ಶಿವರಾತ್ರಿ - ಎಚ್ಚರ ತತ್ತರ್ಡ (ಜೀವನೋಗು) ಕಲ್ ಬೂರು !!
ಇನಿ ಶಿವರಾತ್ರೆ...
ಈಶ್ವರ ದೇವೆರ್ ಲಯ ಕಾರ್ಯೋಗು ಉಂತಿನ ದಿನ. ಶಿವತಾಂಡವ ನೃತ್ಯ ನಡಪುನ ದಿನ . ಅಂಚಾದ್ ಲಯ ಕಾರ್ಯೋಗು ದುಂಬಾಯಿನ ದೇವೆರೆನ ಪಾರಾಯಣ ಮಲ್ತುದು ಅರೆನ್ ಶಾಂತ ರೂಪೋಗು ಕನತ್ ದೇವೆರ್ನ ದಯೆಕ್ ಮಂಡೆ ದೀಯೋಡಾಯಿನ ದಿನ.
ಸೃಷ್ಠಿ ಬೊಕ್ಕ ಲಯ ಉಂದು ಬೆರಿ- ಬೆರಿಕ್ ನಡಪುನ ಕ್ರಿಯೆ. ಒಂಜೈಯ್ಯನ್ ಬುಡ್ದು ಒಂಜಿ ಉಪ್ಪೆರಾವಂದಿನ ಜೋಡಿ ಕ್ರಿಯೆ. ಶಿವರಾತ್ರೆದ ಲಯ ಕರೀ ಬೊಕ್ಕ ಬಿಸು ಪರ್ಬದ ಪೊರ್ತುಗು ಸೃಷ್ಠಿ ಕಾರ್ಯ ಸುರುವಾಪುಂಡು. ಗಿಡ ಮರಕುಲು ಪೂ- ಪೋದು ಕಾಯಿ ಕಟ್ಟುನ ಪೊರ್ತು. ಆನಿಡ್ ಬೊಕ್ಕ ತಿನರೆ- ಉನರೆ ಪ್ರಕ್ರುತಿಡ್ ದಾನ್ಯಂಡಲ ತಿಕ್ಕಂದೆ ಕುಲ್ಲಂದ್ .
ಉಪವಾಸ - ಜಾಗರಣೆ ದಾಯೆಗ್
ಈಶ್ವರ ದೇವೆರ್ ಸಮುದ್ರ ಮಥನದ ಪೋರ್ತುಡು ಪುಟ್ಟಿನ ಹಾಲಾಹಲ ಪರ್ದು ಐತ ಧಗೆನ್ ತಡೆಯೇರೆ ಅವಂದೇ ನೀರ್ -ಆಹಾರ ಬುಡ್ಡು ಧ್ಯಾನ ಸಮಾಧಿಗ್ ಪೋಪೆರ್ಗೆ .
ನಿತ್ಯ ಜೀವನೋಡುಲಾ , ಅಕಸ್ಮಾತ್ ನಮಕ್ ವಿಷ ಜಂತುಲು ತುಚಿನಾಂಡ ಬಾಯಿಗ್ ಎಡ್ಡೆ ಮುಂಚಿ ಪಾಡ್ದು ರಾತ್ರಿ ಇಡಿ ನಿದ್ರೆ ಮಲ್ಪರೆ ಬುಡ್ಪುಜೆರ್, ಜೀವೋಡು ವಿಷ ಇಪ್ಪನಗ ನಿದ್ರೆ ಮಲ್ಪರೆ ಬಲ್ಲಿಗೆ.
ಈ ಕಾರೋನೋ ಗಾದ್ ಈ ಒಂಜಿ ದಿನ ತನ್ನ ಜನೊಕ್ಲೊಗಾದ್ , ಲೋಕ ಕಲ್ಯಾಣೋ ಗಾತ್ರ ತನ್ನ ಜೀವದ ಆಲೋಚನೆ ಮಲ್ಪಂದೆ ವಿಷ ಪರ್ನ್ಯ ದೇವೆರ್ನ ಸ್ಮರನೆಗಾದ್ ನಮ ಇನಿ ರಾತ್ರೆ ಇಡಿ ನಿದ್ರೆ ಮಲ್ಪಂದೆ-ದಾಲ ತಿನಂದೆ ಧ್ಯಾನೋಡುಪ್ಪುನ ಈಶ್ವರ ದೇವೆರ್ನೋಟ್ಟುಗು ಎಚ್ಚರಡಿತ್ತುದು ಜಾಗರಣೆ ಮಲ್ಪೋಡು ಪನ್ಪೆರ್.
