ಎಂಚ ಉಲ್ಲೇರಾ...........?

ಎಂಚ ಉಲ್ಲೇರಾ...........?

 

ಒಂಜೊಂಜೆ ದಿನ ಕರೀಂಡ್

ಪರ  ಊರೂ  ಸೇರುದಾಂಡ್

ವರ್ಸಲೇತೋ ಮುಗಿದು ಪೋಂಡು

ಎಂಚ ಉಲ್ಲೆರಾಆಆಆ

ಎನ್ನ ಊರುದಕುಲು

ಎಂಚ ಉಲ್ಲೇರಾ..

ಎನ್ನ ಕೇರಿದಕುಲು......ಎಂಚ ಉಲ್ಲೆರಾ.II

 

ತೋಡ ಕರಿ ನೀರ ಬರಿ

ತರುಮೀನು  ಗಿಡ್ಪುನೋರಿ

ನೀಟ ಕುಲ್ದು ಪತ್ತುನೋರಿ...

ನೀಂದೆರೆಂದು  ಪೋಯಿನಲ್ಪ

ಮೂಂಕು ಮುಟ್ಟ ನೀರ್ ಪರಿ..

ತೆಲಿತು ನಲಿತು ಗೊಬ್ಬಿನಕುಲು

ಎಂಚ ಉಲ್ಲೇರಾ...

ಬಡವುಗಾದ್ ..ಬೇಲೆಗಾದ್

ಊರು ಬುಡ್ತೇರಾ.....ಇತ್ತೇ ತಿಕ್ಕೆರಾ ......

ಎಂಚ ಉಲ್ಲೇರಾ ...II

 

ನುಪ್ಪು  ಕೊರಿನ ಗುತ್ತಿನಾರ್...

ಭಕ್ತಿ ಕೊರಿನ ಪೂಜೆದಾರ್ ..

ಕೆಬಿ ಪತುದು ವಿಧ್ಯೆ ಕೊರಿನ...

ದೇವೇರಂಚಿ  ಶಾಲೆದಾರ್....

ಇತ್ತೇ ಇಪ್ಪೆರಾ ...ಗುರ್ತ ಪತ್ತೆರಾ...

ಎಂಚ ಉಲ್ಲೇರಾ..

ಎನ್ನ ಊರುದಕುಲು....ಎಂಚ ಉಲ್ಲೇರಾII II

 

ಯೆರುತ  ಬೆರಿ ಬೆನ್ಪಿನೋರಿ...

ಕೊಟ್ಟು ಪತುದು  ಕಡ್ಪುನೋರಿ..

ಸಾಲು ಸಾಲು ನೇಜಿ ಪಸರಿ...

ಕೆಸರ ಕಂಡ ಬೇಗರ ಮುಂಡ..

ತಿನ್ಪಿನಕಲ ಬಂಜಿಗಾದ್

ಬಂಗಾರ್.... ಬಾರ್ ಬುಲೆಪಿ...

ಜನೋಕುಲೆನ್ನ ಎಂಚ ಉಲ್ಲೇರಾ...

ಬೆಂದು-ಬೆಂದು..ಸೊಂದು..ಸೊಂದು

ಬಂಗಾ ಬರ್ಪೆರಾ.....

ಸುಕೋಟೆ  ಉಪ್ಪೆರಾ ...

ಎಂಚ ಉಲ್ಲೇರಾ...II

 

 

 

ವರ್ಸನೇತೋ ಕರಿದು ಪೋಂಡು

ನೆಂಪು ಮಾತಾ ಮಾಜೋನ್ದುಂಡು

ಕಡೆಕೆಂಕ್ ....ಗೊತ್ತಾಂಡ್..

ಊರು ಬುಡುದು ತಪ್ಪಾಂಡ್

ತುಳುನಾಡೇ ಪೋರ್ಲುಂದು

ಎಂಚ ಉಲ್ಲೇರಾ...

ಉಂತುದೆನಡ...  ಕೇನೆರಾ.....  ಒಂಜಿ ಪಾತೆರಾ

ಎಂಚ ಉಲ್ಲೇರಾ...

 

ಬಂಜಿಗಾದ್ ಜನಕುಲೆನ್ನ ಊರು ಬುಡ್ಪೆರಾ..

ಮನಸುದುಲಾಯಿ ಯೇತೊಂಜಿ ಬೇನೆ ಬೇಸರಾ ..

ಎಂಚ ಉಲ್ಲೇರಾ..

ಎನ್ನ ಊರುದಕುಲು...

ಎಂಚ ಉಲ್ಲೇರಾ..II                                     ಶಾಂತಾರಾಮ್ ಶೆಟ್ಟಿ