ಗೃಹಸ್ಥನ ಶ್ರಮ !

ಈಯತ್ತಂಬೆ
ಪೆರಡದೆ ಬೇರಿಯೇ ಪೋಯಿನ
ಪೂಂಜೆ?

ಲಾಕಿದೊಟ್ಟುದ
ಶೋಕಿ
ಪುಲ್ಯಕಾಂಡೆ ದುಲಾಯಿ
ಬಾಕಿ

ಮೈ ತುಂಬಾ
ಕಿನ್ನಿಲಾವ
ಯಾನ್ ಎನ್ನವು
ಪನ್ಪಿನ
ಮನಸ್  ದಿಂಜಾವ

ನಾಲ್ ದಿನೊಕು
ಸಂಸಾರದುಲಯಿ ದೀಪೆ 
ಉಂಡು ಮಲ್ತಿನಾಯೆ
ಊಂದು ದೀದ್
ತೂಪೆ

ಏತುಂಬೆ  ನಿನ್ನ ಹಟ
ಪಿರಿಯಂದ  ರಾಪಟ
ಜೀವೊಡಿತ್ತಿ  ಕೈಪೆ
ಮೂಜೇ ದಿನೋಟ್ ನೈಪೆ
ಇನಿ ಇತ್ತಿನಾಯೆ
ಎಲ್ಲೆ  ಪನಂದನೆ  ಸೈಪೆ

ಏರ್ಕುದಿತ್ತಿ  ಜುಟ್ಟು
ಮಣ್ಣು ದುಲಾಯಿ
ಪುಣ್ಯದ ಗಂಟು
ಇತ್ತಿನಾಂಡ  ಮಾತ್ರ
ದೇವೆರುಲಾಯಿ !!


ಶಾಂತಾರಾಮ್ ಶೆಟ್ಟಿ
 

Comments

Post a Comment

Popular posts from this blog

ದೈವದ ನುಡಿ

Image
ದೈವಡ  ಪನೊಂಬಿನಿ  ಬೊಕ್ಕ ದೈವದ  ನುಡಿ ಸ್ವಾಮಿ   ಜುಮಾದಿಯೇ   ದೈವಡ    ಎಂಕಲ್ನ ಸಂಕಲ್ಪ    ದಾದ   ಪಂಡ ಏರ್ದಿನಂಚಿನ ದೊಂಪಡಾವಡ್ ... ಕೊಡತಿನಂಚಿನ ಬೊಂಡಡಾವಡ್ ಪಾಡಿತ್ತಿ ಪನಿಯಾರದಾವಡ್ ... ವಾ ರೀತಿದ ತಪ್ಪು ದೋಷ ತಾಂಗ್   ಇತ್ತಿನಾಂಡಲ ಕಡಪ   ರಾಜ್ಯೋಗ್ ಪಾಡ್ದು ಜೋಕುಲ್ ಬಾಲೆಲೆಗಾವಾಡ್  .. ಕಂಜಿ   ಕೈಕಂಜಿಗಾವಾಡ್  ಸೀಕ್ ಸಂಕಡ ಬರಾಂದಿಲಕ್ಕ  ಮೂಡಾಯಿ .. ಪಡ್ದಾಯಿ ..... ತೆಂಕಾಯಿ ... ಬಡಕಾಯಿ ನಾಲ್ ದಿಕ್ಕುಗುಲ ವಾ ರೀತಿದ   ಕುಂದು ಕೊರತೆ ಬರಾಂದಿಲಕ್ಕ ವಿಷ ಇತ್ತುಂಡ  ಕಡಪ ರಾಜ್ಯೋಗ್ ಪಾಡುದ್ ...... ಅಮೃತ   ಇತ್ತುಂಡ  ಕುಟುಂಬೋಗು   ಕೊರ್ದು ಈ ಊರುಗು ಬತ್ತಿನ ತುರ್ತುನು ನಿನ್ನ ಮಾಯೊಡು ಪರಿಯಾರ  ಮಲ್ತೊಂದು  ನಮ ನಂಬಿನಂಚಿನ ದೈವ , ದುಂಬುಲ  ಬೇರಿಸಾಯ ಇತ್ತ   ನನ  ದುಂಬುಗುಲ ಎಂಕ್ಲೇನ್ ಮಾತಾ ರಕ್ಷಣೆ ಮಲ್ತೊಂದು  ಕಾತೊಂದು  ಬತ್ತಡ   ನಿಕ್ ಕೀರ್ತಿ ಬರು.  ದೈವದ ನುಡಿ ಊರುದ   ಅರಸುಲೇ ... ಗುತ್ತಿನಾರೆ,   ಮಾತೆರ್ಲ ಬತ್ತು ಸೇರ್ದಾರ ? ಪತ್ತಪ್ಪೆ ಬಾಲೆಲು .. ಪತ್ತಪ್ಪೆ ಜನೋಕುಲು ಊರುದಕುಲ...
Read more

ದಾದಾ ಮಾರಯಾ........ ಗುಜ್ಜೆ ಕೊರಿಲಕ್ಕ ಕೊರಿಯೇರ್.....

