tulu chutuku-4-2-2019

ತೆರಿಯೊನೊಡು!
=============
ಒಂಜಿ ಬಾರ್ ಗ್ ಒಂಜೇ ಅರಿ
ರಡ್ಡ್ ಬಾರ್ಗ್ ರಡ್ಡರಿ!

ಆಂಡ ಇಡೀ ಸೇರ್ ಆವು
ಅರಿಯಾನಗ ರಡ್ಡ್ ಪಾವು!

ಇಂದಾ ಮಗ ಪಂಡಿನವೆನೊಂತೆ
ಕೇಂಡ್ದ್  ಮಲ್ಪು!

ಮಲ್ಲಾಯಿಲಕ್ಕ ತೆರಿಯೊನು,
ಎಲ್ಯಾವರೆ ಕಲ್ಪು!!.
             
✍🏽ಶಾಂತಾರಾಮ್ ಶೆಟ್ಟಿ.
▪▪▪▪▪▪▪

ಧಮ್ಕಿ!
=======🤫
ಮಾನದ
ಮಾನ ತೆಗೆದು
ನಡುಬೀದಿಯಲಿ
ಬೆತ್ತಲೆ
ನಿಲಿಸುವೆನೆಂದು
ಬೆದರಿಸಿತು ಬಟ್ಟೆ!!

✍🏾ಶಾಂತಾರಾಮ್ ಶೆಟ್ಟಿ.
-------------------------------
( ಮಾನ  ಮೌನ!🤭 )

ಬದ್ಕ್!
======🐛
ಸುಖತುಲಾಯಿಲಾ
ಒಂಜಿ‌ ಬೇನೆ
ಬೇನೆದುಲಾಯಿಲಾ
ಒಂಜಿ ಕುಸಿ
ಕುಸಿಟ್ಲಾ ಬುಲಿಪುವೆರ್
ಬೇನೆಡ್ಲಾ ತೆಲಿಪುವೆರ್
ಒರ್ಯೊರಿ!

ಉಪ್ಪಡ್ದ
ಖಾರ ದುಲಾಯಿ
ಉರಿತುಲಾಯಿ
ಪುಲಿತುಲಾಯಿಲಾ
ತೆಲಿತೊಂದೇ
ಬದುಕುಂಡುಗೆ
ಉಪ್ಪಡ್ದ ಪುರಿ!!

  ✍🏽 ಶಾಂತಾರಾಮ್ ಶೆಟ್ಟಿ.
°°°°°°°°°°°°°°°°°°°°°°°°°°
(ಬದ್ಕಿಲಕ್ಕ ಬದ್ಕ್ !)


ಪಾಡು!
============
ಉಲ್ಲಾಯೆ ಮಲ್ಲಾಯೆ
ಅಲ್ಪಲ್ಪ ಕಟ್ಟುವೆರ್
ದೈವ ದೇವರೆಗ್
ಗುಡಿ ಗುಂಡ !.

ಯಾನಾಂಡ
ಬಡವೆ
ಕಾಂಡೆ ತಂಜನ ಉಂಡ
ಬೈಯಡ್ ನಾಡುವೆ
ಉನರೆ
ಬಡವು ಸಣಿಯರೆ
ಕರತಡಿಟ್
ರಡ್ಡ್ ನುಪ್ಪಾಂಡ
ಉಂಡ?!.

        ✍🏾 ಶಾಂತಾರಾಮ್ ಶೆಟ್ಟಿ.
==================
(ಉಳ್ಳವರಿಗೇನು?.ರಾತ್ರಿಗೆ ಉಣಲಿಲ್ಲಬಡವನು!)

ಮಾನಾದಿಗೆ!
==============
ಕುದ್ಕೆ
ಪುಲಿ ದ್ರಾಕ್ಷಿಗ್
ಲೈತ್ ಲೈತ್ತ್
ಸೋತಿಲಕ್ಕಾಂಡ್ !

ತಿರಿ ಎನ್ನವು
ಎಣ್ಣೆ ನಿನ್ನವು
ಪನ್ಪಿ  ಪಾಮಾಜಿ
ಪತ್ತ್ ದ್ ಬೊಲ್ಪು
ಪೊತ್ತರೆನೇ  ಕೇನುಜಿ!

