ಬಲಿ ಬುಲಿಪುವೆ!
ಬಲಿ ಬುಲಿಪುವೆ!
➖➖➖➖➖😢
ಕಟ್ಟಪುಣಿತ ಎರ್ತೆಡುಂತುದು
ಪಯದಿ ಬಂಗಾರ ಕುರಲ್
ಗಾಲಿಗಾಡುನ ಪೊರ್ಲು ತೂಯರೆ
ಬೈದಿನಾಯೆ
ಒಡ್ಡುದಾಂತಿ ಕಂಡೊಡು
ಕೊಡಿಕಡೆ ಬುಲೆದಿನ ನಾಚಿಕೆ ಮುಳ್ಳುದ
ಸಿರಿಂಕೆ ಸಿಂರ್ಕುನಾ
ತುಳುನಾಡ ಪಡಿಲ ಬೂಡುನು
ತೂದು
ಬಲಿ ಬುಲಿತೊಂದುಲ್ಲೆ!
ಸಿರಿನೀರ ಸೆಲೆ ಸಲಿಯುನ
ತೋಡುಕಟ್ಟಲೆನ್ ತೂದು
ಗುಂಡಿಕಟ್ಟ್ ದ ಸೊಂಟ ನೀರ್ ಡ್
ಇಂಪು ತಂಪಾದ್ ಮೈ ಮಡಿ
ಮೀಯೊಡುಂದು ಬೈದಿನಾಯೆ
ಬರಂಟ್ ತುದೆನ್ ಕರೆಂಟಿ ಕಂಡೊನು
ಬಗ್ಗು ತೂವನಗ ಪೊಟ್ಟುಗ್ಗೆಲ್ ದ
ಅಡಿ ಕುರೆ ನೀರ್ ತೂದು
ಬಲಿ ಬುಲಿತೊಂದುಲ್ಲೆ.!
ಸರಿಕೆ ಜಾಲ್ಡ್ ಅಂಬಿ ನೀರ್ ಸಾರ್ದ್
ಕೈತ ಕಟ್ಟ ಸಾಲ್ ಮುಟ್ಟೆ ಪಾಡ್ದ್
ಬೈತ ಕಟ್ಟ,ತುಪ್ಪೆ ಸಿರಿತ
ಸುತ್ತ
ಪಡಿ ಮಂಚಡ್ ಪೊಲಿ ಪೊಲಿಂದ್
ಪೊಲಿತ ರಾಗೊನು
ಕೇನೆರ್ಂದ್ ಬೈದಿನಾಯೆ
ಕೈಕಂಜಿ ಅರೆದಂದಿ ಕಿದೆಪಣೆ
ಗರ್ದ್ ಬಿರ್ದ್ ದ ಗಿಡ್ದೆರು
ಅಮರಂದಿ ಬೈಪಣೆ
ಕಡೆ ಪೊಲಿದಿ ನೊಗ-ನಾವೆರ್ದ
ಬೆನ್ನಿದಿಲ್ಲದ ಬಡಪತ್ತ್ ತೂದು
ಬಲಿ ಬುಲಿತೊಂದುಲ್ಲೆ !
ಸಲಾಯಿ ನುಪ್ಪುನು ಮರಾಯಿ ಕಜಿಪುನು
ಅಟ್ಟೆ ಮುಟ್ಟೆಡ್
ಕೊಡಿ ಬಾರೆದಿರೆತೆದುರು
ಚಾವಡಿಡ್ ಚಟ್ಟೆ ಕುಲ್ಲುದು
ಅಲೆ ಬೆಂಜನೊಡು ಬರ್ಚಿದ್
ಉಣೊಂದಿತ್ತಿನ
ತಂಕದ ಲಟ್ಟ ಜವನೆರ ಗಟ್ಟಿಗಾರಿಕೆ
ತೂಯರೆಂದ್ ಬೈದಿನಾಯೆ
ಬೊಲ್ಚೆಲ್ ತಟ್ಟೆ ಬಟ್ಟಲ್ ಡ್
ಪುಂಡಿ ನುಪ್ಪುನು
ಒಕ್ಕೊಕ್ಕುದು ತಿನ್ಪಿ
ಸೀಕ್ ಸಂಕಡೊಡು ನುಲಿದ್ ನಲಿದಿನ
ರೋಂಟು ಜವನೆರ ಕೋಂಟು
ಮೋನೆನ್ ತೂದು
ಬಲಿ ಬುಲಿತೊಂದುಲ್ಲೆ !
