Manjotti ಮಂಜೊಟ್ಟಿ

ಅಂಗಲಾಪು! =========== ಅಂಗಲಾಪುದಾಸೆಡ್ ಕಾಸ್ ದ ಮುದೆಲ್ಗ್ ಕಾರ್ ದೀಯಿನಾಯೆನೇ ಬಡವೆ....! ಬೆಂದಿನಾಯಗ್ ಬಡಪತ್ ಇಜ್ಜಿ ನಾಲ್ ಸಾಲ್ ದತ್ತ್ ದ್ ಬಿತ್ತ್ ದ್ ಬಡವು ಬಾಯಿಗ್ ನುಪ್ಪು ದೀಯಿನ ಮಲ್ಲಾದಿಗೆ ಕಾಸ್ ದಕ್ಕ್ ದ್ ಬೆನೆರಾವ? ಅಪ್ಪೆನ್ ದೆತೊನೊರೆ ಅಮ್ಮೆರೆನ್ ಪತೊನೊರೆ ಆವಂದಿ...., ಮೋಕೆನ್ ತೋಜಾವರೆ ಬೇನೆನ್ ಮಾಜಾವರೆ ಆವಂದಿ...., ಕಾಸ್ ನ್ ಬಡವಾನಗ ತಿನೆರಾವ? ಬೆನೊಡು..., ಅಂಗಲಾಪೊಡು ಗಂಟ್ ಕಟ್ಟರೆ ಬಲ್ಲಿ.... ತಿನೊಡು..., ಕಣ್ಮಂಗಲಾಟೊಡು ಇತ್ತಿನಕಲ ಬಂಜಿಗಾಕರೆ ಬಲ್ಲಿ ! ಬದ್ಕ್-ಬಡವು ದೇವೆರ್ ಕೊರ್ತಿನಾಂದ್ ಪಟು ತಿನೊಡು ಕುಟು ತಿನೆರಾವಂದ್!! ✍🏾ಶಾಂತಾರಾಮ್ ಶೆಟ್ಟಿ ➰➰➰➰➰➰➰

ರಾಪಾಟ ====== ಇನಿ ಇತ್ತಿನಾಯೆ ಎಲ್ಲೆ ಉಪ್ಪುಜೆ ಮನುಷ್ಯನ ಇಂಚಾಂದೆ ಪನೆರಾಪುಂಡಾ .....? ಬುಡ್ನ ಉಸುಲುನು ಪಿರ ವೈಪೆರಾಜಿಡ ಮುಗೀಂಡ್ ಕತೆ.... ಅಂಚೆನೇ ಪುಣ ಪಿದಾಯಿ ದೀಪೆರ್ ! ಆಂಡಲಾ ಜೂವೊಡುಪ್ಪನಗ ನರಮಾನಿ ದಾಯೆಗಿಂಚ ರಾಪುಂಡಾ...? 💢ಶಾಂತಾರಾಮ್ ಶೆಟ್ಟಿ.

……ಒಂಜಿ ದಿನ❗ ========= ಮದತೆರ್ ಬೆನ್ನಿದ ಬೆರಿಟಿತ್ತಿ ಕಂಡದ ಬರಿಟಿತ್ತಿ ಜನ ಮರಿಯಲ ಇಡೀ ಪೊರಿ ಕಟೊಂದು ಅರು ಬೊಟೊಂದು ಕೆಸರ್ಡೆ ಪೊರೆಲೊದಿಂತಿನ ಪೊನೆರೊಂದಿತ್ತಿನ ಬಂಗಾರ್ದ ಬುಲೆ ಬುಲೆವೊಂದಿತ್ತಿನ❗ ಇತ್ತೆ ಗೊಬ್ಬುಗು ರೆಂಕೆರೆ ಕೆಸರ್ಡೊಂಜೇ ದಿನ..❗ ಊರಿಡಿ ತೂಪರ್ ಮಣ್ ಮೆದ್ಕಂದೆ ಕಣೆ ಕೆದ್ಕಂದೆ ಕಂಡ ಪಡೀಲ್ ದೀತಿನ! ಕಾಲ ಪಿಜಿರ್ನಗ ಗೊತ್ತಾವು ಮಣ್ಣೇ ತಿನೊಡಾವು ನಮ ಒಂಜಿ ದಿನ❗. ✍🏾ಶಾಂತಾರಾಮ್ ಶೆಟ್ಟಿ.

