bolli
ದ್ರಾವಿಡ ಬಾಸೆಲೆನ ಲಿಪಿಯೇ ಪೊರ್ಲು , ಉರುಟುಟುರುಟಾದ್ ಜಿಲೇಬಿದಲಕ್ಕ . ಅವ್ ತುಳು ಆವಡ್ , ಕನ್ನಡ, ತಮಿಳ್ , ಮಲಯಾಳಂ ಮಾತಲಾ ತೂಯರೇ ಒಂತೆ ಒಂಜೇ ಸುರ್ಪ. ಆಂಡ ಈ ಜಿಲೇಬಿ ಪನ್ಪಿನ ತೆನಸ್ ಸಕ್ಕರೆದ ಅತ್ತುಡ ಚೀಯದ ನೆಯ್ಟ್ ಬೂರಿನಾಂಡ ಮಾತ್ರ ತಿನ್ಯರೆ ತೀಪೆ ತೀಪೆ ಆದ್ ಸೋಕಾಪಿನಿ . ಅಂಚನೆ ಈ ಬಾಸೆಲಾ ತನ್ನ ಸವುದದ ಉಡಲ್ದುಲಾಯಿ ತಿರ್ಲ್ ದಿಂಜಾವೊಂದು ಪಾತೆರಿನಪಗ ಮಾತ್ರ ಅವು 'ಸಾಹಿತ್ಯ' ಆಪಿನಿ . ಪನ್ಪಿ ಪಾತೆರ , ಬರೆಪಿ ಅಕ್ಷರೊಲು ತೀಯದ ನೆಯ್ಟ್ ಮುರ್ಕ ದೆರ್ತ್ ನಾಲಾಯಿಗ್ ದೀಲಕ್ಕ ಇತ್ತುಂಡ ಆ ಬರವು ನಾಲಯಿದ ಕೊಡಿಟ್ಟೆ ಪಾಕ ಪೊರ್ತು ನಲಿತೊಂದು , ಪಿರ ಪಿರಾ ಕಾಯಿ ಕಡೆಯೊಂದು ರುಚಿ ಕೊರು. ಅಂಚಿನ ಒಂಜಿ ನೆಂಪುಲೆನ್ ಕಾಯಿ ಕಟುದು ಕೊರ್ಪಿನ ಕತೆ ಅಕ್ಷತಾ ರಾಜ್ ಪೆರ್ಲ ಮೆರ್ನ ಕಾದಂಬರಿ ಬೊಳ್ಳಿ. ಪಣಿಯಾಡಿ ಪುದರ್ಗೊಂಜಿ ಮುಂಡಾಸ್ ಕಟ್ಟ್ ಕೊರ್ದು ತುಯಿ ದೀಯಿಲಕ್ಕ ಆಂಡ್ .
ಬೊಲ್ಲಿನ್ ಒಂದೊಂದು ಪೋವನಗ ಒಂತೆ ಉ೦ತಾಗ , ಬೊಕ್ಕ ಓದುಗ ಪಂದಾಪುಜಿ . ಬಡಪತ್ ದ ಬೇನೆ ಬೇಸರ್ , ಇತ್ತಿನವೇನ್ ಪಟ್ಟ್ ತಿಂದ್ ಜೆತ್ತಿನ ನೆಂಪುದ ಒಸರ್ , ಕೈ ಕಾರ್ ನೀಡುನಾತ್ ಪಜೆ ಇಜ್ಜಿಡ , ಮೊರಂಪು ಮಡ್ತು ಪಜೆತುಲಾಯೇ ಮುರುಂಟುನ ಬದುಕುದುಲಾಯಿಲಾ ಜವ್ವನ ಅರ್ಲುನ ಪೊರ್ತುದ ಕನಕುಲೆಗ್ ದಾಲಾ ಕಮ್ಮಿ ಇಜ್ಜಿ. ನರಮಾನಿ ಬದ್ಕೇ ಅಂಚನೆ ಅತ್ತೆ ''ಎಲ್ಲೆ ಬೊಲ್ಲಿ ಮೂಡು " ಪನ್ಪಿನ ಕನೋಟೇ ಇನಿ ಇರ್ಲಾಪಿನಿ!. ಬಡವೆರ್ನ ಈ ಕನತ ಬದ್ಕ್ ಕೆಲವು ಅರಲುವ, ಕೆಲವು ತಾಲುವ!. ''ಬೊಲ್ಲಿ'' ಕತೆಲಾ ಅಂಚನೆ , ಅಲ್ಪಲ್ಪ ಬಿಮ್ಮ ಬಿಚ್ಚದ್ ತೆಲ್ಪಾದ್ ಕೆಲವಲ್ಪ ಕಣ್ಣ ಕೊಡಿಯಲಂಕೆಡ್ ಬೆಪ್ಪು ನೀರ್ ಉರ್ಕಾವುಂಡು ! ಕತೆ ಮಾತ್ರ ಬೆಪ್ಪುಡೇ ಒದಗೊಂದು ಸಾಗುಂಡು !.
