ಎರುಮೈ೦ದನ ಕಬಿತೆ

ಎರುಮೈ೦ದನ   ಕಬಿತೆ -a1

ಬೊದ್ದು! . 

 

ತಗ್ಗಿಕಂಡೊಗು ಮೂಜಿ ಬುಲೆ 

ಆಂದಾಂಡಲ ಎರುಮೈ೦ದ,

ಬಗ್ಗಿನಾಯಗ್ ರಡ್ಡ್ ಗುದ್ದು,  

ತಗ್ಗೊಡೋಲು ಬಗ್ಗೊಡೋಲು

ತೆರಿಯಂದಿನಾಯೆ  ಬೊದ್ದು! .  

ಎರುಮೈ೦ದನ   ಕಬಿತೆ -1

ಸರೀಕೆ

ಓರಿಯಗ್ ಬಣ್ಣ ಓರಿಯಗ್ ಸುಣ್ಣ

ಆಯೆರಾವಂದಿಯ  ಎರುಮೈ೦ದ 

ನ್ಯಾಯ ತೆರಿಯಂದ  ನಿಕ್ಕ್ 

ನಿನ್ನ ಪುಗ್ಗೆಲ್ದ  ನುಗ 

ಸರೀಕೆಡ್   ದುನ್ನ ಪಟ್ಟುನ  ತೂನಗ

ಎರುಮೈ೦ದನ   ಕಬಿತೆ -2.

 ಬೆರಿಬಗ್ಗೊಡು

ಅಡ್ಡದೇರೊಡು-ನೀಟ ಬಾರೊಡು

ರೆಂಟೆ ರಟ್ಟೊಡು-ಪೊಟ್ಟೆ ಪುಟ್ಟೊಡು

ಸಮತಟ್ಟ್ ಗ್  ಪಲಯಿ ಮುಟ್ಟೊಡು

ಅಂಚಾಂಡನೆ

ಕಂಡ ನಿಲಿಕೆ ಬಂಗಾರ ಕೊರಲ್

ಗಾಲಿಗಾಡುನ ತೂವೆರಾವು ಎರುಮೈಂದ!.

ಎರುಮೈ೦ದನ   ಕಬಿತೆ -3.

ಎಲ್ಯಾವೊಡು 

ಒಂಜಿ ಬಾರ್ ಗ್ ಒಂಜೇ ಅರಿ

ರಡ್ಡ್ ಬಾರ್ ಗ್ ರಡ್ಡರಿ

ಒಂಜಿ ಸೇರ್ ಬಾರ್ ಆವು

ಅರಿಯಾನಗ ರಡ್ಡ್ ಪಾವು

ಮಲ್ಲಾದಿಗೆಡ್ ಮಲ್ಲಾಯಿಲೆಕ್ಕ

ಎಲ್ಯಾವರೆ ಕಲ್ಪೊಡು ಎರುಮೈಂದಾ!!

ಎರುಮೈ೦ದನ   ಕಬಿತೆ -4.

ಲಕ್ಕುದುಂತೊಡು

 ಎರುತ ಬೇನೆ ಪಕ್ಕಿಗ್ ದಾನೆ?

ಕೂಂಪೆರೆಂದೇ ಪುಟುದಿನವು

ಕೂಂತುದೇ ಕೊನವು ಎರುಮೈಂದ!.

ಲಕ್ಕುದುಂತೊಡು ಮೈ ಕುಡ್ಪೊಡು

ಬೀಲ ಬುಡ್ಪಾದ್ ಒರಾ  ಜಡ್ಪೊಡು. 

ಎರುಮೈ೦ದನ   ಕಬಿತೆ -5.

ತಪ್ಪಡ 

 

ಒರಿ ಕಡತೆ ಪಂಡ್ ದ್ 

ನನೊರಿ ಪೊರಿ ಕಡಪಡೆ 

ಪೋಯಿನಡೆಗೆ ಪೋಯಡ

ಸಾಲ್ ನಡಪು ಈ ತತ್ತಡ 

ಎರುಮೈಂದ

ನಿನ್ನ ತಾದಿಯೇ  ಕೆಸರಾವು!!

ಎರುಮೈ೦ದನ   ಕಬಿತೆ -6

ಪರಾಕ್. 

