Manjotti ಮಂಜೊಟ್ಟಿ

ನಿನ್ನ ಕಣ್ಣ ನೀರ  ಪಣಿ ಜಾರ್ದು ಬೂರೊಡ್ದು ದುಂಬು ಸಿಮಾ ಗಾಲಿ ಬೀಜು  ಸಂತೋಸದ ತೆಲಿ ನಲಿಕೆಡ್ ಮೋನೆದ ಬೇನೆ ಮಾಜು ಇರ್ಲುದ  ಪಿರವೇ ಪಗೆಲ್  ಉಂಡುಡ ಕಣ ನೀರುಡ್ ದಿನ ದೆಪ್ಪಡ ಬಿಮ್ಮ ಬಿಗಿದ್ ಬೇನೆ ನಿಂಗೊಡು ಇನಿತ ದಿನ ಪೋವು ಬಂಗೊಡು ಎಲ್ಲೆ  ಬೊಳ್ಳಿ ಮೂಡು ಬಾನೊಡು ಅಡಿ ಪತ್ತುದ್ ಬುಲ್ತ್  ಕುಲ್ಲಡ ದಿನ ನಿಲ್ಕೆ ಉಲ್ಲಸ ತೆಲ್ತ್  ನಲ್ತಡ !

 ಸೌಜನ್ಯ...  ಈ ಪಾಂಚಜನ್ಯ! ================= ತೆಲ್ತ್ ನಲ್ತೊಂದಿತ್ತಿನ ಗಿಳಿತ ಕಿನ್ನಿನ್ ಗಿಡಿ ಮುಕ್ಕು ತಿಂಡ್ ಬೇನೆ ದಿಂಗೊಂದು ಬಾಲೆ ಬೇನೆಡೇ ಮಣ್ಣುಡು  ಮಣ್ಣಾದ್ ಪೋಂಡು ನೆತ್ತೆರ್ದ ಪಸೆ ಆಜಿಂಡಲಾ ಕಲೆ ಮಾಜಂದ್ ಜೀವ ಮಾಜಿಂಡಲಾ ನೆಂಪು ಆಜಂದ್ ಪುಟ್ಟಿ ಕರ್ಲುದ ಬೇನೆನ್ ಮಂಜುನಾಥೆ ತೂಪೆ ಅನ್ಯಾಯೊನು  ನುರ್ತುದು ಅಣ್ಣಪ್ಪೆ ಅಪ್ಪೆ ಕಣ್ಣುದ ನೀರುನೋಚ್ಚಾದ್ ಕೊರ್ಪೆ ಪುಚ್ಚೆದ ಗೊಬ್ಬುಗು ನನೊಂಜಿ ಎಲಿತ ಬಲಿ ನನ  ಮನಿಪಂದೆ ಕುಲ್ಲೆರೆ ಬಲ್ಲಿ ಗಟ್ಟಿ ಸ್ವರೋಟು ಲಕ್ಕುದುಂತುಗ ನಮ ನನ  ಎಲಿಯತ್ .... ಪಿಲಿ! ಸೌಜನ್ಯ... ಈ ನಿನನ್ ಮುಕ್ಕಿ ತಿಂದಿನ ರಕ್ಕಸೆರ ನೆತ್ತೆರ್ ಕಕ್ಕಾದ್ ಅಂತ್ಯಗೊದಗಾವರೆ ತುಳುನಾಡೊರ್ಮೆ ಊದಿನ ಪಾಂಚ ಜನ್ಯ !   

ಅಜ್ಜ....  ಪಿಜ್ಜಾ ...ಇಜ್ಜಾ