Manjotti ಮಂಜೊಟ್ಟಿ

ನಮ್ಮಕುಲೆ! ======== ಇಷ್ಟೆರ್-ಪೊದ್ದೆರ್ ಬಂಧುಲು ಸುತ್ತ ಮುತ್ತ ಇತ್ತಿನಕುಲು ಮಾತಾ ನಮ್ಮಕುಲೆ ನಮ್ಮ ಇಲ್ಲದಕುಲೆ! ಸೈತಿನಕುಲುಲಾ ನಮ್ಮಕುಲೆ ನಮನೇ ಉಲಾಯಿ ಲೆತ್ತಿನ ನಮ್ಮನೇ ಇಲ್ಲದ ಕುಲೆಕುಲೆ ! ✍🏾ಶಾಂತಾರಾಮ್ ಶೆಟ್ಟಿ.

ಅಲ್ಪೇಸಿ! ======= ಗಾಲೊಗು ಮೀನೇ ಕೊಡಪುಜಿ ಕೊಡಪುಜಿ ಪಂದ್ ಮುರೆಡಡಾ ಮಲ್ಲೆಜ್ಜಿ....! ಗಾಲದ ಕೊಡಿಕ್ ತುಂಡು ನಕ್ಕುರುಲಾ ತಿಕ್ಕದಿಜಿ ಇನ್ಪಿನ ನಿಕ್ ನನಲಾ ನೆನಪಿಜ್ಜಿ !! ಅಲ್ಪೇಸಿ ನಡೆಕ್ ಸುಖತ ಸಾವಿಜ್ಜಿ!! ✍🏾ಶಾಂತಾರಾಮ್ ಶೆಟ್ಟಿ ➰➰➰➰➰➰➰

ಕಂಬುಲ                                                                                                                                                        ಮದುವೆಯ ದಿನ ಗಂಡು ಹೆಣ್ಣಿನ ಕೈಯಲ್ಲಿ ಅಡಿಕೆ ತಾಂಬೂಲ.... ಬೊಕ್ಕ... ಬೊಕ್ಕ.. ಬೊಕ್ಕ ದಿನಾ..... ಇಲ್ಲಡ್ ಕಲಕಂಬುಲ❗ 😂😂😂😂😂

 ಸಲೀಸ್! ▪▪▪ ಬದ್ಕ್ ದ ಸಾದಿಡ್ ಪರಡ್ಯರ್ ಡಲಾ ಮಲ್ಲೆತ್ ಸಾವುದ ಸಾದಿಡ್ ನೆಗರೆರೆ ಬಲ್ಲಿ...! ದಡ್ಕ ಬೂರ್ದ್ ದಿಡ್ಕ ಸೈಯ್ಯೊಡು! ಬಡ್ಕ ಬಡ್ಕದ್ ಬೊಟ್ಟುದು ಕುಟುದು ಉಲ್ಲೆರಾ ಪೋಯೆರಾ ತೂಯೆರಾ....? ಬದ್ಕ್ ಬದ್ಕ್ ತ್ತ್! ಒಯ್ತ್ ಒಯ್ತುದುಲಾ ಬೊಕ್ಕಲಾ ಸೈತಿಜಿಡಾ.... ಸಾವು ಸಾವತ್ತ್ ಆಡೊಂದಾ ಮಾದೊಂದಾ ಬದ್ಕೆಂಚಲಾ ಕರಿಯುಂಡು ಒರೆಂಕಂದೆ ಕೊರೆಂಕಂದೆ ಸಾವು.... ಸಲೀಸಾವೊಡು!! ✍🏾: ಶಾಂತಾರಾಮ್ ಶೆಟ್ಟಿ ➖➖➖➖➖➖➖                         

ಮಾರಿ!! ▪▪▪ ನಾನು ಮುನಿದರೆ ಮಾರಿ ಎಂದಳು ಇವಳು...! ಮಾರ್ದೊಲಿಯೇ.... ಆಂಡ.... ದೆತೊನುನಕುಲು ಬೋಡತ್ತಾ?!! 😜😂 ✍🏾: ಶಾಂತಾರಾಮ್ ಶೆಟ್ಟಿ 🚥🚥🚥🚥🚥🚥🚥🚥

ಚಟ್ಟ್ ! 🔻🔻🔻 ಮೀನ್ದ ಮೂರಿನ್ ಪರಿಮಲ ಪಂದೇ ತೆರಿನಾಲ್ ಮಲ್ಲಿಗೆದ ತೋಟೊಡು ನಿದ್ರೆ ಬರಂದೆ ಪರಡಿಯೊಲ್ಗೆ....! ಅತ್ರಣದ ಕುಮೆತೆಲ್ನ್ ಸತ್ಯದ ಕಮ್ಮ್ಯನೊಡ್ದ್ ಎರ್ತೆ ಪಂದ್ ತೆರಿನಕಲ ನಡುಟ್ ಕಟ್ಟ್ ದ ನರಮಾನಿ ಇತ್ತೆತ್ತೆ ನಿತ್ರಾಣಾದ್ ಚಟ್ಟಾತೆ...!!. ಮಿತ್ಯದ ಎರ್ತೆಲ್ಗ್ ಮುಂಡಾಸ್ ಕಟ್ದ್ ಇಂಚಂಪ್ಪ ಇಂಚಪ್ಪ ಸತ್ಯ ಜಪ್ಪೆಲಾಂಡ್!! .✍🏾: ಶಾಂತಾರಾಮ್ ಶೆಟ್ಟಿ 🌠🌠🌠🌠🌠🌠🌠🌠