'ಚೆನ್ನುನ ಮೋನೆಡ್ ಜೋಸೆಪ್ಪನ ತೆಲಿಕೆ' ಚೀಯದ ನೆಯ್ಟ್ ಮುರ್ಕಾದಿನ ಪಂಡಿನಿ ನೆಕ್ಕೇ . ಚೆನ್ನುನ ತನುತುಲಾಯಿ ಜೋಸೆಪ್ಪೆನ ಮೋಕೆದೊಸರ್ ಅಡಿ ಕಂತುನ ಪೊರ್ಲು ಒಂಜೇ ಸಾಲ್ ಡ್ ಪನೊಡಾಂಡ ಅಯ್ಕ್ ಕವಿತ್ವದ ಅನುಭವ ಬೋಡು . ಇಂಚಿನ ಬೋಡಾಯಿನಾತ್ ಪದ ಸಾಲುಲು ಕತೆತೊಟ್ಟುಗು ನೇಯೊಂದು ಪೋತುಂಡು . ಅಕ್ಷತಾರಾಜ್ ಗ್ ಉಂದೆನ್ ಪಂಡು ಕೊರೊಡುಂದು ಇಜ್ಜಿ . ಅವು ಮರತಿಡೆಟ್ ಬೀಜುನ ಗಾಲಿದಲಕ್ಕ, ಪುಣ್ಣಮೆದ ತಿಂಗೊಲ್ದ ಬೊಲ್ಪುದಲಕ್ಕ , ಮರಿಯಾಲದ ಪಾನಿ ಬರ್ಸದಲಕ್ಕ ಅವುಲವುಲು ತನು ತಲ್ಮನೆ ಮಲ್ಪುಂಡು. ತುಳುನಾಡುದ ಬೀರ , ಸಂದಿಲು , ಬೂತದ ನುಡಿಕಟ್ಟುಲು ತುಳುತ ಮಲ್ಲಾದಿಗೆನ್ ಬಾನದೆತ್ತರ ದೆರ್ತ್ ತೋಜಾವುಂಡು. ಒಟ್ರಾಸಿ ಓದುನಾಯಗ್ ''ಬಡವು ಬಾಜೊಲು'' ಮದತ್ ಪೋಪಿನಂಚಿನ ಕತೆತ ಪರಪು. ಕತೆತ ಪುದರೇ ''ಬೊಳ್ಳಿ'' ಇಂದ್ ಆಯಿನೆಟ್ಟಾವ್ರ ಉಂದು ಬಾನಲೋಕೊಡು ಮಿಣ್ಕುನ ದಾರೆಗೆ , ಪುಡೆಮಿಡ್ ಒಂಜೀತ್ ಆಂಜಿದ್ ಪೋಯೆರೆ ಮಾತ್ರ ಬೈದಿನ ಪನ್ಪಿನ ಸತ್ಯ ಆದಿಡೇ ಗೊತ್ತಾಪುಂಡು , ಬೊಳ್ಳಿ ಮಿಲಿಟ್ರಿಗ್ ಸೇರುವೆ ಪನ್ನಗ ಅವು ನಿಗಂಟ್ ಆಪುಂಡು. ಅಂಚಾದ್ ಅಕೇರಿದ ಗುಟ್ಟು ಗುಟ್ಟಾದ್ ಒರಿಯುಜಿ !.
