ಮುಟ್ಟಲೆ ......ತುಳುವೆರ್ನ ಪಾಲುದ ಮೈಸೂರು ಪೇಟ ..!!

ತುಳುವೆರ್ನ ಪಾಲುದ ಮೈಸೂರು ಪೇಟ ..ಮುಟ್ಟಲೆ  !!

 

ತುಂಬೆರಾವಡ್ -ದೊಂಬು ಗಾವಡ್ -ಗಾಳಿಗಾವಡ್ -ಬರ್ಸಾಗಾವಡ್  ಮಂಡೆಡ್  ಒಂಜಿ ಮುಟ್ಟಲೆ  ಇತ್ತಿನಾಂಡ  ತುಳುವೆ 

ಯುದ್ದೋಗು  ಪಿದಡಿನ  ವೀರಲಕ್ಕ  ಒಯಿಕ್ಲಾ  ತಯಾರ್,ಅಂಚಿನ ತಾಕತ್ತುದ  ಟೊಪ್ಪಿಗೆ ಈ ಮುಂಡಾಸ್ ಮುಟ್ಟಲೆ . ದುಂಬು  ಬೆನ್ಪಿನಾಯನ  ಮಂಡೆಡ್  ನಲಿತೊಂದು  ಇತ್ತಿನ ಈ ಪೇಟ  ಇನಿ ಕಾಲಿ  ಪ್ರದರ್ಶನದ  ವಸ್ತು   ಆತುಂಡು  ಪನ್ನಗ  ಮನಸ್ಸುಗು  ಬೇನೆ   ಆವಂದೆ  ಕುಲ್ಲುವಾ ?

 

ಮಹಾರಾಜೆರ್ನ ಕಾಲೋಡು  "ಮೈಸೂರು ಪೇಟ" ಮಲ್ಲ ಮಾನಾದಿಗೆದ  ರೂಪೋ . ಮನಸುದ ,ಬುದ್ದಿದ ಮಲ್ಲಾದಿಗೆನ್  ತೊಜಾವುನಲ್ಪ  ಮೈಸೂರು ಪೇಟ  ಬರು ..ಅಂಡ  ತುಳುನಾಡುದ  ಬಡವಗ್  ಬೆನ್ನಿದ-ಬೆನ್ಪಿನ ಮಲ್ಲಾದಿಗೆ ತೊಜಾವರೆಗ್ ಮೈಸೂರು ಪೇಟ ಓಲು  ತಿಕ್ಕು ?.

 

ಕಂಗುದ  ಪಾಲೆದ ಹದೋಟು -ನೀಟೋಡು  ಕಟ್ಟುದಿನ  ಮುತ್ತಲೆ ನೇ ಆಯನ  ಮೈಸೂರು ಪೇಟ. ಮನಸಾಂಡ  ತಾನೇ ಕುಲ್ಲುದು  ಪಾಲೆನ್ ಕನತ್  ಬೂರುದ ಬಲ್ಲುಡ್  ತರ್ತ್ ಕಟಿಯೆಡ  ತನ್ನ ಪೇಟ ತನ್ನಾತೆಗೆ  ತಯಾರಾವು . ಇಜ್ಜಾಂಡ ನಲಿಕೆದಾಯಗ್  ಒಂಜಿ ಪಾವು ಅರಿ ಕೊರಿಯೇರ್ಡ  ನಲಿತೊಂದೆ ಆಯೆ ಕನತ್ ಕೊರುವೆ......

 

ತರೆವುನ  ಕಲ್ಲುಡ್  ತರೆದ್  ಗಂಧ  ಕಮ್ಮನೆ ಕೊರು ,ಅರೆವುನ ಕಲ್ಲುದ ನಡುಟ್ ಮುಂಚಿ ಪೋಡಿ ಯಾದ್ ಕಜಿಪುಗು  ಖಾರ ಕನವು..ತಾರಾಯಿ ಪೊಡಿಯಾದ್ ರುಚಿ ಕನವು, ಕೊದ್ದ್ಯುನ   ಕಜಿಪುಡು  ಉಪ್ಪು-ಪುಳಿ  ಕರಾದ್  ನಾಲಾಯಿಗ್ ಪುಲ್ಪನೆ ಕೊರು ..

 

ಅಂಚನೆ ಅತೆ  ಈ ಮುಟ್ಟಲೇ ...

 

ಬೆನ್ಪಿನಾಯನ ಮಂಡೆದ  ದಿನ್ನೊನು   ತಾನ್ ದೆತೊಂದು ...ಆಯಗ್ ಬೇನೆ ಆವಂದಿಲಕ್ಕ ತೂವೊನು. 

ಬರ್ಸದ ಸೀತೊನು ತಾನ್ ದೆತೊಂದು  ಯಜಮಾನನ್  ಬೆಚ್ಹೊಡ್   ದೀಯು 

ಸೂರ್ಯ ದೇವೆರೆಗ್   ತಿಗಲೆ  ಕೊರ್ದು  ಉಂತುದು  ತನನ್ ತುಂಬಿ ನಾಯಗ್ ತಂಪು ಕೊರು ...

 

 

ಇಂಚಿನ  ಗುಣ  ಇತ್ತಿನಾವ್ರ ಅತೆ......ಮುಟ್ಟಲೆ   ಇನಿಮುಟಲಾ    ಮಂಡೇಡೆ  ಕುಲ್ಲುದಿನಿ...

 

ಮಂಡೆಡ್ ದೀಯಿನ ನರಮಾನಿನ .... ..ಮಂಡೆದುಲಾಯಿ-ಬೊಂಡುದುಲಾಯಿ    ಮುಟ್ಟಾಲೆದ ಈ  ಗುಣೊಕುಲು ಬರುವಾ  ?

 

ಬೈದುಂಡ  ಎಡ್ಡೆ  ಇತ್ತುಂಡ್ !

 

 

ಚಿತ್ರ : ಸಂಗ್ರಹ  ತುಳುಕೊಪೆ 

ಚಿತ್ರ : ಶಾಂತಾರಾಮ್ ಶೆಟ್ಟಿ 

 

ಮುಟ್ಟಲೆ ತ ನನೊಂಜಿ  ರೂಪ ಕೊಂಬರ್ ಅತ್ತುಡ ಗೋಮ್ಪರ್ 

ಚಿತ್ರ: ಸಂಗ್ರಹ