ಬದುಕುನೆಂಚ ಪಂಡುದ್ 

ಕಪ್ಪೆಡ  ಕಲ್ಪೊಡು ಎರುಮೈ೦ದ

ನೀರಾಂಡಲಾ ಸೈ, ನೆಲ ಆಂಡಲಾ ಸೈ 

ದಪ್ಪುನ ಗೋಣಗ್ 

ಬಾಕ್ಯಾರಾಂಡ,ಮಜಲಾಂಡ ದಾನೆ ಪರಾಕ್ ?!.  

ಎರುಮೈ೦ದನ   ಕಬಿತೆ -7

ಚಕ್ಕ ಕುದೊಂದು  ಚೌರಿ  ಬೀಜಿನಾಯೆ

ಬೇಲೆ  ದಾಂತೆ  

ಕಿಲೆಂಜಿ ದೇರಿನಾಂಡಲಾ,  

ಕಿಲೆಂಜಿ ದೇರುನವೇ ಬೇಲೆದಾಯಗ್

ಅವ್ವೆ ಬಿಲೆ ಇತ್ತಿ ನಿಲೆಯತ್ತಾ  ಎರುಮೈ೦ದ?.  

ಎರುಮೈ೦ದನ   ಕಬಿತೆ -8

  ಬೆರಿ ಪತ್ತೊಡು!

 

ಬಲಿತಿನಾಯಗ್ಲಾ  ಗಿಡತಿನಾಯಗ್ಲಾ 

ಬಚ್ಚೆಲ್ ಒಂಜೆಗೇ  

ಬಲಿತಿನಾಂಡ  ಚಲ್ಲತ್ತ ಎರುಮೈ೦ದ?

ಬಲಿಪೆರಾವಂದ್,   

ಬೆರಿ ಪತ್ತ್ ದ್  ಗಿಡಪೊಡು ! 

ಎರುಮೈ೦ದನ   ಕಬಿತೆ -9.

ಕಮ್ಯನಾ!. 

ದೂರೊಡಿತ್ತ್ಂಡನೇ 

ಕಮ್ಯನಾ  ಎರುಮೈಂದ.

ಬಲತ್ತ ಕೈಟ್  ಬಡು ಪತ್ತಿನಾಯಗ್ 

ಕೈಕೆತ್ತುನಾಯೆ, ದಡಿ ಬೂರುನಾಯೆ 

ಛಡಿ ತಿನ್ಪಿನಾಯೆ ಬಲತ್ತಾಯೆನೆಯಾ!!.

ಎರುಮೈ೦ದನ   ಕಬಿತೆ -10.

 

ದೋಸ್ತಿಕತೆ. 

 

ಬೊಂಬುಚ್ಚಿದಲಕ್ಕ ಕಾಯಿಕಟ್ಟಿನ

ಬಾರ್ ದ ಪೇರ್ ಒಯ್ತಿನನೇ ಗೊತ್ತಾಪುಜಿ!

ನುಂಗು,ಉಂಬುರು,ಉಮಿಲ್ದ ಲಕ್ಕಂತಿನ 

ದೋಸ್ತಿಕತೆ ಜೀವೊಗೆಡ್ಡೆತ್ತ್,

ನೆತ್ತರೊಯ್ಪುವೆರ್ಯಾ  ಎರುಮೈಂದ!!.

ಎರುಮೈ೦ದನ   ಕಬಿತೆ -11.

ಅಬ್ಲಾಸೆ.  

ಅರು ಕಟ್ಟುವೆರ್ ಬರಿ ಕಟ್ಟುವೆರ್

ಪೊರಿಕಟ್ಟುವೆರ್ ಪುಣಿಕಟ್ಟುವೆರ್

ಬೇಲಿ ಬೊಟ್ಟುವೆರ್ ಕಣೆ ಕುತ್ತುವೆರ್

ಬರಿತಾಯನ ಬುಲೆಕ್ 

ಬಾಯಿಪಾಡ್ಯರಾವಂದ್ ಯಾ

ಎರುಮೈಂದ.

ಎರುಮೈ೦ದನ   ಕಬಿತೆ -12  .

