ಬಲೀಂದ್ರ ಲೆಪ್ಪು
ಕರ್ಗಲ್ ಕಾಯನಗಾ ಬೋರ್ಗಲ್ ಪೂ ಪೋನಗಾ ಜಾಲ್ ಪಾದೆ ಆನಗಾ ಉರ್ದು ಮದ್ದೊಲಿ ಆನಗಾ ಗೋಡ್ದೆರ್ಮೆ ಗೊನೆ ಆನಗಾ ಎರು ದಡ್ದೆ ಆನಗಾ ತುಂಬೆದಡಿಟ್ ಕೂಟ ಆನಗಾ ನೆಕ್ಕಿದಡಿಟ್ ಆಟ ಆನಗಾ ದಂಬೇಲಿಗ್ ಪಾಂಪು ಪಾಡ್ನಗ ಅಲೆಟ್ ಬೋಲ್ನೆಯಿ ಮುರ್ಕುನಗಾ ಗುರುಗುಂಜಿದ ಕಲೆ ಮಾಜಿನಗಾ ಕಲ್ಲ ಕೋರಿ ಕೆಲೆಪುನಗಾ ದಂಟೆ ಅಜ್ಜಿ ಮದಿಮಲ್ ಆನಗಾ ಬಲ್ಲಮಲೆ ಸುಲ್ಲಮಲೆ ಒಂಜನಗಾ ಮಂಜಲಕ್ಕಿ ಮೆಯಿದೆಪ್ಪುನಗಾ ಕೊಟ್ರುನ್ಜೆ ಕೊಡಿಯೇರ್ನಗ ನಂದಿ ಕೋಲು ಮುಕ್ಕುರ್ದಕ್ಕನಗ ಮೂಜಿ ದಿನತ ಉಚ್ಚಯ ಮೂಜಿ ದಿನತ ಬಲಿ ಕಂಡ ಕಂಡ ತುಡರ್ ತೂಯರೆ ಆಜಿ ದಿನತ ಪೊಲಿ ಕೊನಯರೆ ಆ ಊರ ಬಲಿ ಕೊನೊಲ ಈ ಊರ ಪೊಲಿ ಕೊನೊಲ ಆಟಿದ ಅಮಾವಾಸೆಗ್ ಸೋಣದ ಸಂಕ್ರಾಂತಿಗ್ ಬೊಂತೆಲ್ದ ಕೊಡಿ ಪರ್ಬೋಗು ಅಜಿದಿನತ ಬಲಿ ಮೂಜಿದಿನತ ಪೋಲಿ ಕೊಂಡು ಪೋಲ..... ಬಲಿಯೇಂದ್ರ ...... ಅರಕ್ ದ ಒಟ್ಟೆ ಓಡೋಡು ಮಾಯಣದ ಮೊಂಟು ಜಲ್ಲೂಡು ಪೊಟ್ಟು ಗಟ್ಟಿ ಪೋಡಿ ಬಜಿಲ್ದ್ ಬಲಿ ದೆತೊನರೆ ಕೊಟ್ಟುಗು ಗೊಂಡೆ ಪೂ ಕಟ್ಟುದ್ ಬಲ ಬಲಿಯೇಂದ್ರ ಆ ಊರ ಬಲಿ ಕನಲ ಈ ಊರ ಪೋಲಿ ಕೊನೊಲ ಬಲಿಯೇಂದ್ರ ಕೊ ..ಬಲಿಯೇಂದ್ರ....... ಕೊ... ಬಲಿಯೇಂದ್ರ ...ಕೊ... ಬಲಿಯೇಂದ...
