ಮಂಡೆಗೇರ್ದಿನ ಜತ್ತುಂಡನೆ.. ನಿಜ ಜೀವನ !!

ಪರಿಲಕ್ಕ  ಅಮಲೆರುಂಡು
ಪ್ರಾಯ ಕರಿಲಕ್ಕ                                                                      
ಅಮಲ್ ಪಿರಿಯುಂಡು                                              
ಪುದೆ ಇನಿ ಮಿತ್  ಮಲ್ಲೆ
ಕಾರಮುದೆಲ್ ಜಾವೊಡತ್ತೆ  ಎಲ್ಲೆii

ಮುಪ್ಪೋಡುಪ್ಪನ  ಜವ್ವನದ ಜೀವ
ಸರ ಸಂಚಾರ  ನರನಾಡಿಡ್
ಮೆಂಚಿ ಪಾರುಂಡು
ಪಿಲಿ  ಗೊಬ್ಬಾವುಂಡು
ಕುಲ್ಲೆರಂಚಿ ಬುಡಂದ್  ii

ಅಜಿಪ ಆವನಗ
ಬೆಂದು ಸೊಂದಿನ ಜೀವ
ಮಾತಾ ಮಂದ ಮಂದ
ಮಯ ಮಯ  ಮಾಯೊಡು
ಬೂರುಂಡುii
ಸೊಂಪ  ಆವನಗ ನನ  ಎಂಚಿ ಸಾವ ?
ಪೋಯಿನಲ್ಪನೆ
ಒರಗುಂಡು
ಕುಲ್ಲಿನಲ್ಪನೆ  ಪರಡುಂಡು
ಮಗುರುಂಡುii

ಪಿರಿಯಮುಟ್ಟ  ಮಾತ್ರ
ಎನ್ನ ಎನ್ನ
ಕರಿಬೊಕ್ಕ  ಮಾತಾ
ಯೇರ್ನೆರ್ನ ! ii