ಉರ್ದೊಡು

ಕೆಸರ್ಡ್ ರೆಂಕ್ಂಡ ಮಲ್ಲೆತ್ತ್

ತೆಲಿ ನೀರ ಒಸರ್ ಡ್ ಪೊರ್ಲುಡು 

ದಿನಾ ಮೈ ಉರ್ದೊಡು ಎರುಮೈಂದ

ಕೆಸರ್ಡೇ ಇತ್ತ್ಂಡ,ಕೆಸರ್ಡೇ ಜೆತ್ತ್ಂಡ

ಕುರ್ತೆಲ್ ವಾಸನೆ  ಬದ್ಕ್ ಡೀ ಒರಿಯಂದಾ ?! 

ಎರುಮೈ೦ದನ   ಕಬಿತೆ -13 .

 

ಬಾನದರಸು ಉರಿ ಲಕ್ಕಾವೊಡು ದುಂಬು

ಒರ್ಲ ಅಡ್ಡ,ಇರ್ಲನೀಟ ಪೊರಿ ದೇರೊಡು 

ಪೋಯಿನಡೆಗೇ ಪೋಯಡ 

ತೂಯಿನಡೆಗೆ ತೂಯಡ ಒದಗಂದ್ ಎರುಮೈಂದ

ಬೆದುರ್ ದ ಪುಂಡೆಲ್ ಬೊಲ್ಲೊಡು ಪೋಯಿಲಕ್ಕಾವು

ಎರುಮೈ೦ದನ   ಕಬಿತೆ -14 .

ಒರಿಯನೊಟ್ಟು ಇತ್ತ್ ತೂವೊಡುಗೆ

ನೀರ್ ಗ್ ಜತ್ತ್ ತೂವೊಡುಗೆ

ಮುಂಡಳತೆ ಗುಂಡಿಮಟ್ಟ

ತೆರಿಯಂದೆ ಮುರ್ಕಿಯಡ ಎರುಮೈಂದ

ಮೂಜಿ ಮುಗುಳಿ ನೀರ್ ಪರೊಡಾವು!

ಎರುಮೈ೦ದನ   ಕಬಿತೆ -15 .

               ಐಟೈಟೆ . 

ಉರ್ಗುದಿ  ಬಂದ ಒಂಜೇ ಆಂಡಲಾ 

ಮೂಡೆದೊಲಿಟ್ ಮೂಡೆ, ಗುಂಡದಿರೆಟ್  ಗುಂಡ  

ಬೆಯ್ ಪಾವೊಡು   ಎರುಮೈಂದ

ಅರಿತ ಗುರಿಟ್  ಕುಡು ಮೆತ್ತಡ 

ಉಮಿ ದೊಂಡೆ ಸೇರ್ದ್ ಮಕ್ಕ್ ತೆಮ್ಮ ಲಪ್ಪಾವು !

ಎರುಮೈ೦ದನ   ಕಬಿತೆ -16 .

ಮರ್ಯಾದಿ 

ಮೋನೆ ತೂದತ್ತ್  ತಾನ  ತೂದು ಮರ್ಯಾದಿ

ಸೊಂಟೊತ್ತುಂಡ  ಅಡ್ಡ ಕುಂಟು 

ಪುಗ್ಗೆಲ್ಗ್ ಬನ್ನಗವು  ಬೈರಾಸ್ 

ಮಂಡೆಗ್ ಸುತ್ತುಂಡ ಮಾತ್ರಯಾ  

ಮುಂಡಾಸ್  ಆಪಿನಿ   ಎರುಮೈಂದ! 

ಎರುಮೈ೦ದನ   ಕಬಿತೆ -17 .

ಬೆರಿಟ್  ಕುಲ್ಲುದು  ಪಕ್ಕಿ ಸುತ್ತು ಬತ್ತಿನಿ 

ಈಯೇ ದತ್ತಿನಿ, ಈಯೇ ಬಿತ್ತಿನಿ  

ಬೆನ್ಪಿನೊರಿ ತಿನ್ಪಿನೊರಿ 

ಬೆನಂದೆ  ಪುದಾರ್ ಗಾದೇ  ಬೆರಿಯೆ 

ಸುತ್ತುನ ಸೊತ್ತುಲುಲ್ಲ  ಎರುಮೈಂದ

 

ಎರುಮೈ೦ದನ   ಕಬಿತೆ -18 .

ದಿಕ್ಕ್ ದೆಸೆ . 

