ನಂಬೊಲ್ಗೆ

ಪೂ ಪಾಡುನಾಡೆಗ್ 
ಪೂತ   ಇಸಲ್ನ್  ಪಾಡಿಯೆ 
ಬಡವೆ 
ಬೆನ್ಪಿ ಬೇಲೆದ  ನಡುಟೇ
ದೇವೆರೆನ್ ನಾಡಿಯೆ !

ಬಂಜಿಗ್ಇಜ್ಜಿಡ ದಾನೆ ?
ಬೇನೆ
ತಿಗಲೆಡ್  ಏತಿತ್ತುಂಡ ದಾನೆ ? 
ಹನೆಟ್  ಬರೆತಿನ  ಪಂದ್ ದೂರಯೆ 
''ಈ ಕಲ್ಲತ್ತಯಾ !''
ಪಂದ್
ದೇವೆರೆನ್ ಯಾಪೊಗುಲಾ ಮೂನಯೆ !
 
ಕಣ್ ಕಟುದಿನ ಮಾಯೆ 
ಇನಿ ತತ್ತುಂಡ ಎಲ್ಲೆ 
ಕರೀಯೂ೦ದು 
ಕಣ್ಣುಗ್ ಎಣ್ಣೆ ಬುಡ್ದು  ಕಾಪುವೆ 
ಕುರೆತ ಕುಂಟುಡೆ  ಬಜಿ ನೆಲಟೇ  
ಅರೆ ಬಂಜಿಡೇ  ಜೆಪ್ಪುವೆ !

ಅರೆತ್  ಕೋರ್ತಿನ ನಲಿಕೆ  
ಮೊರೆತ್  ಕೊರ್ತಿನ  ಅಲಿಕೆ 
ಏರೆಗಿಂದ್ ? 
ಬಿಮ್ಮ ಕೊಂಕದ್  ಕೇನಯೆ 
ಊರು ಮುರ್ಕಡ್  ಕಡಲ್ ಉರ್ಕಡ್ 
ದಾಯೆಗಿಂಚ  ಪಂಡುದ್ 
ತಿಗಲೆ ಮರತ್  ಕಣ್ಣರತ್  ತೂವಯೆ !

ಆಯೆ ಬಡವೆ 
ಗುಡಿ ಕಟ್ಟೆರಾವಂದಿನಾಯೆ 
ಸುತ್ತರೆ  - ಮುತ್ತರೆ -ಒತ್ತರೆ 
ಪೊರ್ತು  ದೆಪ್ಪರೆ 
ಗುಡಿ ಗುಂಡಾರ ಸುತ್ತಂದಿನಾಯೆ 
ದೇವೆರೆನ್  ಅಕ್ಕಸದಾತೇ  ನಂಬಿನಾಯೆ 
ದೇವೆರೆ- ಬೇಲೆದ  ನಡುಟ್
ಗಡು  ಕಟ್ಟರೆ  ಪೋವಂದಿನಾಯೆ !


ಪೂ ಪಾಡೇರಾವಂದೆ 
ಪೂತ ಇಸಲ್ನ್  ಪಾಡಿಯೆ 
ಬಡವೆ ಅಸಲ್ಡ್ 
ಆ ಇಸಲ್ಡೆ  ದೇವೆರೆನ್ ತೂಡಿಯೆ !

ದೇವೆರ್ಲಾ
ತೂಯೆರ್ , ತೂಪೆರ್ 
ಬಡವೆರೆನ್ ಬೆರಿಕುಂತುದೇ
ಕಾಪೆರ್ , ಕಾಪುವೆರ್  !

ಉಂಬೊಲಿಗೆದ ಅತ್ ನಂಬೊಲಿಗೆ 
ನಂಬಿನಾಯಗ್  ನಂಬಿನಂಚಿನೇ  ಬದ್ಕ್ !