ಪಾಪದ
ತುಳುವಪ್ಪೆಗ್
ಮರ್ಯಾದಿದ ಮಾನಾದಿಗೆ
ಉದಿಪನೊಗು ಮಿತ್ತರ್ಮೆಡ್
ತುಡರುಪ್ಪಂದಿ ಸಾನಾದಿಗೆ!.

 ✍🏽ಶಾಂತಾರಾಮ್ ಶೆಟ್ಟಿ.
==================

ಪಾಡ್ದನಾ?!
=======
ದೊಂಡೆ ಬಿಚ್ಚಾದ್
ಎಂಚಿನಾ ಗಾನ
ಎಂಚಿನಾ ಪಾಡ್ದನಾ!

ದಾನಿಂಬೆ
ಕಾಂಡೆ ಕಾಂಡೆನೇ
ಪಾಡ್ದನಾ?!.

     🥃ಶಾಂತಾರಾಮ್ ಶೆಟ್ಟಿ.


ಪಾಪದಾಯೆ!
=============
ಮೂಜಿ ಲೋಕಗೆ
ಮೂಜಿ‌ ಮುಟ್ಟುಗೆ
ಬಲಿನ್ ಬಲಿ ದೆತೊಂಡೆಗೆ
ಆಯೆ ಏರಾಯೆ
ಮಾತಾ ಎಂಕ್ ದಾಯೆ?!

ಯಾನ್ ಪಾಪದಾಯೆ
ಏರಪ್ಪಾ ಆಯೆ
ದೇವೆರೆ ಗುಂಡೊಗು
ಮೂಜಿ ಸುತ್ತು
ಬಲಿ ಬರೊಡು ದುಂಬು
ಎನ್ನ ಪೊಸಾ
ರಡ್ಡ್  ಮುಟ್ಟು  ಕಂಡಿನಾಯೆ?!

✍ಶಾಂತಾರಾಮ್ ಶೆಟ್ಟಿ.
==================
(ರಡ್ಡ್ ಮುಟ್ಟುಡೇ ಕುಸಿಟುಪ್ಪುನಾಯೆ!)

======================
ಆನಿಡಿಂಚಿ
ನಿನ್ನ ಬೆರಿಯನೇ
ಬಲಿ ಬೈದೆ !


ವಾ ನಮುನಿದ
ಒಡುದೇ
ಹೇಯ್
ಒಪ್ಪಿದ್ ಬುಡುದೆ!!.

==============

ಎನ್ನಲಾ
ಮನಸ್ ಮೈದಾನ!

ಅಲ್ಪಲಾ
ರಂಗೋಲಿ
ಬುಡ್ಪಾವನಾ?!
==============
ಮೋಕೆದೊರಲ್-೩
===============
ಮದಪಂದೆ ಬಲ
ಮದಿಮೆದಾನಿ
ನನ
ಕೈ ಕೊರಡ....!

ಎನ್ನ
ವಾಡ
ಮುರ್ಕಾವಡ!

✍ಶಾಂತಾರಾಮ್ ಶೆಟ್ಟಿ.




ಮೋಕೆದೊಸರ್-೪
===============
ನಂಕ್ಲಾ
ಒಂಜಿ ಎಲ್ಯ
ಕೋರಿದ ಗೂಡ್....

ಆಯಿನಾತ್
ಬೇಗ ನಾಡ್....

ಸೋಣೊಡ್
ಮದಿಮೆಗ್
ದಿನ. ದೀವೊಡು!!

✍ಶಾಂತಾರಾಮ್ ಶೆಟ್ಟಿ.


ಮೋಕೆದೊರಲ್ ೫
===============
ಈ ಕಂಡದ
ಪುಣಿ ಬರಿಟ್
ನೆಂಪುಲೆನ್
ನಮ ಏತ್ ಒಕ್ಕುದ....

ದಿನಾ
ಪನೊಂದುಪ್ಪುಂಡು
ತೂತಿನ
ಬೇಲಿದ ಮರ ಕುಕ್ಕುದ!!.

