Manjotti ಮಂಜೊಟ್ಟಿ

ಕಾಲ  ಮೊನ್ನೆವರೆಗೆ  ಆಯುರ್ವೇದ  ಎಂದರೆ  ಡೋಂಟ್ ಕ್ಯಾರು ! ಈಗ  ಕೆಮ್ಮಿದರೂ  ಸೀನಿದರೂ ಲಿಂಬೆ-ಶುಂಠಿ  ನಾರು-ಬೇರು   ಶಾಂತಾರಾಮ್ ಶೆಟ್ಟಿ 

ಲೋಕೊರ್ಮೆದ ತುಳುವ ಬಂದುಲೆಗ್  ಸೊಲ್ಮೆಲು,  ಪರ್ತಿನ    ನೀರ್ದ , ಉಂಡಿನ  ನುಪ್ಪುದ ,  ಪುಟ್ಟಿನ  ಮಣ್ಣುದ  ಗುಣನ ದಾನ್ಯೋ   ಪೋಯಿನಲ್ಪ  ಬತ್ತಿನಲ್ಪ  ತುಳುವಪ್ಪೆನ್  ಮದಪ್ಯರೆ  ಅಲೆನ ಜೋಕುಲೆಗ್ ಮನಸ್ಸೇ   ಕೇನುಜಿ.  ಅಂಚ,  ಮಾತಾ ಕಡೆಟ್  ಲೋಕೊರ್ಮೆ  ಕೂಟ ಕಟೊಂದು  ಆಯಿನಾತ್  ಆಂಡಲಾ  ಅಲೆನ ಚಾಕರಿ ಮಲ್ಪುನ  ನಮ್ಮ ತುಳುವೆರೆನ ನೆತ್ತೆರ್ದ ಸತ್ತ್ವ  ಗುಣ . ಮಲಾರ್  ಬೀಡು  ಲಕ್ಷ್ಮೀನಾರಾಯಣ ರೈ  ಬೊಕ್ಕ ಕುದ್ರೆಬೆಟ್ಟು ನಡಿಗುತ್ತು  ಶಾಲಿನಿ ರೈ  ದಂಪತಿಲೆನ  ಮೋಕೆ ಪಟ್ಟ್ ದ್   ಪುಟ್ಟುದು  ತುಳುನಾಡು ಬುಡ್ದು  ದೂರದೂರು  ಫ್ಲೋರಿಡಾದ  ನೆಲಕ್ಕ್ ಕಾರ್ ದೀಯನಗನೆ  ಆ ಒಂಜಿ ಮನಸ್ದ ಉಲಾಯಿ ಈ ಅಂಗಲಾಪು  ಬಿಸುತಾನಿ  ಬಿತ್ತಿದಿ  ಕೈ ಬಿತ್ತುದಲಕ್ಕ   ಮುಂಗೆ ಕೊಡಿದಿತ್ತುಂಡ್ ಗೆ  . ಫ್ಲೋರಿಡಾ ದೇಶೊಡೊಂಜಿ ಎನ್ನಪ್ಪೆ ತುಳುವೆದಿಗೊಂಜಿ  ಕೂಟ ಕಟ್ಟೊಡು ,  ಜರಿತ ಸೀರೆ ತುತ್ತಾದ್ , ಮಲ್ಲಿಗೆದ  ಜಲ್ಲಿ ಬುಡ್ಪಾದ್  ಅಲೆನ ಮೋನೆದ ಮುಗುರು ತೆಲಿಕೆನೊಂಜಿ ಮನದಿಂಜಿದ್  ತೂವೊಡಿನ್ಪಿನ ತುಳುನಾಡ  ಸಿರಿ ಮಗಲ್  ಶ್ರೀಮತಿ ಶ್ರೀವಲ್ಲಿ ರೈ ಮಾರ್ಟೆಲ್   ಮೆರೆನ ಆಸೆ ಇನಿ  ತುಳುವೆರೆನ   ಪೊಸ ಪರ್ಬ ಬಿಸುತಾನಿ  ಕೈಗೂಡೊಂದುಂಡು .  