Manjotti ಮಂಜೊಟ್ಟಿ

ಕೃಷ್ಣಾ ನಿನ್ನ ನೆನಪುಡಿಪ್ಪುನಗ ಆಟಿ ಆನೆಡ್ ಪೋಂಡು ಇತ್ತೆ ಈ ಒಟ್ಟು ಡುಪ್ಪುನಗ ಸೋಣ ಕುದುರೆಡ್ ಬಲ್ತೊಂದುಂಡು ! ಈ ದಾಂತಿ ಪೊರ್ತು ಜೀವೊಗೊಂಜಿ ಪನೆರಾವಂದಿ   ಅಕ್ಲೇಶ - ಸಂಕಡ ! ಈ ಎದುರು ಬತ್ತಿ ಪೊರ್ತು ಬಾನ ನಿಲ್ಕೆ ದಿಂಜುಂಡು ತಿಂಗೊಲ್ದ ಬೊಲ್ಪುದ ಉಲ್ಲಸೊ ಕೆನ್ನೆ ಕೆಂಪು ಬಿಂಕೊಡು ! ಯಾನ್ ಕಾಪೊಡು ಈ ಬರೋಡು        ಪೇರ್ ದುಲಾಯಿ ನೈತ ಲಕ್ಕ ನಮ ಒಟ್ಟುಡುಪ್ಪೊಡು !.

ಈಯತ್ತಂಬೆ ಪೆರಡದೆ ಬೇರಿಯೇ ಪೋಯಿನ ಪೂಂಜೆ? ಲಾಕಿದೊಟ್ಟುದ ಶೋಕಿ ಪುಲ್ಯಕಾಂಡೆ ದುಲಾಯಿ ಬಾಕಿ ಮೈ ತುಂಬಾ ಕಿನ್ನಿಲಾವ ಯಾನ್ ಎನ್ನವು ಪನ್ಪಿನ ಮನಸ್  ದಿಂಜಾವ ನಾಲ್ ದಿನೊಕು ಸಂಸಾರದುಲಯಿ ದೀಪೆ  ಉಂಡು ಮಲ್ತಿನಾಯೆ ಊಂದು ದೀದ್ ತೂಪೆ ಏತುಂಬೆ  ನಿನ್ನ ಹಟ ಪಿರಿಯಂದ  ರಾಪಟ ಜೀವೊಡಿತ್ತಿ  ಕೈಪೆ ಮೂಜೇ ದಿನೋಟ್ ನೈಪೆ ಇನಿ ಇತ್ತಿನಾಯೆ ಎಲ್ಲೆ  ಪನಂದನೆ  ಸೈಪೆ ಏರ್ಕುದಿತ್ತಿ  ಜುಟ್ಟು ಮಣ್ಣು ದುಲಾಯಿ ಪುಣ್ಯದ ಗಂಟು ಇತ್ತಿನಾಂಡ  ಮಾತ್ರ ದೇವೆರುಲಾಯಿ !! ಶಾಂತಾರಾಮ್ ಶೆಟ್ಟಿ  

ಬೊಗ್ಗುರನ ಕಬತ್  !       ದಾನೆಂಬೆ  ಬೊಗ್ಗುರ   ನಿನ್ನ   ತಾಳೆ ಮದ್ದಲೆ ಜೋಕುಲೊಟ್ಟು ಸೇರ್ದ್  ದಾದ ಕೊಟ್ಟುಗುದ್ದೊಲಿ?                                             ದಾನೆಂಬೆ  ಬೊಗ್ಗುರ  ಗೊಬ್ಬರ ತುಂಬ್ಯನ ಬಟ್ಟಿದಡಿಕ್  ಮಂಡೆ  ನುರ್ತು ಪೊಲ್ತು  ಪಾಡ್ಯನ ? ದಾನೆಂಬೆ   ಬೊಗ್ಗುರ  ಎರು  ಮೇಪಯನಾ ಎರುತ ಮಿತ್  ಕುಲ್ಲುದು  ಶೆಟ್ರ  ಕಂಡದ  ನೇಜಿ ತಿನ್ಪಯನಾ                                                                                        ...

ತಂಕೊಡು ಬದುಕೊಡು   ತರೆ ತಗ್ಗಾದ್ ಬಗ್ಗಾದ್ ಏತುಂದ್   ಬದುಕೊಲಿ? ನೋಪುನಕುಲೆ   ಪೂರಾ   ಪೊರ್ಲುತೂಪಿನಕುಲು ಸಾರ ! ಮದೆ ಆವೆರೆ ಗುಡೆ ನಾಡುನ ಎಲಿ ಏತೊಂಜಿ   ತಪ್ಪಾದ್ ಬಲಿಪೊಲಿ ? ಬೆರಿ ಪತ್ತುನ ಪುಚ್ಹೆಗ್ ತಿಕ್ಕಿನಲ್ಪನೆ ಬಲಿ ! ಅಂಜಿಕೆದ   ಬದುಕು ನಾಲ್ ದಿನೊಕು ಸತ್ಯ ಸಾದಿಗ್ ಸಾವಿಜ್ಜಿ ತರೆದೆರ್ತ್ ತಿರ್ಗೊಲಿ ಮಂಡೆ ಬಗ್ಗಾದ್ ನಡಪಂದ್ ತಿಗಲೆದ ಗಂಟೆ ಪಿಲಿ ಧೈರ್ಯೊಡಿತ್ತುಂಡ ದರ್ಕುಡ್   ಬದುಕೊಲಿ!!

