ಪಗೆ ಮದಪೊಡು

ಪಗೆ  ಮದಪೊಡು  

ಪಗೆಮಾನಿಗಾಂಡಲಾ
ಬಿನ್ನಾದಿಗೆದ  ಮಾನಾದಿಗೆ
ಕೊರೊಡುಗೆ

ಮಚ್ಚರದ ಕಿಚ್ಚಿನ್
ಬಂಜಿದುಲಾಯಿ ದೀದ್
ನಿಗಿ ನಿಗಿ ಪೊತ್ತೆರೆ ಬುಡೆರಾವಂದ್
ಉಡಲ್  ಪಡಿಲಾವು!
ಮೋಕೆ ಬಿತ್  ಕೊಡಿಯಂದ್
ದಿನ ದಿನತ ಅನುಪಾನೊಡು
ಬೇನೆ ಮದಪು
ದಿಂಜಿ ಮನಸುಡ್
ಮಲ್ಲಿಗೆದ ಕಂಮೆನ ಉದಿಪು

ಪೆಟ್ಟುದ  ಕಲೋಟು
ಗೆಂದುದ್  ಮಗುರಿನ ಕೋರಿಲಾ
ಅಡ್ಯೋರೆಗೆ  ಪೋದು ಬೈಪಿನಿ
ಕೈಪೆಡ್  ಮೆರೆಯಿ ಜೀವಾ
ಅರಿ ಬಿರ್ಕುನ ಕಾಲೋಗು
ಖಾಲಿ ಕೈಟೆ  ಕಾಟೊಗೇರುನಿ
ಎಲು  ದಾಂತಿ  ನಾಲಾಯಿ
ಬಾಯಿ ತತ್ ಪಾತೆರು
ಎದುರಿತ್ತಿನ ಕೂಲಿ ಅಗ್ಗಿದುಂತದು ನೆರು!

ಇನಿ ಇತ್ತಿನಾಯೇ ಎಲ್ಲೆ  ಇಜ್ಜೆ
ಮೀಸೆ ತಿರ್ಗಾದ್ ಮೆರೆಯಿನಾಯೆ  
ದಿಂಜ  ದಿನ ಒರಿಯುಜೆ !