ಇನಿತ ದಿನೋಟು ಬ್ರಹ್ಮ ದೇವೆರೆದಾತ್ರ "ಸುಳ್ಳು" ಬೊಕ್ಕ ವಿಷ್ಣು ದೇವೆರೆದಾತ್ರ "ಸತ್ಯ" ಮೂಜಿ ಲೋಕೊಡುಲ ಪುಟುಂಡುಗೆ.
ತುಳುನಾಡುಡ್ ಶಿವರಾತ್ರೆ
ಪರಶುರಾಮ ಸೃಷ್ಠಿಡ್ ಶಿವರಾತ್ರೆದ ಆಚರಣೆ ಬೇತೆ ಕಡೆಟ್ ನದಪುನವೆಡ್ದು ವಂತೆ ಬೇತೆ ನಮೂನಿ
ದೇವಸ್ತಾನಲೆಡುಪೂಜೆ ಪುರಸ್ಕಾರ ನಡಪು, ಊರುದುಲಾಯಿ ಉಪವಾಸೊಗು -ಜಾಗರಣೆಗ್ ಮಾತ್ರ ಮಹತ್ವ.
ರಾತ್ರೆ ಇಡಿ ಎಚ್ಚರಇತ್ತುದು ಭಜನೆ ಮಲ್ತುದು ಹರಿ ಕಥೆ ಕೇನೊಂದು ದೇವೆರ್ನ್ ನೆನೆಪೆರ್.
ಉಪವಾಸ ಪನ್ನಗ ತಿನ್ಪಿನೈಕ್ ದಾಲ ತಿಕ್ಕಂದ್.
ಅಂಚ ತಿನ್ಯರೆ ಆವಂದಿನ ಒಂಜಿ ಪರ್ಬ !
ಇನಿಮುಟ್ಟ ಚಲಿತ ಪೊರ್ತುನು ತಡೆಯೆರೆ "ನೈಪೇರ್" ತಿಂದುದು ಚರ್ಬಿ ಯೇರ್ದಿನ ಜೀವ.....
ದುಂಬು ಬರ್ಪಿನ ಅರೆಗಾಲೋಗು ಜೀವೊಡಿತ್ತಿನ ಚರ್ಬಿ (ಕೊಬ್ಬು) ಕರಾದ್ ಜೀವ ಹಗುರಾವಡ್ ಪನ್ಪಿನ ಅರೋಗ್ಯ
ಆಯುರ್ವೇದದ ಉದ್ದೇಶ.
ರಾತ್ರಿ ಇಡಿ ಎಚ್ಚರ ಇಪ್ಪೋಡು ....ಯೆಂಚ ?
ಬದಿತ ಇಲ್ಲದ ಭೋಜಣ್ಣನ ಇಲ್ಲಗ್ ಮೆಲ್ಲ ರಡ್ದು ಕಲ್ ದಕ್ಯೆರ್ ಜೋಕ್ಲು ...
ಭೋಜನ್ನೆ "ಏರ್ಯ ಅವ್ವು...ಯೆನ್ನ ಮಾಡುಗ್ ಕಲ್ ದಕ್ಕುನು...ಓಡು ಪೋಂಡ ಏರ್ ನಿಗಲ ಅಮ್ಮೆ ಕೊರ್ಪೇನಾ?"
ಪಂಡುದ್ ಬಾಯಿ ದೆಪ್ಪೆರ್..........
ಓಹೋ ಭೋಜನ್ನೆ ಎಚ್ಚರೊಡು ಉಲ್ಲೆರ್ !
ಚಂದಯಣ್ಣನ ತೋಟೋಡು ಜೋಕುಲು ತಾರೆದ ಮರತ ಮುದೆಲ್ದು ಬೊಂಡ ಕಂಡಿಲಕ್ಕ ಮಲ್ತೆರ್ ....
ಚಂದಯನ್ಣೆ ಟಾರ್ಚುದ ಬೊಲ್ಪು ತಾರೆದ ಮರತ ತುದಿಕ್ ಪಾಡ್ದು........
"ಯೇರವುಲು ಬೊಂಡ ಕಂಡುನು...ಬಾಸೆ ದಾಂತಿನ ?" ಪನುವೆರ್
ಅಪಂಡ ಮೂಲುಲ ಎಚ್ಚರ ಉಲ್ಲೆರ್ .
