟ್ ದಾದಾ ಮಲ್ಲ ?'
"ಅಂಚ ಪನ್ನಗ ಆಯೇ ಫೋನುನು ತಿರ್ತು ದೀದ್ ರಡ್ಡ್ ಕೈಟ್ಲ ಇರೆಗ್ ಕೈ ಮುಗಿಯೆ .... ಬೊಕ್ಕ ಕುಡ ಕೈಟ್ ದೆತೊಂದು ಬೊಕ್ಕ ಪಾತೆರ್ಯೆ ..ಹ್ಹ ಹ್ಹ ಹ್ಹ ..
ಇರೆಗ್ ದಾನೆ ಆಯೆ ಕೈ ಮುಗಿನ ತೋಜುಂಡಾ. ?"
ಅಯ್ಯಗ್ಲಾ ಒಂಜಿ ಗಳಿಗೆ ಅಡೆಗೇ ತೇಲಿಕೆ ಬತ್ತುಂಡ್ .....
"ಅಂದ್ಯ ಅಂಗರ ...ದಾಯೆಗ್ ಈ ಫೋನುಡ್ ಪಾತೆರ್ನ ರಡ್ಡ್ ಕೈಲಾ ಮುಗ್ಯುನ್ಯಾ? .ಯೆಂಕ್ ದಾನೆ ತೊಜುಂಡಾ ಆವ್ವು ?"
ಅಂಗರೆ ತೆಲ್ತುಜೆ .
ಕೈ ಮುಗಿದೇ ಪಂಡೆ ....
''ಅಯ್ಯ ಪುಟ್ಟಿನೈಟ್ ಅಪ್ಪೆ -ತೆರಿಯಂದ್ , ಅಮ್ಮೆ ತೆರಿಯಂದ್, ಇರ್ನ ಇಲ್ಲದ ತೆಲಿ ಪರ್ದ್ - ನುಪ್ಪು -ಉಪ್ಪು ತಿಂದ್ ಬದಿಕಿನ ಜೀವಾ ...
ಈರ್ ಎದುರಿತ್ತಿನದಗ ಮಾತಾ ಕೈ ಮುಗಿದ್ ಸೊಲ್ಮೆ ಪನೊಂದಿತ್ತೆ , ಈರ್ ಎದುರ್ಡು ಇಜ್ಜರ್ ಪಣಿ ಕೂಡ್ಲೇ ಬಾಯಿಡ್ ಮಾತ್ರ ಪನೋಡೆ .ಎದುರ್ಡು ಒಂಜಿ -ಪಿರವುಡ್ ಒಂಜಿ ಮಲ್ಪೆರೆ ಎಂಕ್ ತೆರಿಯಂದ್ ಅಯ್ಯ....
ಈರ್ ತೂಪರ -ಬುಡ್ಪರಾ? , ದೇವೆರ್ ತೂಪೆರತ್ತೆ !''
ಕೊಂಕು ಬಿಂಕ ತೆರಿಯಂದಿನ ಬಾಲೆ ಮನಸ್.
ಅಕ್ಕೇರ್ ಅಡೆಗೆ ತೆಲ್ಪುನ ಉಂತಾವೆರ್ ..... ಉಂತಾದ್ ಕೊಡಿ ಕಣ್ಣುಡ್ ನೀರ್ ಸೀಂಟುವೆರ್.
ಅಯ್ಯೆ ಅಂಗರನ್ ತದ್ಕುದು ಪತ್ತುದ್ ಪಂಡೆರ್ .
''ಮನಸುನ್ ತೆರಿಯೊನರೆ ಕಣ್ ಯಾರಂದ್ ಅಂಗರ !''.
ಇತ್ತೆ ಕಾಲ ಕಲ್ಜಿಗ....
ದುಮ್ಬೊಂಜಿ - ಪಿರವೊಂಜಿ .... ಬಾಯಿಡ್ ಮಗ ಮಗ .... ಬಂಜಿಡ್ ಧಗ ಧಗ.
ಇತ್ತೇ ಪನ್ಲೆಗೆ ......
ಇತ್ತೆದ ಕಾಲೋಡು ಅಂಗರನಂಚಿನಕ್ಲು ತಿಕ್ಕೆರಾ ?, ಪಗೆಲ್ಡು ಸೂಟೆ ಪತೊಂದು ನಾಡೊಡು.... ತಿಕ್ಕುನ ನಿಗಂಟ್ ಇಜ್ಜಿ !!
ಬರವು : ಶಾಂತಾರಾಮ್ ಶೆಟ್ಟಿ
ಚಿತ್ರ : ಸಂಗ್ರಹ
Comments
Post a Comment