ilesa--- munnudi.

ಕವಿ  ಎಚ್ ಎಸ್ ವೆಂಕಟೇಶಮೂರ್ತಿ    ಒಂಜಿ ಕಡೆಟ್ ಪನ್ಪರ್  ಭಾಷೆಯನ್ನು ಬೆಳೆಸುವುದು ಬೇಡ    ಭಾಷೆಯನ್ನು ಬಳಸಿದರೆ ಸಾಕು .  ನಿಜ ನಮ್ಮ ನಮ್ಮ ಅಪ್ಪೆ  ಭಾಷೆನ್  ಗಲಸುವುನೇ ಉಂತಾಯಡ   ಅವು ಬುಲೆವುನಾಂಡಲಾ  ಎಂಚ?.  ಗಲಸೊಡಾಂಡ  ಅವು ನಮ್ಮ ಕೈಕೆಕ್ಕುಲಕ್ಕ ತಿಕ್ಕೊಡು.  ಇತ್ತೆದ  ತಂತ್ರಜ್ಞಾನದ ಯುಗೋಟು ನಮ ಕಾಲದೊಟ್ಟುಗು ಕೋಲ ಕಟ್ಟರೆ  ಕಲ್ತಿಜಿಡ  ಬಲಿಪುನಕಲ ಒಟ್ಟುಗು ನಮ್ಮ ಭಾಷೆ ನಲಿಪೆರೆ ಆಪುಜಿ .  ತುಳು ಭಾಷೆ ಊರು ಕೇರಿನ್ ಮೀರ್ದ್  ಕಡಲ್ ದಾಂಟುದ್  ಆಯೆರೆ ಮುಟ್ಟ ಮುಟ್ಟಾವೊಡು  ಪನ್ಪಿನ  ಮಲ್ಲ ಉದ್ದೇಶ ದೀಯೊಂದು ಪುಟ್ಟಿನ ಸಂಸ್ಥೆ  I-lesa.

ರಡ್ಡ್ ಸಲ ತನ್ನ  ಪೊರ್ಲ ಸಿರಿ ಸ್ವರೊಕು ರಾಜ್ಯ ಪ್ರಶಸ್ತಿ  ಪಡೆಯಿನ  ಸಿನಿ ಗಾಯಕೆ  ನಮ್ಮ ಕಾಸ್ರೋಡುದ  ತುಳುವೆ  ರಮೇಶ್ಚಂದ್ರ ಮೆರೆನ  ಮುತಾಲಿಕೆಡ್  ಉಂಡಾಯಿನ   ಸಂಗೀತ ಸಂಸ್ಥೆ  Ilesa.   ಸಂಗೀತೋಗು ಒಂಜಿ  ಸಾಹಿತ್ಯ ಬೋಡ್ಚೆ ?  ಸಾಹಿತ್ಯೋಗೊಂಜಿ   ಲಿಪಿ ಬೋಡ್ಚೆ ? ಲಿಪಿಕ್ಕೊಂಜಿ  ಯೂನಿಕೋಡ್ ಬೋಡ್ಚೆ ? ಯುನಿಕೋಡ್ ಗೊಂಜಿ ಫಾಂಟ್ ಬೋಡ್ಚೆ ? ಉಂದು  ಮಾತಾ ಆಯಿ ಬೊಕ್ಕ ಅಯಿಕೊಂಜಿ ಕೀ  ಬೋರ್ಡ್  ಬೋಡ್ಚೆ ?  ಉಂದೆನ್  ಮಾತಾ ಆಲೋಚನೆ ಮಲ್ತಿನ ilesa  ತುಳುಕೊಂಜಿ ಸಂಪೂರ್ಣ ಪರಿಪೂರ್ಣ ಡಿಜಿಟಲ್ ವೇದಿಕೆ  ಸೃಷ್ಟಿ ಮಲ್ಪೊಡು  ಪನ್ಪಿನ  ಮಲ್ಲ ಆಸೆ ಎದುರು  ದೀದ್ ತುಳುತ ಮಲ್ಲ ಸಾಹಿತಿನಕಲೆನ್ , ಸಂಗೀತದಕಲೆನ್ , ವಿಜ್ಞಾನಿಲೆನ್ , ವಿದ್ವಾಂಸೆರ್ನ್ ಸೇರ್ಸಾವೊಂದು  ತುಳು  ಸಂಗೀತದ  ಸ್ವರ ilesa ದ  ಪುದರ್ಡ್  ಇನಿ ವಿಶ್ವದ  ಮೂಲೆ ಮೂಲೆಗ್ ತುಳುನ್  ಎತ್ತಾವರೇ   ತರೆದೆರ್ತ್  ಉಂತುದುಂಡು.