ಮೂಜಿ ಮಾಗಣೆ ಸಾದಿ ನಡತ್ ದ್
ಊರು ಕೇರಿ ದೂರ ಸೇರ್ ದ್
ದತ್ತ ಕೈಟ್ ದಂಟೆ ಬಲತ ಕೈ ಸೊಂಟ
ಮಿತ್ತ್ ಎರ್ಕದುಂತುನ
ಕಲೊಟು ಮೆರೆಯುನ ಬಿರ್ದ
ಬಂಟನ ಪೊರ್ಲು ತೂಯರೆಂದ್ ಬತ್ತಿನಾಯೆ
ಕುಲ್ಲಿನಲ್ಪ ಉಂತೆರಾವಂದಿ
ಉಂತಿನಲ್ಪ ನಡೆಪೆರಾವಂದಿ
ತೀಪೆ ಸಂಕಡದ ತಾಂಟ್ ಮಾನಿಲು
ಗಾಡಿ ಕಟ್ ದೇ ಪೋಪಿ ಸೋಕುನ್
ತೂದು
ಬಲಿ ಬುಲಿತೊಂದುಲ್ಲೆ!
ಬಲಿ ಬುಲಿತೊಂದುಲ್ಲೆ
ಕನರೊಂದುಲ್ಲೆ ಕನಲೊಂದುಲ್ಲೆ
ಬಂಗಾರ ಕಂಗಣದ
ನುಪ್ಪುನುಂತಿನ
ಎನ್ನ ತುಳುನಾಡುದ
ಬೆನ್ನಿ ಪಸೆದಾಂತಿನ
ಮಣ್ಣ ನಸೆದಾಂತಿನ
ನರಮಾನಿ ಸಂತೆಲು
ಕೂ ಪಾಡ್ದ್ ಲೆತ್ತ್ಂಡಲಾ
ನನ ತುಳುನಾಡ್ದಂಚಿ ಬರೆಯೆ ಪಂದ್
ತಿರ್ಗ್ ತೂವಂದೆ
ಪೋವೊಂದುಲ್ಲೆ
ಬಲಿ ಬುಲಿತೊಂದುಲ್ಲೆ !!
✍🏻 ಶಾಂತಾರಾಮ್ ಶೆಟ್ಟಿ
😢
➖➖➖➖➖➖😢
➖➖➖➖➖😢
ಕಟ್ಟಪುಣಿತ ಎರ್ತೆಡುಂತುದು
ಪಯದಿ ಬಂಗಾರ ಕುರಲ್
ಗಾಲಿಗಾಡುನ ಪೊರ್ಲು ತೂಯರೆ
ಬೈದಿನಾಯೆ
ಒಡ್ಡುದಾಂತಿ ಕಂಡೊಡು
ಕೊಡಿಕಡೆ ಬುಲೆದಿನ ನಾಚಿಕೆ ಮುಳ್ಳುದ
ಸಿರಿಂಕೆ ಸಿಂರ್ಕುನಾ
ತುಳುನಾಡ ಪಡಿಲ ಬೂಡುನು
ತೂದು
ಬಲಿ ಬುಲಿತೊಂದುಲ್ಲೆ!
ಸಿರಿನೀರ ಸೆಲೆ ಸಲಿಯುನ
ತೋಡುಕಟ್ಟಲೆನ್ ತೂದು
ಗುಂಡಿಕಟ್ಟ್ ದ ಸೊಂಟ ನೀರ್ ಡ್
ಇಂಪು ತಂಪಾದ್ ಮೈ ಮಡಿ
ಮೀಯೊಡುಂದು ಬೈದಿನಾಯೆ
ಬರಂಟ್ ತುದೆನ್ ಕರೆಂಟಿ ಕಂಡೊನು
ಬಗ್ಗು ತೂವನಗ ಪೊಟ್ಟುಗ್ಗೆಲ್ ದ
ಅಡಿ ಕುರೆ ನೀರ್ ತೂದು
ಬಲಿ ಬುಲಿತೊಂದುಲ್ಲೆ.!
