ಮನಸ್ ಪದ ಪನ್ಪುಂಡು!
➖➖➖➖➖➖
ಮನಸ್ ಪದ ಪನ್ಪುಂಡು
ನಿನ ಮೋನೆ ತೂದು
ಉಡಲ್ ತುಲಿ ತುಲೀಪುಂಡು
ನಿನ ಮೋಕೆಗಾದ್ !!ಪ!!
ಮೆಣ್ಕುನ ದಾರೆಗೆಲಕ್ಕ
ನನ ದಾಯೆ ದೂರ?
ಪನಿ ಬರ್ಸ ಪನಿತೊಂದುಂಡು
ನಿನ ತೆಲಿಕೆಡಾವರ. !೧!
ಮಲ್ಲಿಗೆದ ಮಾಲೆನ್ ಕನದೆ
ನಿನ ಮುಡಿಕ್ ದೀಯರೆ
ಸಿರಿಗೊಂಬೆ ಸಿಂಗಾರಾಪಿನ
ನಿನ ಪೊರ್ಲು ತೂಯರೆ !೨!
ತಿಂಗೊಲ್ದ ಬೊಲ್ಪುದಲಕ್ಕ
ಎನ ಕನೊಟು ದಿಂಜಿಯಾ
ಎನ ಮನಸ್ ಸೋತೇ ಪೋಂಡು
ಈ ಎನನ್ ಗೆಂದಿಯಾ. !೩!
✍🏽ಶಾಂತಾರಾಮ್ ಶೆಟ್ಟಿ.
🎤 ಸುಕೇಶ್ ಶೆಟ್ಟಿ ಎಕ್ಕಾರು.
Comments
Post a Comment