ಸಿಕ್ಕಿಂ ಪತ್ತ್ ಭಾಷೆ , ಪಶ್ಚಿಮ ಬಂಗಾಲೊಡು ಪತ್ತೊಂಜಿ ಭಾಷೆ ಅಧಿಕೃತ ಭಾಷೆದ ಮಾನಾದಿಗೆ ದೆತ್ತೊನ್ನಗ ತುಳು ಭಾಷೆ ಕರ್ನಾಟಕೊಡು ರಡ್ಡನೇ ಭಾಷೆ ದಾಯೆಗ್ ಆವೆರೆ ಬಲ್ಲಿ ? ಭಾರತದ ರಾಜ್ಯೋಲೆಡ್ ೧೪ ರಾಜ್ಯೋಲೆಡ್ಲಾ ಹೆಚ್ಚ ಕಡೆಟ್ ಅಲ್ಪದ ಪ್ರಾದೇಶಿಕ ಭಾಷೆಲು ರಡ್ಡನೇ ಅಧಿಕೃತ ಭಾಷೆ ಆದ್ ರಾಜ್ಯೋಲು ಅಂಗೀಕಾರ ಮಲ್ದ. ಆಂಡ ಕರ್ನಾಟಕೊಡು ಹಿಂದೂ ಮುಸ್ಲಿಂ ಕ್ರಿಶ್ಚಿಯನ್ ಪನ್ಪಿನ ಸರ್ವ ಧರ್ಮೀಯೆರ್ ಪಾತೆರುನ ಪಂಚ ದ್ರಾವಿಡ ಭಾಷೆಲೆಡ್ ಒಂಜಿ ಪಂದ್ ಗುರುತಾತಿನ ತುಳು ನನಲಾ ರಡ್ಡನೇ ಭಾಷೆ ಪಂಡುದ್ ಅಂಗೀಕಾರ ಮಲ್ದಿಜಿ . ಅಪಂಡ ಕರ್ನಾಟಕ ರಾಜ್ಯೋಗು ತನ್ನನೇ ರಾಜ್ಯದ ಬೇತೆ ಭಾಷೆಲು ಅಗತ್ಯ ಇಜ್ಜಾ ? ಈ ಪ್ರಶ್ನೆ ಅಂಕಿ ಅಂಶ ಸಮೇತ ಎದುರು ದೀದ್ ಕೇನುನಾರ್ ತುಳು ಭಾಷೆಗ್ ಎಡ್ಮನೇ ಪರಿಚ್ಚೇದೊಡು ಬೊಕ್ಕ ರಾಜ್ಯದ ರಡ್ಡನೇ ಭಾಷೆಯಾದ್ ಮಾನ್ಯತೆ ತಿಕ್ಕೊಡು ಪಂದ್ ಪುನೆವೊಂದಿಪ್ಪುನ ತುಳು ಎಡ್ಮನೇ ಪರಿಚ್ಛೇದ ಹೋರಾಟ ಸಮಿತಿದ ತಲೆಕಳ ಅಲೋಕ್ ರೈಕುಲು . ಯೂನಿಯನ್ ಟೆರಿಟೋರಿ ಆಯಿನ ಅಂಡಮಾನ್ ನಿಕೋಬಾರ್, ದಾದ್ರಾ ಬೊಕ್ಕ ನಗರ್ ಹವೇಲಿ, ಡೆಲ್ಲಿ ಮಾತಾ ಕಡೆಟ...