ಒರಾಲ್ .....ದಪ್ಪುದ ರಾಗ !

         ಚಿತ್ರ:  ಸಂಗ್ರಹ     

ಒರಾಲ್ 

ಓ ಓ ಓ ಓಯೇ 

ಓ.ಓ ಒಹೊ 

ಓ ಓ....

ದತ್ತ ಬರಿಟ್  ದರ್ತ್  ನಡಪು  

ಬಲತ  ಬರಿಕ್ ಬಲಕ್   ಒಯಿಪು 

ಓ ಎರುವೆ... ಓ ಎರುವೆ 

ನಿನ್ನ ಬೇರಿಟೇ ಯಾನ್ ಬರುವೆ //

ಎರುತ ಬೇರಿಟೆ  ಬೆನ್ಪಿ ನೆರೆಲ್ 

ಬೇರಿಟೆ  ಬೇರಿಟೇ ದಪ್ಪು ಸಾಲ್ 

ತೂಯರೇತ್  ಪೊರ್ಲು 

ಬಾನ ಬಿರಿಂಡ  ಕೆಸರ ಕಂಡ 

ಬೆನ್ಪಿನಾಯನ  ಪೊರ್ಲು ತೂಂಡ  

ಮನಸೂ ಏತ್ ಮರ್ಲೂ // 

ಎರುವೆ  ಎರುವೆ ಸರ್ತ ಕಡಪು 

ಮಂಡೆನೋರ ದೆರ್ತ್ ನಡಪು  

ಮುಡಾಯಿ  ತೂಂಡ  ಕೆಂಪು ನೆಸರ್ 

ಮೈಟು ಕೈಟು  ದಿಂಜಿ  ಕೇಸರ್ 

ಪರಪುನಂಚಿ  ನೀರ ವಸರ್ 

ಜೀವಗೇತ್  ತಂಪು //

ಬಿತ್ತಿನವೇನೆ  ಬೆನ್ಪಿನತ್ತಾ  

ಬೆಂದಿನವೇನೆ  ತಿನ್ಪಿನತ್ತಾ 

ದಾಯೇಗಿಂಚ ಬೇನೆ? 

ಕಷ್ಟ ಪೂರ ತೊರ್ತು  ನಡಪು 

ಮಣ್ಣು ದಡಿಕ್  ಪಾಡ್ದು  ತೊಡೆಪು 

ಬೆನ್ನಿ ಬುಡ್ಡು ನಡತಿನಾಂಡ

  ಬಂಜಿಗೈನಾ  ತಿನ್ಪಾ? //  

ಎರುವೆ ಎರುವೆ ಸರ್ತ ಕಡಪು

ಮಂಡೆನೋರ ದೆರ್ತ್ ನಡಪು

ಪುಟ್ಟಿ ನೈಕ್  ಬೆಂದು ತೂಲ 

ಬಡವು  ಬಂಜಿಗ್ ನುಪ್ಪು ದೀಲ 

ಬೆನ್ಪಿನೇತ್ ಪೊರ್ಲು 

                                                              ಬೆನಂದಿ ಜೂವೊಗು  ಮರ್ಲ್ //                          ......ಶಾಂತಾರಾಮ್ ಶೆಟ್ಟಿ