ಕುಕ್ಕುದ ಮರ!
➖➖➖➖➖➖
ದಾನೆ ದಾನೇಪೆ
ಲಿಖಾಹೈ ನಾಮ್
ಖಾನೆವಾಲೋಂಕಾ
ಪರ್ಪಿ ನೀರ್ ಗ್
ಉನ್ಪಿ ಉನ್ಪುಗು
ಏರೆಗೇರೆಗಾ ಕಲಂಕಾ?
ಮರ ಉಪ್ಪುನು
ತಮ್ಮಲೆನ ಪಾಲ್ ಡ್
ಕುಕ್ಕು ತಾಲ್ ದ್
ಬೂರುನು
ಅರ್ವದನ ಜಾಲ್ ಡ್
ಸೈಯ ಮುಟ ಬದುಕುನೈಕ್
ಏತೇತೋ ಕೋಲ
ದೇವೆರ್ ಕೈದೆರ್ತ್ ಕೊರ್ತಿನೈಕ್ಲಾ
ಎನ್ನವು-ನಿನ್ನವು
ಪನ್ಪಿನ ಪಾಲಾ?
ನಂಜಿ ಮಚ್ಚರೊಡೇ
ನೆಗರೊಂದು ನರಂಕೊಂದು
ತಮ್ಮಲೆ ಸೈತೆರಾ...?
ಸೈತಿಬೊಕ್ಕಲಾ ಬುಡಯೆರ್
ಪೊತ್ತಾವರೆಗ್ ಕಡ್ಪುಲೆಂತ್ತೆರ್ಗೆ
ಲೆಕ್ಕೊಗು ದಾಂತಿನ
ತನ್ನ ಪಾಲ್ ದ ಕುಕ್ಕುದ ಮರ !
ಸೈತಿನಂಚಿ ಸೈತಿನ
ತಮ್ಮಲೆನ್
ಎಂಚಲಾ ಪೊತ್ತಾಯೆರಾ?
ನಂಜಿ ಮಚ್ಚರೊಗು
ಮುದೆಲಡಿಮೇಲಾಯಿನಿ
ತಿನಂದೆ-ತೆರಿಯಂದೆ
ಪಾಲ್ ಕಟಿನ
ಪಾಪದ ಕುಕ್ಕುದ ಮರ!
✍🏽ಶಾಂತಾರಾಮ್ ಶೆಟ್ಟಿ
🌳🌳🌳🌳🌳🌳🌳
Comments
Post a Comment