Manjotti ಮಂಜೊಟ್ಟಿ

ಇರೆನ ಪುಟ್ಟುಗು ಕಾತುದ  ಲೋಕದ  ಕತ್ತೆಲೆನ್ ಕರಿಯೆರೆ ಕತ್ತಲೆ ಕೋಣೆಡ್ ಈರ್ ಇನಿ ಪುಟುದಿನಿ ಅಷ್ಟೆಮಿದಾನಿ ! ಗೊಲ್ಲೆರ್ನ ಬಲ್ಲೆಡ್ ಬಡವೆರೆ ನಡುಟ್ ತಿಪ್ಪಿಡ್ ತೆಲಿ ಪರಿನಾರ್ ಪುಂಡೆಲ್ದ ಬೆದುರ್ ಪೊಲ್ತುದು ಪುರಲುದ  ದನಿ ಕೊರ್ದು ಮೋಕೆದ ರಾಗೊಡು ಗೋವುಲೆನ ಕಾತಿನಾರ್! ಕರ್ಮ ಫಲತ ಪೆರ್ಮೆ ತೆರಿಪಾದ್ ಬಿದಿರಿ ಮನಸುನ್ ಒರ್ಮೆ ಮಲ್ಪಾದ್ ಧರ್ಮ ನೆಲೆ ಮಲ್ತು ಕೊರ್ತಿನಾರ್ ! ಅಷ್ಟೆಮಿದ ಇರೆ ಪುಟ್ಟುಗು ಪಿಲಿ   ನಲ್ಪು ಗೊಲ್ಲೆರೆನ ಕೋಲ ಕೊಡಿಕ್ ಬೆಂಜನದ   ಕರ ಕೊಲ್ಪು ನಟ್ಟ ನಡುಟ್ ಕೋರಿ ಕೆಲೆಪು ಇರೆ ಪುಟ್ಟುದ ಕಾಪುಗು ಬಲವು ಕುಲ್ಲುದ ಬೊಲ್ಪು ಕೊಡಿಯೇರ್ನಗ ಗುಂಡ- ಮೂಡೆ ಪೇರ್ದ ಪುರ್ಸಾದ ಮಲ್ತುದ !.

ಅಕಲ್ . ಎಂಕುಲು ಸರ್ತ  ನಡತುಂಡಲಾ ಪಜ್ಜೆ  ತಪ್ಪವ ರಸ್ತೆಡಿತ್ತಿನ ಗುರಿ ಗುಂಪುಲು ... ತಪ್ಪು  ರಸ್ತೆದ ಆಂಡಲಾ... ತೆಲಿಕೆ ತೂವೊಡು ಜನ ತೂಪಿನಕಲ ! ಭೂಮಿ ತಿರ್ಗೊಂದುಂಡು ಪಂಡ ನಂಬಯೆರ್ ಸುತ್ತ ಇತ್ತಿನಕುಲು ತೂಪಿನಕ್ಲೆಗ್ ಎಂಕ್ಲು ಪರ್ತಿನಕುಲು... ಅಕಲ್ … ತತ್ತಿನಕುಲು ! ಬೂರ್ಯೆರ್ ಪಂಡುದ್ ತೆಲಿಪಡೆ ನಲಿಪಡೆ.... ಬಾಲೆ ನಡಪಂದ್ ಬೂರಂದೆ ಬಿತ್ತ್  ಕೊಡಿಯಂದ್ ಮರಡ್ದು ತಾಲಂದೆ ! ಬಗ್ಗುದು ಮಣ್ಣು  ಮುಟ್ಟಿನವು ಮಿತ್ತು  ಬುಲೆವು ತಿಗಲೆ  ಮರತ್ ಮೆರೆಯಿನಾಂಡ ಮಣ್ಣುಡ್ ಮಣ್ಣಾದ್ ಪೋವು ! ಸತ್ಯಉಂತಂದ್ ತಡ ಮುಟ್ಟ ಉಲಾಯಿ.... ಇತ್ತೆ- ಅತ್ತುಡ ಬೊಕ್ಕ ಕಕ್ಕಂದೆ  ಕುಲ್ಲಂದ್ ಬಂಜಿಡಿತ್ತಿನ ಪಿದಾಯಿ ! ಬೂರಿನಲ್ಪ ಲಕ್ಕ್ ದುಂತುದು ಪನ್ಪ  , ಸತ್ಯ ಸತ್ಯನೆ ಯಾಪಲಾ. , ಇನಿ -ಎಲ್ಲೆಡ್ ಯೆಂಕ್ಲೆನ ತರೆ ತಿರ್ಗುನ ಉಂತುಂಡಲಾ.... ಭೂಮಿ ತಿರ್ಗುನ ಉಂತಂದ್ ರಾತ್ರೆ- ಪಗೆಲಾಂಡಲ ! ಪರ್ತಿನಕಲನ ಬೊಂಡುಗೇರ್ದಿನ ಜಪ್ಪು ಅಮಲ್... ಪರಂದೆ ಮಂಡೆಗೇರ್ದಿನಕಲ ಪಿತ್ತ ಜಪ್ಪರೆ ಆವೋಡು ಭೂಮಿಯೇ ಅಡಿಮೇಲ್!

