ಬಲೀಂದ್ರ ಲೆಪ್ಪು

ಲೋಕೊರ್ಮೆದ ತುಳುವ ಬಂದುಲೆಗ್  ಸೊಲ್ಮೆಲು, 

ಪರ್ತಿನ    ನೀರ್ದ , ಉಂಡಿನ  ನುಪ್ಪುದ ,  ಪುಟ್ಟಿನ  ಮಣ್ಣುದ  ಗುಣನ ದಾನ್ಯೋ   ಪೋಯಿನಲ್ಪ  ಬತ್ತಿನಲ್ಪ  ತುಳುವಪ್ಪೆನ್  ಮದಪ್ಯರೆ  ಅಲೆನ ಜೋಕುಲೆಗ್ ಮನಸ್ಸೇ   ಕೇನುಜಿ.  ಅಂಚ,  ಮಾತಾ ಕಡೆಟ್  ಲೋಕೊರ್ಮೆ  ಕೂಟ ಕಟೊಂದು  ಆಯಿನಾತ್  ಆಂಡಲಾ  ಅಲೆನ ಚಾಕರಿ ಮಲ್ಪುನ  ನಮ್ಮ ತುಳುವೆರೆನ ನೆತ್ತೆರ್ದ ಸತ್ತ್ವ  ಗುಣ .

ಮಲಾರ್  ಬೀಡು  ಲಕ್ಷ್ಮೀನಾರಾಯಣ ರೈ  ಬೊಕ್ಕ ಕುದ್ರೆಬೆಟ್ಟು ನಡಿಗುತ್ತು  ಶಾಲಿನಿ ರೈ  ದಂಪತಿಲೆನ  ಮೋಕೆ ಪಟ್ಟ್ ದ್   ಪುಟ್ಟುದು  ತುಳುನಾಡು ಬುಡ್ದು  ದೂರದೂರು  ಫ್ಲೋರಿಡಾದ  ನೆಲಕ್ಕ್ ಕಾರ್ ದೀಯನಗನೆ  ಆ ಒಂಜಿ ಮನಸ್ದ ಉಲಾಯಿ ಈ ಅಂಗಲಾಪು  ಬಿಸುತಾನಿ  ಬಿತ್ತಿದಿ  ಕೈ ಬಿತ್ತುದಲಕ್ಕ   ಮುಂಗೆ ಕೊಡಿದಿತ್ತುಂಡ್ ಗೆ  . ಫ್ಲೋರಿಡಾ ದೇಶೊಡೊಂಜಿ ಎನ್ನಪ್ಪೆ ತುಳುವೆದಿಗೊಂಜಿ  ಕೂಟ ಕಟ್ಟೊಡು ,  ಜರಿತ ಸೀರೆ ತುತ್ತಾದ್ , ಮಲ್ಲಿಗೆದ  ಜಲ್ಲಿ ಬುಡ್ಪಾದ್  ಅಲೆನ ಮೋನೆದ ಮುಗುರು ತೆಲಿಕೆನೊಂಜಿ ಮನದಿಂಜಿದ್  ತೂವೊಡಿನ್ಪಿನ ತುಳುನಾಡ  ಸಿರಿ ಮಗಲ್  ಶ್ರೀಮತಿ ಶ್ರೀವಲ್ಲಿ ರೈ ಮಾರ್ಟೆಲ್   ಮೆರೆನ ಆಸೆ ಇನಿ  ತುಳುವೆರೆನ   ಪೊಸ ಪರ್ಬ ಬಿಸುತಾನಿ  ಕೈಗೂಡೊಂದುಂಡು .  ಬಿಸುತಾನಿ ನಮ ಪಾಡಿಡ್ ಪರಂಗಟ್ಟೆ  ಪರಂದ್  ಪೆಜ್ಜಿದ್ ಒಟ್ಟು ಪಾಡೋನಿಲಕ್ಕ  ಅಲ್ಪಲ್ಪ ಪಸರ್ದಿನ   ತುಳುವೆರೆನ್ ಒಟ್ಟು  ಪಾಡೊಂದು  ಕಟ್ಟಿನ ಫ್ಲೋರಿಡಾದ ತುಳುಕೂಟದ   ಪೆರ್ಮೆ ಲೊಕೊರ್ಮೆ  ಪರಡುನ  ಅಮೃತ ಗಳಿಗೆ ಲೆತ್ತೊಂದುಂಡು  . 