ಬಿಸುತಾನಿ ನಮ ಪಾಡಿಡ್ ಪರಂಗಟ್ಟೆ  ಪರಂದ್  ಪೆಜ್ಜಿದ್ ಒಟ್ಟು ಪಾಡೋನಿಲಕ್ಕ  ಅಲ್ಪಲ್ಪ ಪಸರ್ದಿನ   ತುಳುವೆರೆನ್ ಒಟ್ಟು  ಪಾಡೊಂದು  ಕಟ್ಟಿನ ಫ್ಲೋರಿಡಾದ ತುಳುಕೂಟದ   ಪೆರ್ಮೆ ಲೊಕೊರ್ಮೆ  ಪರಡುನ  ಅಮೃತ ಗಳಿಗೆ ಲೆತ್

 ಏತೊಂಜಿ ನೆಂಪುಲು  ಉಲ್ಲ ಬೇನೆ ಬೆಸರ್  ಬೆಂಗ್ ಮದಪರೆ . ಐಲೇಸಾ  ಪುಟ್ಟುನ ಪೊರ್ತುಡು  ಲೊಕೊರ್ಮೆದ  ತುಳುವೆರೆನ್  ಪದತ  ರಂಗ್ ಡ್  ಮುಟ್ಟೋಡು  ಪನ್ಪಿನ ಎಂಕಲ್ನ ಆಸೆಗ್  ರೆಂಕೆ ಪುಟ್ಟಾಯಿನ ಈ ತುಳು ಗಾನ  ವೈಭವ . ಕೆಲವು ತಪ್ಪುಲು ಕೆಲವು ಒಪ್ಪುಲು ಮಾತವ್ವೆನ್ಲಾ ನಿಕಲ ಮಟ್ಟೆಲ್ಗ್ ಪಾಡ್ದ್  ದುಂಬುದ ಪಜ್ಜೆಗ್ ತಯಾರಾದ್ ಉಂತುದಿನ  ಈ ಪೊರ್ತು.   ಅಪಗ ಈ ಪದಕುಲೆನ್  ಸರಿಯಾದ್  ತೂಯರಾವಂದಿನಕುಲು  ಇತ್ತೆ  ಒರಾ ತೂಲೆ. ತೂಯಿನಕುಲು ಪಿರ ಪಿರ ತೂಲೆ . ಐಲೇಸಾದ  ಯೂ ಟ್ಯೂಬ್ ಚಾನೆಲ್  subscribe ಮಲ್ಪುಲೆ   Bell icon ಒತ್ತುಲೆ .   ಬರ್ಪಿನ  ದಿನೊಕುಲೆಡ್  ಆಯಿನಾತ್  ಬೇಗ  ಐಲೆಸಾದ  ಕನ ಕೈಗೂಡುನ  ಬೇಲೆ ಬಿರ್ಸುಡು   ನಡೆಪೆರೆ ಉಂಡು .  ಎಂಕಲ  ಯೂ ಟ್ಯೂಬ್ ಚಾನೆಲ್ ದ  ಬೆರಿಸಾಯೊಗು ಉಂತೊಡು  ಪನ್ಪಿನ  ನಿಕಲೆಡ  ಮಾತೆರ್ಡ್ಲಾ ಮೋಕೆದ ಬಿನ್ನಪ .  ಆಯಿನಾತ್  ತುಳುವೆರೆ ನಡುಟ್  ಈ ಚಾನೆಲ್  ಪೆಟ್ಟೊಂದು  ಎಂಕಲ  ಪ್ರತಿ ಪೊಸ ಪಜ್ಜೆಲುಲಾ ನಿಕಲ  ಇಲ್ಲ ಬಾಕಿಲ್ಗ್ ಮುಟ್ಟಯರೆ  ಬೆರಿಸಾಯ ಆವೊಡು  ಪಂಡುದ್   ರಡ್ದ್  ಕೈ ಪುಡ್ಯ ಪಾಡೊಂದು ಕೇನೊಂದುಲ್ಲ.   ಟೀಮ್ ಐಲೇಸಾ 