ತುಳು ಕವಿ   ಉಮಿಲಣ್ಣೆ  ತುಳು ಬೂಡುಡೊ o ಜಿ ಎಲ್ಯ ಉಮಿಲ್ , ಪದಕಟುದು -ಪನ್ಪಿನ   ಐಯ್ಕೊಂಜಿ ನಮೂನಿದ  ಇರ್ ಮರ್ಲ್ ! ದಿನ ರಾತ್ರೆಬೈಯ್ಯಗ್ ಲೆಪ್ಪಂದೆ - ಪತ್ತಂದೆ ಕೇನಂದೆ - ಪನಂದೆ ಕೆಬಿತರುಕ್   ಬರು ಸ್ವರ ಲಕ್ಕಾದ್ ಭಜನೆ - ಪಾಡ್ದನ   ಭಾಗವತಿಕೆ ಹರಿಕಥೆನಾ ಒಕ್ಕೊಕ್ಕುದು ಸುರು ! ಕೇನೆರೆ ಜನಕೋಲುಂಡುಯೆ   ಪುರ್ಸೊತ್ತು ? ಉಮಿಲುದ ಕುಯ್ಂಕಟ್ ರಾಗ ಕೇನುನಾಂಡಲಾ ಅಗಲೆಗ್ ದಾನೆ ಬೆರಿಕಂಟ್ ಅರ್ಕತ್ ?! ಬೆರಿ ಬುಡ್ಜಿ ಕಮ್ಮಿದತ್ ಉಂದು ಸಾಧನೆದ ಉಮಿಲ್ , ಕೇನುನಕುಲೆ ಇಜ್ಜೆರ್ಡಲಾ ಪದ ಪಂಡ್ ಏರು ಸ್ವರೊಟು ದಿನ ರಾತ್ರೆ ಪಗೆಲ್ ! ಕಡೆಕೊಂಜಿ ದಿನ ಜನ ರಡ್   ಕೈ ಸೇರಾದ್ ತಾಟಿ ಬೊಟಿಯೆರ್ ಉಮಿಲ್ ದ ರಾಗೊಗೊಂಜಿ ಎನ್ನಂದಿನ - ಎತ್ತಂದಿನಾ ಬಿಲೆ ಕಟಿಯೆರ್ !! ಪುಗರ್ತೆಗ್ ಪಂದ್   ತತ್ ತೆರಿದ್ ಕೈ ತಲ್ಪ ಉಮಿಲ್ ನಲಿಕೆ ನಲ್ತುಂಡ್ ಜನಮಾನಿ ತಾಟಿದುಲಾಯೆ ಸೇರ್ದ್ ಪೋದು ಚಟ್ಟೆಕಟುದು ಸೈತುಂಡ್ ! ಪದತ ಉಮಿಲಣ್ಣೆ  ಪದ ಪನೊಂದೇ ಸೈತೆ  ತಾಟಿ ಬೊಟಿನಾಯೆ ಎಂಕತ್ - ತಂಕತ್ ಪಂದ್ ಮರಕನೆ ಇತ್ತಿನಾಯೆ ತಿರ್ಗುದ್ ಕಣ್ ಮುಚ್ಚಿದ್  ಕಂಕಣೆ ಜೆತ್ತೆ !.