ರಾಪಾಟ ====== ಇನಿ ಇತ್ತಿನಾಯೆ ಎಲ್ಲೆ ಉಪ್ಪುಜೆ ಮನುಷ್ಯನ ಇಂಚಾಂದೆ ಪನೆರಾಪುಂಡಾ .....? ಬುಡ್ನ ಉಸುಲುನು ಪಿರ ವೈಪೆರಾಜಿಡ ಮುಗೀಂಡ್ ಕತೆ.... ಅಂಚೆನೇ ಪುಣ ಪಿದಾಯಿ ದೀಪೆರ್ ! ಆಂಡಲಾ ಜೂವೊಡುಪ್ಪನಗ ನರಮಾನಿ ದಾಯೆಗಿಂಚ ರಾಪುಂಡಾ...? 💢ಶಾಂತಾರಾಮ್ ಶೆಟ್ಟಿ.

ಅಂಗಲಾಪು! =========== ಅಂಗಲಾಪುದಾಸೆಡ್ ಕಾಸ್ ದ ಮುದೆಲ್ಗ್ ಕಾರ್ ದೀಯಿನಾಯೆನೇ ಬಡವೆ....! ಬೆಂದಿನಾಯಗ್ ಬಡಪತ್ ಇಜ್ಜಿ ನಾಲ್ ಸಾಲ್ ದತ್ತ್ ದ್ ಬಿತ್ತ್ ದ್ ಬಡವು ಬಾಯಿಗ್ ನುಪ್ಪು ದೀಯಿನ ಮಲ್ಲಾದಿಗೆ ಕಾಸ್ ದಕ್ಕ್ ದ್ ಬೆನೆರಾವ? ಅಪ್ಪೆನ್ ದೆತೊನೊರೆ ಅಮ್ಮೆರೆನ್ ಪತೊನೊರೆ ಆವಂದಿ...., ಮೋಕೆನ್ ತೋಜಾವರೆ ಬೇನೆನ್ ಮಾಜಾವರೆ ಆವಂದಿ...., ಕಾಸ್ ನ್ ಬಡವಾನಗ ತಿನೆರಾವ? ಬೆನೊಡು..., ಅಂಗಲಾಪೊಡು ಗಂಟ್ ಕಟ್ಟರೆ ಬಲ್ಲಿ.... ತಿನೊಡು..., ಕಣ್ಮಂಗಲಾಟೊಡು ಇತ್ತಿನಕಲ ಬಂಜಿಗಾಕರೆ ಬಲ್ಲಿ ! ಬದ್ಕ್-ಬಡವು ದೇವೆರ್ ಕೊರ್ತಿನಾಂದ್ ಪಟು ತಿನೊಡು ಕುಟು ತಿನೆರಾವಂದ್!! ✍🏾ಶಾಂತಾರಾಮ್ ಶೆಟ್ಟಿ ➰➰➰➰➰➰➰

ಮೈಮೆ! ▪▪▪ ಕಾಲದ ಮೈಮೆನ್ ದಾನಿಂದ್ ಪನ್ಪಿನಿ...? ಕಾರ್ಡಿತ್ತಿನ ಮಂಡೆಡಾತ್ಂಡ್ ಮಂಡೆಡಿತ್ತಿನ ಕಾರ್ಗ್ ಪೋತುಂಡು! ಒಂರ್ಭ ತಿಂಗೊಲೊರ್ಮೆ ತುಂಬುದು ಮಾನಾದಿನ ಮಟ್ಟೆಲ್ ಅಪ್ಪೆನೊಟ್ಟುಡು ಪಜೆ - ಬಟ್ಟಲ್ ಪಿದಾಯಿ ಜಗಲೆಡುಂಡು......! ಕೋಡೆ ಕೊನದಿನ ಕಲ್ವನ್ ತೂದುಲಾ ಕೊರೆಪೆರಾವಂದಿನ ಜೂಲು ನಾಯಿ ಉಲಾಯಿ ಹಾಸಿಗೆಡ್ ಜೋಕುಲೊಟ್ಟುಗೇ ಜೈದ್ಂಡ್ !! 📝ಶಾಂತಾರಾಮ್ ಶೆಟ್ಟಿ. 💥💥💥💥💥💥💥                        

ಮಾತಾ ತೆರಿನಾಯೆ ಪಂತಿನಿ(ಸರ್ವಜ್ನೆ) 🔅🔅🔅🔅🔅🔅🔅 ಲೆಪ್ಪಂದೆ ಬರ್ಪಿ ಭಿನ್ನನ್ ಬರೆವಂದೆ ಓದುನ ಕಲಿಕೆದಾಯನ್ ಬಜಿಕಾರ್ ಡ್ ನಡಪುನ ಅಲ್ಪೇಸಿನ್ ಲೆತ್ತ್ ದ್ ಮುಟ್ಟುಡು ರಡ್ಡ್ ..... ಕೊರೊಡುಂಡೆಗೆ ಮಾತಾ ತೆರಿನಾಯೆ! 😀😀 📌 ಶಾಂತಾರಾಮ್ ಶೆಟ್ಟಿ