ಕಾಮತೆರ್ನ ಅಂಗಡಿದಲ್ಪ ಪೋನಗ ಕಾಮತೆರ್ ಅಲ್ಪನೆ ಕೋಲು ಪತೊಂದು ತಿರ್ಗೊಂದು ಉಲ್ಲೆರ್. ಕಮಲಕ್ಕನ ಗುವೆಲ್ದ ಕಟ್ಟೆದ ಕೊಡಪಾನ ದೆಪ್ಪುಗನ ಆರ್ಲ ಜಾಲುಡೆ ಮೈಪು ಸೂಡಿ ಪತೊಂದು ಉಂತುದೆರ್ ....
ಒಲ್ಪ ತೂವನಗಲ ಜನ ಜಾಗ್ರತೆ ಅವಸ್ತೆಡೆ ಉಲ್ಲೆರ್ ...ಯೇರ್ಲ "ಜಾರ್ ಬೂರ್ನ" ನಿದ್ರಾವಸ್ತೆಡ್ ಇಜ್ಜೆರ್.
ಶಿವರಾತ್ರೆದಾನಿ ರಾತ್ರಿ 12 ಗಂಟೆಡ್ ಬೊಕ್ಕ ಕಲ್ವತನ ಮಲ್ತುಂಡ ಪಾಪ ಇಜ್ಜಿಗೆ , ಅಂಚ ಪಂಡುದ್ ಉಂದು ಕಂಡೆರೆ ಉಮೇದ್ ಕೊರ್ಪಿನಿ ಅತ್. ಇನಿತ ದಿನ ಕಂಡುವೆರ್ ಪಂಡ ನಮ ಜಾಗ್ರತೆಡ್ ಉಪ್ಪುವ ,ನಿದ್ರೆ ಮಲ್ಪುಜ ಪನ್ಪಿನ ಉದ್ದೇಶ .
ಜನೋಕ್ಲೆನ್ ಜಾಗ್ರತೆಡ್ ದೀಪಿನ ಒಂಜಿ ವ್ಯವಸ್ತೆ .
ಇತ್ತೆದ ಕಾಲೋಡು ಅವು ಮಾತಾ ಬದಲಾತುಂಡು . ಬದುಕುದ ದೃಷ್ಟಿ ಮಂದ ಆತುಂಡು
ಜನ -ಸರಕಾರ -ಜಾಗ್ರತೆಡ್ ಇತ್ತಿನಾಂಡ ಅಲ್ಪಲ್ಪ "ಬಾಂಬು" ಪುಡಯೆರೆ ಉಂಡಾ ?
ಕಸಬ್ ಲಕ್ಕಂತಿನಕುಲು ಒಲ್ತುಡ್ದೋ ಬತ್ತುದು ನಮ್ಮನ್ ನಾಯಿ ಕೆರಿಲಕ್ಕ ಕೆರ್ಯರೆ ಆತುವಾ ?
ನಮ್ಮ ಸರಕಾರದ ಖಜಾನೆಗ್ ಕಟ್ಟಿನ ದೊಡ್ದುಡು ಈ ನಮ್ಮ ರಾಜಕೀಯದಕುಲು ಪರ ಊರುಗ್ ಪೋದು ಮಜಾ ಮಲ್ಪರೆ, ಖಜಾನೆ ಲೂಟಿ ಮಲ್ಪರೆ ಆತುವಾ ?
ಅಂಚಾದ್ ನಮ ಮಾತೆರ್ಲ ಎಚ್ಚರೊಡು -ಜಾಗ್ರತೆಡ್ ಉಪ್ಪೊಡು , ಎಚ್ಚರ ತತ್ತರ್ಡ ತೊಂದರೆ-ಕಷ್ಟ-ನಷ್ಟ ಆನುಭವಿಸೊಡಾವು ಪನ್ಪಿನ ಸಂದೇಶ ಶಿವರಾತ್ರೆದ ...
ಸುತ್ತ ಮುತ್ತ ನಡಪುನ ಕಲ್ಲಾಟಿ ಕೆಲೆನ್ ಜಾಗ್ರತೆಡ್ ತೂವೊಂದು-ತಡೆತೊಂದು ಉಪ್ಪುನ ನಮ್ಮ ಕರ್ತವ್ಯ
ಇಜ್ಜಿಡ ನಮ್ಮ ಇಪ್ಪುನ ಜಾಗೆಗ್- ನಮ್ಮ ಜೀವನೊಗು ಕಲ್ಲು ಬೂರು !!