Comments

Post a Comment

Popular posts from this blog

ಬಲೀಂದ್ರ ಲೆಪ್ಪು

Image
  ಕರ್ಗಲ್ ಕಾಯನಗಾ ಬೋರ್ಗಲ್ ಪೂ ಪೋನಗಾ ಜಾಲ್ ಪಾದೆ ಆನಗಾ ಉರ್ದು ಮದ್ದೊಲಿ ಆನಗಾ ಗೋಡ್ದೆರ್ಮೆ ಗೊನೆ ಆನಗಾ ಎರು ದಡ್ದೆ ಆನಗಾ ತುಂಬೆದಡಿಟ್ ಕೂಟ ಆನಗಾ ನೆಕ್ಕಿದಡಿಟ್ ಆಟ ಆನಗಾ ದಂಬೇಲಿಗ್ ಪಾಂಪು ಪಾಡ್ನಗ ಅಲೆಟ್ ಬೋಲ್ನೆಯಿ ಮುರ್ಕುನಗಾ ಗುರುಗುಂಜಿದ ಕಲೆ ಮಾಜಿನಗಾ ಕಲ್ಲ ಕೋರಿ ಕೆಲೆಪುನಗಾ ದಂಟೆ ಅಜ್ಜಿ ಮದಿಮಲ್ ಆನಗಾ ಬಲ್ಲಮಲೆ ಸುಲ್ಲಮಲೆ ಒಂಜನಗಾ ಮಂಜಲಕ್ಕಿ ಮೆಯಿದೆಪ್ಪುನಗಾ ಕೊಟ್ರುನ್ಜೆ ಕೊಡಿಯೇರ್ನಗ  ನಂದಿ ಕೋಲು  ಮುಕ್ಕುರ್ದಕ್ಕನಗ ಮೂಜಿ  ದಿನತ ಉಚ್ಚಯ   ಮೂಜಿ ದಿನತ ಬಲಿ  ಕಂಡ ಕಂಡ ತುಡರ್  ತೂಯರೆ    ಆಜಿ ದಿನತ ಪೊಲಿ  ಕೊನಯರೆ  ಆ ಊರ ಬಲಿ ಕೊನೊಲ  ಈ ಊರ ಪೊಲಿ  ಕೊನೊಲ  ಆಟಿದ ಅಮಾವಾಸೆಗ್ ಸೋಣದ ಸಂಕ್ರಾಂತಿಗ್ ಬೊಂತೆಲ್ದ ಕೊಡಿ ಪರ್ಬೋಗು ಅಜಿದಿನತ ಬಲಿ ಮೂಜಿದಿನತ ಪೋಲಿ ಕೊಂಡು ಪೋಲ..... ಬಲಿಯೇಂದ್ರ ...... ಅರಕ್ ದ ಒಟ್ಟೆ ಓಡೋಡು  ಮಾಯಣದ ಮೊಂಟು ಜಲ್ಲೂಡು ಪೊಟ್ಟು ಗಟ್ಟಿ ಪೋಡಿ ಬಜಿಲ್ದ್ ಬಲಿ ದೆತೊನರೆ ಕೊಟ್ಟುಗು ಗೊಂಡೆ ಪೂ ಕಟ್ಟುದ್ ಬಲ ಬಲಿಯೇಂದ್ರ ಆ ಊರ ಬಲಿ ಕನಲ ಈ ಊರ ಪೋಲಿ ಕೊನೊಲ ಬಲಿಯೇಂದ್ರ ಕೊ ..ಬಲಿಯೇಂದ್ರ....... ಕೊ... ಬಲಿಯೇಂದ್ರ ...ಕೊ... ಬಲಿಯೇಂದ...
Read more

ದೈವದ ನುಡಿ

Image
ದೈವಡ  ಪನೊಂಬಿನಿ  ಬೊಕ್ಕ ದೈವದ  ನುಡಿ ಸ್ವಾಮಿ   ಜುಮಾದಿಯೇ   ದೈವಡ    ಎಂಕಲ್ನ ಸಂಕಲ್ಪ    ದಾದ   ಪಂಡ ಏರ್ದಿನಂಚಿನ ದೊಂಪಡಾವಡ್ ... ಕೊಡತಿನಂಚಿನ ಬೊಂಡಡಾವಡ್ ಪಾಡಿತ್ತಿ ಪನಿಯಾರದಾವಡ್ ... ವಾ ರೀತಿದ ತಪ್ಪು ದೋಷ ತಾಂಗ್   ಇತ್ತಿನಾಂಡಲ ಕಡಪ   ರಾಜ್ಯೋಗ್ ಪಾಡ್ದು ಜೋಕುಲ್ ಬಾಲೆಲೆಗಾವಾಡ್  .. ಕಂಜಿ   ಕೈಕಂಜಿಗಾವಾಡ್  ಸೀಕ್ ಸಂಕಡ ಬರಾಂದಿಲಕ್ಕ  ಮೂಡಾಯಿ .. ಪಡ್ದಾಯಿ ..... ತೆಂಕಾಯಿ ... ಬಡಕಾಯಿ ನಾಲ್ ದಿಕ್ಕುಗುಲ ವಾ ರೀತಿದ   ಕುಂದು ಕೊರತೆ ಬರಾಂದಿಲಕ್ಕ ವಿಷ ಇತ್ತುಂಡ  ಕಡಪ ರಾಜ್ಯೋಗ್ ಪಾಡುದ್ ...... ಅಮೃತ   ಇತ್ತುಂಡ  ಕುಟುಂಬೋಗು   ಕೊರ್ದು ಈ ಊರುಗು ಬತ್ತಿನ ತುರ್ತುನು ನಿನ್ನ ಮಾಯೊಡು ಪರಿಯಾರ  ಮಲ್ತೊಂದು  ನಮ ನಂಬಿನಂಚಿನ ದೈವ , ದುಂಬುಲ  ಬೇರಿಸಾಯ ಇತ್ತ   ನನ  ದುಂಬುಗುಲ ಎಂಕ್ಲೇನ್ ಮಾತಾ ರಕ್ಷಣೆ ಮಲ್ತೊಂದು  ಕಾತೊಂದು  ಬತ್ತಡ   ನಿಕ್ ಕೀರ್ತಿ ಬರು.  ದೈವದ ನುಡಿ ಊರುದ   ಅರಸುಲೇ ... ಗುತ್ತಿನಾರೆ,   ಮಾತೆರ್ಲ ಬತ್ತು ಸೇರ್ದಾರ ? ಪತ್ತಪ್ಪೆ ಬಾಲೆಲು .. ಪತ್ತಪ್ಪೆ ಜನೋಕುಲು ಊರುದಕುಲ...
Read more