✍ಶಾಂತಾರಾಮ್ ಶೆಟ್ಟಿ



=================
ಮೋಕೆದೊರಲ್-೬
===============
ದಿನ ಇಡೀ
ಪಾತೆರ್ದ ಏತ್
ಒಂಜಿ ಸಲಾಯಿ...!

ನಮ್ಮ ಮೋಕೆ
ಪುಟಿನೇ
ಈ ಮೊಬೈಲ್ದುಲಾಯಿ!!.

✍ಶಾಂತಾರಾಮ್ ಶೆಟ್ಟಿ.
=================


ಮೋಕೆದೊರಲ್-೭
==============
ಮಾತಾ
ರಡ್ಡ್ ಅಂಡೆ
ಕಲಿ ಮಾಯೆ...

ಬೆರಿಬತ್ತೆ
ಇತ್ತೆ
ಎನ್ನ ಅಮ್ಮೆರೆನ
ಮರ್ಮಯೆ!
✍ಶಾಂತಾರಾಮ್ ಶೆಟ್ಟಿ.
================
ಮೋಕೆದೊರಲ್-೮
===============
ನನಾಂಡಲಾ
ದೇವೆರ್
ಎಡ್ಡೆ ಬುದ್ಧಿ ಕೊರಾಡ್!

ಬಲಿ ಬರಡ
ಮದಿಮೆಯಾಯಿ
ಬೊಕ್ಕಲಾ
ಇತ್ತಿನಕಲ ಪಿರಾವುಡ್!!

     ✍ಶಾಂತಾರಾಮ್ ಶೆಟ್ಟಿ.
===============.


ಈ  ಅಂಚಿಡ್
ಯಾನ್ ಇಂಚಿಡ್
ನಡುಟೊಂಜಿ
ಈ ಅಡ್ಡ ತೋಡು!

ಏತ್ಂದ್ ಕಾಪೊಡು?
ಎಂಚಾಂಡಲಾ
ನಮ ಒಂಜಾವೊಡು!

ಒಂಜಾ
ಈ ಇಂಚಿ ಲೈಪೊಡು
ಇಜ್ಜಾ
ಯಾನಂಚಿ ಲಾಗ್ಯೊಡು!!.

=================

ದಾದ ಯಮುನಾ

ಈ ದಾನೆ

ವಾಮನೆನಾ?

ಮದಿಮೆ 

ಅಯಿನ ಮರ್ದಿನ

ಕೊಡೆ ಪತೊಂದು

ಕುಲ್ಲುದ

ದಾದ ನನ

ಮಂಡೆಗ್ ಕಾರ್ದೀಪನಾ?

     ✍ಶಾಂತಾರಾಮ್ ಶೆಟ್ಟಿ.

ದಾಲ ಕೇನುಜಿ

ಮೂಜಡಿ ಜಾಗ

ಕೊರ್ಲೆ 

ಉಡಲುಡುಂತುವೆ 

ಪಂಡಿನ ಯಮುನಾ....

ಇತ್ತೆ

ಏತ್ ಕೊರ್ಂಡಲಾ

ಏತ್ ಕನತ್ತ್ಂಡಲಾ

ಕೇನುವಲ್

 ಆತೆನಾ..‌ಈತೆನಾ?!

====================

ಅಕ್ಲೇಸ!

==========

ಗೋಣೆತಂಕರೆಲಕ್ಕ

ಬಲದಿ

ಪಾದೆ ತಿಗಲೆದಾಯ

ಉಗುರು ಮೊಯ್ತ್

ನೀರ್ ಗ್ ಪಾಡಂದೆ

ಕಲ್ವೆರೆ ಕುರೆಕುಂಟು

ಅರ್ದುನಾಯ

ಪ್ರಾಯ 

ಪರಕಂಬೆರ್ಲೆನ

ಪಿರಿಂಡಲಾ

ಅರುಪತ್ತಡ ನನಲಾ!