ಶಿವರಾತ್ರೆ ನಮನ್ ಮಾತಾ "ಜಾಗ್ರತಾವಸ್ತೆಗ್" ಕನಪಾವಡ್.
ಚಿತ್ರ ಕೃಪೆ : ಡೈಜಿ ವರ್ಲ್ಡ್
:ಶಾಂತಾರಾಮ್ ಶೆಟ್ಟಿ
ಈಶ್ವರ ದೇವೆರ್ ಲಯ ಕಾರ್ಯೋಗು ಉಂತಿನ ದಿನ. ಶಿವತಾಂಡವ ನೃತ್ಯ ನಡಪುನ ದಿನ . ಅಂಚಾದ್ ಲಯ ಕಾರ್ಯೋಗು ದುಂಬಾಯಿನ ದೇವೆರೆನ ಪಾರಾಯಣ ಮಲ್ತುದು ಅರೆನ್ ಶಾಂತ ರೂಪೋಗು ಕನತ್ ದೇವೆರ್ನ ದಯೆಕ್ ಮಂಡೆ ದೀಯೋಡಾಯಿನ ದಿನ.
ಸೃಷ್ಠಿ ಬೊಕ್ಕ ಲಯ ಉಂದು ಬೆರಿ- ಬೆರಿಕ್ ನಡಪುನ ಕ್ರಿಯೆ. ಒಂಜೈಯ್ಯನ್ ಬುಡ್ದು ಒಂಜಿ ಉಪ್ಪೆರಾವಂದಿನ ಜೋಡಿ ಕ್ರಿಯೆ. ಶಿವರಾತ್ರೆದ ಲಯ ಕರೀ ಬೊಕ್ಕ ಬಿಸು ಪರ್ಬದ ಪೊರ್ತುಗು ಸೃಷ್ಠಿ ಕಾರ್ಯ ಸುರುವಾಪುಂಡು. ಗಿಡ ಮರಕುಲು ಪೂ- ಪೋದು ಕಾಯಿ ಕಟ್ಟುನ ಪೊರ್ತು. ಆನಿಡ್ ಬೊಕ್ಕ ತಿನರೆ- ಉನರೆ ಪ್ರಕ್ರುತಿಡ್ ದಾನ್ಯಂಡಲ ತಿಕ್ಕಂದೆ ಕುಲ್ಲಂದ್ .
ಉಪವಾಸ - ಜಾಗರಣೆ ದಾಯೆಗ್
ಈಶ್ವರ ದೇವೆರ್ ಸಮುದ್ರ ಮಥನದ ಪೋರ್ತುಡು ಪುಟ್ಟಿನ ಹಾಲಾಹಲ ಪರ್ದು ಐತ ಧಗೆನ್ ತಡೆಯೇರೆ ಅವಂದೇ ನೀರ್ -ಆಹಾರ ಬುಡ್ಡು ಧ್ಯಾನ ಸಮಾಧಿಗ್ ಪೋಪೆರ್ಗೆ .
ನಿತ್ಯ ಜೀವನೋಡುಲಾ , ಅಕಸ್ಮಾತ್ ನಮಕ್ ವಿಷ ಜಂತುಲು ತುಚಿನಾಂಡ ಬಾಯಿಗ್ ಎಡ್ಡೆ ಮುಂಚಿ ಪಾಡ್ದು ರಾತ್ರಿ ಇಡಿ ನಿದ್ರೆ ಮಲ್ಪರೆ ಬುಡ್ಪುಜೆರ್, ಜೀವೋಡು ವಿಷ ಇಪ್ಪನಗ ನಿದ್ರೆ ಮಲ್ಪರೆ ಬಲ್ಲಿಗೆ.
ಈ ಕಾರೋನೋ ಗಾದ್ ಈ ಒಂಜಿ ದಿನ ತನ್ನ ಜನೊಕ್ಲೊಗಾದ್ , ಲೋಕ ಕಲ್ಯಾಣೋ ಗಾತ್ರ ತನ್ನ ಜೀವದ ಆಲೋಚನೆ ಮಲ್ಪಂದೆ ವಿಷ ಪರ್ನ್ಯ ದೇವೆರ್ನ ಸ್ಮರನೆಗಾದ್ ನಮ ಇನಿ ರಾತ್ರೆ ಇಡಿ ನಿದ್ರೆ ಮಲ್ಪಂದೆ-ದಾಲ ತಿನಂದೆ ಧ್ಯಾನೋಡುಪ್ಪುನ ಈಶ್ವರ ದೇವೆರ್ನೋಟ್ಟುಗು ಎಚ್ಚರಡಿತ್ತುದು ಜಾಗರಣೆ ಮಲ್ಪೋಡು ಪನ್ಪೆರ್.