ತಿನ್ಪೆಂಡ ತಿನಯೆ,ಕೊರ್ಪೆಂಡ ಕೊರಯೆ

ಕೊಟ್ಯಡಾತ್ ಕುತ್ಯಟ್ಟೊಡಾತ್ ಒತ್ತಟ್ಟ್ ಡ್ 

ಒಟ್ಟು ದೀಯಿನಾಯೆ ಸೈಯನಗ ಖಾಲಿ ಕೈಗೆ 

ನಂದ ರಾಯನ ಬದ್ಕ್  ನರಿ ನಾಯಿ 

ತಿಂದ್ ಪೋತುಂಡುಗೆ ಎರುಮೈಂದ.

---------------------------------------

ಎರುಮೈ೦ದನ   ಕಬಿತೆ -19 .

ಬದ್ಕ್ ದುಪ್ಪನಗ ಬದ್ಕೆರೆ  ಬುಡಯೆರ್  

ಸೈತಿ ಬೊಕ್ಕಲ ಅತ್ರಣದ ಗೂಡಾವೆರ್ 

ನರಮಾನಿ ನೆತ್ತೆರ್ದ ರುಚಿ ಪತ್ತೊಡುಂದ್  

ಊರುದ  ಪಟೇಲೆ  ಸೈಯ್ಯರೆಗ್   

ಪಿಲಿತ  ಮಾಟೆಡ್  ಕುಲ್ಲುದೆಗೆ ಎರುಮೈಂದಾ!. 

 ಎರುಮೈ೦ದನ   ಕಬಿತೆ -೨೦.

ಏರಾ ?

ಬೆಂದಿನಾಯೆ ಏರಾ ,ತಿಂದಿನಾಯೆ ಏರಾ ?

ಪಾಪದಾಯನ ಅರೆಬಾಯಿ      

ದೊಂಡೆಡಡಂಗುಂಡುಯಾ   ಎರುಮೈಂದ.

ಬಾರ್ ಬಲ್ಲಾಳ್ರೆಗ್  ಆಂಡ ದಾನೆ 

ದೂರು ಪುಂಡದಗೇ   ಅತ್ತ ಮಾರಾಯ  ?!. 

-------------------------------------

  ಎರುಮೈ೦ದನ   ಕಬಿತೆ -೨೧

ಮೂಜಿ ಬುಲೆ 

ಮಾತೆರೆಡಾವಂದ್ ,ಪಾತೆರಿಲಕ್ಕಾವಂದ್ 

ಬೆಂದಿನಾಯಗ್ ಮಾತ್ರಯಾ ಮೂಜನೆ ಬೆನ್ನಿ 

ಕೊಳಕೆ ಪೆದ್ಮೆದಿ  ಸಾಂಕಿಲಕ್ಕ

ಮೆಯ್  ನಿಲಿಕೆ ಕಣ್ಣಾ ದ್  ಕಾಪೊಡು

ಕುದ್ಕ ನ್  ನಂಬುದು  ಕೊಳಕೆ  ಅತ್ತ್ ಯಾ  ಎರುಮೈಂದ.

 

 

ಕುತೂಹಲ 

ಎಷ್ಟೇ ಇರಲಿ 

ನೀತಿ  ನಿಯತ್ತಿನ 

ಅನುಯಾಯಿ 

ಪಕ್ಕದ ಮನೆಯವರ  

ಜಗಳ  

ಕಿವಿಗೆ  ಶಹನಾಯಿ 

 ಒತ್ತರೆ ದೀಲೆ 

ಮಂಡೆಡ್ ಮಲ್ಲ ಮುಂಡಾಸ್ 

ಆಪುಜಿ 

ಬಡವನ ಬಡವು 

ಮಲ್ಲಕಲೆಗ್  

ಚೂರ್ಲಾ ತೆರಿಯುಜಿ

 

ಬೆನ್ಪಿ ಜೂವೊಗು 

ಚಾತ  ಬಾಯಿಗ್  

ನಾಲ್ ಪಾರ್ಲೆ ಜಿ 

ಒಡೆಗ್ಲಾ ಯಾವುಜಿ 

ಕುದ್ಕೆ ಕೊಲಕೆ  ಬುಳೆಯಿಲಕ್ಕ ಆವು ( ಜಾಗ್ರತೆ ಮಲಪೊಡು )

ಕೊಳಕೆದ  ಬುಲೆನ್ ಪೆದ್ಮೇಡಿಲಕ್ಕ ಸಾಂಕೊಡು 

ಏಣಿಲ್ ಸೂಳೆ  ಸುಗ್ಗಿ  ಮದಿಮಾಲ್ 

 