ಇರೆನ ಪುಟ್ಟುಗು ಕಾತುದ ಲೋಕದ   ಕತ್ತೆಲೆನ್ ಕರಿಯೆರೆ ಕತ್ತಲೆ ಕೋಣೆಡ್ ಈರ್ ಇನಿ ಪುಟುದಿನಿ ಅಷ್ಟೆಮಿದಾನಿ ! ಗೊಲ್ಲೆರ್ನ ಬಲ್ಲೆಡ್ ಬಡವೆರೆ ನಡುಟ್ ತಿಪ್ಪಿಡ್ ತೆಲಿ ಪರಿನಾರ್ ಪುಂಡೆಲ್ದ ಬೆದುರ್ ಪೊಲ್ತುದು ಪುರಲುದ   ದನಿ ಕೊರ್ದು ಮೋಕೆದ ರಾಗೊಡು ಗೋವುಲೆನ ಕಾತಿನಾರ್ ! ಕರ್ಮ ಫಲತ ಪೆರ್ಮೆ ತೆರಿಪಾದ್ ಬಿದಿರಿ ಮನಸುನ್ ಒರ್ಮೆ ಮಲ್ಪಾದ್ ಧರ್ಮ ನೆಲೆ ಮಲ್ತು ಕೊರ್ತಿನಾರ್ ! ಅಷ್ಟೆಮಿದ ಇರೆ ಪುಟ್ಟುಗು ಪಿಲಿ   ನಲ್ಪು ಗೊಲ್ಲೆರೆನ ಕೋಲ ಕೊಡಿಕ್ ಬೆಂಜನದ   ಕರ ಕೊಲ್ಪು ನಟ್ಟ ನಡುಟ್ ಕೋರಿ ಕೆಲೆಪು ಇರೆ ಪುಟ್ಟುದ ಕಾಪುಗು ಬಲವು ಕುಲ್ಲುದ ಬೊಲ್ಪು ಕೊಡಿಯೇರ್ನಗ ಗುಂಡ- ಮೂಡೆ ಪೇರ್ದ ಪುರ್ಸಾದ ಮಲ್ತುದ !.

ಮುಗಲಾತುಂಡು ...... ಇನಿ  ಬರ್ಸ  ಬರುವಾ ? ಬದುಕೊಡಾಂಡ   ಬದಿತಾಯನ್ ತೆರಿಯೊನೊಡುಗೆ .... ಬದಿತಾಯೆ ಪಂಡ  ನೆರಕರೆತಾಯೆ  ಮಾತ್ರ ಅತ್ ... ನಮ  ಬದುಕುನ ಸುತ್ತ ಮುತ್ತ   ಪ್ರಕೃತಿ ಪರಿಸರ ,   ಕಾಲ- ನಿಯಮ , ದೆಂಬು- ಬರ್ಸ , ಗಂಟೆ- ಗಳಿಗೆ ..ಇಂಚ  ಮೈಕಂಟೊಂದಿನ  ಮಾತಾ ! ನಮ್ಮ ಹೆರಿಯೆರ್  ನೆಟ್ ಮಾತಾ ಬಾರಿ ಬಿರ್ಸೆರ್...                                          ಕ್ರಿತಿಕೆ ಕಾಯಿಂಡ ಎಡ್ಡೆ ಕೋರಿ ಕೆಕ್ಕೆರ್ನುನ  ಕೇಂಡ  ಪನುವೆರ್.........      ಒವ್ವಾ  ವಿಷ ಜಂತು,ಮುಂಗುಲಿ,ಕುದ್ಕೆ   ಬತ್ತಿಪ್ಪೋಡು ! ಪೆತ್ತ ಕೆನೆಯೆರೆ  ಸುರು ಮಲ್ತುಂಡ  ಪನುವೆರ್ ...... ಕತ್ತೆ ಕಿರ್ಬೆ -ಪಿಲಿ - ಪಂಜಿ  ತೋಟಗ್  ಬತ್ತಿಪ್ಪೋಡು! ಎಲಿ ಬಲ್ತಿನ ಪೊರ್ಲುನು  ತೂದೆ ಪನುವೆರ್.......