ಇನಿತ ದಿನೋಟು ಬ್ರಹ್ಮ ದೇವೆರೆದಾತ್ರ "ಸುಳ್ಳು" ಬೊಕ್ಕ ವಿಷ್ಣು ದೇವೆರೆದಾತ್ರ "ಸತ್ಯ" ಮೂಜಿ ಲೋಕೊಡುಲ ಪುಟುಂಡುಗೆ.
ತುಳುನಾಡುಡ್ ಶಿವರಾತ್ರೆ
ಪರಶುರಾಮ ಸೃಷ್ಠಿಡ್ ಶಿವರಾತ್ರೆದ ಆಚರಣೆ ಬೇತೆ ಕಡೆಟ್ ನದಪುನವೆಡ್ದು ವಂತೆ ಬೇತೆ ನಮೂನಿ
ದೇವಸ್ತಾನಲೆಡುಪೂಜೆ ಪುರಸ್ಕಾರ ನಡಪು, ಊರುದುಲಾಯಿ ಉಪವಾಸೊಗು -ಜಾಗರಣೆಗ್ ಮಾತ್ರ ಮಹತ್ವ.
ರಾತ್ರೆ ಇಡಿ ಎಚ್ಚರಇತ್ತುದು ಭಜನೆ ಮಲ್ತುದು ಹರಿ ಕಥೆ ಕೇನೊಂದು ದೇವೆರ್ನ್ ನೆನೆಪೆರ್.
ಉಪವಾಸ ಪನ್ನಗ ತಿನ್ಪಿನೈಕ್ ದಾಲ ತಿಕ್ಕಂದ್.
ಅಂಚ ತಿನ್ಯರೆ ಆವಂದಿನ ಒಂಜಿ ಪರ್ಬ !
ಇನಿಮುಟ್ಟ ಚಲಿತ ಪೊರ್ತುನು ತಡೆಯೆರೆ "ನೈಪೇರ್" ತಿಂದುದು ಚರ್ಬಿ ಯೇರ್ದಿನ ಜೀವ.....
ದುಂಬು ಬರ್ಪಿನ ಅರೆಗಾಲೋಗು ಜೀವೊಡಿತ್ತಿನ ಚರ್ಬಿ (ಕೊಬ್ಬು) ಕರಾದ್ ಜೀವ ಹಗುರಾವಡ್ ಪನ್ಪಿನ ಅರೋಗ್ಯ
ಆಯುರ್ವೇದದ ಉದ್ದೇಶ.
ರಾತ್ರಿ ಇಡಿ ಎಚ್ಚರ ಇಪ್ಪೋಡು ....ಯೆಂಚ ?
ಬದಿತ ಇಲ್ಲದ ಭೋಜಣ್ಣನ ಇಲ್ಲಗ್ ಮೆಲ್ಲ ರಡ್ದು ಕಲ್ ದಕ್ಯೆರ್ ಜೋಕ್ಲು ...
ಭೋಜನ್ನೆ "ಏರ್ಯ ಅವ್ವು...ಯೆನ್ನ ಮಾಡುಗ್ ಕಲ್ ದಕ್ಕುನು...ಓಡು ಪೋಂಡ ಏರ್ ನಿಗಲ ಅಮ್ಮೆ ಕೊರ್ಪೇನಾ?"
ಪಂಡುದ್ ಬಾಯಿ ದೆಪ್ಪೆರ್..........
ಓಹೋ ಭೋಜನ್ನೆ ಎಚ್ಚರೊಡು ಉಲ್ಲೆರ್ !
ಚಂದಯಣ್ಣನ ತೋಟೋಡು ಜೋಕುಲು ತಾರೆದ ಮರತ ಮುದೆಲ್ದು ಬೊಂಡ ಕಂಡಿಲಕ್ಕ ಮಲ್ತೆರ್ ....
ಚಂದಯನ್ಣೆ ಟಾರ್ಚುದ ಬೊಲ್ಪು ತಾರೆದ ಮರತ ತುದಿಕ್ ಪಾಡ್ದು........