ಕರಿಯಜ್ಜೆರ್ ತೀರಿಯೆರ್ …!   ದಂಟೆದ ಕರಿಯಜ್ಜೆರ್ ಇಂಚಪ್ಪ ತೀರಿಯೆರ್ ಕೋಡೆ ಮೊರಣಿ ಒಟ್ಟುಡಿತ್ತಿನಾರ್ ಊರಿಡಿ ತಿರುಗೊಂದಿತ್ತಿನಾರ್  ನನ ತೂಯೆರೆನೇ ತಿಕ್ಕುಜೆರ್ ! ಕರಿಯಜ್ಜೆರ್  ಬಣ್ಣೊಡ್  ಒಂತೆ  ದಿಂಜನೇ   ಕಪ್ಪು ಕಾರ್ತೆಲ್ದ ಕರಿ ಮುಗಲ್ …. ನೆರೆಕರೆತ  ಕಷ್ಟೋಗು ಆರಾದ್ ಬರುವೆರ್ ನೀರಾದ್ ದೊರಿವೆರ್ ! ತುಂಡು ಮುಂಡುಲಾ  ಕರಿಮರತ ದಂಟೆಲಾ ಕರಿಯಜ್ಜೆರೆನೆ ಸೊತ್ತು  ಕಾಸಿಜ್ಜಂದಿ  ಬದುಕ್  ಬದುಕಿನೆಂಚನ ಅವು ಕರಿಯಜ್ಜೆರೆಗೇ ಗೊತ್ತು ?! ಆಪಿನಾರ್ - ಪೋಪಿನಾರ್  ಊರೊರ್ಮೆ ಸಂದುನಾರ್ ನಮ್ಮ ಕೇರಿದ ಗಾಂಧಿಯೇರ್ ಕೋಂಕಯೆರ್ - ಕೂಂಕಯೆರ್  ಕಾಂಕಯೆರ್ - ಕೇಂಕಯೆರ್  ನಡಪನಗ ಕಾರಡಿಟ್ ಪಿಜಿನುಂಡಾ ತೂವೆರ್ ! ಕರಿಯಜ್ಜೆರೆ ಆಸ್ತಿಗ್  ಅಗರಿಜ್ಜಿ ಪಗರಿಜ್ಜಿ ಇಲ್ಲ ಬಾಕಿಲ್ಗ್ ಬೀಗಪಲ್ಲೆನೆ ಇಜ್ಜಿ    ಒಂಜೆ ಬಟ್ಟಲ್ ದೀತಿನಾರ್ ಮಾತೆರೊಟ್ಟುಗೆ ಉನ್ತಿನಾರ್ ಇತ್ತಿನಾತೆನ್ ತಿಂತಿನಾರ್ ನಂಜಿ ನುರೆ ಕುರೆ ದಾಂತಿ ಕರಿಯಜ್ಜೆರ್   ಒಂಜಿ ದಿನ ದಡ್ಕಬೂರ್ದು ದಿಡ್ಕ ತೀರಿಯೆರ್ ! ದೂಲೊಪ್ಪದ ದಿನಾ  ಜಾಲ್ ಡಿತ್ತಿನಿ ನಾಲೇ ಜನ  ಬೊಜ್ಜದುನಸ್ ಉನ್ಪುಜೆರ್  ಇತ್ತೆದ ಪೊಸ ಜವನೆರ್ ಮಡೆಪಿ ಬೊಜ್ಜೊಗು ಜಾಲ ನಿಲ್ಕೆ ನಲಿಕೆ  ಅಮಲ ನೀರುಗ್  ಕೋರಿ ಕಾರುಗ್ ಇಜ್ಜಾಂಡ್ ಯೆ ಬಲಕೆ ! ತೆಲಿಕೆ