ಬಿಸು ಪರ್ಬ .... ಬಿತ್ತಿನ ಸೊತ್ತುದ ಅಧಿಕಾರ ಪಡೆಯುನ ದಿನ ! ================================ ತುಳುವೆರ್ನ ತಿಂಗೊಲುದ ಲೆಕ್ಕ ಸಂಕ್ರಾತಿಡ್ಡು- ಸಂಕ್ರಾಂತಿಗ್...... ವರ್ಷ ದ ಲೆಕ್ಕ ಬಿಸುಡ್ದು  -ಬಿಸುಕ್ಕು ಚಂದ್ರನ್ ಮೋನೆ  ತೂದು  ಒಂಜಿ ಲೆಕ್ಕ, ಸೂರ್ಯನ ಸಾದಿದ  ಸೂರ್ಯಮಾನ ಲೆಕ್ಕ . ಚಂದ್ರನ ಲೆಕ್ಕೋಡು ಒಂತೆ ಅಂಚಿಂಚಿ ಬರು . ಆಂಡ ಸೂರ್ಯನ ಲೆಕ್ಕ...ಬಾರಿ ಪಕ್ಕಾ ! ಮಕರ ಸಂಕ್ರಾಂತಿ ಕರಿ ಬೊಕ್ಕ ಸೂರ್ಯನ ದಿಕ್ಕ್ ಬಡಕಾಯಿದ  ಬದಿಕ್ ಸುರುವಾವೊಂದು ಪಗೆಲ್ ಜಾಸ್ತಿ ಆದ್ ರಾತ್ರೆ ಕಮ್ಮಿ ಆಯಿಲಕ್ಕ ಸೂರ್ಯನ ಧಗೆ ಯೇರೊಂದು ಪೋಪಿನ ಪೊರ್ತು. ಋತು ಚಕ್ರೋಡು ಬಾರಿ ಬದಲಾವಣೆದ ಕಾಲ. ಶಿಶಿರ ಋತು ಕರೀದ್ ಋತು ರಾಜೆ ವಸಂತೆ ಕಾರ್ದೀಪಿನ ಗಳಿಗೆ . ನಿಕುಲು ತೂದಿಪ್ಪರ್ ಅಪಗ ಗಿಡಮರಕುಲು ಪೂ- ಇರೆ ತಾಲೊಂದು ವೋಲು ತೂಂಡಲಾ  ಸಾದಿ ಇಡಿ ಬಿಜಕ್ರೆ -ಪೂ ಬೂರ್ದು ಅರಸು ವಸಂತನ ಕಾರಡಿ ಕ್  ಮೆತ್ತೆನೆ ಹಾಸಿಗೆ ಮಲ್ದಿಲಕ್ಕ ಉಪ್ಪುಂಡು .... ಋತು ಅರಸು ನಡತೊಂದು ಬನ್ನಗ ಆಯಗ್ ಕಾರ್ ಬೇನೆ ಆವೆರೆ ಬಲ್ಲಿಯತ್ತೆ ?! ಮಾಯಿದ ಸಂಕ್ರಾಂತಿದ 3 ದಿನ ದುಂಬು ಕಡ್ಡಸೆ ಸುರು ಆಪುಂಡು ಕೆಡ್ಡೆಸೋಡು ಮಣ್ಣಪ್ಪೆ ಮದಿಮಾಲ್ ಆದ್ ನನ ಫಲ ಕೊರ್ರೆಗ್ ಅನಿ  ಕಟ್ಟುನ ಪೊರ್ತು... ಈ ಪೊರ್ತುಡು ಪ್ರಕೃತಿಡ್ ಭಾರಿ ಬದಲಾವಣೆ ಆವರೆ ಸುರುವಾಪುಂಡು. ಭೂಮಿದ ಪಸೆ ಆಜಿನದಗ ಮರಗಿಡೋಕುಲು ಪರ ತಪ್ಪು ತಾಲದ್,ನೀರುನ್ ಒರ್ಪ ಕೊರ್ದು ..ಪೊಸ ತೆಗ್ ಲ್ ಬುಲೆವೆರೆ ಅನು  ಮಲ್ತು ಕೊರ್ಪಿನ