ilesa ದ  ಜವನೆರೆನ  ಉಮೇದ್ ಗ್  ಕುಂದೆಲಾವಂದಿಲೆಕ್ಕ   ಊರು ಪರವೂರುದ ,ಪರದೇಶದ ಮಾತಾ ತುಳುವೆರ್ ಇನಿ ತನ್ಕುಲೆನ ಅಪ್ಪೆನ ಮೋಕೆಗ್  ತರೆ ಬಗ್ಗಾದ್   ಬೆರಿಕುಂತುದೆರ್.   ಮುಖ್ಯವಾದ್  ದುಬೈಯಿಡ್  ವಿಶ್ವ ತುಳು ಸಮ್ಮೇಳನ  ಪುಗಾರ್ತೆಡ್ ನಡಪಾಯಿನ ಅಭುದಾಬಿದ  ಸರ್ವೋತ್ತಮ್ ಶೆಟ್ರು  ಪರದೇಶದಕಲ  ಪರವಾದ್ ಪುಗೆಲ್ ಕೊರ್ತೆರ್ , ಸಂಗೀತ  ಸಾಹಿತ್ಯ ಇತ್ತಿನಲ್ಪ  ಯಾನುಲ್ಲೆ  ಪಂಡುದ್  ಬೆಂಗಳೂರುದ ವಿದ್ಯಾರಣ್ಯ ಕೊಳ್ಳಿಪಾಲ್ , ಸುಧಾಕರ್ ಶೆಟ್ಟಿ  ಮೊಕುಲು  ದುಂಬತ್ತೆರ್ ,  ತುಳುವಪ್ಪೆನ ಜಕ್ಕ ಜವನೆರ್, ಕಲಾವಿದೆರ್ , ಸಾಹಿತಿಲು   ಮಾತಾ ಒತ್ತರ್ಮೆಡ್  ಸೇರಿಗೆ ಆದ್  ilesa  ಇನಿ  ಪುಡೆಮಿಡೀ  ಸರ್ ಕೀಟ್  ಪಿದಾಡರೆ  ಸಿಂಗಾರಾದ್  ಕಾತೊಂದುಂಡು.

ಉಂದುವೇ ಆಗೊಸ್ಟ್ ತಿಂಗೊಲ್ದ  ಪದಿನೈನ್  ತಾರಿಕ್ ದಾನಿ  ದೇಶ ಸ್ವಾತಂತ್ರ್ಯ  ಆಚರಣೆ ಮಲ್ಪುನ  ದಿನತ್ತಾನಿ ಬೈಯ್ಯದ ಪೊರ್ತುಗು   ಬುಕ್ ಮೈ ಶೋ  ಲೈವ್ ಸ್ಟ್ರೀಮಿಂಗ್  ಮುಕಾಂತ್ರ  ನಿಕುಲು ಕುಲ್ಲುದಿನ  ಇಲ್ಲ ಬಾಕಿಲ್ಗ್ ಪದ ಪನೊಂದು  ilesa ಪಾಡೊಂದು  ಬರಿಯರೆ ಉಂಡು . ನಿಕುಲು ಮಾತಾ ತುಳುವೆರ್  ಬುಕ್ ಮೈ ಶೋ ಟ್  ilesa ನ್  ಮೋಕೆಡ್ ಎದ್ಕೊನೊಂದು  ಎಂಕುಲು  ಮಲ್ಪೆರೆಂದ್  ಪಿದಾಡ್ಡಿನ  ತುಳುವಪ್ಪೆನ ಡಿಜಿಟಲೈಷನ್  ಬೇಲೆಗ್ ಕಡೆ ಮುಟ್ಟ  ಬೆರಿ ತಟ್ಟುವರುಂದ್   ilesa  ಕೂಟ  ನಿಗಂಟ್  ನಂಬೊಂದುಂಡು .