ದರಿದ್ರ ➖➖➖➖ ಮಂಡೆಕಕ್ಕೆ ಮಾಡ ಮದೆಟ್ ಕರೆವನಗ "ಥೂ ದರಿದ್ರ" ಪಂಡುದ್ ಗಿಡತಿನೈಟ್ಟತ್ತೆ....❓ ಕಕ್ಕೆ ರಾವುದು ತಾರೆಡ್ ಕುಲ್ಲುದು ಮಡಲ್ ತಾರಾಯಿ ಬೂರಿನೈಟ್ ಮಾಡ್ ದ ಓಡು ಸಾಲ್ ಡ್ ದರಿನಿ❗ ಮನಿಪಂದೆ ಮದೆಟಿತ್ತಿನಕ್ಲೆನ್ ಮೆದುಕದ್ ಮೆಣ್ಕಾಂಡ ದರಿದ್ರ ನಮ್ಮ ಮೈತ ಮಿತ್ತೆ ❗ ಕಕ್ಕೆ ಐತಾತೆ ಕಲ್ಕುನಾತ್ ಕಲ್ಕುದು.... ದರಿದ್ರೊನು ಗಿಡದುಜಿಡ ಮಾಡ್ ದ ನಾಲ್ ಓಡಾಂಡಲ ಒರಿದು ! 😀😀😀 ✍🏾ಶಾಂತಾರಾಂ ಶೆಟ್ಟಿ.

ದಾನ❗ ===== ಓ ಇಂದಾ.... ಬೇಲೆದಾಲಾ❓ ಒರಿದಿನ ನುಪ್ಪು ತಿನ್ಪುನು ಇನಿ ಈ ಕೊನಲಾ....❗ ಒರಿಯಗೊಂತೆ ಕೊರಂದೆ- ಪತ್ತಂದೆ ಯಾನ್ ಯಾಪಲಾ ಉನ್ಪುಜಿ, ದಾನ್ಯನೋ ದಾನೊ❓ ಇನಿ ನಮ್ಮ ನಾಯಿ ಪಾಡಿನವೆನ್ ಒವ್ವೆನ್ಲಾ ತಿನ್ಪುಜಿ ❗. ✍🏾ಶಾಂತಾರಾಮ್ ಶೆಟ್ಟಿ .

ಮದುವೆಯ ದಿನ ಗಂಡು ಹೆಣ್ಣಿನ ಕೈಯಲ್ಲಿ ಅಡಿಕೆ ತಾಂಬೂಲ.... ಬೊಕ್ಕ... ಬೊಕ್ಕ.. ಬೊಕ್ಕ ದಿನಾ..... ಇಲ್ಲಡ್ ಕಲಕಂಬುಲ❗ 😂😂😂😂😂                         

 ಅವಸ್ಥೆ ====== ಈರ್ ಕಾಸ್ ದಾರಾ? ಇರ್ನ ಪಾತೆರ ಊರಿಡೀ ನಡಪು...., ಓಲ್ಲಾ .... ಮಿನಿ Loss ಆಯರಾ...? ಇರೆನ ಇಲ್ಲದ ನಾಯಿಲಾ ಇರೆನ್ ತೂದು ಪೊಕ್ಕಡೆಲಾ ಕೊರೆಪು ! ✍🏾ಶಾಂತಾರಾಮ್ ಶೆಟ್ಟಿ.