ಬೆಂಗಳೂರುದ ಟೋಟಲ್ ಕನ್ನಡ ಸಂಸ್ಥೆಡ್ ಬುಡುಗಡೆ ಆಪಿನ ಮೂಜನೆ ತುಳು ಪುಸ್ತಕ ಉಂದು. ಕನ್ನಡದ ಮಲ್ಲ ಮನಸ್ಸ್ ದ ಚಾವಡಿಡ್ ತುಳುಕೊಂಜಿ ಮನೆ ದೀಯೊಡು ಪನ್ಪಿನ ಲಕ್ಷ್ಮೀಕಾಂತ್ ವಿ ಮೆರೆನ ಪುಣೆಪುಡು ಇನಿ ಬೊಳ್ಳಿ ಕಾದಂಬರಿ ವಿಸ್ವೊದ ವಾ ಮೂಲೆಡ್ಲಾ ತಿಕ್ಕುಲಕ್ಕ ಆತ್೦ಡ್ . ಅಕ್ಷತಾನ ಬರವು ಭಂಡಾರೊಡು ನನಲಾತ್ ಮುತ್ತುಲು ಉದಿತ್ ಬರೊಡು , ಸರ್ವ ತುಳು ಬಂದುಲು ಬೊಲ್ಲಿನ್ ಬಾನೆತ್ತರ ಮೇನ್ಕಾವೊಡು ಪನ್ಪಿನ
ಎನ್ನ ಉಡಲ್ದುಲಾಯಿದ ಅಂಗಲಾಪು .
ಶಾಂತಾರಾಮ್ ವಿ . ಶೆಟ್ಟಿ
ಟೋಟಲ್ ಕನ್ನಡದ ಅಭಿಮಾನದ ಪರವಾದ್
ಬೊಲ್ಲಿನ್ ಒಂದೊಂದು ಪೋವನಗ ಒಂತೆ ಉ೦ತಾಗ , ಬೊಕ್ಕ ಓದುಗ ಪಂದಾಪುಜಿ . ಬಡಪತ್ ದ ಬೇನೆ ಬೇಸರ್ , ಇತ್ತಿನವೇನ್ ಪಟ್ಟ್ ತಿಂದ್ ಜೆತ್ತಿನ ನೆಂಪುದ ಒಸರ್ , ಕೈ ಕಾರ್ ನೀಡುನಾತ್ ಪಜೆ ಇಜ್ಜಿಡ , ಮೊರಂಪು ಮಡ್ತು ಪಜೆತುಲಾಯೇ ಮುರುಂಟುನ ಬದುಕುದುಲಾಯಿಲಾ ಜವ್ವನ ಅರ್ಲುನ ಪೊರ್ತುದ ಕನಕುಲೆಗ್ ದಾಲಾ ಕಮ್ಮಿ ಇಜ್ಜಿ. ನರಮಾನಿ ಬದ್ಕೇ ಅಂಚನೆ ಅತ್ತೆ ''ಎಲ್ಲೆ ಬೊಲ್ಲಿ ಮೂಡು " ಪನ್ಪಿನ ಕನೋಟೇ ಇನಿ ಇರ್ಲಾಪಿನಿ!. ಬಡವೆರ್ನ ಈ ಕನತ ಬದ್ಕ್ ಕೆಲವು ಅರಲುವ, ಕೆಲವು ತಾಲುವ!. ''ಬೊಲ್ಲಿ'' ಕತೆಲಾ ಅಂಚನೆ , ಅಲ್ಪಲ್ಪ ಬಿಮ್ಮ ಬಿಚ್ಚದ್ ತೆಲ್ಪಾದ್ ಕೆಲವಲ್ಪ ಕಣ್ಣ ಕೊಡಿಯಲಂಕೆಡ್ ಬೆಪ್ಪು ನೀರ್ ಉರ್ಕಾವುಂಡು ! ಕತೆ ಮಾತ್ರ ಬೆಪ್ಪುಡೇ ಒದಗೊಂದು ಸಾಗುಂಡು !.
