ತಂಕೊಡು ಬದುಕೊಡು !
ತಂಕೊಡು ಬದುಕೊಡು
ತರೆ ತಗ್ಗಾದ್
ಬಗ್ಗಾದ್
ಏತುಂದ್ ಬದುಕೊಲಿ?
ನೋಪುನಕುಲೆ ಪೂರಾ
ಪೊರ್ಲುತೂಪಿನಕುಲು ಸಾರ !
ಪೊರ್ಲುತೂಪಿನಕುಲು ಸಾರ !
ಮದೆ ಆವೆರೆ
ಗುಡೆ ನಾಡುನ ಎಲಿ
ಏತೊಂಜಿ ತಪ್ಪಾದ್ ಬಲಿಪೊಲಿ ?
ಬೆರಿ ಪತ್ತುನ ಪುಚ್ಹೆಗ್
ಬೆರಿ ಪತ್ತುನ ಪುಚ್ಹೆಗ್
ತಿಕ್ಕಿನಲ್ಪನೆ ಬಲಿ !
ಅಂಜಿಕೆದ ಬದುಕು
ನಾಲ್ ದಿನೊಕು
ಸತ್ಯ ಸಾದಿಗ್ ಸಾವಿಜ್ಜಿ
ತರೆದೆರ್ತ್ ತಿರ್ಗೊಲಿ
ಮಂಡೆ ಬಗ್ಗಾದ್
ನಡಪಂದ್
ತಿಗಲೆದ ಗಂಟೆ ಪಿಲಿ
ಧೈರ್ಯೊಡಿತ್ತುಂಡ
ದರ್ಕುಡ್ ಬದುಕೊಲಿ!!
Comments
Post a Comment