ಸರಿಕೆ ಜಾಲ್ಡ್ ಅಂಬಿ ನೀರ್ ಸಾರ್ದ್
ಕೈತ ಕಟ್ಟ ಸಾಲ್ ಮುಟ್ಟೆ ಪಾಡ್ದ್
ಬೈತ ಕಟ್ಟ,ತುಪ್ಪೆ ಸಿರಿತ
ಸುತ್ತ
ಪಡಿ ಮಂಚಡ್ ಪೊಲಿ ಪೊಲಿಂದ್
ಪೊಲಿತ ರಾಗೊನು
ಕೇನೆರ್ಂದ್ ಬೈದಿನಾಯೆ
ಕೈಕಂಜಿ ಅರೆದಂದಿ ಕಿದೆಪಣೆ
ಗರ್ದ್ ಬಿರ್ದ್ ದ ಗಿಡ್ದೆರು
ಅಮರಂದಿ ಬೈಪಣೆ
ಕಡೆ ಪೊಲಿದಿ ನೊಗ-ನಾವೆರ್ದ
ಬೆನ್ನಿದಿಲ್ಲದ ಬಡಪತ್ತ್ ತೂದು
ಬಲಿ ಬುಲಿತೊಂದುಲ್ಲೆ !
ಸಲಾಯಿ ನುಪ್ಪುನು ಮರಾಯಿ ಕಜಿಪುನು
ಅಟ್ಟೆ ಮುಟ್ಟೆಡ್
ಕೊಡಿ ಬಾರೆದಿರೆತೆದುರು
ಚಾವಡಿಡ್ ಚಟ್ಟೆ ಕುಲ್ಲುದು
ಅಲೆ ಬೆಂಜನೊಡು ಬರ್ಚಿದ್
ಉಣೊಂದಿತ್ತಿನ
ತಂಕದ ಲಟ್ಟ ಜವನೆರ ಗಟ್ಟಿಗಾರಿಕೆ
ತೂಯರೆಂದ್ ಬೈದಿನಾಯೆ
ಬೊಲ್ಚೆಲ್ ತಟ್ಟೆ ಬಟ್ಟಲ್ ಡ್
ಪುಂಡಿ ನುಪ್ಪುನು
ಒಕ್ಕೊಕ್ಕುದು ತಿನ್ಪಿ
ಸೀಕ್ ಸಂಕಡೊಡು ನುಲಿದ್ ನಲಿದಿನ
ರೋಂಟು ಜವನೆರ ಕೋಂಟು
ಮೋನೆನ್ ತೂದು
ಬಲಿ ಬುಲಿತೊಂದುಲ್ಲೆ !
ಮೂಜಿ ಮಾಗಣೆ ಸಾದಿ ನಡತ್ ದ್
ಊರು ಕೇರಿ ದೂರ ಸೇರ್ ದ್
ದತ್ತ ಕೈಟ್ ದಂಟೆ ಬಲತ ಕೈ ಸೊಂಟ
ಮಿತ್ತ್ ಎರ್ಕದುಂತುನ
ಕಲೊಟು ಮೆರೆಯುನ ಬಿರ್ದ
ಬಂಟನ ಪೊರ್ಲು ತೂಯರೆಂದ್ ಬತ್ತಿನಾಯೆ
ಕುಲ್ಲಿನಲ್ಪ ಉಂತೆರಾವಂದಿ
ಉಂತಿನಲ್ಪ ನಡೆಪೆರಾವಂದಿ
ತೀಪೆ ಸಂಕಡದ ತಾಂಟ್ ಮಾನಿಲು
ಗಾಡಿ ಕಟ್ ದೇ ಪೋಪಿ ಸೋಕುನ್
ತೂದು
ಬಲಿ ಬುಲಿತೊಂದುಲ್ಲೆ!
ಬಲಿ ಬುಲಿತೊಂದುಲ್ಲೆ
ಕನರೊಂದುಲ್ಲೆ ಕನಲೊಂದುಲ್ಲೆ
ಬಂಗಾರ ಕಂಗಣದ
ನುಪ್ಪುನುಂತಿನ
ಎನ್ನ ತುಳುನಾಡುದ
ಬೆನ್ನಿ ಪಸೆದಾಂತಿನ
ಮಣ್ಣ ನಸೆದಾಂತಿನ
ನರಮಾನಿ ಸಂತೆಲು
ಕೂ ಪಾಡ್ದ್ ಲೆತ್ತ್ಂಡಲಾ
ನನ ತುಳುನಾಡ್ದಂಚಿ ಬರೆಯೆ ಪಂದ್
ತಿರ್ಗ್ ತೂವಂದೆ
ಪೋವೊಂದುಲ್ಲೆ
ಬಲಿ ಬುಲಿತೊಂದುಲ್ಲೆ !!
✍🏻 ಶಾಂತಾರಾಮ್ ಶೆಟ್ಟಿ
😢
➖➖➖➖➖➖😢
Comments
Post a Comment