'ಚೆನ್ನುನ ಮೋನೆಡ್ ಜೋಸೆಪ್ಪನ ತೆಲಿಕೆ' ಚೀಯದ ನೆಯ್ಟ್ ಮುರ್ಕಾದಿನ ಪಂಡಿನಿ ನೆಕ್ಕೇ . ಚೆನ್ನುನ ತನುತುಲಾಯಿ ಜೋಸೆಪ್ಪೆನ ಮೋಕೆದೊಸರ್ ಅಡಿ ಕಂತುನ ಪೊರ್ಲು ಒಂಜೇ ಸಾಲ್ ಡ್ ಪನೊಡಾಂಡ ಅಯ್ಕ್ ಕವಿತ್ವದ ಅನುಭವ ಬೋಡು . ಇಂಚಿನ ಬೋಡಾಯಿನಾತ್ ಪದ ಸಾಲುಲು ಕತೆತೊಟ್ಟುಗು ನೇಯೊಂದು ಪೋತುಂಡು . ಅಕ್ಷತಾರಾಜ್ ಗ್ ಉಂದೆನ್ ಪಂಡು ಕೊರೊಡುಂದು ಇಜ್ಜಿ . ಅವು ಮರತಿಡೆಟ್ ಬೀಜುನ ಗಾಲಿದಲಕ್ಕ, ಪುಣ್ಣಮೆದ ತಿಂಗೊಲ್ದ ಬೊಲ್ಪುದಲಕ್ಕ , ಮರಿಯಾಲದ ಪಾನಿ ಬರ್ಸದಲಕ್ಕ ಅವುಲವುಲು ತನು ತಲ್ಮನೆ ಮಲ್ಪುಂಡು. ತುಳುನಾಡುದ ಬೀರ , ಸಂದಿಲು , ಬೂತದ ನುಡಿಕಟ್ಟುಲು ತುಳುತ ಮಲ್ಲಾದಿಗೆನ್ ಬಾನದೆತ್ತರ ದೆರ್ತ್ ತೋಜಾವುಂಡು. ಒಟ್ರಾಸಿ ಓದುನಾಯಗ್ ''ಬಡವು ಬಾಜೊಲು'' ಮದತ್ ಪೋಪಿನಂಚಿನ ಕತೆತ ಪರಪು. ಕತೆತ ಪುದರೇ ''ಬೊಳ್ಳಿ'' ಇಂದ್ ಆಯಿನೆಟ್ಟಾವ್ರ ಉಂದು ಬಾನಲೋಕೊಡು ಮಿಣ್ಕುನ ದಾರೆಗೆ , ಪುಡೆಮಿಡ್ ಒಂಜೀತ್ ಆಂಜಿದ್ ಪೋಯೆರೆ ಮಾತ್ರ ಬೈದಿನ ಪನ್ಪಿನ ಸತ್ಯ ಆದಿಡೇ ಗೊತ್ತಾಪುಂಡು , ಬೊಳ್ಳಿ ಮಿಲಿಟ್ರಿಗ್ ಸೇರುವೆ ಪನ್ನಗ ಅವು ನಿಗಂಟ್ ಆಪುಂಡು. ಅಂಚಾದ್ ಅಕೇರಿದ ಗುಟ್ಟು ಗುಟ್ಟಾದ್ ಒರಿಯುಜಿ !.
ಬೆಂಗಳೂರುದ ಟೋಟಲ್ ಕನ್ನಡ ಸಂಸ್ಥೆಡ್ ಬುಡುಗಡೆ ಆಪಿನ ಮೂಜನೆ ತುಳು ಪುಸ್ತಕ ಉಂದು. ಕನ್ನಡದ ಮಲ್ಲ ಮನಸ್ಸ್ ದ ಚಾವಡಿಡ್ ತುಳುಕೊಂಜಿ ಮನೆ ದೀಯೊಡು ಪನ್ಪಿನ ಲಕ್ಷ್ಮೀಕಾಂತ್ ವಿ ಮೆರೆನ ಪುಣೆಪುಡು ಇನಿ ಬೊಳ್ಳಿ ಕಾದಂಬರಿ ವಿಸ್ವೊದ ವಾ ಮೂಲೆಡ್ಲಾ ತಿಕ್ಕುಲಕ್ಕ ಆತ್೦ಡ್ . ಅಕ್ಷತಾನ ಬರವು ಭಂಡಾರೊಡು ನನಲಾತ್ ಮುತ್ತುಲು ಉದಿತ್ ಬರೊಡು , ಸರ್ವ ತುಳು ಬಂದುಲು ಬೊಲ್ಲಿನ್ ಬಾನೆತ್ತರ ಮೇನ್ಕಾವೊಡು ಪನ್ಪಿನ
ಎನ್ನ ಉಡಲ್ದುಲಾಯಿದ ಅಂಗಲಾಪು .
ಶಾಂತಾರಾಮ್ ವಿ . ಶೆಟ್ಟಿ
ಟೋಟಲ್ ಕನ್ನಡದ ಅಭಿಮಾನದ ಪರವಾದ್
Comments
Post a Comment