"ಯೇರವುಲು ಬೊಂಡ ಕಂಡುನು...ಬಾಸೆ ದಾಂತಿನ ?" ಪನುವೆರ್
ಅಪಂಡ ಮೂಲುಲ ಎಚ್ಚರ ಉಲ್ಲೆರ್ .
ಕಾಮತೆರ್ನ ಅಂಗಡಿದಲ್ಪ ಪೋನಗ ಕಾಮತೆರ್ ಅಲ್ಪನೆ ಕೋಲು ಪತೊಂದು ತಿರ್ಗೊಂದು ಉಲ್ಲೆರ್. ಕಮಲಕ್ಕನ ಗುವೆಲ್ದ ಕಟ್ಟೆದ ಕೊಡಪಾನ ದೆಪ್ಪುಗನ ಆರ್ಲ ಜಾಲುಡೆ ಮೈಪು ಸೂಡಿ ಪತೊಂದು ಉಂತುದೆರ್ ....
ಒಲ್ಪ ತೂವನಗಲ ಜನ ಜಾಗ್ರತೆ ಅವಸ್ತೆಡೆ ಉಲ್ಲೆರ್ ...ಯೇರ್ಲ "ಜಾರ್ ಬೂರ್ನ" ನಿದ್ರಾವಸ್ತೆಡ್ ಇಜ್ಜೆರ್.
ಜನೋಕ್ಲೆನ್ ಜಾಗ್ರತೆಡ್ ದೀಪಿನ ಒಂಜಿ ವ್ಯವಸ್ತೆ .
ಇತ್ತೆದ ಕಾಲೋಡು ಅವು ಮಾತಾ ಬದಲಾತುಂಡು . ಬದುಕುದ ದೃಷ್ಟಿ ಮಂದ ಆತುಂಡು
ಜನ -ಸರಕಾರ -ಜಾಗ್ರತೆಡ್ ಇತ್ತಿನಾಂಡ ಅಲ್ಪಲ್ಪ "ಬಾಂಬು" ಪುಡಯೆರೆ ಉಂಡಾ ?
ಕಸಬ್ ಲಕ್ಕಂತಿನಕುಲು ಒಲ್ತುಡ್ದೋ ಬತ್ತುದು ನಮ್ಮನ್ ನಾಯಿ ಕೆರಿಲಕ್ಕ ಕೆರ್ಯರೆ ಆತುವಾ ?
ನಮ್ಮ ಸರಕಾರದ ಖಜಾನೆಗ್ ಕಟ್ಟಿನ ದೊಡ್ದುಡು ಈ ನಮ್ಮ ರಾಜಕೀಯದಕುಲು ಪರ ಊರುಗ್ ಪೋದು ಮಜಾ ಮಲ್ಪರೆ, ಖಜಾನೆ ಲೂಟಿ ಮಲ್ಪರೆ ಆತುವಾ ?
ಅಂಚಾದ್ ನಮ ಮಾತೆರ್ಲ ಎಚ್ಚರೊಡು -ಜಾಗ್ರತೆಡ್ ಉಪ್ಪೊಡು , ಎಚ್ಚರ ತತ್ತರ್ಡ ತೊಂದರೆ-ಕಷ್ಟ-ನಷ್ಟ ಆನುಭವಿಸೊಡಾವು ಪನ್ಪಿನ ಸಂದೇಶ ಶಿವರಾತ್ರೆದ ...
ಸುತ್ತ ಮುತ್ತ ನಡಪುನ ಕಲ್ಲಾಟಿ ಕೆಲೆನ್ ಜಾಗ್ರತೆಡ್ ತೂವೊಂದು-ತಡೆತೊಂದು ಉಪ್ಪುನ ನಮ್ಮ ಕರ್ತವ್ಯ
ಇಜ್ಜಿಡ ನಮ್ಮ ಇಪ್ಪುನ ಜಾಗೆಗ್- ನಮ್ಮ ಜೀವನೊಗು ಕಲ್ಲು ಬೂರು !!
ಶಿವರಾತ್ರೆ ನಮನ್ ಮಾತಾ "ಜಾಗ್ರತಾವಸ್ತೆಗ್" ಕನಪಾವಡ್.
ಚಿತ್ರ ಕೃಪೆ : ಡೈಜಿ ವರ್ಲ್ಡ್
:ಶಾಂತಾರಾಮ್ ಶೆಟ್ಟಿ
Comments
Post a Comment