ಗಡಿನಾಡ ತುಳು ಬೊಲ್ಲಿ

ಗಡಿನಾಡ ತುಳು ಬೊಲ್ಲಿ

ತೆನ್ಕಾಯಿ ಗಡುನಾಡ 

ಕೊಡಿ ಬಾನೊಡು

ಪೊರ್ತು ಕಂತುನಗ

ತಡೆದಾಂತೆ

ಮೆನ್ಕೊಂದಿತ್ತಿನ  ಬೊಲ್ಲಿ

ದಿನ ತೂದು ದಿನ ದೀಂಡ್

ನೂದಾಯಿ

ಬೆರಿಕೇ ಮಾಯಕೊಡು

ತೆಕ್ ಪೋಂಡು !

ತುಳುನಾಡುಗು

ಗಡಿ ಪಾಡೆರೆ

ಮಡು ಬೂರ್ನಗ

ಮಲಬಾರದ ಕಡೆಟಿತ್ತಿನ

ಕೊಡಿಕಾರುನ್ 

ಅಡಿತಪ್ಪಾದ್

ಇಡೆಜಾರಾದ್

ಕರುನಾಡುದ 

ಮುಡಿಟ್ ಕೊಡಿಯೇರಾದ್ 

ತನ್ನಪ್ಪೆನ ಗುಡಿಕಟ್ಟರೆ

ತಿಗಲೆ ಮರತ್

ಅಮರ್ ದುಂತಿನ 

ತುಳುಬೂಡುದ ಪೊತ್ಥೊಲಿ !

ಬೆನ್ಪಿ  ಬೆನ್ನಿದ

ಬೇಲೆದ ಕರ್ಮೊನು 

ಸ್ವರದೆರ್ತ್ ಪನ್ಪಾಂಡ್

ಕಲ್ಪು ಕಲಿಕೆದ

ಅಪ್ಪೆ ಬಾಸೆದ ಪೆರ್ಮೆನ್

ತರೆದರ್ತ್  ತೆರಿಪಾಂಡ್

ಒಂಜಾವೊಡು  ಒಟ್ಟಾವೊಡು

ಒರಿಪಾವೊಡು  ಒರ್ತನೊಡು

ಐಕ್ಯಗಾನದ ಜೋಡುರಾಗೊನು 

ಕೂಡು ಕುಟುಮದ

ಗೇನದೊಸರುನ್ 

ಊರೊರ್ಮೆ ಪಸರ್ದ್

ಬೆರ್ಮೆರೆ ಪುಣ್ಯಲೋಕೊಡು

ಅಲ್ಪತುಡರಾವೆರೆ ಪೋಂಡು 

ಕರ್ಮಲೋಕೊಡು ಮುಲ್ಪ

ಪಕ್ಕನೆ ಕಣ್ ಕತ್ತೆಲಾಂಡ್ !

ನೂದಾದ್ ಕಾಯ ಮಾಜಿನ

ಮಾಜಿದ್ ಮಾಯ ಸೇರಿನ 

ನೂದಾದ್ ಪುದೆ ಜಾವಯಿನ

ಪುದೆ ಜಾವದ್ ಕಡುಬಾಡಿನ 

ತುಳುನಾಡ ಬಂಗಾರ್ದೆಸಲ್ದ

ತಾಮರೆದ ಪೂ……

ನನ  ದಿನಾ….,

ಪುಲ್ಯ ಪೊರ್ತುಡು

ತುಳಸಿಕಟ್ಟೆಗ್

ನೀರ್ ಮೈಪನ

ಕೈ ಮುಗಿಯುನ

ದೇವೆರೊಟ್ಟುದ  ನೆಂಪು !

================.