ಬಡಪತ್ !
- Get link
- X
- Other Apps
.JPG)
- Get link
- X
- Other Apps
ಬಲೀಂದ್ರ ಲೆಪ್ಪು
ಕರ್ಗಲ್ ಕಾಯನಗಾ ಬೋರ್ಗಲ್ ಪೂ ಪೋನಗಾ ಜಾಲ್ ಪಾದೆ ಆನಗಾ ಉರ್ದು ಮದ್ದೊಲಿ ಆನಗಾ ಗೋಡ್ದೆರ್ಮೆ ಗೊನೆ ಆನಗಾ ಎರು ದಡ್ದೆ ಆನಗಾ ತುಂಬೆದಡಿಟ್ ಕೂಟ ಆನಗಾ ನೆಕ್ಕಿದಡಿಟ್ ಆಟ ಆನಗಾ ದಂಬೇಲಿಗ್ ಪಾಂಪು ಪಾಡ್ನಗ ಅಲೆಟ್ ಬೋಲ್ನೆಯಿ ಮುರ್ಕುನಗಾ ಗುರುಗುಂಜಿದ ಕಲೆ ಮಾಜಿನಗಾ ಕಲ್ಲ ಕೋರಿ ಕೆಲೆಪುನಗಾ ದಂಟೆ ಅಜ್ಜಿ ಮದಿಮಲ್ ಆನಗಾ ಬಲ್ಲಮಲೆ ಸುಲ್ಲಮಲೆ ಒಂಜನಗಾ ಮಂಜಲಕ್ಕಿ ಮೆಯಿದೆಪ್ಪುನಗಾ ಕೊಟ್ರುನ್ಜೆ ಕೊಡಿಯೇರ್ನಗ ನಂದಿ ಕೋಲು ಮುಕ್ಕುರ್ದಕ್ಕನಗ ಮೂಜಿ ದಿನತ ಉಚ್ಚಯ ಮೂಜಿ ದಿನತ ಬಲಿ ಕಂಡ ಕಂಡ ತುಡರ್ ತೂಯರೆ ಆಜಿ ದಿನತ ಪೊಲಿ ಕೊನಯರೆ ಆ ಊರ ಬಲಿ ಕೊನೊಲ ಈ ಊರ ಪೊಲಿ ಕೊನೊಲ ಆಟಿದ ಅಮಾವಾಸೆಗ್ ಸೋಣದ ಸಂಕ್ರಾಂತಿಗ್ ಬೊಂತೆಲ್ದ ಕೊಡಿ ಪರ್ಬೋಗು ಅಜಿದಿನತ ಬಲಿ ಮೂಜಿದಿನತ ಪೋಲಿ ಕೊಂಡು ಪೋಲ..... ಬಲಿಯೇಂದ್ರ ...... ಅರಕ್ ದ ಒಟ್ಟೆ ಓಡೋಡು ಮಾಯಣದ ಮೊಂಟು ಜಲ್ಲೂಡು ಪೊಟ್ಟು ಗಟ್ಟಿ ಪೋಡಿ ಬಜಿಲ್ದ್ ಬಲಿ ದೆತೊನರೆ ಕೊಟ್ಟುಗು ಗೊಂಡೆ ಪೂ ಕಟ್ಟುದ್ ಬಲ ಬಲಿಯೇಂದ್ರ ಆ ಊರ ಬಲಿ ಕನಲ ಈ ಊರ ಪೋಲಿ ಕೊನೊಲ ಬಲಿಯೇಂದ್ರ ಕೊ ..ಬಲಿಯೇಂದ್ರ....... ಕೊ... ಬಲಿಯೇಂದ್ರ ...ಕೊ... ಬಲಿಯೇಂದ...
ಬಡಪತ್
ReplyDeleteಕೈಕೆತ್ತುಂಡ ಬಾಯಿಗೆತ್ತುಜಿ
ಬಾಯಿಗ್ ದೀಂಡ ಬಂಜಿಗಾಪುಜಿ
ಬಡವನ ಬದ್ಕ್
ಸರ್ತ ಉಂತೆರೇನೇ ಕೇನುಜಿ !
ಬಾವಲಿದಲಕ್ಕನೆ
ಕುತ್ತ ಕಂಡೆ
ಎನ್ನಿನದಗ ತಿಕ್ಕಂದೆ ಪೋಂಡೆ
ತಿಕ್ಕಿನದಗ ಪೊರ್ತು ಪುಲ್ಯಕಾಂಡೆ !
ಕತ್ತಲೆಡ್ ತೂಯಿನವೇನ್ಲಾ
ಬೊಲ್ಪುಡು ತಿನೆರಾಪುಜಿ
ಬಂಜಿದ ಬಡವು ತಡೆಯುಜಿ
ಬಾಯಿ ಬುಡ್ಡು ಪನೆರಾಪುಜಿ !
ಗಾಳಿ ಬರ್ಸದ ನಡುಟ್
ಬದುಕೊಂಜಿ ಕೊರಿಯೆ
ಬಡವನ್ ಬಾವಲಿದಲಕ್ಕ
ಗೆಲ್ಲುಡ್ ನೇಲಾದ್ ಬುಡಿಯೆ !
ಸೈಯ್ಯಮುಟ ನೇಲೊಂದ್ದೆ
ಬದುಕೊಡು
ಮಾಲೊಂದೇ ಜೀವಮಾನ
ಕಡಪೊಡು !
ಬಡವು ಸೈಯಂದ್
ಬಡವೆನೇ ಸಯ್ಯೋಡು !!