Image
ಕುಂಡೆಚ್ಚೆ  ಪೆಲಾಕೈ ಕೂಂಪುನ ಪೊರ್ಲು ತುಳುನಾಡುಡ್   ಬೊಡ್ಚಿ  ಪOಡಲಾ  ಬೋಡಾಯಿನಾತ್  ಬುಲೆವುನ  ಒಂಜಿ ಬುಲೆ ಪೆಲಕಾಯಿ. ತಿಂದಿನ  ಪೆಲಕಾಯಿದ ಬೋಲೆ (ಪೆಲತರಿ ) ದಕ್ಕಿನಲ್ಪ ಎರೆನೆ ಹಂಗ್  ದಾಂತೆ ತನ್ನಾತೆಗೆ  ಬುಲೆದ್ ಗಟ್ಟಿ  ನೆಲೆ ಉಂತುನ  ಗುಣ  ಬಹುಶ ತುಳುನಾಡುದ  ಮಣ್ಣುದ  ಗುಣ  ಆದಿಪ್ಪೋಡು. ಗುಜ್ಜೆ ಪಂಡ  ಕಾಯಿ ,ಪೆಲಕಾಯಿ  ಪಂಡ  ಪರ್ನ್ದೆರೆ ತಯಾರಾತಿನ ಬುಲೆದ್ ಕಾಯಿ                                                                                                            ...
Read more

ಬಲೀಂದ್ರ ಲೆಪ್ಪು

Image
  ಕರ್ಗಲ್ ಕಾಯನಗಾ ಬೋರ್ಗಲ್ ಪೂ ಪೋನಗಾ ಜಾಲ್ ಪಾದೆ ಆನಗಾ ಉರ್ದು ಮದ್ದೊಲಿ ಆನಗಾ ಗೋಡ್ದೆರ್ಮೆ ಗೊನೆ ಆನಗಾ ಎರು ದಡ್ದೆ ಆನಗಾ ತುಂಬೆದಡಿಟ್ ಕೂಟ ಆನಗಾ ನೆಕ್ಕಿದಡಿಟ್ ಆಟ ಆನಗಾ ದಂಬೇಲಿಗ್ ಪಾಂಪು ಪಾಡ್ನಗ ಅಲೆಟ್ ಬೋಲ್ನೆಯಿ ಮುರ್ಕುನಗಾ ಗುರುಗುಂಜಿದ ಕಲೆ ಮಾಜಿನಗಾ ಕಲ್ಲ ಕೋರಿ ಕೆಲೆಪುನಗಾ ದಂಟೆ ಅಜ್ಜಿ ಮದಿಮಲ್ ಆನಗಾ ಬಲ್ಲಮಲೆ ಸುಲ್ಲಮಲೆ ಒಂಜನಗಾ ಮಂಜಲಕ್ಕಿ ಮೆಯಿದೆಪ್ಪುನಗಾ ಕೊಟ್ರುನ್ಜೆ ಕೊಡಿಯೇರ್ನಗ  ನಂದಿ ಕೋಲು  ಮುಕ್ಕುರ್ದಕ್ಕನಗ ಮೂಜಿ  ದಿನತ ಉಚ್ಚಯ   ಮೂಜಿ ದಿನತ ಬಲಿ  ಕಂಡ ಕಂಡ ತುಡರ್  ತೂಯರೆ    ಆಜಿ ದಿನತ ಪೊಲಿ  ಕೊನಯರೆ  ಆ ಊರ ಬಲಿ ಕೊನೊಲ  ಈ ಊರ ಪೊಲಿ  ಕೊನೊಲ  ಆಟಿದ ಅಮಾವಾಸೆಗ್ ಸೋಣದ ಸಂಕ್ರಾಂತಿಗ್ ಬೊಂತೆಲ್ದ ಕೊಡಿ ಪರ್ಬೋಗು ಅಜಿದಿನತ ಬಲಿ ಮೂಜಿದಿನತ ಪೋಲಿ ಕೊಂಡು ಪೋಲ..... ಬಲಿಯೇಂದ್ರ ...... ಅರಕ್ ದ ಒಟ್ಟೆ ಓಡೋಡು  ಮಾಯಣದ ಮೊಂಟು ಜಲ್ಲೂಡು ಪೊಟ್ಟು ಗಟ್ಟಿ ಪೋಡಿ ಬಜಿಲ್ದ್ ಬಲಿ ದೆತೊನರೆ ಕೊಟ್ಟುಗು ಗೊಂಡೆ ಪೂ ಕಟ್ಟುದ್ ಬಲ ಬಲಿಯೇಂದ್ರ ಆ ಊರ ಬಲಿ ಕನಲ ಈ ಊರ ಪೋಲಿ ಕೊನೊಲ ಬಲಿಯೇಂದ್ರ ಕೊ ..ಬಲಿಯೇಂದ್ರ....... ಕೊ... ಬಲಿಯೇಂದ್ರ ...ಕೊ... ಬಲಿಯೇಂದ...
Read more