ಜಗ್ಗತ್ತ್ ಡ್  ಓಲೆ  ತುಳುತ ಬೇಲೆ   ನಡಪಡ್ ಅವುಲು ಯಾನುಲ್ಲೆ ಪನ್ಪಿನ  ಮಲ್ಲ  ಮನಸ್ಸುದ  ಕತಾರ್ ತುಳುಕೂಟದ ಮಾಜಿ ಅಧ್ಯಕ್ಷೆರಾಯಿನ  ಮೂಡಂಬೈಲು ರವಿ ಶೆಟ್ಟಿ   ಫ್ಲೋರಿಡಾದ ಪೊಸ ತುಳುಕೂಟೊಗು ಮನಸ್  ದಿಂಜಿದ್  ಸುರುತ ಎಡ್ಡೆಪುಲೆನ್  ಪಟ್ಟೊನಿಯೆರ್ 

(ರವಿ ಶೆಟ್ಟಿ) 

(ಬ್ಯಾಕ್ ಗ್ರೌಂಡುದ್ ಅರೇನಾ ಇಲ್ಲದ ಫೋಟೋ ವಿಡಿಯೋ ಬಳೆದ ವಿಡಿಯೋ ಪಾಡೊಲಿಯೆ )

ಯಾಪಲಾ  ತುಳುತ ಬೆರಿಕೋಲಾದ್  ಉಂತುನ ಪರಮಪೂಜ್ಯ  ಒಡಿಯೂರು ಗುರುದೇವಾನಂದ  ಸ್ವಾಮಿಲ್ನ  ಆಶೀರ್ವಾದೊಡು  ಬಿಸು ಪರ್ಬದ ಎಡ್ಡೆ  ಮಿಲ್ಲಿದಾನಿ  ಉದಿಪನದ ಪಜ್ಜೆ ದೀಯಿನ  ಈ ಪುರುಬಾಲೆನ್ ತೊಟ್ಟಿಲಾಡವೊಂದು   ಸ್ವಾಮಿಲು ಪೊರ್ಲುದ  ನಾಲ್  ನುಡಿಸೇಸೆ ಇಂಚ ಕೊರ್ಯೆರ್ 

(ಸ್ವಾಮಿಗಳ ವಿಡಿಯೋ). 

ಇಲ್ಲ ಇಲ್ಲಡ್  ತುಳುವಪ್ಪೆನ ಸ್ವರ ಲಕ್ಕೊಡು  ಪನ್ಪಿನ  ಸ್ವಾಮಿಲ್ನ ಪಾತೆರ  ಮಾತಾ ತುಳುವೆರೆನ ಕೆಬಿಟ್ ಗುಮೆಸೊಡು ಪನ್ಪಿನ  ಮಾತಾ ತುಳುವಪ್ಪೆ ಜೋಕುಲೆನ  ಉಡಲ್ದ  ದುನಿಪಾವೊಡು. 

ಫ್ಲೋರಿಡಾದ ತುಳುಕೂಟ ಕಟಿನ್ ಎಂಚ  ಪನ್ಪಿನವೆನ್   ಐತ ಕನ  ಕಟ್ಟಿನ   ತುಳುವಪ್ಪೆ  ಮಗಲ್  ಶ್ರೀಮತಿ ಶ್ರೀ ವಲ್ಲಿ  ಮಾರ್ಟೆಲ್  ಮೆರಡನೆ ಕೇನುಗ 

( ಶ್ರೀ ವಲ್ಲಿ ವಿಡಿಯೋ)  

ಶ್ರೀವಲ್ಲಿನ ಬೆರಿಕುಂತಿ  ಶಾಂತಲಾ ಶೆಟ್ಟಿ  ತನ್ನ ಸುರುತ  ಎಡ್ಡೆಪುನು ಕೈ ಪುಡ್ಯೊಂದು  ಬಯಕುವೆರ್ 

(shantha shetty  ವಿಡಿಯೋ ) 

ಪರ ಊರುಡಿತ್ತಿನಾಯೆಗ್   ಊರಪ್ಪೆನ ಮಿತ್ತ್  ಗುಡ್ಡೆದಾತ್ ಮೋಕೆಗೆ . ದೂರದ ಬೋಸ್ಟನ್ ಸಿಟಿ ಟ್  ಇತ್ತೊಂದು  ತುಳು  ಓ ದರೆ ಬರೆಯರೆ  ಕಲ್ತೊ೦ದು  ತನ್ನಪ್ಪೆನ್  ದಿನಾ  ನೆಂಪು maltondu ಉಪ್ಪುನ  ನ್ಯೂ  ಇಂಗ್ಲೆಂಡ್ ತುಳುಕೂಟದ  ಮಾಜಿ ಅಧ್ಯಕ್ಷೆ ಬೊಕ್ಕ  ಗೌರವ  ಗಾರೆರಾಯಿನ  ಶ್ರೀ ಭಾಸ್ಕರ್ ಶೇರಿಗಾರ್  ಮೇರ್  ಫ್ಲೋರಿಡಾ ತುಳುಕೂಟೊಗು   ಎಡ್ಡೆಪುದ ಮದಿಪುನು  ಇಂಚ ಕೊರ್ತೆರ್ 