ಮದಪೆರಾವಂದಿ ತುಳು ಪದೊಕುಲು ....ಗೊಂಚಿಲ್!.

Image
ಮದಪೆರಾವಂದಿ ತುಳು ಪದೊಕುಲು ! ➖➖➖➖➖➖ ಕಮ್ಮೆನದ ಪೂ ಪುರ್ಪದ ಗೊಂಚಿಲ್!. 🌸🌸🌸🌸🌸 ತಮ್ಮನ ಪಂಡ  ಮಾಮಿನ ತಮ್ಮನ ! ಮದಿಮೆದ ದಿನ ಮುಟ್ಟ  ಓಲುಲಾ ಎದುರು ಬರಂದಿ ಮಾಮಿ ಮದಿಮೆದ ದಿನ ಬೈಯ್ಯಗ್ ತಾನ್ ದುಂಬು ಬತ್ತುದ್   ಮಾತೆರ್ದ್ ಎದುರ್ ಉಂತುವಲ್ ! ಮಾಮಿ ಸೆಕೆ, ತೊಡಮನೆಟ್  ಮರ್ಮಯನ್,ಮಗಲೆನ  ದುಂಬು ದೀದ್  ಮಗಲೆನ್  ಸಂಸಾರದ ನೊಗೊಕ್  ಕಟ್ಟುನ ಬೇಲೆನ್  ಕೈಕ್ ದೆತೊಂಬಿನ ಮಾಮಿ, ದುಂಬುಗು  ಮಾಮಿ  ಮರ್ಮಯನ   ಸಂಬಂದೊಗೊಂಜಿ ಪೊಸ ರೂಪ ಕೊರ್ಪಲ್ ! ಮಗಲ್ - ಮರ್ಮಯನ ಸಂಸಾರದ  ಪೆದ್ಮೇದಿ ಸಾಂಕುನವೇಡ್ ಸುರುವಾಯಿನ ಪುಳ್ಳಿ ಮಲ್ಲೆ ಆವಮುಟದ  ದಿನ್ನೋನು ತನ್ನ ಪುಗೆಲ್ಡ್ ದೆತೊಂಬೊಲ್! . ಅಳಿಯಕಟ್ಟುಡ್ ಮರ್ಮಯಗೊಂಜಿ ಮರ್ಯಾದಿದ  ತಮ್ಮನ ಅವು ಮಾಮಿನ ಕೈಟೆ ನಡಪೊಡು ! ಮಾಮಿ  ಮರ್ಮಲೆನ ಸಂಬಂದ ನೀರ್ಲಾ - ನಾಯಿದಲಕ್ಕಆಂಡಲಾ ಮಾಮಿ ಮರ್ಮಯನಾ ಸಂಬಂದ ಬೆಲ್ಲ-ಬಜಿಲ್ದಲಕ್ಕನೆ ಒರಿಯೊಂದು ಬೈದುಂಡ್ ಅಂಚಾದೇ ಪನ್ಪಿನಿ  ಮಾಮಿ ಇಲ್ಲದ ತಮ್ಮನ.............  ವಾ ವಾರ್ರೆ ಕಮ್ಮೆನ ! ತುಳು ನಾಟಕ ರಂಗೊಡು  ಕೆಮ್ತೂರು ದೊಡ್ಡಣ್ಣ ಶೆಟ್ರೆನ ಪುದರ್ ಮದೆಪೆರಾವಂದಿನ!. 1950-60 ನೇ ವರ್ಷೋದ ಪೊರ್ತುಡು ನಾಟಕದ  ಬಂಗದ ಕಾಲೊಡುಲಾ  ಜವನೆರೆ ಗುಂಪು ಕಟೊಂದು  ಜನ ಸೇರಿನಲ್ಪ, ಆಟ, ನೇಮದಲ್ಪ  ನಾಟಕ ಗೊಬ್ಬೊಂದ...
Read more