ಊರ ಪರ್ಪಾತಿಗೆಡೇ

ದಿನ ಪೋಂಡು

ಇಲ್ಲ ಕುಬಲ್ ಡ್

ಕಕ್ಕೆ

ನೂರುನ ತೆರಿಯಂದಿ

ಅನಪತ್ತೆಗಾವಂದಿಯೆ 

ಮಗೆದಾಯೆ ?

ಉರಿಪುಂಟು 

ಮೋನೆಡ್ ಪೆದ್ದಿ ಅಪ್ಪೆ 

ತೇಕಮುರ್ಕ ನೆರ್ದ್

ಅಕ್ಲೇಸ ಬುಡ್ನಗ 

ಮಗಕ್ಕಾಂಡ-ತಗೆಕ್ಕಾಂಡ

ದಾನಿ 

ಉಂತಿ ನೆಲ 

ಅಪ್ಪೆ ನೆಲ ಕೈತಡಿತ

ಉಸುಲ ದಗೆಕ್

ಕಸ್ಕ್ಂದ್ ಕುಸ್ಕಂದ?!

✍🏽ಶಾಂತಾರಾಮ್  ಶೆಟ್ಟಿ.

°°°°°°°°°°°°°°°°°°°°°°°°°

ಕಿರಿ ಕಿರಿ 

ಉಂಡುಂದು 

ಎಂಕುಲು

ಪಂಡನಾ?!

ಆಲ್ ಪಂಡಿನೈಕ್

ಮಾತಾ

ಹೂಂ

ಗುಟ್ಟುಂಡಾಂಡ್

ಇಲ್ಲ್  ನಂದನ !!

===============

ದೇವೆರ್ ಕೊರ್ಪೆರ್!

==============

ಮೂಜಿ ದಿನತ

ನುಪ್ಪು ದೀದೇ

ಎನನಿಂಚ ನೇಲದಿನಿ....

ಮಿತ್ತಿತ್ತಿ  

ನೇಲ ಧನಿ!

           ✍ಶಾಂತಾರಾಮ್ ಶೆಟ್ಟಿ.

==================

ಬಾಯ್ದಾಂತಿ ಬೇನೆ!

==================

ಎನ್ನ ಬಾಲೆಗ್ ಉಸರಾಂಡ

ಕೋರಿ ಪರಕೆ ದೈವಗೊಂಜಿ !

ಲಾಖಿಲಾ ಎನ್ನ ಬಾಲೆತ್ತಾ?

ಪೆರಡೆ ಪಂಡಿನ ಏರೇಗ್ಲಾ ಕೇಂಜಿ !

ಬಾಯ್ದಾಂತಿ ಬೇನೆ

ದೊಂಡೆಡೇ ಆಜಿನೆ?!.

                    ✍ಶಾಂತಾರಾಮ್ ಶೆಟ್ಟಿ

ಈ ದೈವ

ನರಮಾನಿ ಚಲ್ಲತ್ತ 

ನಿನ್ನ ಮಾಯದೆದುರು?

ದೊಕ್ಕೆಡುಪ್ಪುನು

ನಿನ್ನ ಕಾರಡಿತ ಉಸುರು

ದೊಕ್ಕೆ ಪಾರನಗ

ಚಟ್ಟ ಕಟ್ಟರೆಲಾ

ಈ ಕೊರ್ತಿನತಾ 

ಪುಂಡೆಲ್ದ  ಬೆದುರು!!

ಸೋತು ಸುಣ್ಣಗೆ!

============

ಬಲ್ತಿನಾಯಗ್ಲಾ 

ಗಿಡತಿನಾಯಗ್ಲಾ

ಇರ್ವೆರೆಗ್ಲಾ

ಬಚ್ಚೆಲ್ ಒಂಜೆಗೆ...!

ಗೆಂದಿನಾರ್ ಸೋತಿನಾರ್ ಗೆ

ಸೋತಿನಾರ್ ಸೈತಿನಾರ್ ಗೆ 

ಅಂಚಾಂಡ

ಸೋತಿನೇರ್ ಗೆ- ಗೆಂದಿನೇರ್ ಗೆ?!

      ✍ಶಾಂತಾರಾಮ್ ಶೆಟ್ಟಿ.

=================