(ಭಾಸ್ಕರ್ ಶೇರಿಗಾರ್ ವಿಡಿಯೋ )

 ತನ್ನ ತಂಪುದ ಇಂಪುದ  ಸುರ ಸ್ವರೊಕು  ಕರ್ನಾಟಕ ಸರಕಾರದ   ಗಾಯನದ ರಾಜ್ಯ ಪ್ರಶಸ್ತಿ  ಬೊಕ್ಕ ಕರ್ನಾಟಕ ಸಂಗೀತ ಆಕಾಡಮಿದ  ಕಲಾಶ್ರೀ ಪ್ರಶಸ್ತಿ ಪಡೆಯಿನ  ಐಲೇಸಾ - the  voice of ocean ಡಾ ರೂವಾರಿ  ಶ್ರೀ ರಮೇಶ್ಚಂದ್ರ  ಮೇರ್ಲಾ  ಪೊಸ ಪುಟ್ಟಿನ  ಬಿಸು ಬಾಲೆ  ಬೆರಿ ತಟ್ಟುದ್  ಆಶೀರ್ವಾದ ಮಲ್ದೆರ್ 

 ರಮೇಶ್ಚಂದ್ರ  ವಿಡಿಯೋ 

 ಪೂಜ್ಯ ಒಡಿಯೂರು ಸ್ವಾಮಿಲ್ನ ಪೊರ್ಲ   ನುಡಿಸೇಸೆದೊಟ್ಟುಗು ತುಳುವೆರೆ ಬೆನ್ನಿದ ಪರ್ಬ ಬಿಸು , ತುಳುವೆರೆ  ಪಗ್ಗುದ ಸುರುತ  ದಿನತಾನಿ   ಉದಿಪನ  ಆಯಿನ  ಫ್ಲೋರಿಡಾದ  ಈ ತುಳುಕೂಟೊಗು ಮಾತಾ ತುಳುವೆರ್ ಒಟ್ಟಾದ್  ಬೆರಿಕುಂತುಲಕ್ಕಾವಡ್  . ನಿಕಲ ಗುರ್ತ arth odu  ಸುತ್ತ ಇತ್ತಿನಕಲೆಗ್ ಮಾತೆರೆಗ್ಲಾ ಈ ವಿಷಯ  ತೆರಿಪಾದ್ ಈ ಕೂಟೊಗು ಅಕಲೆನ್  ಸೇರ್ಸಾವುಲಕ್ಕಾವಡ್  . ತುಳು ಅಪ್ಪೆನ  ಜಾಲ ಮಿನ ದನ ,  ನಲಿಕೆ- ತೆಲಿಕೆನ್ ದೂರದ ಊರುಡು ,ಏಳ್ ಕಡಲಾಯರೆಡ್   ಪಸರರೆ  ಪಿದಾಡ್ದಿನ  ಶ್ರೀಮತಿ ಶ್ರೀ ವಲ್ಲಿ  ಬೊಕ್ಕ ಅರೇನ ಕೂಟದ ಮಾತಾ  ತುಲುವಪ್ಪೆ  ಜೋಕುಲೆಗ್ ತುಳುನಾಡುದ ದೈವ ದೇವೆರೆನ ಬೆರಿಸಾಯ ತಿಕ್ಕೋಡುಂದು ಅರಿಕೆ maltondu   ಫ್ಲೋರಿಡಾ  ತುಳುಕೂಟದ ಪರವಾದ್   ಐಲೆಸಾ ವಿಶ್ವದ ಮಾತಾ ತುಳುವೆರ್ಡ  ಮೋಕೆದ ಬಿನ್ನಪ  ಮಳ್ತೊಂದುಲ್ಲ.   ಮಾತೆರೆಗ್ಲಾ  ಬಿಸು ಪರ್ಬ  ಸುಖ ಸಂಪತ್ತು ಆರೋಗ್ಯ ಭಾಗ್ಯ  ಕೊರಡುಂದು  ಕುಡೊರ ಅಡ್ಡ ಬೂರ್ದು ನಟ್ಟೊನುವ . ಸೊಲ್ಮೆಲು