ಅಂಬಡೆ ಪೆರುಂದುನಗ  ಒಂಟೆ ಪುಲಿ ಬುದ್ಪುಂಡುಗೆ 

ಅನರ್ತೋಡು  ಖರ್ಚಿ ಆಜಿಡ  ಅನಪತ್ಯೆಗ್ಗ್  ಆಪುಂಡು 

ಒಡ್ಕೋದ( kadeta)  ಮಗಲೆಗ್ ಕುಡ್ಕೊಗುಲಾ  ಬಂಗಾರ್ 

ಓರಿನ  ಇಲ್ಲ್  ತೋರಿನ ಇಲ್ಲ್  ಬರ್ಖತ್ತಾವಂದ್ 

ಕಿನ್ಯ ಬಿರೆಲ್ ಬಾತುಂಡ  ಏತ್ ಬಾಪು \

ಕೊಂಗಾರ್ ಕೂಲಿದಯನಾ  ಜೂವ ಪೊಯಿಲಕ್ಕ 

ಗಜಿರ  ಪೆರುಂದುನಗ  ಕಕ್ಕೇದ ಬಾಯಿಡ್ ಪುಡಿಯಾಯಿಲಕ್ಕ 

ಗುರಿಟ್  ಕುಲ್ಲುದು ಉಜ್ಜೆರ್ಡ್ ಪೆಟ್ಟ್ ತಪ್ಪವರೆ ಆಪುಂಡ 

ಜಡ ಪಟ್ಟಿನಯ ಬೆನ್ನಿ ಅತ್ತ್ 

ಆಟಿದ  ದೊಂಬು  ಜೋಡಿ ಪೊಲ್ಲು ನಾಯಗ್ ತೆರಿಯು 

ತೂಪಿನಾಯಗ್ ಕಣ್ಣ್ ಬಚ್ಚುಜಿಂದ್  ನಲಿಪುನಾಯೆಗ್ ಕಾರ್ ಬಚ್ಚುಜ 

ದುಡ್ಡು ದುಗಾಣಿ ಹೆಚ್ಚಾ೦ಡ  ನಿದ್ರೆ ಬೂರುಜಿ 

ನಾಲಯಿ ಸರಿ ಇತ್ತಿನಾಯೆಗ್ ನಾಲೂರು 

ಪಾಂತ್ ಪಾಂತುದ್ ಪುಚ್ಚೆ ಎಲಿನ್ ಪಟ್ಟುನು 

ಮೋನೆ  ತೂದತ್ತಾಯ  ನೀರ್ ಕೊರ್ಪಿನಿ 

ಪೊರ್ತು ದೇವೆರ್ ಕಾಂತಿಯೆರ್ದ  ತಿಂಗೊಳ್ ದೇವೆರ್ ಮೂಡುವೆರ್ 

ಮೆನ್ಪುರಿ ತನ್ನ ಪಿರಾವುಡೆ  ಪುಲ್ಯಾಪಿನಿ ಪಂತೂಗೆ 

ಲೇಸ್  ಡೇಟಿಂಆಯಗ್ ಲೇಸುದ ಬಂಗ 

ವೈವಾಟಿದಯಗ್  ಊರೊರ್ಮೆ ಬ್ಯಾರ 

ಆಕಾಶ ಬೂರುನಗ   ಅಂಗೈ ಕೊರಿಲಕ್ಕ ಆಂಡ್ 

ಆಜಾದಿನ ಕಜಿಪು  ತೋಜಾವೊಂದು ಬಳಸೋಡು 

ಆಜಾ ಎಚ್ಚಾನ್ದ್   ಕಮ್ಮಿಯಾಣ್ಡ್ 

 ಆಟ  ಮುಗಿಯನಗ ತೂಟೆ  ತೆಕ್ಕುಂಡ್ 

ಆಟಿಗೊರ ಸೋನಗೋರ 

ಬೋರು ಮಂಡೆಡ್ ನೀರ್ ಉಂತುಂಡಾ  ಕೋರಿದ ಕಂಟೆಲ್ ಆಡಂ ದೆ  ಕುಲ್ಲಂದ್  

ದಾತ್ವರಿ 

ಒಲವೆಂದರೇನೆಂದು ಬಾನತ್ತ  ನೋಡಿದೆ